عروووووووووووووووووسة جديدة باه نبدا

[NADA ELWARD]

سلاااااااااااااااااااااام يا عراس انا عندي اسبوع ملي تخطبت و عرسي لعام لجاي انشاااااااااء الله بصح ماني مجهزة واااااااااااااالو وماعلاباليش باه نبدا :s ربي يخلييييييييييييييييييكم اخواتي اقترحو عليا وعاونوووووووووني بنصائحكن

 

[RoseBonbon]

كل شيء مبروك حنونة

ربي يتمم لككل شيء بخير


برأيي أبداي بالصوالح نتاع الخياطة خاتش يدو بزاف وقت


مثلا الفراش الشورة

وأشري الأغراض في نهاية الموسم


يعني مثلا ملابس الشتاء إشريها في نهاية فصل الشتاء خاتش يصولديوها

 

[أم عبد الله]

كلشي مبروك ختيتي ربي يكملك ع خير
مممم انت سطايفة والله ماعلابالي ف العاداتـ عندكم واش لازم تدي العروسة
مي تبداي نوغمالمو بالحاجاتـ الصغار باسكو هوما صغار مي يشدو اليد ويلزم اديري لاليستـ
مثلا انـآ بديت بدوزان الحمام شريتـ كلشي تقريبا من لوازم ليا وليه
الشورة ديالي راني نخدم فيها شريت لي كوفغولي الكوفيرطا ولي كواتـ مازال ماخرجتش
ومنا للعام الجاي ماتقدريش تشري الطايوراتـ و لي كوستيم باسكو يدخلو حوايج جدد
عليك وع لبساتـ الدار جبب و وو هاذوما كامل داخلين ف الحاجاتـ الصغار لي قتلكـ عليهم
ومن بعد اتبازي ع الخياطة
انتوما ف سطيف واش يلزم لعروس تدي
وتبداي تقيمي مع نفسك الا تشري ولا تخطي يعني واش يخرج عليك شخصيا
المهم حبوبتي ف جهاز العروسة
الحاجة لي تشريها تكون مهمة واتنقصيها م الحساب وعليك ع الحاجات المهمة ومن بعد جوزي للكماليات

مممممممممم هذا رايي غلاتي باسكو انا تانيت راني انجهز مممممممم ان شاء الله نكون افدتك ولو بالقليل باسكو احنا العاصميات ماشي كيفكم
سلامي​

 

[طيف الشتاء]

اهلين،كل شي مبروك عليك اختي
الحق دركا كون تشري حاجة مايوصلش عرسك وتلقاي بزاف جديد خرج
ه‍هه أنا نقولك وجدي دراهمك وحطيهم لهيه حتى يقرب عرسك ان شاء الله....ههههاسمحيلي هذا ماعندي
ربي يوفقك ويكملك:$
تقبلي مروري
طيف الشتاء

 

[iman-dz4ever]

الف مليون مبروك وربي يهنيك
اول حاجة ابداي بالخياطة والحوايج الي تصحق دوموند
ومن بعد الفراش و اللبسة واهم حاجة الدهب ابداي بيه مادومو هبط في السومة
والله اعلم انا ما نقدرش نفتي ياسر لانو انا مازالني في حكم المؤجل
​

 

[NADA ELWARD]

يبارك فيكم اخواتي وربي يكمللكم على خير و لعقوبة ليمازالو انشاء الله
حنا السطايفيات لازم نديو معنا كلش اللبسة الفراش الغطاء والحوايج لوخرين و اهم حاجة عندنا و ليركزو عليها مليييييييييييييييح هي الذهب سوووووووووووووورتو السنتورة مكروشية ومعششة واش تدي واش تخلي

 

[السلطانة]

اهلا اختي كلشي مبروك ربي يكملك بالخير ان شاء الله
تقدري تستفادي من مواضيع الاخوات هنا
ركن حصريات عرائس اللمة

 

[بنت الـ25]

السلام عليكم اختي
اولا بالبراكة عليك وربي يتمملك على خير ان شاء الله
انا نقترح عليك ديري كيما أنا ابداي بالخياطة هي اللي تدي الوقت
هكداك نهار يوصل عرسك ما تبقايش تجري من خياطة لخياطة
وتاني قنادر التصديرة التقال لكان رايحة تخدمي يا ربي من دوكا تحطي خاطر يديو الوقت والدراهم
الشي لي يبقا من فراش وملابس داخلية وبيجدامات وكوسميتيك ...الخ خلي كلشي كي قرب عرسك
لميلهم دراهمهم وحطيهم على جنب
باش الجديد اللي يخرج اخرجي معاه خخخخخ
وربي يهنيك اختي الهنا كل كلش
​

 

[أمونة المتألقة]

