- إنضم
- 13 جوان 2011
- المشاركات
- 14,544
- نقاط التفاعل
- 19,263
- النقاط
- 971
- محل الإقامة
- : ♥ قلب عسكوري ♥
- الجنس
- أنثى
السلام عليكم ورحمة الله تعالى وبركاته
كي راكم دايرين مع البرد باينة راكم لاصقين مع فنجان قهوة يسخن المصارين ههه
قبل نقول مبارك للشعب الجزائري تأهل المنتخب الوطني و نتمنى لهم التوفيق في بقية المشوار
المهم ليوم جارتنا جات طل على ولد خويا راه مريض و هي تهدر حتى قالت لماما شفت الماتش نتاع البارح مراطيتهش و عجبوني كي لعبوا و الله فرحونا مساكن ربي يفرحهم ، كنت خايفة بصح كنت عارفتها رايحين يربحوا
و تنطق ماما واه تفرجتهم كنت حاكمة قلبي بصح لعبوا غاية خيرمن البارتية مع غانا
مزية دخل فلان كنت خايفة ملبسة الخضرا واك البيضة فال خير عليهم
و ترد جارتنا وين راكم تتفرجوها انا راني حاكمة قناة نتاع تشاد يفوتو فيها باطل
و لي سمعته سكتوا برك حسيت روحي راني نسمع في لخضر و حفيظ
يا ماما الشعب gاع راه مريض بالخضرا
لا صغير لا كبير لا مراة لا راجل ، الخضرا تسوا غالية عند الشعب
في رايكم : هل الشعب الجزائري غير هو لي يفهم في البالون؟
واش السر ورا الحب و العشق للخضرا ؟
نتوما تاني تحبوها؟
زعمة يتأهلوا و ندوها؟
