المطلوع اختي
اولا حطي القدر الكافي تاع السميد ملح وبليه بالماء وتكوني حطيتي الخميرة قدر كل خبزة مغرفة خميرة زديلها السكر وحليها بالماء الدافي
وارجعي للعجين شرط حطيه في كيس بلاستيك باه متبردش لعجينة ادلكيه مليح واسقيه من الكاس تاع الماء اللي فيه لخميرة ميكونش جاري وميكونش يابس
هكاك اقسميه قرص ولفيهم في قطعة قماش وديري فوقهم نيلون وخليهم يطلعو حوالي نص الى ساعة غير ربع
ومن بعد قرصي كل قرصة لوحدها في قطعة قماش خاصة بالكسرة وخليها تعاود تطلع كي تطلع وتشوفيها رفدت روحها
طيبيها عادي في طاجين تاع الطين
وما احلاه المطلوع بالسينوج مع جاري فريك
في الشرق الجزائري
كل يوم يوجد مع اذان المغرب لازم يتحط على الطاولة
وربي يوفقك وتوصلي لنتيجة ترضايها
