كرهت كرهت

[مشكلتي]

انا فتاه عندي 18 سنة قسم نهائي
تعرفت على واحد يحبني و نحبو جامي لحقني ولا طيح القدر معايا.. المهم العلاقة ديالنا جدية بزااف و مور الباك راح يخطبني باذن الله...
فهاد المدة صراولي بزاف مشاكل راني حابة تفهموني و تديروني كي ختكم الصغيرة و تفيدوني








كنت صغيرة بزاف فالسن كي لعبو بيا بنات لحرام و اوهموني بقصة حب خرافية بواحد كبير عليا ب 4 سنين كنت هذاك الوقت دايرة في بالي هذاك هو الحب و علاجالو خسرت بزاف عفايس مي الحمد لله فقت مع راسي و جبدت روحي و تهنيت منو و من هاذوك الجماعة تاع الفاسقات


بعد عامين ملي خلاصت العلاقة ديالنا عاود رجع بوجه صحيح يقولي نحبك و جامي نسيتك و راني نخدم و نصلي و كذا و كذا مي الحمدلله لي تولهت بلي مابيهش يحبني بيه ما نكون لحتى واحد من غيرو سورتو كي سمع بلي هذا لي رني معاه هدر عليا و مازال برك العلاقة تولي رسمية مور الباك


المهم انا غلقت كامل البيبان لي يوصلوه ليا مي المشكل جا ليا وين نقرى و كروشا مع خو خطيبي لي يقرى في الليسي ديالي


و كي خلاص هاذ المشكل سمعت لبارح بلي راهو جاي عند بابا يقولو بنتك كانت معايا و بابا ماراحش يسمحلي و راني خايفة على مستقبل قرايتي قولولي كيفاش ندير معاه ؟؟ كيفاش يخطيني علما انو انا نكرهو و ما راحش نوليلو و أصلا ما نحملش نهدر معاه و نتفاهم معاه

 

[راضية حامدة]

رد: كرهت كرهت

تم الاعتماد

راني حايرة في حكايتك
الان عمرك 18
معناها كي كنت تعرفي هذا المخلوق 4 سنين و عندك عامين ملي خليتيه كان في عمرك 12؟

هذا هو ثمن الاخطاء لي تدفعو البنت لما تغلط
تبقى طول حياتها خايفة تنكشف اخطاءها و تتبهدل قدام الناس

هذا الانسان راه حاب يضرك باقرب الناس لك
وش نقولك
الله يجيب الخير
و ان شاء الله البنات كي يشوفو مشكلتك يتعلمو بلي هذو الشباب لي يجوهم النهار الاول بالكلام المعسول ماهم الا ذئاب بشرية
ما يدوهم ما يخلوهم يعيشو حياتهم

ان شاء الله ما توصلش وين يقول لباباك لانو هو الاول يخاف على روحو

 

[مهدي الثعالبي]

رد: كرهت كرهت

بعض الأخطاء كالمرض الخبيث تنمو و تتكاثر مع الزمن ، من الاحسن معلجتها في مهدها و ذالك بمواجهة المشكل وفقك الله يا بنيتي ، اتمنى ان يكون درسا للمستقبل

 

[أم لينة]

رد: كرهت كرهت

السلام عليكم
يا أختي ان شاء الله تستفيدي من أخطائك ، ان نظن بلي يخلع فيك برك و حتى اذا راح لباباك مش راح يصدقو لانو ماهو حاكم عليك والو حسب هدرتك ، ان شاء الله يقدملك الي فيه الخير و اهتمي بقرايتك الان ..

 

[stelllo]

رد: كرهت كرهت

ربي يهدي الجميع
ركزي ف قرايتك ومستقبلك وخلي هذه الأمور
ونصيبك ان شاء الله راح تأخذيه
واحسن حاجة خلي الخطيب يجي لباباتك وباباتك يفاتحك بالموضوع مش العكس
وربي يجيب اللي فيه الخير

 

[مرام التيبازية]

رد: كرهت كرهت

السلام عليكم اختي عندك لا تخسري قرايتك ركزي فيها برك و متخافيش مايقولش لباباك على خاطر هو تاني يخاف يخلصها و ربي يجيب الخير و ربي يوفقك

 

[نجيب]

رد: كرهت كرهت

ما يجي ما والو غي يكدب لوكان صح ميقولكش


و ين راه المشكل غي لي يجي عند باباك يأمنوا


و الله تسمع كلام كيما هدا راسك يحبس


متخافي ما والوا روحي عند خوتك قوليلهم


راه يتبعني​

 

[بقايا إنسان]

رد: كرهت كرهت

للأسف اختي الخريمة معنديش ليك حل لآنو وبكل بساطة أنتي هي المشكل بذاتو فكيف برايك نحولو المشكل الى حل؟؟؟
اعذريني على هذه الاجابة تحياتي

 

[safisung2010]

رد: كرهت كرهت

من الافضل انك تصارحي والديك

 

[مهدي الثعالبي]

رد: كرهت كرهت

حذاري ان تخافي من تهديداته يا بنيتى وتسقطين ضحيته مرة اخرى ، عليه هو ان يخاف لانه استغلك وانت قاصر هل تعلمي ما معنى قاصر ؟ كنت غير واعية و غير مسؤلة و لا لوم عليك وفقك الله يابنيتي و لا تنسي ابدا ان الماضي يصنع الحاضر ، فأغرسي ما تنوين حصده في المستقبل

 

[hadil21]

رد: كرهت كرهت

انا معنديش حل لانو الغلطة غلطتك انتي واش داك لهاد لعفايس حتا يوصلوك هنا

 

[chr-ndj]

رد: كرهت كرهت

سلام ختى الحاجة الاولى نتى كى عرفتى الاول مافهمتش لدرك وش كان السبب خاطر كنت ى صغيــــرة لدرجة ماتفكريش ديري واحد و لدرك تبانلى مازلك صغيرة مالغرى راكى تقولى عليه ناويك بالصح نقولك حاجة فكرى روحك وش كنت تقولى على الاول فى البداية تفهى بلى الطريق لى راكى ماشيتها غالطة و متديكش بعيد لا مع ربى لا مع روحك لا مع والديك هاد الانسان من المستحيلات يجى يقول للاب تاعك و لا كان راح يقولو راه موش بنادم خاطر معندها تا معنى و لا جا اتحملى غلطتك و توبى و الاب تاعك راح يزعف اكيد بالصح مايرضالك غير الخير و بعدى على جغبيل و تخلاط لى معندو تا معنى تلهاى بقرايتك و بروحك و مكتوبك تديه مشيتى معاه و الا لالا و ربى يوفقك و يقدرك تبعدى على هاد شىء تقبلى مرورى و نيتى الحسنة رغم تواضع الرد

 

[العـآئـدة إلـى الله]

رد: كرهت كرهت

انت كنتي صغيرة ودرك مزالكي صغيرة
مي ديري فبالك مكتوب حد ما يديه حد ,,, ربي سبحانه اذا كتبلك هداك ولا هداك ولا واحد اخر كامل متعرفيهش
ومادام انت وفيتي واخلصتي للثاني فمتخافيش صلي صلاة الاستخارة حنونة وادعي ربي ومتخافيش
الله يمهل ولا يهمل
وديري فبالك كل مشكلة عندها حل كل مشكلة عندها حل كل مشكلة عندها حل
المهم متغلطيش مرة اخرى وتسمحي فالثاني ,,
وانا نصيحتي ليك مزالكي صغيرة على الخطبة وعلى الزواج مي الخطبة تولي احسن من انو تبقاي فالحرام
وانا ندعيلك يا ختيتي متخميش ربي ميخليكش
متخافيش كااااااااااااااااامل ريحي والتهاي بقرايتك
كامل يروحو تبقى غير قرايتك
وباش نزيدلك ميجي يقول لباباك ماوالو
ونصيحتي ليك احكي لهذاك الثاني احكيلو مي مش بالتفصيل برك باش يعرف
وان شاء الله ربي يكون معك

 

[MISS ROSE]

رد: كرهت كرهت

سلام عليكم
ختيتو والله ماعندو مايدير اغلبه بالتمسك في ربي
كتري من الاستغفار لا اله الا انت سبحانك اني كنت من الضالمين
و اليس الله بكاف عبده
و مش مشكل كي نغلطو المهم تتعلمي وتعرفي قيمة نفسك واصلا هو غايتو تخويفك
ايمالا العبيها قاوية اقهريه بالحكمة في الخالق وديري وسيط مع عيلتك يدخل بالخير
ربي معاك​

 

[بنت الصحراء08]

رد: كرهت كرهت

بلاك راه يتمسخر لخطرش كاين عباد هذي هوايتهم
​

 

[@R@ZIK]

رد: كرهت كرهت

مساء الخير اختي
الانسان يغلط خطرة المفروض يتعلم من خطئه
كنت ما تزيديش تدخلي في علاقة أخرى وانت بهذا السن
لكن لي صرا صرا
يمكن هذا الشاب يقول لباباك باه حتى واحد ما يديك زكارة
بصح انت اسبقيه واحكي لباباك وحطيه في الصورة ولا خفتي احكي ليماك وهي تحكيلو
أكيد مشي كلشي هكذا اذا صح الشاب جا واحكى لباباك يكون عندو علم
وردة فعله ما تكونش قوية
واذا واجهك باباك قوليلو راه يكذب
هكذا الامور تكون خفيفة
ان شاء الله تستفيدي من خطئك
ادعي الله كثيرا وان شاء الله كل خير ​

 

[زيزي احمد]

رد: كرهت كرهت

لا تخافي فهذا النوع من الرجال يخاف حتى من خياله
لو كان رجلا لما هدد فتاة لتبقى معه بالقوة فهذا دليل على أنه جبان و محتال
لو صفعته صفعة أمام خلق الله فلا يستطيع ردها فدعيه يفعل ما يشاء أو اصفعيه أمام جمع من الرجال سيغادر بلا رجعة خوفا من العار و الخجل
كوني قوية و لا تخشي بشرا بل إخشي رب الكون و اطلبي منه العفو و المغفرة و تسلحي بتقوى الله و عودي إلى طريق الصواب و أكثري من قراءة القرآن حتى تهدأ نفسك و يرتاح بالك
مثل هذا الرجل رجال كثيرون لا يستحيون فلا تعيريه أدنى اهتمام و امضي في شأنك دون الإلتفات إلى الماضي و لا تجلبي العار لأهلك حتى لا تعيشين مرارة الذل و المهانة
هداك الله و أصلح حالك و أراحك من هذا المتطفل

 

[karimasgr]

رد: كرهت كرهت

:thumb_up02: