3 سنين راحت من عمري .. بلا فايدة ...

[مشكلتي]

الســــلام عليكم

تعبت و نفسيتي عيات و ما لقيتش لي يفهمني و يرشدني .. فقررت نحط مشكلتي هنا يمكن نلقا جواب او ارشاد يريحني

انا فتاة عمري 21 سنة .. تعرفت على شاب قبل 3 سنوات ( عارفة انو خطأ لكن تقدرت و صرات) و فوتت معاه 3 سنوات ... و بعد العامين لولين عول يجي لدارنا يخطبني و قالي باش نحكي مع ماما
و انا قلتلها باش تشاور بابا .. هو المرة الاولى قال مزال شوية ... و انا هاذاك النهار قلت بالاك راه على جال قرايتي ... و بعد عام او اكثر تقريبا عاود قالي احكي مع يماك .. على خاطر يماه حابة تجي تشوفني و تخطب .. لانو هو الكبير عندها ... و انا كيما المرة لي فاتت قلت لماما و هي قاتلي نقول لباباك .. لانو كلمتو هي لولة و التالية ...
لكن هاذ المرة صدمني بقرار انو مش قابلو ... و غير هو لي ننساه ....
علاه؟؟ .... لانو يعرف عمامو و ماهمش مريــgــلين ...
انا تصدمت و صرا فيا ما صرا ... و مع ليام ريحت شوية و قلت ما عليش انا مانسمحش فيه و مع الوقت بابا راه يرضا ...
لكن مع الوقت حسيت روحي مش مريحة ... و خليتو ... و جبدت روحي مرة وحدة
و ضرك عندي شهرين و انا متفارقة معاه ... بالصح مزال غايضتني و مش قادرة ننساه
عفست على قلبي يااااسر مي ما قدرتش ...
هو يقلي راكي ظلمتيني كي خليتيني بعدما حبيتك و نويتك للدار ... و اصبري معايا و راه ربي يفرج ... و كامل لي نسقسيهم يقولولي راكي ظلمتيه ...
و عقلي يقلي راكي صحيحة ... و قلبي يقلي اصبري معاه ...
و الله عييت و ما عرفتش وش ندير ... نفسيتي تعبت و ما بقيت مركزة في حتى حاجة
حتى قرايتي ما وليتش لاهية بيها ..
انصحوني رجـــاءا ... و الله راني نتعذب .. و ضايعة بين قلبي و عقلي ... مانيش حابة يجي يوم و نندم .. و نقول لوكان غير درت و لا لوكان غير مادرتش
و شكـــرا
​

 

[راضية حامدة]

تم الاعتماد

الله يجيب الخير
شوفي اختي
اذا صح باباك راه رافض الخطيب هذا من اجل عمامو فقط راه غالط
اول شي يحوس عليه هو الخطيب نفسو وش دخل عمامو في الوسط
معناها اذا كان هذا الخطيب ذا خلق و دين و لاباس به و قادر على الزواج هنا باباك راه غالط و ظالم ولد الناس
الرسول عليه الصلاة و السلام قال من ترضون خلقه و دينه و ماقالش ترضون اهله ووووو
صح الحسب و النسب مليح و لكن مش قاعدة ياما ناس ماشاء الله خرجو من عايلات معروفة بلي مش مليحة
و العكس بالعكس عايلات ماشاء الله خرجو من اولادهم لي ما يشبهولهمش خلاص

و ربما باباك عندو اسباب اخرى مش حاب يصرح بيها هنا العلم لله

اما من جهتك انت فافضل ما انصحك به انك تفوضي امرك لربي سبحانه
و اذا كنت واثقة في حكمة ربي انه يحبك و يحبلك الخير و مستحيل يظلمك يتغير حالك
خلي الامور تمشي بلا ما تعذبي روحك و تجعلي من حياتك دراما
ابعثو لباباك كاش واحد و لا كيما يقولو الجاه فهموه بلي لازم يحكم على الخطيب مش عمامو
ماقالش حتى والديه. عمامو
و اذا كان عندو الحق في حاجة او شكاولو من الخطيب من حاجة هنا شوفي انت
خلي ثقتك بربي اكبر من حبك لهذا المخلوق
مهما كان الحال ربي مش رح يضرك و هو لي عارف الخير وين راه
و باباك مستحيل يرفض باش يضرك اكيد كاش حساب راه في راسو
و تبقى حكمة ربي فوق كل شي
ما تتعذبي ماوالو
صح مشكل لكن ما تحرقيش اعصابك على حاجة انت ماعندك حتى قدرة فيها
فكري في غرضك كيفاش تتصرفي مع باباك و مع هذا الخطيب
فكري في حل و مهما كانت النتائج تاكدي بلي ربي هو لي يقدر كل شي
ربي يفرج عليك و يسعدلك قلبك و يرزقك وش راكي متمنية

 

[stelllo]

اذا الرجال مليح حاولي تنقعي باباك ... يمكن باباتك شافها م جهة أخرى..
استخيري وربي يسهل
وانا لو مكانك ما ندوخش راسي باي واحد يجي يخطب ماضنيتش نعاند...غير اذا مثلا قالي مليح وانا ما ارتحتش او ما حبيتش ممكن يكون راي عكس بابا لاني ما ارتحتش
بصح العكس لا
مثلا بابا يشوفه مش مناسب وانا الدراع ناخذه ماضنيتش او نعقد حياتي عنجاله واذا مكتوب لو واش يصير راكي تاخذيه

 

[آهات القلب]

باباك راهو غالط لانه شاف لعموموا
اذا كان الراجل ناس ملاح و حباب بالحلال لا زم تقنعوا باباك انت ولا يماك و لا هو في حد ذاتو
نورمال يروح و يهدر معاه بلاك يقتنع بيه ربي يجيبلك اللي فيه الخير
اختي استخيري و ربي رح يبينلك الطريق الصح و لكان كاتبلك رايحة تديه رايحة تديه يجحب باباك ولا يكره و العكس
الا ما كاتبلكش كيكيف المهم انك تستخيري ربك و ربي ما يخيبكش ربي يسهلك و يكون من نصيبك لكان فيه الخير
أختك في الله

 

[{مُدَلَّلَتُهُ}]

السلام عليكم و رحمة الله

اختي أول حاجة اديريها استخيري . . . و ربي يبينلك الصواب

و والدك شوفي كيفاش تحكي مع أمك تقنعه مش مليح يحكم عليه بسمعه اعمامه . . . اذا كان هو يخاف ربي و محافظ على دينو و سمعتو مليحة خلاص !

و قولي للراجل الي جا خطبك باه يدي الجاه لباباك و يحاول معاه بكل الطرق

اذا ربي راه كاتبهلك في الغيب و الله و توقف الدنيا كاملة في وجهكم ما يديك غير هو و اذا كان مش من مكتوبك حتى و يوافق باباك و ما تدي غي شكون كاتبلك ربي باه تكوني معاه

استغفري مولاك و ما تقنطيش من رحمة ربي . . . ربي ابتلاك باه يشوفك اذا تصبري .. اصبري و احتسبي و ما يكون غير الخير ان شا الله
​

 

[♫الباحثة عن الحظ♫]

سلام عليكم

شفتي يا اختي الغلط الي ديروه وو هاد الشىء الي يخلي الرجال يقولو لبنات مش ملاح

شوفي الا باباك معندو حتى سبة اخرى من غير عمومه و الا الراجل مريقل و متربي وووو مدام الصفات هادو كامل فيه

مكانش حاجة تخليه يرفضو انت رايحة تتزوجيه هو مش عمومه بحر عليهم

حاولي تقنعي باباك و هو مدام جا لداركم راه ناويك لحلال متسمحيش فيه

ربي يفرحك
​

 

[مفآهيمـ الخجل]

و عليكم الســلام

قصتك اثرت فيا ياسر .. للاسف بعد 3 سنين و كي نويتو الحلال وقفلك فيها باباك

انا من رايي ما لازمش يحكم عليه من اهلو .. نورمالمون يحكم عليه هو ..

