- إنضم
- 11 جانفي 2015
- المشاركات
- 1,016
- نقاط التفاعل
- 1,942
- النقاط
- 71
السلام عليكم و رحمة الله تعالى و بركاته
علابالي بلي جاتكم في بالكم اختنا آهات القلب وعلاش بطلت لقراية ؟؟؟؟؟ و شكون كان السبب و نلبي طلب اختي الغالية منيت و نقللكم :
درك نقوللكم لكن بشرط انك ما تكذبونيش و ما تقولوش راهي تجيب من راسها كيما عملتيولي مرة اللي قاتت هذي حكاية صراتلي انا و على بيها بطلت لقراية و ما تقولوليش واينو القانون على خاطر ماعلاباليش .
نبدأ على بركة الله :
كنت نقرا نورمال الناس كامل تعرفني و تعرف اني ناس ملاح و واحد ما يتجرأ يهدر معايا و لا يقلقني لانني لابسة الحجاب و ملتزمة كانوا كامل يقدروني على جال الحجاب واحد النهار حكا معايا واحد قالي حاب نخرج معاك انا في الاول ما قيمتوش لكن تمادى في الهدرة معايا قتلوا واش تسحق قال خفت ليفكروا حاجة بيناتنا بيسك هو ما يحشمش يهدر معايا قدام الناس نخرج معاك قتلوا على الاقل احترم الحجاب رحت و خليتوا هو غاضتوا و حب ينتقم مني و علاه على خاطر ما خرجتش معاه نعم ايه هو لبنات كامل يخافوا منو و واش يقوللهم يلبيو يتسمى هو غير تاع سكرا و وووووو العياذ بالله المهم ثاني نهار رحت نقرا تعرضلي في الطريق هو 3 صحابوا و هو سكران و الله انا تخلقت شوفت خليقتوا هكاك من بعد بدا يسب فيا و يقول ما تخرجيش معايا ما تخرجيش معايا اليوم نقتلك اليوم نعمل و نعمل .......... انا نبكي و نبكي و نقولوا خليني لكن هو و صحابوا الرحمة مكانش .
و الناس رايحين جايين بحدانا و الله يا خاوتي واحد ما قدر يسلكني منوا و هو يضرب فيا على خاطرش كامل يخافوا منو كسرلي ضرستي و نفخلي و جهي المهم رحت لدارنا مدقدقا أختي شافتني تخلعت استغفر الله عييت نرتح شوية .................ههههه
جا واحد ربي يحفظوا ناس فاميليا بارك الله فيه و قدر يهديه و قالي روحي لداركم أنا الخلطة اللي غلطتها هي اني كيما قلقني ما قلت لحتى واحد خبيتها في قلبي خفت من دارنا هو تخمامهم زي خلاف ما حبيتش نهدر لكن بعد اللي صرالي كون قلت خير .
سمانة ما رحتش نقرا و كيما جيت نروح او تشوفوا لكلام اللي لقيت على لسان لعرب و الله تشوكت واحد يقول آي راحت معاه و واحد يقول آي ........... المهم راسي حبس لكن واش دخلني قلت انا بيني بين ربي صافية و هو مايهدروا على رواحهم هو السمانة هديك حوسوا عليه خاوتي ما لقاوهش ما علاباليش وين راح انا قلت تهنيت منو لكن تفاجأت السمنة لخرا بعتلي مع طفلة قالها كون ما تخرججش معايا نخطفها .وووو.............. انا هنا خفت صح و علابالي يديرها بيسك ماشي انا الاولى دخل 100 مرة للحبس نورمال و يخرج من بعد قالولي أضطريت نبطل لقراية و نقعد في الدار و انا صغيرة هنا واش ذنبي انا نبطل لقراية على جال الشرف تيعي نورمال لكن واش ذنبي لكن دارنا الله يهديهم فهموها حاجة اخرى و بدات المعانات مع دارنا و لحد الآن و انا في المعاناة و لحد الآن و انا حزينة و المشاكل انا نكبر و هي تكبر معايا نقللكم حاجة بيناتنا بصح انا حاولت الانتحار لكن ربي ما كتبليش باه نموت و تراجعتت الحمد لله هذي هي حكايتي يا خاوتي في رايكم تسحق اني نهدم مستقبلي عليها وليت ما نعرفش حتى نخمم مليح من كثر التخمام
نقوللكم بلي لحكاية هذي ماشي مسلسل صرات معايا انا اختكم في الله آهات و كون نحكيلكم واش مزال أكثر و أكثر نشكركم بزاف علي سمعتيو ليا خاوتي و ادعيولي الحمد لله الحمد لله الحمد لله
اختكم في الله
علابالي بلي جاتكم في بالكم اختنا آهات القلب وعلاش بطلت لقراية ؟؟؟؟؟ و شكون كان السبب و نلبي طلب اختي الغالية منيت و نقللكم :
درك نقوللكم لكن بشرط انك ما تكذبونيش و ما تقولوش راهي تجيب من راسها كيما عملتيولي مرة اللي قاتت هذي حكاية صراتلي انا و على بيها بطلت لقراية و ما تقولوليش واينو القانون على خاطر ماعلاباليش .
نبدأ على بركة الله :
كنت نقرا نورمال الناس كامل تعرفني و تعرف اني ناس ملاح و واحد ما يتجرأ يهدر معايا و لا يقلقني لانني لابسة الحجاب و ملتزمة كانوا كامل يقدروني على جال الحجاب واحد النهار حكا معايا واحد قالي حاب نخرج معاك انا في الاول ما قيمتوش لكن تمادى في الهدرة معايا قتلوا واش تسحق قال خفت ليفكروا حاجة بيناتنا بيسك هو ما يحشمش يهدر معايا قدام الناس نخرج معاك قتلوا على الاقل احترم الحجاب رحت و خليتوا هو غاضتوا و حب ينتقم مني و علاه على خاطر ما خرجتش معاه نعم ايه هو لبنات كامل يخافوا منو و واش يقوللهم يلبيو يتسمى هو غير تاع سكرا و وووووو العياذ بالله المهم ثاني نهار رحت نقرا تعرضلي في الطريق هو 3 صحابوا و هو سكران و الله انا تخلقت شوفت خليقتوا هكاك من بعد بدا يسب فيا و يقول ما تخرجيش معايا ما تخرجيش معايا اليوم نقتلك اليوم نعمل و نعمل .......... انا نبكي و نبكي و نقولوا خليني لكن هو و صحابوا الرحمة مكانش .
و الناس رايحين جايين بحدانا و الله يا خاوتي واحد ما قدر يسلكني منوا و هو يضرب فيا على خاطرش كامل يخافوا منو كسرلي ضرستي و نفخلي و جهي المهم رحت لدارنا مدقدقا أختي شافتني تخلعت استغفر الله عييت نرتح شوية .................ههههه
جا واحد ربي يحفظوا ناس فاميليا بارك الله فيه و قدر يهديه و قالي روحي لداركم أنا الخلطة اللي غلطتها هي اني كيما قلقني ما قلت لحتى واحد خبيتها في قلبي خفت من دارنا هو تخمامهم زي خلاف ما حبيتش نهدر لكن بعد اللي صرالي كون قلت خير .
سمانة ما رحتش نقرا و كيما جيت نروح او تشوفوا لكلام اللي لقيت على لسان لعرب و الله تشوكت واحد يقول آي راحت معاه و واحد يقول آي ........... المهم راسي حبس لكن واش دخلني قلت انا بيني بين ربي صافية و هو مايهدروا على رواحهم هو السمانة هديك حوسوا عليه خاوتي ما لقاوهش ما علاباليش وين راح انا قلت تهنيت منو لكن تفاجأت السمنة لخرا بعتلي مع طفلة قالها كون ما تخرججش معايا نخطفها .وووو.............. انا هنا خفت صح و علابالي يديرها بيسك ماشي انا الاولى دخل 100 مرة للحبس نورمال و يخرج من بعد قالولي أضطريت نبطل لقراية و نقعد في الدار و انا صغيرة هنا واش ذنبي انا نبطل لقراية على جال الشرف تيعي نورمال لكن واش ذنبي لكن دارنا الله يهديهم فهموها حاجة اخرى و بدات المعانات مع دارنا و لحد الآن و انا في المعاناة و لحد الآن و انا حزينة و المشاكل انا نكبر و هي تكبر معايا نقللكم حاجة بيناتنا بصح انا حاولت الانتحار لكن ربي ما كتبليش باه نموت و تراجعتت الحمد لله هذي هي حكايتي يا خاوتي في رايكم تسحق اني نهدم مستقبلي عليها وليت ما نعرفش حتى نخمم مليح من كثر التخمام
نقوللكم بلي لحكاية هذي ماشي مسلسل صرات معايا انا اختكم في الله آهات و كون نحكيلكم واش مزال أكثر و أكثر نشكركم بزاف علي سمعتيو ليا خاوتي و ادعيولي الحمد لله الحمد لله الحمد لله
اختكم في الله
آخر تعديل بواسطة المشرف:
