تدخين الفتيات الى اين(مشارك في المسابقة)

[بنت الصحراء08]

اليوم اخوتي بغيت نهدر على الظاهرة اللي شوكاتني بزاااااااااف فتيات او بكلمة اخرى مراهقات يدخنو عادي والكل علاباله ونورمال حاسبين رواحهم حاجة والمشكل انهم يفتاخرو بيها وانا نعرف وحدين منهم بصح قلت اشاعات ورحت سقسيت وحدة قاتلي(واه انا جبدت غير جبدة وحدة) انا استغربت قلتلها(وعادي راكي فرحانة )ردت عليا(ايه علاه واش درت ماشي نهاية العالم)
فرايكم المسؤولية علامن راها واقعة هنا

انا فرايي هذي المسلسلات وما دير ولالا
​

 

[السلطانة]

رد: تدخين الفتيات الى اين(مشارك في المسابقة)

اعتماد سريع

ولي عودة ان شاء الله
​

 

[AmiR@RoRo]

رد: تدخين الفتيات الى اين(مشارك في المسابقة)

السلام عليكم
سبحان الله رجع الفساد لحتى هاد الدرجة
وزيد غي جبدة وحدة ؟؟
صراحة لا تعليق
ربي يهديهم ويعفو عليهم بنات وولاد ​

 

[أم منيــــــر]

رد: تدخين الفتيات الى اين(مشارك في المسابقة)

واش هاد الوقت لي لحقنالوا

المسؤولية الاولى الوالدين والتسيب نتاعهم وزيد المسلسلات كما قلت الله يستر

بارك الله فيك
​

 

[الباندي]

رد: تدخين الفتيات الى اين(مشارك في المسابقة)

جبدة غي جبدة وحدة و الله جي تفهم دوخ هاذي هيا الله غالب

المرة الجاية تقولك شربت غي كاس ميش بزاف

 

[سفيان اسلام]

رد: تدخين الفتيات الى اين(مشارك في المسابقة)

السلام عليكم

انا ظني مثل ظنك المسلسلات
نشالله يولو لعقولهم ويعرفو شاهم يديرو
ربي يهنيك اختي

 

[آمِيْرَتُه]

رد: تدخين الفتيات الى اين(مشارك في المسابقة)

السلام عليك
ظاهرة نراها في مجتمعنا و كأنها عادية
كاين وحدة في لافاك كنت رايحة نشرب قهوة دخلت طلبت وريحت حتى وليت نشم في الريحة و أنا مريضة حساسية
دورت وجهي باه نطلب من لي راه يتكيف يبدل بلاصة و لا يطفيه حتى لقيتها شيرة في جماعة تتكيف و الضحك و الكارثة قاعدة مع لي يسموه راجلي زعمة متزوجة
كي ولات الظاهرة هذي منتشرة في المؤسسات التربوية و التعليمية مبقات هدرة
كون جاو يهدرو و مانعينها ما تنتشر أبدا
ربي يهدينا و يهديهم

 

[اسماعيل22]

رد: تدخين الفتيات الى اين(مشارك في المسابقة)

هههه يا ختي الوقت هذا ولينا نشوفو العجب
لوكان نقولك يا ريت غير جات في الدخان
والفتيات لي راهم يبيعوا المخدرات في المدارس و الجامعيات اللي تقيم في الاقامات الجامعية
ياك غير كيما دارو فضيحة تاع الهواري لومبيلونص
كي ترجع البنت تضرب امها و ترفع صوتها
و تستغل ضعفها و ضعف أبيها بسبب الحالة الصحية
أو الى غير ذلك توقع كلش منها
الله يجيب الخير
راني خايف برك تجي عندي وحدة
تقولي شريكي عندك بريكة نقولها الله يعفو عليك
هههههه ربي يبقي الستر
مرسي على الميضوع سلام​

 

[الناقد الصريح]

رد: تدخين الفتيات الى اين(مشارك في المسابقة)

شكرا على الموضوع أختي
تتحدثين على أن التدخين للرجل فقط يا أختي أنا كنت مدخنا و التدخين سهل جدا ان كان للرجال او النساء او حتى الاطفال والشيوخ ولو كان للرجال لكتبوا في العلبة أسفل عبارة التدخين مضر بالصحة *للرجال فقط*
صراحة كنت تافها غبيا
و لا دخل للأولياء هنا لأن التدخين لضعاف الشخصية/ يختبؤون وراء السجائر/ و الأغبياء/لا يفرقون بين الضار والنافع/ و التافهين/يظنون أنفسهم كما نقول بلهجتنا *حاجة كبيرة*/ ولا علاقة له بالتربية
دمت سالمة

 

[BLEU PEARL]

رد: تدخين الفتيات الى اين(مشارك في المسابقة)

السلام عليكم أختي واش راه يصرى فالجامعة وفالإقامة مانحكيلكش خير مرة رحت نغير شالي عند زميلة لأني تشمخت بسبب المطر فير دخلت للرواق قريب انصرعت من الرائحة وكي شافتني تشوكيت ضحكت وقاتلي هذا والو المحاين الكبار مانحكيلكش عليهم خير
صراحة دقيقة مازدتهاش لتم الحمد لله وألف الحمد يارب ربي بعدني على هاذ الأمور البنات التقيات المقيمات راهم يعانيو مساكن
ربي يجيب الخير مابقى والو كي ولاو البنات يتكيفو
بالتوفيق لك أختي​

 

[السلطانة]

رد: تدخين الفتيات الى اين(مشارك في المسابقة)

عدت للتعقيب

نشفالها اختي وحد المرة وحدة نعرفها حق المعرفة
حكاتلي على خالتها قاتلي راهي كي تتقلق تتكيف
بالدرقة على الدار :-o
وهي عاندتها جات جربت 3 مرات
ومرة داها باباها للطبيب تاع الصدر قاتلي متت بالخوف قلت خلات عليا واليوم يفوق بيا :-o:-o:-o:-o
يعني كاين بنات يجربو نفحة !!!
وكاين هادوك المنحرفات ربي يهديهم
يجربو الدخان والزطلة ووو

بالتوفيق اختي

​

 

[السلطانة]

رد: تدخين الفتيات الى اين(مشارك في المسابقة)

للرفع.............

 

[stelllo]

رد: تدخين الفتيات الى اين(مشارك في المسابقة)

فتيات ولا فتيان ربي جاع يهديهم
حاجة مضرة بالصحة ومش مليحه

 

[حكايا الورد]

رد: تدخين الفتيات الى اين(مشارك في المسابقة)

السلام عليكم
هذه الظاهرة و إن كانت خطيرة جدا على الأقل
مازالت فيها حشمة نوعا ما أقولها بتحفظ قليل
فأغلب الفتيات المدخنات تلقاهم يدخنوا في السر مايش
نلقاها شيء عادي في الأماكن العامة و الشوارع و وسط العائلة
شيء رهيب حقا وين راهي التربية و الحشمة و العادات و التقاليد
و المعتقدات الدينية و الله ساعات تكذب اذا رانا شعب مسلم سبحانك يا ربي
ظاهرة خطيرة جدا و السبب أسباب عديدة المسلسلات اللي غسلت دماغ
فتياتنا و التربية السيئة و الغالطة و نقص الوعي و... و....
حوايج بزاف و الضحية المجتمع يرجع فاسد
شكرا لك بالتوفيق
​

 

[حلم ساندريلآ]

رد: تدخين الفتيات الى اين(مشارك في المسابقة)

السلآم عليكم
انا ياخيتي مآكآنش هاد الظاهرة في لآبلآص اللي نسكن فيها
بصح معك حق البنآت تآع هاد الزمآن يقدرو يعملو اي حاجة بآه يخربوا صورة الاسلآم
الله يهدي
بالتوفيق في المسابقة

 

[بنت الصحراء08]

رد: تدخين الفتيات الى اين(مشارك في المسابقة)

شكرا على التفاعل بصح بغيت نقولك اختي حكايا الورد انو الحاجة اللي خلعتني انها تتكيف فالعلن وتقولها عادي

والاخطر انها تتكيف زوج سيجارات ولا كثر مرة وحدة عادي انا هاد البنت تقرى معايا في 4 سنين وغاضتني بزاف دايرا في بالها بللي راهي تدير حاجة فور
​

 

[نجيب]

رد: تدخين الفتيات الى اين(مشارك في المسابقة)

و الله بالنسبة لي شيء عادي

اقول عادي لان الفتاة التي تدخن تندهشون منها

هناك الاف الفتايات بائعات الهوى نراهم كل يوم لم لا نتعجب

هناك الاف الفتايات يمشون في الشارع مع عشاقهم و يتبادلون حتى الفبل لم لا نتعجب؟

هناك فتايات يقدمون لهم الهدايا في الجامعات من طرف عشاقهم تحت التصفيق و فيه عدة فيديوهات عن دالك

لم لا نتعجب . يقولون هدا حرية التعبير و التقدم وووووووو من فن التطور.

التدخين اقل درجة من كل الاشياء التي دكرت

حقا عاداتنا و تقاليدنا و ديننا الحنيف لا يسمح بدالك لاكن يجب علينا ان نرى كل الاشياء التي تحدث و ليس فقط التدخين.

اتمنى من كل قلبي ان تفهموا كلامي جيدا و لا تقولوا انه يشجع على تدخين الفتاة .


شكرا لك اختي على الموضوع.

بارك الله فيك

 

[hadil21]

رد: تدخين الفتيات الى اين(مشارك في المسابقة)

علامات الساعة

 

[بنت الصحراء08]

رد: تدخين الفتيات الى اين(مشارك في المسابقة)

شكراا على الردود

 

[زهور الشوق]

رد: تدخين الفتيات الى اين(مشارك في المسابقة)

الا جبدة شوكاتك واش نقول انا اللي ايماجيني وسط الولاية تمشي مع صديقها وتتكيف اون بلان بوبليك وااااااااع دربت لعقلي ماصبتوش
والله وصلنا لزمان وااااعر بزااف وكي راه الحياء راه كلش
ربي يهدييييييييينا​