الله غالب هذي الدنيا

[مشكلتي]

انا فتاة ادرس bac للعام الثاني بدات مشكلتي من رمضان 2014 اتذكر في اول ايام رمضان المبارك خرجت نتيجة الباك و مع الاسف لم اجد اسمي معهم صحيح اني انقهرت لكن قلت لاباس بذلك و بعدها ليلة 15 رمضان مجموعة من السارقين دخلو الى منزلنا و سرقونا لكن الحمد الله جات سلامات اخذو اشياء خفيفة وفي تلك الايام امي ربي يحفظها و يطول في عمرها طاحت مريضة حكمتها الخلعة و بعدها تحسن حالها قليلا فقط و بعدها جدتي ربي يرحمها مرضت مريض كبير و كبير جدا قلت لازم نروح نزورها لكن جدتي تسكن في ولاية بعيدة عن ولايتنا ودائما اقول لامي و ابي خلوني نروح نطل عليها و هوما دائما يقولون لي خلي الاسبوع المقبل كل اسبوع دائما يقولون نفس الكلامانا في بلي قلت منغلطش نفس الغلطة الي درتها مع جدي ربي يرحمو عندوا 4سنين منذ وفاته قلت في العطلة تاع 1 نوفمبر انا روح قالولي معليش لكن شاء القدر و اخذ ربي امانته جدتي وافتها المنية يوم 21 اكتوبر 2014 الحقيقة صدمة كبيرة جدا و لم يكن من نصيبي ان اكون واقفة معها يوم وفاتها لم احضر لجنازتها فقد بقيت في المنزل اواسي نفسي فلم اجد من يمسح دموعي او يقف احد بجانبي اليوم لها 4 اشهر منذ رحيلها و الى اليوم لم اذهب اليها و بعد وبعد مرور 5 ايام منذ وفاتها اي 25 اكتوبر حذث لي شيء لم يكن في الحسبان زارنا ابن عمي الذي ذهب الى العسكر كاجا يعني و حاول التحرش بي و لكني لم ادعه يفعل شيء لي و منذ ذلك الحين و انا مدمرة نفسيا و لم اجد شخص افضفض له عن بالي لاني و ببساطة فتاة وحيدة في المنزل ليس لدي صديقات ااتمنهن على اسراري لم اشأ ان اخبر عائلتي لكي لا اخلق العداوة بين عائلتي و عائلة عمي كرهت كل شيء حتى دراستي كرهتها فقد اصبحت احبس نفسي في المنزل لم اعد تلك الفتاة التي تحب الضحك و تحب الناس والله كرهت فانا اكثر لاستغفار كثيرا لكن مشكلتي اني احس اني ابتعدت عن ربي كثيرا لم اعد تلك الفتاة التي تقرأ القرأن كل ليلة و لم اعد احافظ على صلاتي مثل زمان اتمنى ان تدعو لي بان يفرجها علي ربي لاني حقا سانفجر ومع العلم اني راضية على هذه الاشياء لكن الله غالب هذي الدنيا

 

[حكيك]

رد: الله غالب هذي الدنيا

ربي يهدي سرك
تم الاعتماد

 

[السلطانة]

رد: الله غالب هذي الدنيا

وعليكم السلام

ربي يفرج همك اختي وييسر أمرك ان شاءالله

 

[فوفو الجميلة]

رد: الله غالب هذي الدنيا

صح هذي حال الدنيا ربي معاك و يكون في عونك و ربي يهديك و يهدينا اجمعين

 

[دعاء الجنات]

رد: الله غالب هذي الدنيا

_كل انسان في هاذي الدنيا يمر بأصعب مراحل حياتو تختلف من شخص لآخر،أنا أوصيك ماتستسلميش مرحلة وتفوت حتى أنا ماجيبتش الباك الأول كتت مريضة وكانت عندي ظروف قاسية ومالقيت حتى واحد _على الأقل أنت لقيتي اللمة ،ولكن الحمد لله تغلبت عليعا وجبت الباك........فقط اصبري كل شي يجوز

 

[chr-ndj]

رد: الله غالب هذي الدنيا

ربى معاك و ربى يوفقك ومادام هكذا انبك ضميرك وحكيتى هكذا ربى مايخليكش نشاء الله ربى يعوضك بحوايج خير و يهديك و يسر امورك ربى معاااااااااااااااااااااك و رنان هنا كلما ضاقت نفسك احكى فرغى قلبك وكيما قلتى كى ماتربحى والو تربحى دعوة خير نشاء الله ============احب امثالك ممن يخطئون يتنازلون وسرعان ما يتداركون الامر ______احبك فى الل​

ه

 

[آهات القلب]

رد: الله غالب هذي الدنيا

الله يكون معك و لي عودة ان شاء الله

 

[بنت الصحراء08]

رد: الله غالب هذي الدنيا

اختي متياسيش ابدا انا نعرف وحدة صحبتي المقربة كان عمرها 12وكانت وحدها جا ولد عمها وبدا يلعبها كلي راهو يلعب معاها وهو يتحرش بيها هي كانت عارفة نيتو ومقدرت تخبر حتا واحد لوكان عرفو يقتلوه وبدات تدعي ودعوة المظلوم مستجابة
ارواحي اليوم شوفي واش راهو صاير فيه رغم شهاداتو ومعارفو قاعد شومور والناس كل تكرهو وراح يخطب حتى واحد مقبل بيه جزاء ليه على لي تحرش بطفلة صغيرة عليه ب13 سنة
العبرة انوربي ميخلي تاواحد ضايع وحبل ربي طويل

 

[بقايا إنسان]

رد: الله غالب هذي الدنيا

من الأزمة تلد الهمة ومن العسر يلد اليسر ومن الضيق يلد الفرج ومن التصدي تلد الشجاعة فلا تحزني أختنا ولا تحملين هم غيركي فإن لنفسكي عليكي حق وإن طمع فيك ابن عمك وأراد أن يسترخسكي فأنتي قد تصديتي له وإن عاود ذلك فقبل الاقتراب منكي ابزقي عليه في وجهه فهذا هو جزاؤه واتركيه يرى الوجه الذي تطاول على بناة الناس
ربما اكون بعض الشيء قاصيا لكن هذا من شدة غضبي لمثل هذه الافعال
فرج الله علينا وعليكي اختنا الكريمة واسكننا بجوار الشهداء والنبيين إنه بكل جميل كفيل وهو حسبنا ونعم الوكيل

 

[مابقاش بزاف.Dz]

رد: الله غالب هذي الدنيا

ربي يفرج همكـ و يرحم جداتكـ و يسكنها فسيح جناته
مهما كان ما تقنطيش و ما تقطعيش رحمة ربي فهو رؤوف رحيم اشكي همك لربي في صلاتك و ادعي يفرج عليك و اكثري من الاستغفار .. راكي قلتيها هذه هي الدنيا من الدنو و كل واحد كيفاش و الهموم الي عنده ....أصبـري و احستسبي و اجرك عند الله و وكلي ربي على الي ظلموك و مادام عندكـ باكـ حاولي تقراي و تجيبيه ان شاء الله
بالتوفيق ليكـ