المقولة المشهورة : راهو مسحور !

[آمِيْرَتُه]

السلام عليكم ورحمة الله تعالى و بركاته


إن شاء الله الكل بخير و بصحة و عافية

بعد ما نفضوا الرتيلة على الركن ههه جيت نكتب فيه كاش منلقو كلمة حلوة تريح القلب راني منشوعة نتاع الصح

كاين ظاهرة شايعة بزاف عندنا في مجتمعنا و هي متعلقة بالمقولة : راهو مسحور :-o
أي واحد شافوه يبغي مرته

يموت عليها ، يقلشها ، يعاونها ، يديرلها كل شي يعلقوا من وراه و يقولو باينة راهو مسحور ، راهي سحراته مرته كيفاش مين طاحت عليه هذي المحبة :s
باينة العقاقر و طالبها صحيح يكتب باليسرى ههه
علاه دايما المراة هي لي تسحر ؟
علاه في رايكم مكانش راجل سحار مثلا ؟ و نقولو باينة راجلها ساحرها
متمنية نشوف COUPLE و نسمع كلمة الله يبارك ربي يطيب المحبة لي بيناتهم
و الله رجعت آمنية عندي

واش رايكم في الظاهرة ؟
برايكم هل كل راجل يحب مرته معناتها راه مسحور ؟
نتوما كي تشوفوا زوج متحابين واش تقولو ؟
اليكم الخط







​

 

[Ma$Ter]

السلام عليكم ورحمة الله
كاينة صح هاذ الحكاية
انا كى نشوف زوج متحابين نعرف راهى كاين عشرة طيبة بيناتهم وكاين حب كبير
وتفاهم
ربي يهدي
بارك الله فيك اختى ​

 

[هدوء المطر]

وعليكم السلآم ورحمة الله تعالى وبركاته
يعطيك الصحة بنت عنابة، تطرقتي لموضوع حساس، صح سمعت هذي الكلمة بزاف، كي تشوف الناس راجل يحب مرتو يغيرو ويقولو السحور اللي بيه، خاصة النساء اللي رجالهم مزيرين عليهم، علآه يا سبحان الله الرسول عليه الصلاة والسلآم ماكانش يحب السيدة عائشة رضي الله عنها؟! ، والراجل ثاني كي تغلبو مرتو يقول السحور اللي بيا، قبل ماتروح للسحور يا ابن عمي شوف روحك ويلا راك راخف الخيط بزاف، وكاين بزاف أمورات يرجعوها الناس للسحور والمتهم الأول فيه هي المرأة بحجة أن النساء ناقصات عقل ودين...!
ربي يهدينا أجمعين إن شآء الله.​

 

[FATIMA 19]

إنْـ شآء الله كل زوجين ربيـ يدوّم المحبة بيناتهم
​

 

[السلطانة]

وعليكم السلام اهلا منمن نورتي
ايواه صح هادي العفسة كاين منها
كان لي يقولوها هاكداك برك وكاين
لي يتعمدو يقولوها وهوما ماشافو بلي مرتو هادي سحراتو ولا نو :-oوهاذا الشي حرام عليهم
لي يحب مرتو ربي يباركلهم
علاه الهدرة العوجة هاذي
حتى انا راجلي مسحور :p:p:p:p
تقبلي مروري ختيتو
راه تنحالي الصداع تاع البارح

​

 

[4algeria Network]

السلام عليكم ورحمة الله وبركاته

هذي هي العقلية DZ لي يحب مرتو مسحور بصح نفس العباد لي يقولو عليه مسحور تلقى بنتهم كي يحبها راجلها يقولو يموت عليها ربي يدوم العشرة .

هكذا العباد في الجزاير تفكيرهم محدود مازال ما شافوش الدنيا الناس راهي وصلت لبعيد وهوما يخمو في السحور ويعملو فيه .

يا مسحور يا بيه عين يا مسكون هذا التفكير السائد حتى لي يمرض يقولو ضربوه يعين ولي ما ينجحش في الباك مسحور ولا سرقولو الباك هههه .

ربي يهدي العباد ويطورهم شوية هذا اسمو تخلف ليس إلاّ .

شكرا .

 

[أم عبد الله]

هههههههههههههههه واش سحركـ عمو آبنتي ههههه
عجبتني ديال يكتب بليسرة ههههه ستيل يامحاينكــ
الله غالب مايقدروش يشوفو الغاشي فرحانين خلاص اتسمى يلزم القتال والزقـآ فـ الدار باش يتهناو الجيران ولا المسيوو صايي مسحور
حبيتـ بركـ نفهم علاش مايقولوش ع المقلقيين لي يدخل يدوس يخرج داير محاين اداخل وبرا علاش مايقولوش مسكين ساحرينو ع مرت وكرهولو معيشتو
يعني السحر كاين غير للمحبة بركـ ...؟
ميرسي منمن ع موضوعكـ الزين آزينة
سلامي​

 

[آمِيْرَتُه]

