- إنضم
- 15 نوفمبر 2012
- المشاركات
- 7,170
- نقاط التفاعل
- 23,474
- النقاط
- 351
أسعد الله أوقآآتكم خيتآتي اللماويات
تشيز كيك على طريقتي الصراااحة بزاااف بزاااف شباب لا يقاوم
نشرع على بركة الله
أول حاجة نشعل الفرن يسخن
مقادير الجينواز
كل واحد يشوف المول نتاعه شحال يرفد من بيضة ويخدم على حسابه
المهم في كل بيضة 25 غ سكر و 25 غ دقيق
بالنسبة ليا
2 بيضات
50 غ سكر
40 غ دقيق 10 غ كاكاو
ملعقة صغيرة خمارة حلوى
فانيلا
طريقة تحضير الجنواز :
في وعاء نخفق البيض مع رشة ملح والفانيلا ثم نضيف السكر ونستمر في الخفق حتى نحصل على خليط متماسك ثم نضيف الدقيق والكاكاو والخمارة مع نخلهم فوق الخليط ونحرك على مهل نخلف القالب بالورق المشمع ونفرغ الخليط وندخله الفرن كالعادة من فوق كالشمع ومن تحت متوسط مدة الطهو حوالي 15 دقيقة وكل واحد والفرن نتاعو
وهدي الجينواز بعد ماطابت
نروحو في تحضير الكريمة
المقادير
4 جبن كيري + ملعقة كبيرة سكر ناعم
2 علبة ياغورت كراميل
كاس حليب + ملعقة نيسكافي
ملعقة شوكولا فينيتي
50 غ كرام شانتيي
150 مل كريمة سائلة
طريقة التحضير :
نخفق 4 كيري مع ملعقة سكر ناعم تقدري تعوضي الكيري بجبن عادي
الجبن لازم يكون على درجة الغرفة باش مايتكتلش
نضيف فوقه 2 ياغورت كراميل وبنفس العلبة نعبر الحليب + ملعقة نيسكافي نخلطوهم بملعقة
ثم نضيف 50 غ شانتيي ثم نطلعها بالخلاط الكهربائي
ضفتلها شوكولا تنباع عدنا تقدري تعوضيها بشوكولا فينيتي الي يدهنوها في الخبز أو اي نوع شوكولا دائبة
في وعاء ثاني نخفق 150 مل كريمة سائلة حتى تصير مكللة ونضيفها لكريمة الجبن
حتى نحصل على هذه الكريمة يم يم
في فنجان حطيت ماع دافي مع ملعقة نيسكافي وسقيت الجينواز
ثم وضعت الكريمة
رحيت كمية من كاوكاو وفرشتها فوق لكريمة تقدري تعوضيها باي مكسرات ترغبين
ثم ادخلتها الثلاجة عبال احدر القناش
القناش الاول بالشوكولا البيضاء
فنجان كريمة سائلة نحطوها في كسرون ونحميوها فوق النار وقبل ماتغلي نقلعوها ونضيفو حوالي 75 غ شوكولا ونحركو حتى دوب
ونصبوها في القالب وندخلها الثلاجة تنشف حوالي ساعة
ثم نحضر القناش بالشوكولا السوداء
أنا عملت طبقة هادي شويا عريضة
نفس طريقة القناش بالشوكولا البيضاء فقط ضاعفت المقدار اي
فنجانين كريمة سائلة + 150 غ شوكولا سوداء
ثم نصبها فالقالب وتدخل الثلاجة درتها مع المغرب وبيتها ليلة كاملة في الثلاجة
وكي جيت نقلع المول بالسكين فوت على كل الجوانب وسحبته
وهاهي النتيجة
هاد المورصو لفتحي لحق الي غيرلي أسمي :d
تم بعون الله والحمد لله
