اشعر بالنقص

[مشكلتي]

سلام نشالله تكونو بخير كامل
مشكلتي باختصار
اتخطبت في عمر 19 سنة و بعد عام و قبل موعد العرس و بعد الفاتحة السيد بطل بدون سبب بعد ما حارب الدنيا باه قبلت بيه
بعدها خطبوني اربعة -----هدرو عليا------ولا واحد جا للدار اللي يهدر ما يوليش ايضا بلا سبب
بعدها خطبني واحد و دارنا عجبهم و حددنا يوم باه نديرو الشوفة لكن الجماعة مجاوش و تبهدلت قدام الدار
و اخيرا ومؤخرا كاين جماعة يسكنو في ولاية اخرى حبو يجو يديرو الشوفة حكاو معانا و تفاهمنا و قالو يوم الخميس نعيطولكم و نبلغوكم واش من يوم يجو الجمعة او السبت -----وسيلة الاتصال الوحيدة بيناتنا هي الهاتف الثابت تاع الدار----
ايا مالا قالك نهار الخميس في الليل تقطع الخيط تاع التيليفون جاو جماعة الاتصالات قالك اصبرو اسبوع راه مشكل كبيييير
والله وليت نحس روحي ناقصة بين الناس صدقوني والله خطبوني اكثر من عشرين حاجة ما تكمللي
رغم اني متربية عمري ما دخلت علاقة و مثقفة و عاملة و ثلاث سنوات ينتخبوني ملكة جمال الجامعة

حبيت نفرغ قلبي بليز لي عندو كلمة مليحة يقولها سينو يسكت

 

[راضية حامدة]

تم الاعتماد
خلي ايمانك بربي سبحانو قوي
و قولي لن يصيبنا الا ما كتب الله لنا

لوكان هاذو الخطبات لي فاتو كان فيهم خير لوكان باركهم ربي و سهل فيهم
ربي ماهوش ظالم للعباد
و يقدرلنا غير لي فيه الخير لينا

عساه خير ان شاء الله
و كل شي بالمكتوب
ما تتقلقيش برك

 

[M3TaZ eLLMa]

السلام عليكم

أهلين فيك أخت الطيبة ومرحبات بيك في بيتك الثاني وبين ناسك وأهلك

ندخل في الموضوع

أختي الطيبة أعلم انك تمرين بظروف صعبة بعد حكايتك هذه لكن الحاجة لي ربما نستيها أنو ربي سباحانوا

راه يختبر في قوة صبرك على البلاء لهذات نقلك ما تتقلقي ما ولوا وما تقولي انك نحس يا طيبة انت بشر وربي خلقك باه يختبرك ولا تتركي مجااااال لليأس أن يغمرك والاحزان ان تستضعفك .

مدامك بنت متربية ومؤمنة بالله فعليك بالصبر وكما قالت الاخت المشرفة راضية لوكان شاف فيهم ربي الخير راكي زوجتي واحد منهم .


فلا تيأسي ابدا وارفعي راسك ولي كتبوا ربي راح يكوون وأكثري من الدعاء يا طيبة
وحنا هنا خوتك نعاونوك باه قدرنا

ونتمناوي نسمعو منك اخبار تفرحك وتفرحنا يارب

ربي يحفظك وربي يجزيك الخير وربي يعطيك ما تتمني وربي يقبل عليك يارب

اكثري من قرأة القران ودعاء لله يا طيبة

ولا تتركي مجال لشيطان لعنة الله عليه أن يوسوس اكثر يا طيبة

موفقة يارب

وربي يجيبها في الصواب
​

 

[♫الباحثة عن الحظ♫]

مرحبا اختي الكريمة

بون اول حاجة انت قلتي كنت مخطوبة و قربتي تتزوجي بعدها السيد بطل اول حاجة اعلاه عائلتك مش بغات تفهمو السبب الي خلاه يبطل
انا الي حيرني برك لو ممكن تفسير كيفاه يبطلو بلا ما يقولو اعلاه هادي بيزار شوي


