سوفلي مقلي من مطبخي

[Oum Loukmane]

السلام عليكم حراير اللمة كيراكم خواتاتي

درت سوفلي مقلي جا بنين يهبل و خفيف

الحشوة : اختياري

أنا درت داند قطعتو و طيبتو بالبصل و التوابل و مبعد طحنتو + بيض مغلي و مبشور + حبة بطاطا قطعتها و طيبتها في الما و الملح كي تبقى شوية ما في الكسرونة تنحي البطاطا و تمرسيها في هاديك الشوية تاع الما بالفرشيطة و تخلطيها مع الداند

فرماج مبشور

العجين :

3 كيسان فرينة + حبة بيض + نصف فنجان زيت + ملح + مغرف كبيرة خميرة خبز + مغرف كبيرة سكر

تخلطيهم مع بعضهم و تلمي بالحليب الدافي

حتى توليلك عجينة طرية خليها ترتاح ساعة

و مبعد خسريلها الخمير و قسميها جزئين

عاودي خليها ترتاح شوية و مبعد ابسطيها بالرولو

قطعيها دوائر و عمريها بالحشوة و جبن مراpي

ديريها على شكل نصف دائرة و زيري الحواشي بفرشيطة و ثقبيها

و مبعد قليها في الزيت تكون سخوونة بزاف بصح كي تحطيها نقصي النار شوية باه تطيبلك مليح مشي تتصهد برك

و هذا شكلها النهائي

​

 

[أم منيــــــر]

بارك الله فيك نجربها ان شاء الله
تشبه للسمبوسة

 

[هُدُوء المَطَر]

السلام عليكم ♥

بزاف بنيينة ماميشكآ يعطيك الصحة و ربي يخليك لينا

"يسلم اليدين الي عاونوك هههه :p "
​

 

[نور و ريحان]

مممممممممممممممممم جوعتينيييييييي .....يعطيك الصحة

 

[prncess fifi]

اممممم يشهي
يعطيك الصحة اختي وبصحتكم​

 

[anissa 13]

ممممم روعة
عجبني مين مقلي كرهت من الحاجة تاع الفور تطول باه طيب
ان شاء الله نجربها
مشكورة حبيبتي يعطيك الصحة
​

 

[Ryry_Ndj]

السلام عليكم
بارك الله فيك
جاوك يهبلو الله يبارك
تقبلي مروري

 

[Oum Loukmane]

السلا م عليكم ورحمت الله و بركاته شكرا حبيبا تي انشا ء الله تجر بو ه و يعجبكم

 

[بنت الـ25]

يممم نموت على السوفلي
بربي ان شاء الله نجرب الوصفة في أقرب وقت
يسلمووووو
​

 

[آمِيْرَتُه]

السلام عليك
جاك هايل
موالفة نديره بصح نطيبه في الفرن
إن شاء الله المرة الجاية نقليه
يعطيك الصحة

 

[Oum Loukmane]

صباح الخير شكرا على تثبيت الموضوع

 

[حكيك]

رد: سوفلي مقلي من مطبخي

جاوك هايليين يعطيك الصحة
مرة القادمة اكتبي اسمك في الصور :up:

 

[Oum Loukmane]

رد: سوفلي مقلي من مطبخي

حنونه معرفتش نكتب اسمي على الصور

 

[امونة الشاوية]

رد: سوفلي مقلي من مطبخي

يعطيك الصحة جاك هايل