meriem1988
:: عضو منتسِب ::
- إنضم
- 20 ديسمبر 2009
- المشاركات
- 76
- نقاط التفاعل
- 84
- النقاط
- 3
السلام عليكم و رحمة الله تعالى و بركاته
السؤال الي راني حابة نسألو صح يخص آدم
مي إذا كانت حوا تعرف الإجابة ممكن تشارك:d
انا نخدم في الصيدلية نبيع الدوا و بحكم تعاملي مع الناس
روماركيت
اذا آدم يخاف على مرتو و جا معاها للطبيب و جا يشريلها الدوا
اعرف بلي متزوجين جدد
باسكو من بعد تجي مع حماتها
و من بعد تولي تجي مع وليدها الكبير:-o
وكاين بزاف لي آدم الي يحشم حواه قدامنا و يقلنا الدوا هادا غالي
اعطيني باطة برك
و كاين الي يقلنا أكتبلها بالعربية بالاك تفهم زعمة هو الي الفهامة قتلاتو
والآدم الأكثر نقاط و الي ربح معانا هو الي جي يدسر بالسيف
ويحسبها سايبة ويحب يدير لاكونيسونس و تلقاه متزوج و عندو طاشمة ذراري
حبيت نعرف علاه آدم يكون رومنسي غير في فترة الخطوبة و الأشهر الأولى تاع الزواج
علاه ما يكونش صديق لحواه
واش الي يتبدل و يخليه ينسى و يهمل حواه
مي مانكذبش عليكم
كاين واحد الحاج الي حسسني بالي مازال كاين الأمل
يجي يدي الدوا للحاجة ديالو و يشكر فيها قدامنا
و يقلنا اعطولي الدوا لي كتبلها الطبيب ماشي الجينيريك
و قد ما جا الخلاص نخلص
الله يخليهم لبعضاهم
المهم حبيت برك نفهم برك شوية عقلية آدم
راني نستنا في الجواب اذا كاين الرد
و
السلام عليكم
آخر تعديل بواسطة المشرف:
