ولاد قل من 18 سنة و يسوقوا !!

[red rose]

السلام عليكم ناس اللمة

ان شاء الله راكم ملاح


مرسي بزاااف للادارة على هاذ القسم على الاقل الواحد كي يتنرفز من كاش حاجة
يجي يفرغ قلبوا هنا بالدارجة ماش حتى نتعبوا مع العربية الفصحى هيهي:d:d

الوغ موضوع اليوم هو الوالدين الي يمدوا لمفاتح تاع السيارة لولادهم :$:sport02::sport02:

راها انتشرت بزااااااف هاذ الظاهرة هي عباد مازالوا مغلقوش 18 سنة و يسوقوا :scared01::scared01:

و نورمال وواحد ما يهدر معاهم + الاولياء يشجعوهم على هذا :-o:-o

و يقولك ولدي كبير و يعرف صلاحوا خلي يتعلم ماداموا صغير :s:s

ااو قولوا يتعلم بعيد حياتنا ماشي لعبة :dunno01::dunno01::tongue02::tongue02:
و الله اليوم فات علينا واحد من الكلاسة الي نقرا فيها ملحقش حتى 15 سنة يسوق :very_mad::very_mad::sport01::sport01:

تقول ماشي طاكسي هاذي طيارة ناقصها جنحين :very_mad::very_mad::d:d

+ انا نظن بلي هاذي هي السبة تاع كثرة الحوادث و كل نهار كثر من رقبة طيح

ايه و زيد قالك جادارميا قالك يفوت عليه نورمال كي شغل فايت بvيلوا :-o:-o
ما يهدر معاه ني والوا :s:s

+ المعريفة راها دايرة حالة في هاذ المجال ما يسلك منها غير ولد عميس

ياخي حالة ياخي الله يهدي ما خلق
يلعبوا بحيات الناس كيما يحبوا و القتيلة دايرة حالة

اييه و قبل ما نقولكم سلام

ان لم ترد على الموضوع فستموت بعد دقائق هيهيهيهي:p:p:p

ايا نطير كثرت بزاف
سلااام:love01::love01::regards01::regards01:

​

 

[السلطانة]

وعليكم السلام

موضوع هايل اختي يعطيك الصحة

صح هاذي الظاهرة راهي كثرت بزاف

غير لي يتحلب ولدو ويكبر يبدى يلعبها راجل ويمدلو يسوق

مافهمناش بواش يخممو برك


صحيتي

 

[نجيب]

موضوع مميز


هده الظاهرة تفشت في مجتمعنا و نحن الان نحصد ما زرعوا الاباء من حوادث المرور


لا أخفي عنك كنت مثل هد الاشخاص الدين تكلمت عنهم


كان عمري 16 سنة الحمد لله الدي سترني لاكن بعد مرور الايام و في هد السن لا أستطيع ان أعطي السيارة


لأي شخص بدون رخصة. عندي أخي في سن 17 لن يركب السيارة كسائق حتى يحوز على رخصة السياقة.



و كل هدا راجع الى الوالدين .


تقبلي مروري

 

[ماكانش]

أغلب ألي يسوقو صغار الطاكسي دارتها ماماه
وماماه تحكم في باباه ولحديث قياس ..

 

[Ryry_Ndj]

السلام عليكم
موضوع رائع وهادف كما تعودنا على مواضيعكي عبورة
هذي الظاهرة انتشرت و كما قلتي كثرت بسببها حوادث المرور
مي يلي مافهمتوش كيفاه يمد لوليدو يسوق وعلابالو خطر على حياتو وعلى حياة الناس تجي تفهم يحبس راسك
بوركتي ودي وتقديري لكي​

 

[الباندي]

اودي الواحد دروك وراه بلاعقل

كي كان في عمري 16و17و18و19 سنة قريب ما درت كوارث عظمى باتم معنى الكلمة دعاوي الشيبانية اسكتي برك

بصراحة الواحد كان طايش مليار sur tt في موضوع السوGة هاذا.....

ربي يهدينا و يهدي خاوتنا..... ويسوgو بالعقل هذا مكان.

Merci Abir

 

[YARA 26]

موضوع رائع اختي
بارك الله فيكي
رانا نشوفوا هذي الظاهرة بزاف ولاد عمرهم 14.15.16 يسوقوا في السيارت
وكيما قلتي والديهم يزيدوا يحفزوهم على هذا الشيء
(يقولك وليدي راه كبير خليه يسوق)
وهدي الظاهرة بسبتها كثروا حوادث المرور
شحال من مرة يقتاوا دراري صغار مساكن ربي يرحمهم
ربي يهدينا جميع ان شاء الله
وشكرا مرة ثانية اختي ع الموضوع المميز ​

 

[SOFIANE020]

والله مشكل السياقة في الجزاير حاجا كبيرة
مجازر طريق راه يحصد الكثير من الناس وخاصة هدوا صغار
واش نقولوا لازم يكون وعي عند ابائهم وتكون قوانين ردعية صارمة
من طبيعة المراهق يكون طايش و يحب السرعة
ربي يستر
ان لم ترد على الموضوع فستموت بعد دقائق هيهيهيهي:p:p:p
هكذا انتي لاتقلي خطورة عن الاولاد لي سوقوا هههه
شكرا ختي

 

[anissa 13]

مرات مايكونش العيب فالاباء بل الابناء الطايشين والله نعرف ناس اباءهم معارضين على السواقة بصح ولادهم يسرقو السيارات في وقت اللي يكون الاب راقد او خرج بدون سيارة .... لو لمدة 10 د الابن مايطلقش
صراحة انا ضد ولد تحت 17 او 18 سنة يسوق سيارة وحتى اللي تجاوز 18 سنة الا ادا كان رزين ويتقن السياقة ويحترم القوانين
مرات نشوف واحد مركب صحابو والموسيقى افون ويدورو فالمدينة نستغرب علاه بالسيارة باه تعشي تقتل ارواح بريئة ؟ روح لداركم ودير قعدة لصحابك بلا هاد التبهليل
ربي يسترنا واحد ماراح يحترم القوانين حتى الكبار والدليل الاطفال اللي ماتو ليوم ربي يرحمهم
ربي يهدي ماخلق
​

 

[stelllo]

هذا الموضوع صحيح منتشر بزاف ومش غير ف الدزاير ف كل بلاصة تقريبا
طبعا نهدر عن اللي يسوقوا بلا بيرمي
....
انا كي كنت 17 عام كنت نسوق ونروح الليكول بالطاكسي
بس طبعا كان عندي البيرمي والحمدلله