الرفيس

[Oum Loukmane]

صبا ح الخير على فحلات بلادي اختي نسيمه اليو م جببتلكم وصفة الرفيس كيما وعدتكم
المقادير
4كيلات سميد متوسط
1كيله دهان ذائبه مش معمره
ملح و2مغا رف سكر
حوالي 1كلوغرام تمر منقي
مغرف فلفل عكري احمر حلو
دهان ذائب
طريقة التحضير
خدمي بكفك مليح سميد+دهان+ملح والسكر

ثم ابدئي ترشي بالماء وتفتلي مثل ما تعملي مع المقروض

لاحضي الصور تفهمي

طيبيه في الطا جين

ثم ابدئي تفتي وهو سخون

حطي معه التمر وهو سخون

عركيه مليح حتي يدخل التمر مع الالخليط ثم اضيفي الدها ن الذائب مع الفلفل لاحمر

وهذا الشكل النهائي

:up::up:
واش رايكم انشاء الله يعجبكم

 

[جمالي في حجابي]

مشكووووووووورة اختي

 

[nassima 87]

يعطيك الصحة راه يشهي حنا هدا نسموه الرفيسة نزيو معاه المكسرات في الاغلب نمدوه للنافس يدير لحليب​

 

[Ryry_Ndj]

السلام عليكم
سلمت يداك اختي على الوصفة والطرح الرائع
ودي وتقديري لكي

 

[السلطانة]

يعطيك الصحة اختي

 

[أم منيــــــر]

السلام عليكم
شكرا بصح يسمى يجي مالح مافيه لا سكر لا عسل ؟
حبيت نعرف برك
الرفيس نتاعنا ماشي هكدا كانش نهار نجيبلكم الطريقة ان شاالله
نسنى جوابك ختي
بارك الله فيك

 

[Oum Loukmane]

مشكورات على الردود الجميلة إن شاء الله تجربوه و يعجبكم

 

[Oum Loukmane]

السلام عليكم
شكرا بصح يسمى يجي مالح مافيه لا سكر لا عسل ؟
حبيت نعرف برك
الرفيس نتاعنا ماشي هكدا كانش نهار نجيبلكم الطريقة ان شاالله
نسنى جوابك ختي
بارك الله فيك

لالا أختي أم منير يجي حلو مالتمر

 

[أم منيــــــر]

لالا أختي أم منير يجي حلو مالتمر

يعطيك الصحة ان شاالله نجربو
كما فيهش لعسل يجي شباب وانا منحبش حاجة حلوة بزاف
حنا رفيس نتاعنا تمر ويزيدو لعسل يجي شباب بزاف بصح حلوحلو لميقدرش للحلاوة بزاف ياكل شوي يشبع كما انا
بارك الله فيك:regards01:

 

[اميرة في مملكة العلم]

ما نحبوش للاسف ...على كل حال شكرا

 

[Oum Loukmane]

اختي نسيمه عندنا لنديروه لنافسه نحطو فيه العسل والدهان بدون التمر

 

[ثَسْكُورْثْ نَثْدُوكْلِي]

سلام عليكم
شكراا على الطريقة هي اول مرة نتعرف على هذا النوع من الرفيس
ويبان يشهي الله يبارك
سلمت يداك

​

 

[Oum Loukmane]

الله يسلمك بنتي يجي يشهي اكثر كي تجربيه

 

[samah06]

رد: الرفيس

الله يبارك فيك اختي
لكن عندنا كيما درتي انت الكسرة هاديك بعدما نفتوها نفوروها ونعاودوها بالحليب ونعاودونفوروها بماء الزهر وفي الاخير ندرولها العسل والزبدة
اما رفيس الكسرة اللي بالغرس فهو شيء اخر
منك نستفيد
شكرا لك

 

[حكايا الورد]

رد: الرفيس

السلام عليكم ورحمة الله وبركاااته

بارك الله فيك ي وجزاك ي كل الخير

يعطيك ي الف عافيه

بانتظاار وصفاات اخرى

تحيااااااااتي ​

 

[بنت الـ25]

رد: الرفيس

وتحسي باللبن هكاك بعد
يسلموووووو عالوصفة احنا ما نحطوش فيه تمر مي تبان إضافة مليحة

 

[Oum Loukmane]

رد: الرفيس

الله يبارك فيك اختي
لكن عندنا كيما درتي انت الكسرة هاديك بعدما نفتوها نفوروها ونعاودوها بالحليب ونعاودونفوروها بماء الزهر وفي الاخير ندرولها العسل والزبدة
اما رفيس الكسرة اللي بالغرس فهو شيء اخر
منك نستفيد
شكرا لك

شكراعلى الطرح هذاك نوع اخر عندنا نديروه فيالنفاس الله يحفضك

 

[Oum Loukmane]

رد: الرفيس

اختي حكاية الورد اختي minetteشكرا على الردود

 

[ندى الورود]

رد: الرفيس

شكرا يا ام لقمان على الوصفة
وصفتك مختلفة على تاعنا احنا ما نحطوش السكر والفلفل العكري
نديروها بالسميد والغرس والزبدة برك

​

 

[Oum Loukmane]

رد: الرفيس

شكرا يا ام لقمان على الوصفة
وصفتك مختلفة على تاعنا احنا ما نحطوش السكر والفلفل العكري
نديروها بالسميد والغرس والزبدة برك

​

السلام عليكم السكر نحطه باش يجي المبسس احمر كي نطيبوه والعكري يعطي اللون بعد الطياب