رهف ام بتول
:: عضو منتسِب ::
- إنضم
- 27 جانفي 2015
- المشاركات
- 12
- نقاط التفاعل
- 27
- النقاط
- 3
الشرق الجزايري بوابة الحضارة ولا بوابة القذارة
جاوبي آما وجاوب آبابا ،ما كمش انتم لي ربيتونا على النظافة وارمي الوسخ في الطريق ما عليش
لاه يا خويا ولاه يآختي منين جات البوبال ولاه اخويا ما لقيت كان الاثار والتراث ترمي فيه،تكسر وتقول ملك الدولة ؟
شكونها الدولة ياخي انتا وانا وباباك وبابايا وخوك ووووو
لاه ماكانش وين ترمي ؟تحطها في نص الطريق ؟
صباح رب نلقاها في وجهي لاه لاه
مايوجعكش قلبك وانتا تشوف تيمقاد تنظاف كان ليلة المهرجان
ما يوجعكش قلبك كي تشوف كاراكلا صار بوبال وبلاصة للفضلات والمراحيض اكرمك الله غير قدامو بالف فرنك برك
لاه يعني لاه ماشو منكر يا عباد الله؟
لاه القنطرة حزينة وسيدي راشد ذبلانة بريحة الشرابات والدخاخين والكرنيش راب من الجيران كل واحد غير من الشباك ما يخسر عليها كان ....رداخ
لاه آعباد الله
اتجول بالزنيقة و سيرتا وفيلالي تشوف لعجب ،الصاشي يطرطق في الهواء من قبل ما يهبط من الطاج العشر ولا مانيش عارف اربعطاش خلاص
كلما دخلت ولغية تلقا لافتة مكتوب عليها ولاية فلانة ترحب بك بصح مثبتينها على عرام نتاع نفايات
وما ننساش الدخان كي تحرق البلدية الفضلات وتقلك تقنية الردم الحديث
واش من ردم واش من حداثة الله يرحم لعجوز و الشيباني
لاه ماشي بلادك
فالخارج يشريو الاثار والحضارات بشي الفلاني وانتا ما قدرتش تشري صاشي بخمس ميات فرنك تلم فيه قدام دارك وما تلوثش المحيط
عاونا اسيدي ما قلناش نظف ما ترميش برا اصبر حتى تلقا بوبال
والله وجعني قلبي على البلاد وحنا شباب وجيل 2015 نساهمو في الحضارة وتنمية لبلاد
هذي رسالة ما تعني حتى واحد بذاتو كل واحد مسؤول على افعالو وراح نتحاسبو يوم القيامة اغرس شجرة ،ازرع وردة وساهم في نظافة لبلاد وانهي على المنكر اقل شي اتكلم ما تخليهاش في قلبك
جاوبي آما وجاوب آبابا ،ما كمش انتم لي ربيتونا على النظافة وارمي الوسخ في الطريق ما عليش
لاه يا خويا ولاه يآختي منين جات البوبال ولاه اخويا ما لقيت كان الاثار والتراث ترمي فيه،تكسر وتقول ملك الدولة ؟
شكونها الدولة ياخي انتا وانا وباباك وبابايا وخوك ووووو
لاه ماكانش وين ترمي ؟تحطها في نص الطريق ؟
صباح رب نلقاها في وجهي لاه لاه
مايوجعكش قلبك وانتا تشوف تيمقاد تنظاف كان ليلة المهرجان
ما يوجعكش قلبك كي تشوف كاراكلا صار بوبال وبلاصة للفضلات والمراحيض اكرمك الله غير قدامو بالف فرنك برك
لاه يعني لاه ماشو منكر يا عباد الله؟
لاه القنطرة حزينة وسيدي راشد ذبلانة بريحة الشرابات والدخاخين والكرنيش راب من الجيران كل واحد غير من الشباك ما يخسر عليها كان ....رداخ
لاه آعباد الله
اتجول بالزنيقة و سيرتا وفيلالي تشوف لعجب ،الصاشي يطرطق في الهواء من قبل ما يهبط من الطاج العشر ولا مانيش عارف اربعطاش خلاص
كلما دخلت ولغية تلقا لافتة مكتوب عليها ولاية فلانة ترحب بك بصح مثبتينها على عرام نتاع نفايات
وما ننساش الدخان كي تحرق البلدية الفضلات وتقلك تقنية الردم الحديث
واش من ردم واش من حداثة الله يرحم لعجوز و الشيباني
لاه ماشي بلادك
فالخارج يشريو الاثار والحضارات بشي الفلاني وانتا ما قدرتش تشري صاشي بخمس ميات فرنك تلم فيه قدام دارك وما تلوثش المحيط
عاونا اسيدي ما قلناش نظف ما ترميش برا اصبر حتى تلقا بوبال
والله وجعني قلبي على البلاد وحنا شباب وجيل 2015 نساهمو في الحضارة وتنمية لبلاد
هذي رسالة ما تعني حتى واحد بذاتو كل واحد مسؤول على افعالو وراح نتحاسبو يوم القيامة اغرس شجرة ،ازرع وردة وساهم في نظافة لبلاد وانهي على المنكر اقل شي اتكلم ما تخليهاش في قلبك