ألف مبرووووووووووك أختي

نقولك أنا باه بديت ..... أنا تخطبت في الربيع

بديت أولا بالذهب على خاطر هو اللي يدي الدراهم بزاف و مع أني خدامة و مالحقتش

ثم بديت بالخياطة في الصيف خيطت جبب تاع دار و ضك في الشتا خيطت جبب قطيفة تاع دار و مناسبات و شريت بيجامات و بابوشات تاع الشتا ....... وناوية ضك ان شاء الله نشري زاورة و مونطو تاع خرجة

و حطيت على البساطات باه ماننساكش

كل واحد حسب راهمو أنا كل شهر ندير حاجة

و راني نخمم في الربيع نبدا بالتصديرة باه ندير الحاجة اللي ماتفوتش لامود تاعها

أنا عطيتلك واش درت أنا مع العلم أني من سطيف

تقبلي مشاركتي أختي و ربي يهنيك

​

 

[قوقا]

السلام عليكم اختي
اولا بالبراكة عليك وربي يتمملك على خير ان شاء الله
انا نقترح عليك ديري كيما أنا ابداي بالخياطة هي اللي تدي الوقت
هكداك نهار يوصل عرسك ما تبقايش تجري من خياطة لخياطة
وتاني قنادر التصديرة التقال لكان رايحة تخدمي يا ربي من دوكا تحطي خاطر يديو الوقت والدراهم
الشي لي يبقا من فراش وملابس داخلية وبيجدامات وكوسميتيك ...الخ خلي كلشي كي قرب عرسك
لميلهم دراهمهم وحطيهم على جنب
باش الجديد اللي يخرج اخرجي معاه خخخخخ
وربي يهنيك اختي الهنا كل كلش
​

​

كيما قالت الاخت لازم تبداي بصوالح التصديرة على خاطر يشدو الوقت
انا بين الخطبة والعرس 4 سنين تعرفي واش درت خيطت صوالحي في اول ايام الخطبة وبقات اللزيستراس و القيط نتاع القفطان وهدوك الصوالح نتاع الخياطة خليتهم حتى كي قرب عرسي هاكدا باه ندي حاجة مودال ههههه
وراح تلقاي بعضهم في المنتدى ههه
والفراش كدالك نفس الفكرة خليت الغلاف اللاخر
ومنبعد اشتريت الدهب كي بقالي عام و 6 شهر للاخرا اشتريت فيها القش و صوالح الحمام واخر حاجة المكياج و الحوايج الخفاف كيما اقمصة النوم والفيزووات والبونتانات و لي بوانت

واكسسوارات نتاع الشعر كنت كل مانشري حوايج ويبقى الصرف هههه نخطف حاجة خطرا سيغتات خطرا كغاب وكل خطرا كيفاش ههه حتي لقيت روحي شاريا حانوت هههه و
هدي فكرتي انشاالله تعجبك وسلااامي والله يسخر حبيبة

 

[zozo firem]

رب يباركلك ختي

انا تان راني كيما نتي نجهز الحاجة لولة لي بديت بيها هي الكارني و ستيلووو هههههههه و ماركيت كلشي نسحقو و معولا عليه باذن الله

من بعد بديت بالحوايج التقااال لي يدو وقت باه ديسيدي كيما التفريشة و الدهب و و من بعدهم الحوايج لي خفاف ولله ما يبانولكش حاجة

مي بغيت نقولك على لي صرالي تكوني معولة على حاجة تولي في حاجة خرى حب يقول كنت نبدل رايي مي مشي بزاف قصدي

نقولك تتاكدي قبل ما تكملي الدراهم :p

و النصيحة الاهم هي شري الحوايج لي تعرفي روحك تستغليهم مشي غي للفشخرة و صايي و انت تعرفي لي يخرج عليك

و انشالله رب يكملك على الف الف خير :d نشالله مطولتش عليك

 

[آهات القلب]

كلشي مبروك عليك

 

[NADA ELWARD]

يبارك فيكم اخواتي وشكرا لكن رايحة ندي بنصائحكن

 

[خديجة 19]

ابداي بالصلاة والقيام والدعا لوفقك الله في هذه الحيا الجديدة التي اتمنيان تكون سعيدة ثم خذي معك لوازم اسعاد زوجك ن ود وحب واحترام وكمية لا باس بها من صبر وتوكل وخذي قدر ما تستطيعين من ايمان ويقين بالله و التزام بشريعته وسنة نبيه صلي الله عليه وسلم وفي الاخير تذكري ان خير الزاد التقوي وان ايسركم مهورا اكثركم بركة واعلمي انني اقصد الخير لا العتاب ولا اللوم لان رضا الزوج سبب من اسباب الدخول الي الجنة وهذا ما اتمناه لك وبارك الله لكما وبارك عليكماوجمع بينكما في خير