بيسكوي رولي
المقادير
5بيضات
5 مغارف سكر
5 مغارف فرينة فقط
مافيهش لا فاني لا زيت لا زبدة والو
الشاربات
كاس ماء
و 4 مغار كبار سكر و ندوبوهم عادي في الماء فقط لاغير
طريقة التحضير
نفصلو البياض عن الصفار و نطلعو البياض كالثلج
ونحطوه بجيه
نخلطو الصفار مع السكربالباتور حتى يبياض الخليط وخلاص استعمال الباتور نضيفو 5 ملاعق كبار فرينة ونخلطو بالسباتولا من الاعلى للاسفل و نبداو نضيفو في البياض بلعقل و نخلطو من الاعلا للاسفل حتان نتحصلو على هدا الخليط
نحيو منو شويا ديرولو الكاكاو
وحطوه داخل لابوش وارسمو اشكال انا متلا رسمت هدو
هنا كاين اللي يحطوه يتكونجلا باه كي يديرو لاجينواز البيضة ما تفسدلهمش الرسمة
انا درت حاجة اخرى
درت لاجينواز البيضة في بوش هنا مكانش عندي بوش درتها في ساشي و فتحتو شويا
و عملت خطوط فوق الرسم رايحة جاية حتان تعمر البلاتو نتاعي وبالتالي ما فسدتش الرسمة و ما استعملتش الكونجيلاتوغ هاهي ليكم الطريقة
املاو الفراغات انا هنا درتها بالعاني باه تفهمو الطريقة
وحطوه يطيب فقط 10 دقايق وزيدو شعلو عليه شويا من فوق ونحيوه
جيبو سرفيطة مشمخة ومعصورة حطوه فوقها
نحيو الورق اللي طيبنا عليه و اقلبو البيسكوي نتاعكم ورولي بالسرفيطة وهو سخون بلا ماتديرو لا كريم روليوه فوق السرفيطة يعني كلي السرفيطة هي لاكريم حطوه بسرفيطتو في التلاجة يبرد
كي يبرد عاودو حلوه و شربوه بالسيرو وديرولو لاكريم شونتي ولا واش حبيتو وعاودو روليوه عادي
المقادير
5بيضات
5 مغارف سكر
5 مغارف فرينة فقط
مافيهش لا فاني لا زيت لا زبدة والو
الشاربات
كاس ماء
و 4 مغار كبار سكر و ندوبوهم عادي في الماء فقط لاغير
طريقة التحضير
نفصلو البياض عن الصفار و نطلعو البياض كالثلج
ونحطوه بجيه
نخلطو الصفار مع السكربالباتور حتى يبياض الخليط وخلاص استعمال الباتور نضيفو 5 ملاعق كبار فرينة ونخلطو بالسباتولا من الاعلى للاسفل و نبداو نضيفو في البياض بلعقل و نخلطو من الاعلا للاسفل حتان نتحصلو على هدا الخليط
نحيو منو شويا ديرولو الكاكاو
وحطوه داخل لابوش وارسمو اشكال انا متلا رسمت هدو
هنا كاين اللي يحطوه يتكونجلا باه كي يديرو لاجينواز البيضة ما تفسدلهمش الرسمة
انا درت حاجة اخرى
درت لاجينواز البيضة في بوش هنا مكانش عندي بوش درتها في ساشي و فتحتو شويا
و عملت خطوط فوق الرسم رايحة جاية حتان تعمر البلاتو نتاعي وبالتالي ما فسدتش الرسمة و ما استعملتش الكونجيلاتوغ هاهي ليكم الطريقة
املاو الفراغات انا هنا درتها بالعاني باه تفهمو الطريقة
وحطوه يطيب فقط 10 دقايق وزيدو شعلو عليه شويا من فوق ونحيوه
جيبو سرفيطة مشمخة ومعصورة حطوه فوقها
نحيو الورق اللي طيبنا عليه و اقلبو البيسكوي نتاعكم ورولي بالسرفيطة وهو سخون بلا ماتديرو لا كريم روليوه فوق السرفيطة يعني كلي السرفيطة هي لاكريم حطوه بسرفيطتو في التلاجة يبرد
كي يبرد عاودو حلوه و شربوه بالسيرو وديرولو لاكريم شونتي ولا واش حبيتو وعاودو روليوه عادي