شوفي ختي انا من رايي اتمسكي بيه و ما تخليهش و ديري كامل وش تقدري باش تتجمعي انتي وياه في الحلال

و ان شاء الله اذا كان كاتبلك راه ليك يا لوكان كامل الدنيا توقف في طريقكم

و صدقيني كيما راكي نتي تتعذبي .. راني متأكدة بلي هو ثاني راه يتعذب و بالاك اكثر

امالا اصبري معاه و ربي يجيب لي فيه الخيــر ان شاء الله

دعـــــواتـــي عزيـــزتــي ... \
​

 

[بقايا إنسان]

سلام وبعد:على هذا الشاب ان يخطو خطة نحو الصواب وهي أن يتقدم إلى أهلكي رسميا بحضور والديه وإن تم رفضه من قبل أبوكي فعليه أن يستفسر وإن تم إبعاده بشكل أو بآخر فعليه الابتعاد حفاضا عليكي ان كان يحمل في قلبيه ودا لكي وإن كان صادقا في قوله فليتضرع لله طالبا منع التوفيق
وبهذا يكون قد ادى ما عليه ولا يندم بعده اذا لجأ لبيت اخر
دمتي

 

[نجيب]

هده هي القصة لي حخطمتني و الله يا لوكان عرفت بهد القصة ما نشوف في هد الموضوع أصلا




أقسم بالله الدي لا اله الا هو كل من تورط في ضياع هد الشاب سيدف ثمن في الدنيا أو الاخرة



الجهل حطم حياتنا و الناس نساو حاجة يسموها الموت

و ربي يقول ولا تلبسوا الحق بالباطل و لا تكتمون الحق و أنتم تعلمون.


و يقول ان الساعة لا ريب فيها .


سوف يحاسب كل ظالم

 

[touta04]

سلام اختي
نقولك كلمة وحدة انا شابة مثلك و عايشين هذي الامور بزاف في مجتمعنا
نقولك مدامو هذا الراجل نواك و تقدم و صرات عقبات كوني مرأة و اوقفي معاه واللخ اي تفرج بعون ربي
و باباك نهار يشوفك متمسك بامروا او مايعيا و يقبل
و ما تظلميه و ما تخليه لانك راح تضيعيه

 

[نجيب]

اسمها لا أعرف

أين تسكن لا أعرف

من أين صرخت أعرف

دعوني أسميها صديقتي

جاء تشكو طاغية حنين عليها

بعدما أنجبها و درسها يريد أن يشنقها؟؟

بعدما أنارت دنيته يريد أن يحرقها

صديقتي عمر الحزن في قلبها ثلات سنوات

يريد أن يمتصها

يريد أن يعشعش في شراينها

صديقتي أتفقت هي و حزنها على قتل حبيبها

داك الشاب الوسيم الدي رسم حياتها

داك المجاهد الدي قلب الدنيا لأجلها

داك الصبور الدي داق الصبر منه ولم يقتله ثلاث سنوات

صديقتي تصرخ و تقول أسحب نفسي من نفسه حتى يعيش

و هل يعيش السمك في البر يا صديقتي؟

صديقتي تريد أن تلبس ثوب المجاهدة التي تضحي من أجل سعادة الاخرين

ألم يكن يجدر بك أن تجاهدي من أجله

لما لا تصرخي في و جه فرعون الحنين؟؟؟

صديقتي تريد رأي قيس المجنون؟

هل أصبح للجنون رأي؟؟

و هل كان لليلى بدمعتها ما تريد؟؟

تقتلني قصتك

ويقتلني دالك الشاب ألاف المرات

أه يا صديقتي لو كان الحل بيدي

لأخرجتك من قلب صديقي

و لأنسيته بك كما لم يعرفك

و لرسمت له جهنم يرميك فيها

لاكن ستموتين بعد ما يحظنك معاوية

ستتقطعين بعدما يمسح دموعه صديقي

نصيحتي نصيحتي ضميه قبل أن يستفيق من نومه

أحظنيه قبل أن يخطفه الصبر منك

و أقدفي كل قاهر بكلمت أحبه أحبه أحبه حتى و ان أفنيت عمري لأجله.

