المآكيــآج و المآريــآج ♥

[ضآحكة مستبشرة]

السلآم عليكم و رحمة الله تعآلى و بركآته

مرحبآ بنآس اللمة لعزآز نتمنى تكونوآ في اتم الصحة و العآفيه

يآ سيدي خلينآ نبدآو على بركة الله

رح نحكو على مغير البنآت 100/100 وهـــــــو :

و الي بدل حيآة بزآف نآس
درك البنت حآشآ بنآت الفآميلية كي تجي خآرجة من دآرهم متخرجحتى تتصبغ وجهآ تقول راو حيط تبنتر فيه
تحط من لحمر و من لزرق و من لخضر تولي قوس قزح

و آسوختي مع اللبسة و تخرج و كي تجي تحكي يقولولك المآكيآج طريج المآريآج
علآش ؟ من وقتآه المكيآج ولآ عفسة للزوآج ؟؟
انآ مفهمت وآلو
طفلة عمرهآ منبآ موصلش لـ 16 سنة تخرج كي لعروس من دآرهم

اين الوآلدين
اين النآس الي تقدم النصيحة

و علآش يديروآ المكيآج في رآيكم
و هل انتم ضد هآد الفكرة ام معهآ ؟

بنآت اللمة علبآلي بلي تديروهآ شكون تبيع على روحهآ ؟ ههههههههه :p

رآني نسنى فيكم
تتمسآو بخير​

 

[السلطانة]

وعليكم السلام اعتماد للموضوع
لي عودة للتعقيب ان شاء الله

 

[: Imane :]

ههههههه و الله صح سيرتو في الليسي
تقول رايحين لعرس ! :/
انا شخصيا ما ندير في العرس ما ندير برا
ما زلت صغغغيرة على هاذ الششي كامل
انا ضد الفكرة تع اللي تخرج بالماكياج
على الاقل يكون مقبول شويا اذا ما تقدرش تتخلى عليه
بصح مش بهذاك الشكل اللي ولينا نشوفو البنات كيفاش عاملين
هذا رأيي انا !
و يعني مش محتاجين الماكياج باش يبانو زينات على كل حال $$:
يعطيك الصحة على هذا الموضوع ^^

 

[أم عبد الله]

ههههههههههههههههه الله ياموضوعكـ آبنتي
صايي ولاتـ ثقافة الماكياج ( خداع المومنين كيما كان يقول بابا سيدو الله يرحمو )
ياختي شبح العنوسة ماعلاباليش علاش راهو يلاحق جيل 1999 وطلع يخافو مايتزوجوش ولا ماعلاباليش تلقايهـآ وجهـآ طفولي تروح تلعب بيه بلي بوماد وزيد الحواجب لقط لسق وماعلاباليش حتى تشوفيها سعاتـ بلاش تنخلعي فيهـآ
تخرج م الدار بيا ستيكي تقوشي رايحة لعرس ماشي لليسي وساعـآتـ والله فـ السيام تلقايها حطة والحطة تسال عليهـآ
مرة درنـآ حفلة للاطفـآل فـ المسجد ديال الحي لتوزيع الهدايا تشجيع للنجاح وحفظهم لجزء من كتـآب الله
راني نحكيلكـ ع بنـآتـ من 5 سنين للـ 10 يابنتي بز راحتلكـ للحفافة الشعر مسشور الماكياج واللبسة تقوشي ماشي الحفلة فـ المسجد لوكان عملنـآهـآ فـ الصالة بالاكـ تليق بـ الستيل هذاكـ
مانيش عارفة الا الامهـآتـ هبلو و عادو يعلمو بنـآتهم الشي هذا سكارة فـ الوقتـ لي ماعاشوهش هومـآ والا كاين سبب راه عاد مجهول عندي
وزيد دور الاب والاخ وين كي تخرج الطفلة تقوشي بيكاسو دار دورة عندهم
يظهرلي حكيتـ بزاف ايا ختيتي نخليكـ
سلامي​

 

[آمِيْرَتُه]

السلام عليك
آهلا
عمره مكان المكياج طريق للمارياج
الأخلاق و الأفعال و الكلمة الطيبة هي تاج آي طفلة
عن نفسي نكره المكياج نبغي حاجة خفيفة برك و في المناسبات فقط
أما باقي الأيام عادية
تحيا الزين الطبيعي سيرتو لكان خمري ههه :p
ربي يهدينا و يهديهم

