معجنات منوعة من مطبخي

[روز]

السلام عليكم ورحمة الله وبركاته

هذه بعض انواع المعجنات عملتها سابقا
والبيتزا بأشكال مختلفة

شاورما على طريقتي

تارت السلق بطريقة جديدة

كروفات مشوية

تارت بالحميص واللحم المفروم

بوراك تركي على طريقة اختي كوثر الوهرانية

بيتزا على طريقة بيتزا هات

وهذه اشكال اخرى من المعجنات

ان شاءلله تكون عجبتكم
تحياتي


تفضلو هنا

بعض تطبيقاتي لكيكات وحلويات

وهنا

بعـض من أطـباقي خلال الأيام الماضية
​

 

[بنت الـ25]

اسعفينا بالوصفات رايح يغمى عليا
آآآآآآآآآآآآآه قلبي الصغير لا يتحمل
يعطيك الصحة روزاااا فريمون قتلتيني وسخفتيني
يسلموووووووووووووووووووو
​

 

[السلطانة]

وعليكم السلام
الله الله

كيما قالت مينات راح يغمى علي خخخخخخخخخخخخخخخخ
انا عطيوني هادا برك

 

[مطبخ الأحلام]

وعليكم السلام

يمي يمي يمي صور حابة تنطق

يعطيك الصحة يا فنانة انتي تبارك الله
​

 

[mimi53]

yaaaaaaaaa mamiiiiiiii kalbi saghir la yatahamel koulechi fen tesselam ayadi

 

[روز]

اسعفينا بالوصفات رايح يغمى عليا
آآآآآآآآآآآآآه قلبي الصغير لا يتحمل
يعطيك الصحة روزاااا فريمون قتلتيني وسخفتيني
يسلموووووووووووووووووووو
​

اهلا منوتة
يعطيك الصحة الصحة بارك الله فيك
وش هو طبق لي عجبك باش نعطيك الوصفة نتاعو ؟
تسلميلي يا غالية على المرور لا يحرمنا منك

 

[روز]

وعليكم السلام
الله الله

كيما قالت مينات راح يغمى علي خخخخخخخخخخخخخخخخ
انا عطيوني هادا برك

ههه شفتي البوراك التركي قع سخفهم وفي الحقيقة لا يقاوم
صحيتي ساندريلا :-r

 

[روز]

وعليكم السلام

يمي يمي يمي صور حابة تنطق

يعطيك الصحة يا فنانة انتي تبارك الله
​

الله يسلمك سوسو
ننتظرو في أطباقك هنا في اللمة حتى يستفيد الجميع
نتي تاني اطباقك روعة

 

[روز]

yaaaaaaaaa mamiiiiiiii kalbi saghir la yatahamel koulechi fen tesselam ayadi

ههه ميمي وحدك نتي تنوريني يا غالية
ومايحرمني منك حبيبتي

 

[ندى الورود]

امممممممممم ما خليتيني فينا والو يا روز معجنات رائعة يعطيك الصحة

 

[روز]

الله يسلمك اختي ندى الورود
الفايدة كي عجباتك

 

[*amina*]

روز احبيبتي اعطيني وصفة البوراك التركي بالتفصيل الممل يعيشك

 

[روز]

روز احبيبتي اعطيني وصفة البوراك التركي بالتفصيل الممل يعيشك

من عيوني..

فيها رطل فرينة + زوج مغارف لحظة + مغرف سكر + شوي ملح + مغرف ونص خمارة الخبز + وستة مغارف زيت ولميها ماتعجنيهاش بزاف وغلفيها ولا ديريها في ساشي ترتاح ساعة كاملة

الحشو :
زوج حبات بصل مرابين قلبيهم مليح مع شوي زيت وزيديلهم اللحم المطحون وزيديلهم زوج حبات جزر مرابين وحبة بطاطة مرابية ( انا مادرتهاش ) رابيهم الكل في الجهة الرقيقة وزيدي الملح وفلفل اكحل وزوج مغرف طماطم مصبرة وزديلهم فنجان ماء وخليهم فوق نار هادية حتى يطيبووينشف الماء نتاعهم

لما ترتاح العجينة حليها بالحلال تكون رقيقة حطي الحشو وفوقو الفرماح اي نوع (انا حطيت الفرماج المربع نتاع الهمبرغر يجي بنين ) وارجعي غطي على ذاك الحشو بالعجينة وشكليهم هليلات كبار ولا مربعات او اي شكل تحبيه
انا قبل لنطيبهم عملت عليهم بالموس بحركة خفيفة خطوط افقية وعمودية ومسحتهم بالبانس بشوي زيت
وطيبيهم في مقلة تيفال او طاجين المسمن وعسيهم مليح باش يدو اللون المطلوب وقلبيهم حتى يطيبو

اذا جربتيهم صوريهم نشوفوهم
بصحتكم مسبقا

 

[*amina*]

يعطيك الصحة حبيبة ان شاء الله نحطلكم الصور

 

[روز]

لمن سألتني على طريقة طهو الأومليت على الخاص هو سهل جدا

افصلي صفار البيض عن البياض بطريقة آمنة حتى يبقى الصفار محافظ على شكله
بعها ضربي بياض البيض مع شوي ملح مليح حتى يصير مثل الثلج
ضعيها في مقلة تيفال وادهنيها بالزيت اذا استلزم الأمر
ضعي بياض البيض المخفوق في المقلاة وفوقه صفار البيض
وفوقه فلفل اسود وملح وضعيها على النارخفيفة حتى يطيب من تحت وفوق
الصفار اذا كنتي حابة يكون طايب اكثر دخلي الطبق للفرن يكون أحسن

 

[omarwa]

رد: معجنات منوعة من مطبخي

روعة اختي هيبا ابدعت امممممم وامممممم مشكورة حبيبتي

 

[راجية الغفران]

رد: معجنات منوعة من مطبخي

:regards01:الله يبارك اختي يعطيك الصحة باينين يشهيو ماشاء الله

 

[rose09000]

رد: معجنات منوعة من مطبخي

كلش يشهي بصح بيتزا أمممممم :up:
من فضلك كي تقدري حطيلنا الوصفة و الفرماج واش من نوع

 

[آمِيْرَتُه]

رد: معجنات منوعة من مطبخي

السلام عليك
يسخفوا ياويل المتوحمة إذا دخلت هنا
يعطيك الصحة

 

[@R@ZIK]

رد: معجنات منوعة من مطبخي

أمممممممممممممممم الله يبارك
يعطيك الصحة شكلهم روعة وباين عليهم بنان​