السلام عليكم اهل اللمة كيف حالكم ان شاء الله تكونوا بخير ياربي
كرهت... كل اليوم نقول غدوة ندير ريجيم و نهار يجيب نهار بصح كي شفت هذا الركن
تشجعت و كيما قلت فالعنوان نديروا حملة ذات منفعة عامة ههههههه
نقصد حملة فالمنتدى نديروا رجيم جماعي و كل واحد في داروا
نحكوا كل واحدة واش كلات فنهار نحطوا برنامج واحد نطبقوه كامل كيفكيف
طريقة
1-نبداوا كل واحد يحط وزنوها وطولها
2- كل واحد يحط نظام غذائي لي يناسبوا باش نخليكم على
راحتكم
3- كل واحد يحط لي يناسبوا من الرياضة لي تقدروا عليها
و يقد هذا الموضوع موضوع نقاش اي حاجة تصرالكم واي مشكل
حطوه و نحل كل مشاكلنا كاسرة واحدة
و ما شي عيب نكون سمان العيب كي مانحلوش هذا المشكل
ان شاء الله بعد كل الجهد الطويل نلقى النتيجة
و كي تشياني كلش يتبدل فيك شعرك يولي اكثف البشرة
تولي افضل و هذا قول الناجحين في الرجيم
حبيباتي تستطيعون فعل كل شئ
لا يوجد شئ مستحيل امام الارادة القوية و الحماس
باش نزيدوا الحماس نديروا منافسة يعنى نبداوا من غدوة السبت 9 جانفي كل
واحد يوزن روحوا
ويحط وزنوا و والميزان يكون كل اسبوع يعنى كل سبت ندخل نقول الميزان
ونشوف صاحبة اكبر معدل نزول ونلقبها بلقب "رشيقة الاسبوع"
واش رايكم و يكون افضل ندخلوا كل يوم باش نعرفوا واش راكوا دايرين فالرجيم
باش كل واحدة تعيا من الرجيم نشجعوها
بصحتك :d وادعيلنا هههههههه