 

[السلطانة]

وعليكم السلام راني جيت
صح اختي الماكياج راه آفة بمعنى الكلمة
نورمالمون راه عندو وقتاه يندار
مثلا : في عرس ،في المنزل ،تعملو المرى لراجلها
مي الجزايرية تخلط بركا
تعملو في الصباح في الليل نورمال
وتاع باه تتزوج هاذا تفكير تاع وحدة لاعلاقة بعد
جامي شفت راجل اتزوج بوحدة على جال الماكياج :s
هيا تحسب بلي الماكياج يزوجها مي راه ياتيري برك تدير النش لعمرها
شكرا اختي تقبلي مروري
سلام
​

 

[بنت الـ25]

خداع المومنين ههههههههه
موضوع جميل اختي عاشقة الجنة
كاين اللي عندهم هاد التخمام مي ما تالمو تخمامهم محدود ما داروش حساب لمبعد

مرة قريت فجريدة النهار وحدة قالتهم راني خايفة نخرج نهار لول تع رمضان
قالت انا مخطوبة لشاب اعجب بي كي نجي رايحة للخدة تقدم لخطبتي ووافقت
هو بوقوس وحبيتو .... الخ مي المشكلة اني خايفة يشوفني نهار لول تع رمضان يبطل عليا
فأنا قبل ما نخرج نقعد ساعتين قدام المراية ندير كوش في كوش خاطر بشرتي بزاف فاسدة وتاني عينيا صغار مالفة نبينهم كبار بالمكياج
وفرمضان كوم مراحش نحط المكياج خايفة يشوفني يتشوكا كيفاش ندير؟
انا مت عليها بالدحك شه تستاهل تغير في خلق الله

ووحدة صحبة بنت خالي قالتلها انا مالفة ندير الماكياج
مي فسمانتي اللخرة تع العرس قلت منديرش نخل البشرة تريح
اضطررت لأان اخرج فهديك السمانة تلاقيت راجلي صدفة ما عرفنيش مع اللول
قالتلها ممبعد قالي اختي شبهتك لوحدة ما عرف لكان هي وسامحيني على الديرونجمون
قاتلو اني انا هي
قاتلها تشوكا وراح ما هدر والو ، كي وصل للدار عيطلي قالي علابالك كون مجاتش سمانة لخرة تع العرس والله ما تدخلي لداري


وخلي وخلي وخلي ...
​

 

[ضآحكة مستبشرة]

وعليكم السلام اعتماد للموضوع
لي عودة للتعقيب ان شاء الله

وعليكم السلام راني جيت
صح اختي الماكياج راه آفة بمعنى الكلمة
نورمالمون راه عندو وقتاه يندار
مثلا : في عرس ،في المنزل ،تعملو المرى لراجلها
مي الجزايرية تخلط بركا
تعملو في الصباح في الليل نورمال
وتاع باه تتزوج هاذا تفكير تاع وحدة لاعلاقة بعد
جامي شفت راجل اتزوج بوحدة على جال الماكياج :s
هيا تحسب بلي الماكياج يزوجها مي راه ياتيري برك تدير النش لعمرها
شكرا اختي تقبلي مروري
سلام
​

شكرآ ع المرور
نورتي الموضوع سآندي
و الله المعروف انو المرة تتزين بيه لزوجهآ و في لعرآس
مي درك ولآت تقولك المكيآج سر المآريآج
النآس نآقصة عقل وآش تحكي و آش تخلي يا شوشو
نورتي​

​

 

[ضآحكة مستبشرة]

ههههههه و الله صح سيرتو في الليسي
تقول رايحين لعرس ! :/
انا شخصيا ما ندير في العرس ما ندير برا
ما زلت صغغغيرة على هاذ الششي كامل
انا ضد الفكرة تع اللي تخرج بالماكياج
على الاقل يكون مقبول شويا اذا ما تقدرش تتخلى عليه
بصح مش بهذاك الشكل اللي ولينا نشوفو البنات كيفاش عاملين
هذا رأيي انا !
و يعني مش محتاجين الماكياج باش يبانو زينات على كل حال $$:
يعطيك الصحة على هذا الموضوع ^^

شكرآ ع المرور

الله يخليك ايمآنو نورتي يا الفحلة
و الله مآم انآ
ديجآ لبنآت فالليسي تقوليهم عآرضآت ازياء جاو يوريو لطآي و الزين
و الزين في العقلية و الدين
موش فلخمآج لي يعجبوآ بيه روآحتيهم​

​

 

[ضآحكة مستبشرة]

ههههههههههههههههه الله ياموضوعكـ آبنتي
صايي ولاتـ ثقافة الماكياج ( خداع المومنين كيما كان يقول بابا سيدو الله يرحمو )
ياختي شبح العنوسة ماعلاباليش علاش راهو يلاحق جيل 1999 وطلع يخافو مايتزوجوش ولا ماعلاباليش تلقايهـآ وجهـآ طفولي تروح تلعب بيه بلي بوماد وزيد الحواجب لقط لسق وماعلاباليش حتى تشوفيها سعاتـ بلاش تنخلعي فيهـآ
تخرج م الدار بيا ستيكي تقوشي رايحة لعرس ماشي لليسي وساعـآتـ والله فـ السيام تلقايها حطة والحطة تسال عليهـآ
مرة درنـآ حفلة للاطفـآل فـ المسجد ديال الحي لتوزيع الهدايا تشجيع للنجاح وحفظهم لجزء من كتـآب الله
راني نحكيلكـ ع بنـآتـ من 5 سنين للـ 10 يابنتي بز راحتلكـ للحفافة الشعر مسشور الماكياج واللبسة تقوشي ماشي الحفلة فـ المسجد لوكان عملنـآهـآ فـ الصالة بالاكـ تليق بـ الستيل هذاكـ
مانيش عارفة الا الامهـآتـ هبلو و عادو يعلمو بنـآتهم الشي هذا سكارة فـ الوقتـ لي ماعاشوهش هومـآ والا كاين سبب راه عاد مجهول عندي
وزيد دور الاب والاخ وين كي تخرج الطفلة تقوشي بيكاسو دار دورة عندهم
يظهرلي حكيتـ بزاف ايا ختيتي نخليكـ
سلامي​

شكرآ ع المرور
نورتي ام عبد الله الفحلة
لالا تعجبيني في هدرتك نورتي الموضوع
و الله 1999 ولآت عآدي يآو جماعة 2000 و طلع خلآت بيهم تقولك نطفر وآحد قبل لآ يفوتي الترآن
عمبآلهم كي عندهم صحآبهم بآلآك رآجلهآ تتزينلو
تقولك انا نشبحك ل...... الله يهعدينا
و تقولك راجلي وش دخلك
و الامهات تحيري فيهم بناتهم يخرجوا كي الحمامات من عندهم و الخو يعايروه بختو وهو و الله معلبالو
يآو رآنآ فزمآن الوآحد قد ميشد روحوآ يقول غير شوي

نورتي و ربي يحفظلك بنآتك​

​

 

[ضآحكة مستبشرة]

السلام عليك
آهلا
عمره مكان المكياج طريق للمارياج
الأخلاق و الأفعال و الكلمة الطيبة هي تاج آي طفلة
عن نفسي نكره المكياج نبغي حاجة خفيفة برك و في المناسبات فقط
أما باقي الأيام عادية
تحيا الزين الطبيعي سيرتو لكان خمري ههه :p
ربي يهدينا و يهديهم

شكرآ ع المرور
و عليكم السلام
و الله يا امون انا و ياك علبانا مي الغاشي الراشي واش تديري
يآك يقولك الصح مش فالزين الصح فلعقلية و الدين
و الفآهم يفهم
ههههههههه و الله يحياو الخمريآت كيفي ههههههههه
نورتي يا العسل​

 

[ضآحكة مستبشرة]

خداع المومنين ههههههههه
موضوع جميل اختي عاشقة الجنة
كاين اللي عندهم هاد التخمام مي ما تالمو تخمامهم محدود ما داروش حساب لمبعد

مرة قريت فجريدة النهار وحدة قالتهم راني خايفة نخرج نهار لول تع رمضان
قالت انا مخطوبة لشاب اعجب بي كي نجي رايحة للخدة تقدم لخطبتي ووافقت
هو بوقوس وحبيتو .... الخ مي المشكلة اني خايفة يشوفني نهار لول تع رمضان يبطل عليا
فأنا قبل ما نخرج نقعد ساعتين قدام المراية ندير كوش في كوش خاطر بشرتي بزاف فاسدة وتاني عينيا صغار مالفة نبينهم كبار بالمكياج
وفرمضان كوم مراحش نحط المكياج خايفة يشوفني يتشوكا كيفاش ندير؟
انا مت عليها بالدحك شه تستاهل تغير في خلق الله

ووحدة صحبة بنت خالي قالتلها انا مالفة ندير الماكياج
مي فسمانتي اللخرة تع العرس قلت منديرش نخل البشرة تريح
اضطررت لأان اخرج فهديك السمانة تلاقيت راجلي صدفة ما عرفنيش مع اللول
قالتلها ممبعد قالي اختي شبهتك لوحدة ما عرف لكان هي وسامحيني على الديرونجمون
قاتلو اني انا هي
قاتلها تشوكا وراح ما هدر والو ، كي وصل للدار عيطلي قالي علابالك كون مجاتش سمانة لخرة تع العرس والله ما تدخلي لداري


وخلي وخلي وخلي ...
​

شكرآ ع المرور
نورتي الاخت ربي يحفظك
و الله لحكآيآت بزآف
و المآكيآج راح يغطي بزاف وجوه موخشة حآشآ خلقة ربي
مي النآس بدلت فروحهآ بزآف
و ربي يهدينآ نورتي​

​

 

[لؤلؤة قسنطينة]

و عَليكُم السّلام ورحمةُ الله وبركاتُه
شُكراً أختي الكريمة على هذا الموضُوع الذي اعتبرُه من جهتِي موضوعاً حسّاساً ،، لماذا موضوع حسّاس ؟؟
أوّلاً لأنّهُ أكبر فتنة في المجتمع ،، بدون الكلام عن الثياب هُناك فتيات يرتدين ملابس محتشمة ولكن كلّ تلك الزخارف على وجوههن تلفت الأنظار وتجلب لهن الأذى ،، هذا من جهة ومن جهة أخرى كما ذكرتِ أين الأهلُ هُنا ؟؟؟ أينَ الأُم وأين الأب وأين الأخ وأين الزّوج ؟؟
الأمُّ لديها عُذر وهو " أرِيدُ لإبنتي أن تتزوّج وأن تكُون أجمل من بنات الجيران " والأب لديهِ عُذر " الأمّ هي المكلّفَة بالتّربية " ،، الأخ عذرُه هو " لديها أهلها وهم من يتحكّمون بها " ،، والزّوج عُذره هُو " أريد لزوجتي أن تكون جميلة عند خروجها من البيت حتّى أتفاخر بها أمام الغير" و الله يا أختي كلّ هذه الأعذار لم أذكرها صُدفة بل مرّت معي في الواقع ،، بصراحة يا أختي وباختصار نحن قوم نُريد ارضاءَ الخلقِ وليس الخالق ،، ورسالتِي لكلّ فتاة مهما تزيّنتِ ومهما تجمّلتِ فلن تتزوّجي إن لم يكتُب لك الله الزّواج ،، وبالعكس قد تتزوّجين حتى ولو تضعي كلّ تلك المساحيق ،، فالزّواج مكاتيب وضعت لكل شخص قبل ولادته ،، واعتذر على التأخير وجزاكِ الله خيراً​

 

[♫الباحثة عن الحظ♫]

سلام عليكم

ايه مواضيعك يهبلو زيك يعجبوني كثري منهم

بو صح المكياج يبدل و يبرز جمال الفتاة وهادي حقيقة لكن انا نحكي على مكياج ماشي لبانتور ههههه
لبنات يحاولو يبرزو نوع من حلاوتهم بوضعه لكن مش يعرفو يفرقو بين اللمسات الخفيفة و لوحات الفنية ههه
تروح تزين روحها ترجع تخلع تفوت عليك الوان الكل في وجهها تحاول تقلد جميلات الشاشة تروح فيها ومش تخرج زيهم خلاه خلاه