اما حكاية يجو يخطبوك ويروحو وهاك ياو والله زي ما قالو الاخوة عسى ان تكرهو شىء و هو خير لكم
مدام ربي مش يكتبهملك معناها مش هادو الي راح تكملي معاهم حياتك
ربي راه يختبر و يشوف فيك الا تصبري وما عليك الا الدعاء مدام انت صافية معاهم و خاطيك ومكانش سبة تخليهم يروحو خلاص الا هم الي يبدلو رايهم هادي مكتوب و قدر
وانت لازم تصدقي بلي ربي راه مخبيلك زوج رائع فقط الا صبرتي و تحملتي
مزالك صغيرة و مزال الدنيا قدامك احمدي ربي يجيوك خطاب الله يبارك
كاين بنات روعة وفاتهم لعمر وجامي جاهم اي واحد
املا انت الي مش يكتبلك ربي يسهل عليه
وان شاء الله يجيك الافضل و الي تكملي معاه حياتي وتبني دار روعة
​

تحياتي
​

 

[خديجة 19]

السلام عليكم انا فهمت من قصتك اختي العزيزةانه كل ما يجري معك ان المكتوب مازال وشي لمليح يطول وانتي قلتيها بلي عمرك ما درتي علاقة وهذا هو الصح ومن يتق الله يجعل له مخرجا ويرزقه من حيث لا يحتسب وربي انشا الله يرزقك بولد لحلال

 

[شرفي لمياء]

اختي باختصار مكتوب وماكانش حاجة اسمها نقص
رغم اني صغيرة لكن مؤمنة انو كاين مكتوب وقسمة اي واحد وربي يطيحك بوليد الحلال

 

[red rose]

السلام اختي
واش راح نقولك اختي متشعريش بالنقص ابدا
عسى ان تحبوا شيئا و هو شر لكم
اختي ننصح عمبالي بالاك الناس هدروا عليك
حسيتي روحك متساويش ولا اي حاجة خلاتك هكا
ديري كلش ورا ظهرك و متخلي حتى حاجة تقيسك توكلي على ربي و امشي
و اكيد راح تحسي بالراحة
روحي للراقي و شوفي كاش مابيك
حاولي تقراي القران و انا اكيدة بلي راح ترناحي
قالك الطيبون للطيبات
عسى هازوك العرسان كان زوجتي بيهم ماراحش ترتاحي ولا تصرالك مشاكل
في حياتك الزوجية
سلام و ربي يهنيك خيتي
​

 

[stelllo]

الله يسهلك امورك

 

[visiteur]

السلام عليكم اختي اصبري كل ذلك مسطر منذ ولادتك حكمة الله ولله في خلقه شؤون هو يعلم ما ينفعك و ما يضرك اكثري من الاستغفار و الدعاء و لا تسمعي من يدلك للعرافين او المشعودين لان هناك من يقولون ان به عين او شئ من دالك لانك سو ف تدخلين في متاهات اسال الله ان يعجل لك بالزوج الصالح و يرزقك بدرية صالحة و جميع المسلمين

 

[أم منيــــــر]

السلام عليكم
حبيت نقولك الصبر مليح ونهار يجي مكتوبك حتى واحد مينحيه لك
ربما هاد التعطيلة فيها خير وعسى ان تكرهوا شيئا وهو خير لكم وانت انسانة مؤمنة والحمد لله
نحكيلك على روحي انا متزوجة والحمد لله وعندي وليدات ولله الحمد على كلشيئ
لما كنت صغيرة خطبوني في سن 18 وانا نتفشش ونقول راني عادا صغيرة وهكدا
فاتت العشرين بقاو غير يتكلمو وميوصلوش حتى يما خافت عليا على حسابها يكونو دايرين لي حاجة وانا معلابليش كامل نقولها درك يجي المكتوب
نهار لي جا كل الابواب تفتحت وكل شي جا ساهل والحمد لله
انا حكيتلك باش تطمني وتعرفي بلي نهار يعيطلك مكتوبك حتى حاجة متعطلو والله تكلي على الله عز وجل ومتخافي والو
لخاطر حياتنا كامل مسطرة ومكتوبة من عند الله تبارك وتعالى والانسان الصبور لا بد يجيه الفرج
ريحي بالك وعيشي حياتك نورمال
​

 

[@R@ZIK]

يعطيك الصحة ختي على ثقتك بنا
وان شاء الله نقدرو نفيدوك وخلي ثقتك بالله سبحانه
الزواج قسمة ونصيب
حالتك بعض الشي من حالتي يعني يحبو يجو يخطبو وما يجوش
مي الحمد الله عارفة بلي كل شي بربي سبحانه صح تتقلقي شوي لكن
وعسى ان تحب شيئا وهو شر لكم وعسى أن تكرهوا شيئا وهو خير لكم
اختي عليك بالصلاة والدعاء كثيرا
وصلاة الاستخارة
وان شاء الله عن قريب نسمعو منك خير يفرحك​