قرتان الشوفلور بالجاج بنة هايلة جربوها ما تندموش

[ام ريهام]

تغلي شوفلور وتقليه بالبيض والمعدنوس والملح تحطيه بجيه
صدر دجاج طيبيه في مرقة بيضا بصل مرحي ملح شوية فلفل اسود وتهليه يطيب وتفتيه وتحكمي ثوم مرحي في مقلة شوية زبدة وزيت فلفل اسود تقلي فيه ااجاج اامفتت وتخليه بجيه تصفي الصوص وتخليها بجيه
تقطعب بطاطا مدور وتقليها وتحطيها في بﻻ تاع الفور تحطي سوية جبن استعملت الشاف وتستفي الشوفلور فوق البطاطا من بعد الدجاج المفتت وتخلي بجيه
نوجدو صلصة الجبن ملعقة زبدة تذوبيها وتزيدي 2وشوية مغرف فرينة تخلطي مليح وتحطي الصوث لي صفتيها كؤ تبدى تغلي قطعي 2مربعات جبن الشاف وخلطي باش يدوب تتحصلي على صوص خاثرة مش ثقيلة بزاف تفرغيها على البﻻ ودخليه للفرن
بالصحة والهنا

 

[touta04]

شكرااااااااااااااااااااااااا
هنيتيني من الشوفلور منشتيهش كي يكوم في المرقة لقيتلو حل ههههههههههه
:up::up::up:

 

[ندى الورود]

غراتان هايل يا ام ريهام
يعطيك الصحة
تم نقل لموضوع إلى ركن وصفات الأطباق الرئيسية الحصرية والمجربة​

 

[rose09000]

يبان بنين يعطيك الصحة

 

[حكايا الورد]

{السلام عليكم ورحمة الله}
{لك كل الشكر والتقدير على مجهودك الرائع والمميز}
{بارك الله فيك على الوصفة القيمة والمفيدة}
{نتمنى لك كل التوفيق والاستمرار والاستفادة}
{من مواضيعك المميزة}
{لك مني كل التحية وفائق احترامي}
***** *****​

​