شوفي من جهة والدين وينهم واعلاه ساكتين راح نقولك كاين اباء مش يدخلو رواحهم
كاين تاني لي متديرش هكاك في الدار حتى تخرج من دار باه تحط وهادي كل سبابها لبنات و انتوراج
تاني الطفلة بطبعها حساسة مثلا تفوت على جماعة اولاد لسانهم طويل ايا يقولها المزعوقة هي تغيضها واش ادير تقول ندير مكياج بلاك نولي شابة للاسف تاثير على النفسية تاعها

شكرا ليك تحياتي
​

 

[Pyar]

السّـــلآام علييكم..
إييه نتومـآا تحكيو على مولآت الـ16 والـ17 يآو هآدي نوغمآل..
أروآحو نحكيلكم أنآ هههه
آنآ عندي صحآبآتي (ف عمرهم 13-14) يجيو للسيآم
غيير بالكحل والغوج إيلآv سينو يموتو بلآك هههههه
وحدة منهم عندها ختها الكبيرة لي ف عمرهآ 15
عرسهآ ف مآرس هآدآ ههههههه إيمآجينيو ويآ حوجتآآه عليهآ هههههه
والأولى تدير هآك بآه مآم هيآ تولي كيمآ ختهآ وتتزوج بعد عآم بلآك هههه
أنـآا متعآيشة مع هآد العقليـآات المريضة (مع شديد الأسف)
لآزم تدير مآكيآج بآه تتزوج سينو تبوور وتوصل للـ16 ('' hhhhh
ربي يهديهم برك ، والله لوكآن نبــدآ نحكي مآتفرآش..
هآدآ هو الجيل لي كنت نقلو الجييل الألمآسي ههههه
مغسي ع السوجي حبوبتي
تحيــآاتي ^^
​

 

[Ryry_Ndj]

السلام عليكم
اسماء موضوع رائع
واش نقلك لبنات عاد المكياج عندهم كيما كي تشربي الماء يعني لازم يديروه يومي لو حتى تتاخر المهم تجي بيه
عدنا كي تدخل لليسي حاشا البعض تقول راكي في قاعة حفلات هذاك المكياج يديروه لوحة فنية
كي تتناقشي معاهم وتقوليلهم مزالك صغيرة تقولك المكياج طريق المارياج هذا هو الرد المتكرر يا سبحان الله
راسك يحبس في بلاصتو
يعني واقع مرير نعيشوه حاليا نطلبوا من ربي الهداية للجميع ويثبث قلوبنا على الطاعة والايمان
تقبلي مروري

 

[nina usma]

السلاام عليكم و رحمة الله و بركااته
هههه عجبني السوجي دياالك
اناا نديير المكياااج كي نخرج مي خفيف شوية لايوناغ و ماجيك خخخخخخ
مي شاابة دوريجين الحمد لله هههههه
مي حى ولى عمري 20سنة و تخطبت باه وليت ندير ....
صح كااين لي يقول عليه خداع المومنين خخخخ و كااين لي تديرو ما توليش كاامل شااابة و الله
مي و الله ما يبدل بزاااف لي شاابة شاابة يباان عليهاا
و ما شكيتش عندو علااقة ب المااريااج .. زعما غير لبنااات لي يخدعو ليجاان ف هااد الصوالح
حتى النواظر عند الرجاال خداع المومنااات هههههه
المارياااج مكتووب ختيتي ... و لي دير الكيااج تتعشى عل الحلاااب خخخخ
بااارك الله فيك ..​

 

[أم عبد الله]

شكرآ ع المرور
نورتي ام عبد الله الفحلة
لالا تعجبيني في هدرتك نورتي الموضوع
و الله 1999 ولآت عآدي يآو جماعة 2000 و طلع خلآت بيهم تقولك نطفر وآحد قبل لآ يفوتي الترآن
عمبآلهم كي عندهم صحآبهم بآلآك رآجلهآ تتزينلو
تقولك انا نشبحك ل...... الله يهعدينا
و تقولك راجلي وش دخلك
و الامهات تحيري فيهم بناتهم يخرجوا كي الحمامات من عندهم و الخو يعايروه بختو وهو و الله معلبالو
يآو رآنآ فزمآن الوآحد قد ميشد روحوآ يقول غير شوي

