وين رايحة يابلادي

[SOFIANE020]

بسم الله الرحمن الرحيم والصلاة والسلام على أشرف المرسلين سيدنا محمد وعلى آله وصحبه ومن تبعه بإحسان إلى يوم الدين.
في بلاد البترول والتقشف واحد عندوا مليار اواحد مشتاق الف
الفايدة ليهم وخسارة على علينا 700مليار دولار نصرفت ومزالنا نهدرو على البطاطا
700مليار دولار مزالنا نجرو ورى قرعة تاع الغاز في بلاد البترول و التقشف
يقولوا الشباب مايخدمش
انجيبوا الشنوي يخدم عندنا ونعطوه تسع ملاين في الشهر والجزايري نعطوه مليون وخمسمية في ستة شهر
وقلك الشعب راه مليح
مارناش ملاح

 

[Ma$Ter]

السلام عليكم
ربي يجيب الخير خويا
البلاد عايش فيه غير جماعة الفوق

​

 

[ضآحكة مستبشرة]

السلآم عليكم
و الله يا خويا غير كلآمك وجعني بزآف
علآش كآين في هآد الوقت فيهم لي رآه يخمم في الموآطن و لآ صحتوآ ولآ حتى طريقة العيش ديآلوآ
اكيد لآ
الكل مهتم بروحوآ انتهجوآ سياية التقشف زعمآ بآش كي حبط البترول متتعآودش ازمة 1986
مي رآهم غآلطين
اومام تون الغآز الصخري حبوآ يديروه و هومآ علبآلهم بلي فيه بزآف امرآض
يا خويا فيغومون انا باخسونالمون عييت
و شكرآ ع الموضوع​

 

[السلطانة]

وعليكم السلام

وبعد سياسة التقشف قالك الجزائر في 2015 مازالت بلد سائر نحو النمو !!!
مافهمنا فيها والو

 

[ام اشراق]

السلام عليكم ورحمة الله وبركاته
ايه خويا والله عندك الحق فى واش قلت
بلاد البترول والتقشف و على من التقشف .اللى عايشين طول حياتهم به
الخير قسموه بينتهم وعمروا الشكاير وهربوا بيهم لبرا
والزوالى المسكين نهار كامل وهو يهنبر ينولوا غير الفتات
ويزيد ايدير التقشف
وماعرفوش يقراو لزمان عقوبة كيما يقولوا. وبلى الساعة ادور
والتخطيطات تاع المدى الطويل والقصير واش كانوا يدرسوا فيهم


عمرنا مانتقدموا بهذ العقلية اللى يطلع درجة يخمم غير كيفاه يعمر الشكارة مايخزر فى حتى واحد
نغير كنشوف بلاد الخليج كما الامارات واش داروا فى بلادهم صحراء رجعت جنة فوق الارض
ياك عندهم غير البترول كما احنا وداروا العجب وقسموا الثروة بينتهم بالعدل وعم الخير على الكل
اسمحلى خويا اذا طولت فى الحديث
ربي يجيب الخير لهذ البلاد

 

[بنت الـ25]

نهار كان الاقتصاد لباس بيه كانو يعمرو في جيوبهم والشعب ماكل بعضاه
ونهار طاحت بالاقتصاد قالك عاونونا
كون عاونتونا فالرخاء نعاونوكم فالشدة
قييو عليكم برك

 

[أم منيــــــر]

والله يا خويا كل كلامك صحيح
حاجة توجع
كرهوا للناس حياتهم :down:
مين كانت البحبوحة المالية بحبحوا اعمارهم واحبابهم
واليوم يقولو للشعب المسكين صبروا معانا هادا عام التقشف
لحسوا البترول ويحوسوا على الغاز الصخري
الدول المتقدمة قالوا هاد الشي ممنوع وهما قالو لا ما فيها والو نورمال :-o

بيان سور عندهم نورمال المهم يعمروا جيوباتهم ميهمهمش لي يمرض ول حتى يموت

وانا راني متعاطفة مع ناس عين صالح :up:
والسلام عليكم:regards01:
​

 

[SOFIANE020]

شكرا لكل من تفاعل مع الموضوع
ربي يجيب الخير ان شاء الله

 

[hicham500]

ربي يقدر الخير خويا

نحو نسير نحو المجهول

اليوم تقشف وغدا الحالة تنشف


​

 

[anissa 13]

لي عودة
​

 

[BiG JoE]

كلام كثير يقال في هداالموضوع
ليا عودة ​

 

[الباندي]

خويا انا الدزاير هاذي قطعت منها لياس نهائيا الله لا تربحهم اللي كانو السبب في هذا كله


عندي مانgول عندي عودة خويا merci

 

[BiG JoE]

راني رحعت
علابالي كون نبدا نهدر للشهر الجاي ما نكملش أيا قلت نختصرها في جملة أو جملتين ولكم حرية التحليل والنقد
الدولة اتبعت معنا سياسة جوع كلبك يتبعك والدليل أنو الشعب مع لبورصة تاع لمارشي ها البطاطا زادت في السومة ها البصل طاح في السومة ها الحليب و هدا مثال من الواقع