 

[touta04]

اسمها لا أعرف

أين تسكن لا أعرف

من أين صرخت أعرف

دعوني أسميها صديقتي

جاء تشكو طاغية حنين عليها

بعدما أنجبها و درسها يريد أن يشنقها؟؟

بعدما أنارت دنيته يريد أن يحرقها

صديقتي عمر الحزن في قلبها ثلات سنوات

يريد أن يمتصها

يريد أن يعشعش في شراينها

صديقتي أتفقت هي و حزنها على قتل حبيبها

داك الشاب الوسيم الدي رسم حياتها

داك المجاهد الدي قلب الدنيا لأجلها

داك الصبور الدي داق الصبر منه ولم يقتله ثلاث سنوات

صديقتي تصرخ و تقول أسحب نفسي من نفسه حتى يعيش

و هل يعيش السمك في البر يا صديقتي؟

صديقتي تريد أن تلبس ثوب المجاهدة التي تضحي من أجل سعادة الاخرين

ألم يكن يجدر بك أن تجاهدي من أجله

لما لا تصرخي في و جه فرعون الحنين؟؟؟

صديقتي تريد رأي قيس المجنون؟

هل أصبح للجنون رأي؟؟

و هل كان لليلى بدمعتها ما تريد؟؟

تقتلني قصتك

ويقتلني دالك الشاب ألاف المرات

أه يا صديقتي لو كان الحل بيدي

لأخرجتك من قلب صديقي

و لأنسيته بك كما لم يعرفك

و لرسمت له جهنم يرميك فيها

لاكن ستموتين بعد ما يحظنك معاوية

ستتقطعين بعدما يمسح دموعه صديقي

نصيحتي نصيحتي ضميه قبل أن يستفيق من نومه

أحظنيه قبل أن يخطفه الصبر منك

و أقدفي كل قاهر بكلمت أحبه أحبه أحبه حتى و ان أفنيت عمري لأجله.

رائع رائع رائع انت يا صديقي

ساجعله ملاكي الايمن و حتى ملاكي الايسر

ساقذف به في دمي

يارويه نفسي و ابحار شعري

ساضمه حتى الموت على صدري

لن اتراجع يوما في شرب سم حبه

فلي الشرف في الموت لاجله

فانا شهيدة لانه وطني

بوركت صديقي انت الاروع

 

[نجيب]

رائع رائع رائع انت يا صديقي

ساجعله ملاكي الايمن و حتى ملاكي الايسر

ساقذف به في دمي

يارويه نفسي و ابحار شعري

ساضمه حتى الموت على صدري

لن اتراجع يوما في شرب سم حبه

فلي الشرف في الموت لاجله

فانا شهيدة لانه وطني

بوركت صديقي انت الاروع

أقسم أنني ندمت لقراة هدا الموضوع

لم أعرف اين أدهب لأنني في الشغل

أرجعني هدا الموضوع الى الوراء

فليتني ما قرأته و ليتني من فتحته

 

[touta04]

أقسم أنني ندمت لقراة هدا الموضوع

لم أعرف اين أدهب لأنني في الشغل

أرجعني هدا الموضوع الى الوراء

فليتني ما قرأته و ليتني من فتحته

هذه هي الحياة

ايام مرت تركت اثرا

كان جميلا او كان مؤلما

الآن هو ماض

فلا تدع الماضي يؤلمك

بل اجعلة تجربة مرت و اخذت درسك منها

الله معك اخي

ما نحب نحكي على ماضي لانو وجع لكل العاشقين

 

[مفآهيمـ الخجل]