السلام عليكم ورحمة الله
كاينة صح هاذ الحكاية
انا كى نشوف زوج متحابين نعرف راهى كاين عشرة طيبة بيناتهم وكاين حب كبير
وتفاهم
ربي يهدي
بارك الله فيك اختى ​

آهلا آخي شكرا على الاعتماد
لازم ديما الكلمة الطيبة على اللسان
هذاك منتمنو ربي يهديهم برك
بوركت آخي

 

[آمِيْرَتُه]

وعليكم السلآم ورحمة الله تعالى وبركاته
يعطيك الصحة بنت عنابة، تطرقتي لموضوع حساس، صح سمعت هذي الكلمة بزاف، كي تشوف الناس راجل يحب مرتو يغيرو ويقولو السحور اللي بيه، خاصة النساء اللي رجالهم مزيرين عليهم، علآه يا سبحان الله الرسول عليه الصلاة والسلآم ماكانش يحب السيدة عائشة رضي الله عنها؟! ، والراجل ثاني كي تغلبو مرتو يقول السحور اللي بيا، قبل ماتروح للسحور يا ابن عمي شوف روحك ويلا راك راخف الخيط بزاف، وكاين بزاف أمورات يرجعوها الناس للسحور والمتهم الأول فيه هي المرأة بحجة أن النساء ناقصات عقل ودين...!
ربي يهدينا أجمعين إن شآء الله.​

آهلا آختي
شكون قالك آنا بنت عنابة آنا بنت وهران :p ( راكي باينة مسجلة في الكهف نتاع حواء من لهيه ههه)
راكي عطيتي خير مثال رسولنا الكريم صل الله عليه وسلم
يا ريت كامل الناس تخمم بنفس التخمام نتاعنا الصح
بارك الله فيك
و نسأل الهداية للجميع

 

[آمِيْرَتُه]

إنْـ شآء الله كل زوجين ربيـ يدوّم المحبة بيناتهم
​

آهلا آختي
اللهم آمين
هذاك منتمنو :up:

 

[آمِيْرَتُه]

وعليكم السلام اهلا منمن نورتي
ايواه صح هادي العفسة كاين منها
كان لي يقولوها هاكداك برك وكاين
لي يتعمدو يقولوها وهوما ماشافو بلي مرتو هادي سحراتو ولا نو :-oوهاذا الشي حرام عليهم
لي يحب مرتو ربي يباركلهم
علاه الهدرة العوجة هاذي
حتى انا راجلي مسحور :p:p:p:p
تقبلي مروري ختيتو
راه تنحالي الصداع تاع البارح

​

آهلا شوشو على سلامتك
شفتي العقلية 0
سكتي برك ماشي غير راجلك
حتى المصيبة نتاعي و قالو راه مسحور هههه :d
أيا الحمد الله لي تنحى عليك
و كيما قالك خلي العديان يقولو حتى يكرهو و يملو معندهم مايقولو غير يهدرو هههه
ربي يخليكم لبعض كونطرا على العرب :p

 

[آمِيْرَتُه]

السلام عليكم ورحمة الله وبركاته

هذي هي العقلية DZ لي يحب مرتو مسحور بصح نفس العباد لي يقولو عليه مسحور تلقى بنتهم كي يحبها راجلها يقولو يموت عليها ربي يدوم العشرة .

هكذا العباد في الجزاير تفكيرهم محدود مازال ما شافوش الدنيا الناس راهي وصلت لبعيد وهوما يخمو في السحور ويعملو فيه .

يا مسحور يا بيه عين يا مسكون هذا التفكير السائد حتى لي يمرض يقولو ضربوه يعين ولي ما ينجحش في الباك مسحور ولا سرقولو الباك هههه .

ربي يهدي العباد ويطورهم شوية هذا اسمو تخلف ليس إلاّ .

شكرا .

آهلا بالعمدة :regards01:
هذيك هي خويا العقلية نتاع التخلف و راك زدت نقطة مهمة نسيتها ههه نفس لي يتهموا وحدة بسحور تلقاهم يشكروا في بنتهم لي يحبها راجلها
كيما قلت ربي يهدي عباده
و مشكور على المرور

 

[آمِيْرَتُه]

هههههههههههههههه واش سحركـ عمو آبنتي ههههه
عجبتني ديال يكتب بليسرة ههههه ستيل يامحاينكــ
الله غالب مايقدروش يشوفو الغاشي فرحانين خلاص اتسمى يلزم القتال والزقـآ فـ الدار باش يتهناو الجيران ولا المسيوو صايي مسحور
حبيتـ بركـ نفهم علاش مايقولوش ع المقلقيين لي يدخل يدوس يخرج داير محاين اداخل وبرا علاش مايقولوش مسكين ساحرينو ع مرت وكرهولو معيشتو
يعني السحر كاين غير للمحبة بركـ ...؟
ميرسي منمن ع موضوعكـ الزين آزينة
سلامي​

آهلا نينا
ههه واه يكتب بليسرى كل شي ممكن
شفتي السحور يرجع غير للمحبة أما الكره عمرهم ماقالو راه سحر
شعب منعرف اذا رايح و لا جاي
العفو منورة آختي
وبلاك يسحورك :p