أيضا الاستعمار الثقافي لي رانا عايشينه ولي عندو أوجه مختلفة أبرزها الفرنسة وكيما قال ديقول " تركت في الجزائر جزائريين أكثر فرنسة من الفرنسيين أنفسهم وهدا واش رانا نشوفو فيه بدءا من الادارة الجزائرية لي الوثائق تاعها تكون بالفرنسية ماشي بالعربية هدا بالاضافة الى أنو لي ميحكيش فرونسي جاهل وماشي مثقف وصولا الى مسؤولينا ( طزززز فيهم ) لي ما يقدرش يركب جملة مفيدة باللغة العربية لي هي اللغة الرسمية في الجزائر ... هدا بلا ما نحيكو على الأوجه الأخرى للاستعمار الثقافي ولي راكم تعرفوها
وبلا ما ننساو الاستعمار البيولوجي ( l'extat ) ومشتقاتها وما جاورها من زطلة و ديبوات تاع شراب أوتوريزي و تحت حماية قوات الأمن الوطني الجزائري العظيم ( طزززززززززززززززززز )
وبلا ما ننسى سياسة التحمير المنتهجة ( شعب زهيه ينسى ) حال الشعب الجزائري كيما الطفل الصغير لي يشرولو لعبة جديدة يسكتوه بيها هكذا حال الشعب الزوالي في راسو ( لاكوب دافخيك + الطيارات للسودان + لمصاروة يكرهونا + حقرونا صديقي +نحن هوما الشواكر تاع لافخيك + ربحنا لالمان في 82 + فتنا دوزيام تور في لاكوب دوموند + موبيليس الراعي الرسمي لكرة القدم والاتحادية الجزائرية لكرة القدم + لحاج روراوة + حليلوزيتش خير من سعدان ) شعب زوالي في راسو
أيا وين هي سياسة التقشف في تربصات ومصاريف ولي بخيم تاع المنتخب الوطني ؟؟؟ علابالكم علاش
ونزيدكم شوي تقشف ( رفع أجور الاطارات الأجانب في تيقنتورين من 120 مليون إلى 350 مليون ) أنع إيه ومصادر رسمية
تباا استرسلت في الحديث حتى نسيت روحي

و آخر دعواتي : اللهم اجعل إقامتي في الجزائر تكفيرا لي من كل ذنب ... آمين يا ربي

​

 

[SOFIANE020]

راني رحعت
علابالي كون نبدا نهدر للشهر الجاي ما نكملش أيا قلت نختصرها في جملة أو جملتين ولكم حرية التحليل والنقد
الدولة اتبعت معنا سياسة جوع كلبك يتبعك والدليل أنو الشعب مع لبورصة تاع لمارشي ها البطاطا زادت في السومة ها البصل طاح في السومة ها الحليب و هدا مثال من الواقع

أيضا الاستعمار الثقافي لي رانا عايشينه ولي عندو أوجه مختلفة أبرزها الفرنسة وكيما قال ديقول " تركت في الجزائر جزائريين أكثر فرنسة من الفرنسيين أنفسهم وهدا واش رانا نشوفو فيه بدءا من الادارة الجزائرية لي الوثائق تاعها تكون بالفرنسية ماشي بالعربية هدا بالاضافة الى أنو لي ميحكيش فرونسي جاهل وماشي مثقف وصولا الى مسؤولينا ( طزززز فيهم ) لي ما يقدرش يركب جملة مفيدة باللغة العربية لي هي اللغة الرسمية في الجزائر ... هدا بلا ما نحيكو على الأوجه الأخرى للاستعمار الثقافي ولي راكم تعرفوها
وبلا ما ننساو الاستعمار البيولوجي ( l'extat ) ومشتقاتها وما جاورها من زطلة و ديبوات تاع شراب أوتوريزي و تحت حماية قوات الأمن الوطني الجزائري العظيم ( طزززززززززززززززززز )
وبلا ما ننسى سياسة التحمير المنتهجة ( شعب زهيه ينسى ) حال الشعب الجزائري كيما الطفل الصغير لي يشرولو لعبة جديدة يسكتوه بيها هكذا حال الشعب الزوالي في راسو ( لاكوب دافخيك + الطيارات للسودان + لمصاروة يكرهونا + حقرونا صديقي +نحن هوما الشواكر تاع لافخيك + ربحنا لالمان في 82 + فتنا دوزيام تور في لاكوب دوموند + موبيليس الراعي الرسمي لكرة القدم والاتحادية الجزائرية لكرة القدم + لحاج روراوة + حليلوزيتش خير من سعدان ) شعب زوالي في راسو
أيا وين هي سياسة التقشف في تربصات ومصاريف ولي بخيم تاع المنتخب الوطني ؟؟؟ علابالكم علاش
ونزيدكم شوي تقشف ( رفع أجور الاطارات الأجانب في تيقنتورين من 120 مليون إلى 350 مليون ) أنع إيه ومصادر رسمية
تباا استرسلت في الحديث حتى نسيت روحي

و آخر دعواتي : اللهم اجعل إقامتي في الجزائر تكفيرا لي من كل ذنب ... آمين يا ربي

​

امين
للاسف كلامك صحيح اخي الكريم
المخيرة دعاء في بلاصتوا
اللهم اجعل إقامتي في الجزائر تكفيرا لي من كل ذنب ... آمين يا ربي