اسمها لا أعرف

أين تسكن لا أعرف

من أين صرخت أعرف

دعوني أسميها صديقتي

جاء تشكو طاغية حنين عليها

بعدما أنجبها و درسها يريد أن يشنقها؟؟

بعدما أنارت دنيته يريد أن يحرقها

صديقتي عمر الحزن في قلبها ثلات سنوات

يريد أن يمتصها

يريد أن يعشعش في شراينها

صديقتي أتفقت هي و حزنها على قتل حبيبها

داك الشاب الوسيم الدي رسم حياتها

داك المجاهد الدي قلب الدنيا لأجلها

داك الصبور الدي داق الصبر منه ولم يقتله ثلاث سنوات

صديقتي تصرخ و تقول أسحب نفسي من نفسه حتى يعيش

و هل يعيش السمك في البر يا صديقتي؟

صديقتي تريد أن تلبس ثوب المجاهدة التي تضحي من أجل سعادة الاخرين

ألم يكن يجدر بك أن تجاهدي من أجله

لما لا تصرخي في و جه فرعون الحنين؟؟؟

صديقتي تريد رأي قيس المجنون؟

هل أصبح للجنون رأي؟؟

و هل كان لليلى بدمعتها ما تريد؟؟

تقتلني قصتك

ويقتلني دالك الشاب ألاف المرات

أه يا صديقتي لو كان الحل بيدي

لأخرجتك من قلب صديقي

و لأنسيته بك كما لم يعرفك

و لرسمت له جهنم يرميك فيها

لاكن ستموتين بعد ما يحظنك معاوية

ستتقطعين بعدما يمسح دموعه صديقي

نصيحتي نصيحتي ضميه قبل أن يستفيق من نومه

أحظنيه قبل أن يخطفه الصبر منك

و أقدفي كل قاهر بكلمت أحبه أحبه أحبه حتى و ان أفنيت عمري لأجله.

اخــي نجيــب .. رسمت على وجهي ابتســـامة عريــــضة

و الله نقرا و فرحانة

ان شاء الله صاحبة المشكلة تقراها

و ان شاء الله تتحل مشكلتها

بــوركتـ اخــي :regards01:
​

 

[نجيب]

اخــي نجيــب .. رسمت على وجهي ابتســـامة عريــــضة

و الله نقرا و فرحانة

ان شاء الله صاحبة المشكلة تقراها

و ان شاء الله تتحل مشكلتها

بــوركتـ اخــي :regards01:
​

و الله اختي هد الموضوع عصبني جدا


أتمنى من كل قلبي أن تتخد القرار الصحيح

و أن تدوم ابتسامتك و فرحتك


شكرا لك

و دمت

 

[الباندي]

بصراحة انا نحير في تخمام بعض الاولياء ربي يهديهم يسروا الزواج لاولادكم و ربي يطرح باراكته من بعد

لازم واحد كبير يحكي معاه ولا واحد من اهل هذا السيد يحكي معاه راجل مع راجل و يفهموه ...اودي علاه يديرو للسيد كيما هكا علاه..... سبحان الله

(هو يقلي راكي ظلمتيني كي خليتيني بعدما حبيتك و نويتك للدار)...... متسمحيش فيه و متظلميهش كثر

ملي راه ظالمو باباك..........نGولك حاجة بصح متزعفيش اختي و الله غي يبغيك اكثر ماتتصوري انتي.....

هذا باباك لازم يحكو معاه ويفهموه العقلية كي دايرة .....ربي نسمعو عليك كان الخير ان شاء الله.

 

[مفآهيمـ الخجل]

ان شـــآء الله اخــي نجيــب ... ربي يحفظكــ

***

الله يهـــدي ..
​

 

[ملكة الكبرياء]

انا يبالي انت مديري ولو خلي هد الرجل هو لي برهن بباك بلي يستاهلك و انت عمرك لتخالفي راي بباك
و ربي معاك

 

[AnGeL*dZ]

رضى الله من رضى الوالدين
اكيد انتي مش راح توقفي في وجه باباك وتعارضيه
مي انتي صلي صلاة استخارة اذا ارتاح قلبك ليه احكي مع أمك أقرب النآس ليك تفهم لباباك بللي مالازمش يحكم على الرجل من عمامو
على الأقل يقعد يحكي معاه يعرف عقليتو خير مايضلمو هاكا
​