نورتي و ربي يحفظلك بنآتك​

​

ههههههه ياه واش م الفرق عـآم بركـ ياحبيبتي هههههه
خليهـآ تتشبح اختيتي ع الاقل يمـآهـآ تتهنـآ منهـآ خير مـآ تبورلهـآ ثان :down:
ميرسي غلاتي مي اسمي نينـآ كيمـآ قتلكـ فـ التقييم (ادعيلي ربي يتمملي ع خير:$ )
سلامي​

 

[ضآحكة مستبشرة]

و عَليكُم السّلام ورحمةُ الله وبركاتُه
شُكراً أختي الكريمة على هذا الموضُوع الذي اعتبرُه من جهتِي موضوعاً حسّاساً ،، لماذا موضوع حسّاس ؟؟
أوّلاً لأنّهُ أكبر فتنة في المجتمع ،، بدون الكلام عن الثياب هُناك فتيات يرتدين ملابس محتشمة ولكن كلّ تلك الزخارف على وجوههن تلفت الأنظار وتجلب لهن الأذى ،، هذا من جهة ومن جهة أخرى كما ذكرتِ أين الأهلُ هُنا ؟؟؟ أينَ الأُم وأين الأب وأين الأخ وأين الزّوج ؟؟
الأمُّ لديها عُذر وهو " أرِيدُ لإبنتي أن تتزوّج وأن تكُون أجمل من بنات الجيران " والأب لديهِ عُذر " الأمّ هي المكلّفَة بالتّربية " ،، الأخ عذرُه هو " لديها أهلها وهم من يتحكّمون بها " ،، والزّوج عُذره هُو " أريد لزوجتي أن تكون جميلة عند خروجها من البيت حتّى أتفاخر بها أمام الغير" و الله يا أختي كلّ هذه الأعذار لم أذكرها صُدفة بل مرّت معي في الواقع ،، بصراحة يا أختي وباختصار نحن قوم نُريد ارضاءَ الخلقِ وليس الخالق ،، ورسالتِي لكلّ فتاة مهما تزيّنتِ ومهما تجمّلتِ فلن تتزوّجي إن لم يكتُب لك الله الزّواج ،، وبالعكس قد تتزوّجين حتى ولو تضعي كلّ تلك المساحيق ،، فالزّواج مكاتيب وضعت لكل شخص قبل ولادته ،، واعتذر على التأخير وجزاكِ الله خيراً​

شكرآ ع المرور
و ان شاء الله توصل رسآلتك
و ربي يهدي ما خلق
وكيما قلتي الزوآج مكآتين و الواحد ميعرف منين يجيه المكتوب
نورتي​

 

[ضآحكة مستبشرة]

سلام عليكم

ايه مواضيعك يهبلو زيك يعجبوني كثري منهم

بو صح المكياج يبدل و يبرز جمال الفتاة وهادي حقيقة لكن انا نحكي على مكياج ماشي لبانتور ههههه
لبنات يحاولو يبرزو نوع من حلاوتهم بوضعه لكن مش يعرفو يفرقو بين اللمسات الخفيفة و لوحات الفنية ههه
تروح تزين روحها ترجع تخلع تفوت عليك الوان الكل في وجهها تحاول تقلد جميلات الشاشة تروح فيها ومش تخرج زيهم خلاه خلاه

شوفي من جهة والدين وينهم واعلاه ساكتين راح نقولك كاين اباء مش يدخلو رواحهم
كاين تاني لي متديرش هكاك في الدار حتى تخرج من دار باه تحط وهادي كل سبابها لبنات و انتوراج
تاني الطفلة بطبعها حساسة مثلا تفوت على جماعة اولاد لسانهم طويل ايا يقولها المزعوقة هي تغيضها واش ادير تقول ندير مكياج بلاك نولي شابة للاسف تاثير على النفسية تاعها

شكرا ليك تحياتي
​

شكرآ ع المرور
الله يخليك ليا يا لعسيلة ديالي و ميحرمنيش منك ربي ان شاء الله
و الله انتي الزينة يا الفحلة
و الله عندك الحق يا باد شونص كاين و كاين
و كلامك كامل صحيح سيرتوآ تآع المزعوقة هعهههههههه :d​

​