المعريفة ......؟؟؟

[أمونة المتألقة]

السلام عليكم

اليوم جبتلكم موضوع راه مقلقني بزاف

أنا خدامة عند بريفي لانام برك مي الشهرية الحمد لله تكفي و تفضل

قلت نجرب حظي و نشارك في مسابقة الاساتذة بالاك كاش ماينوب عليا ربي ..... مي علابالي ماننجحش على خاطر جربت من قبل

مانطولش عليكم .... كاين واحد يخدم معايا متزوج و بولادو الله يبارك و انسان مثقف نحترمو بزااااف في طوع بابا ..... قتلو رايخة نشارك في المسابقة قالي والله عندي صحبي خدام ثم و نعاونك ان شاء الله ...... المهم قتلو اذا مافيهاش رشوة و حرام ماذا بيا. سقسيت تاع الدار و شاورتهم قالولي ايه. بعد يومين ولا 3 سقسيتو على صحبو قالي بربي ان شاء الله متهنية من هذي الناحية

مانكذبش عليكم فرحت فرحة كبيييييرة على خاطر قداااه و انا نستنا نخدم في بوست تاعي
المهم بعدها ثاني بيومين رحت نخدم كي العادة قالي نتي مادرتي حتى مبادرة قتلو واش من مبادرة؟ قالي الله عيطولي اكثر من 10 بنات باه نعاونهم مي نتي ماعيطتيش. أنا مافهمتش قلتلو يخي نهار كامل و حنا مع بعض علاه نعيط قالي ماعليش عيطي سفسي عليا ......ماشكيت في حتى حاجة. قتلو الأولوية ليا أنا اللي نخدم معاك قالي ايه مي مادرتي والو قتلو واش تستنا فيا ندير يخي قتلي ماكانش رشوة؟؟... قالي والله مانحكم عليك دورو ( بالهدرة هذي) . قالي عيطتلي وحدة قلتلها رايح نعاون وحدة خدامة معايا ... قاتلو علاه هي فاه خير مني لاطاي ولا العقلية.... علابلكم والله شوكاني بهذي الهدرة. قتلو واش دخل لاطاي قالي هذاك هو الصح .... وقالي ثاني هي دارتلي اغراءات كبيييييرة مي نتي مادرتيلي والو.

قولولي واش معناها هذي الهدرة؟؟؟

راني وليت نشك فيه و نخاف منو

جاوبوني تعيشو.

 

[السلطانة]

وعليكم السلام ييااختي

انا نقولك نجحت احتياط وخدمت في ولايتي عام وكنت ديجا استخلفت بزاف ودرت شوي خبرة
وكي تزوجت وبدلت الولاية طار مني البوسط
ودرك راني نسنى في المسابقة
ومخليتها على ربي
انتي غلطتي في حاجة انك عولتي على هاد السيد راكي بنيتك
كي يعود ربي مكتبها راه واحد مينيحهالك وكي يعود ماش مكتبها تروح منك وعادي
العبد يزين نيتو برك

وهادا راه قصدو مقاصد يااختي :-o:down:
ربي يهديه برك واخطيك منو يزيد يديرلك غير الشبوهات
الجزائر معمرة بالناس لي يعيفو كيما هادا البشر عليها بقينا حنا اللخرين :down::down::down:
ربي يوفقك ان شاءالله اتكلي على الله وعمرك ماتتكلي على الناس

ينقل لفرغ قلبك

 

[أمونة المتألقة]

وعليكم السلام ييااختي

انا نقولك نجحت احتياط وخدمت في ولايتي عام وكنت ديجا استخلفت بزاف ودرت شوي خبرة
وكي تزوجت وبدلت الولاية طار مني البوسط
ودرك راني نسنى في المسابقة
ومخليتها على ربي
انتي غلطتي في حاجة انك عولتي على هاد السيد راكي بنيتك
كي يعود ربي مكتبها راه واحد مينيحهالك وكي يعود ماش مكتبها تروح منك وعادي
العبد يزين نيتو برك

وهادا راه قصدو مقاصد يااختي :-o:down:
ربي يهديه برك واخطيك منو يزيد يديرلك غير الشبوهات
الجزائر معمرة بالناس لي يعيفو كيما هادا البشر عليها بقينا حنا اللخرين :down::down::down:
ربي يوفقك ان شاءالله اتكلي على الله وعمرك ماتتكلي على الناس

ينقل لفرغ قلبك

مرسي حبيبتي على الهدرة الزينة

مي أنا والله ماكان قصدي حاجة خابة نترسم في خدمتي و خلاص

ايه خلاص ضك مابقيتش نامن هذي تاع واحد يعاونك لوجه الله ...... ماكااااااانش راخت النية و نولي نحل عينيا ملييييييح و مانزيدش نخمم في المعرفة مع أني جامي عولت على المعرفة

مرسي على مرورك حنونة
​

 

[آهات القلب]

سبحان الله و الله ما لقيت واش نهدرلك أختي لغزيزة

 

[بنت الـ25]

سلام عليكم
اختي العزيزة كي يكون ربي مكتبلك خدمة ني معريفة ني بني عميس
مي كي متكونش كاتبة اجري ولا اقعدي
واخطيك من هاد السيد راه باين وش يقصد... وانا حرت فيك كيفاش مفهمتيش؟
ما تقولي قد بابا ما تقولي قد جدي
كاينة وحدة في منتدى مشكلتي صاحب باباها وطمع فيها واين يا نتي يخدم معاك برك
الدنيا ولات تخوف والعلاقات هادي تع الزمالة والصداقة بين الجنسين ما يجي منها غير المشاكل والكوارث
امالا ريحي فالبوسط لي راكي فيه بريفي ولا إيطا راكي شادة بيه يدك حتى يجيك مكتوبك سواء براجل ولا خدمة مرسمة
سي نو راكي قاعدة في دار باباك ما عندو ما رح يخصك
​

 

[أم منيــــــر]

يا لطيف ناس كدايرين وسخ الارض

هذا قصدو باين ميصلحش وكاين منو بزاف وفي كل مكان
كما قالولك الاخوات تكلي على ربي ومتستناي مزية من عند حتى واحد
ولكاتبو ربي تلحقيه وبعدي على هاد الشخص حتى تكوني في مامن من شره
يا لطيف من هاد العباد

 

[zagane]

السلام عليكم
هدا ديب راه يخدم معاك وما عيطو ليه ما والو راه حاب يدير ليك خطة ويجرب رد فعلك
عسي روحك منو
ادا قال ليك نفس الكلام قولي لو نجي لبيتك ونشوف لاطاي نتاع مرتك اللي خلاتك تحوس على لاتاي اخرى بالهاتف

 

[أمونة المتألقة]

مشكورين خاوتي بزاف على تفاعلكم معايا و وقفتكم

والله ريحتوني بهدرتكم و ضك مازدتش حكيت معاه و هو فهم رورحو

ومن هذي مانزيد نامن حتى واحد راني تعلمت درس

نستنا مكتوب ربي وخلاص

مرسيييي بزاااااااف
​