على أنغام بلاك بلاك بحضور الأستاذ

[آمِيْرَتُه]

السلام عليكم ورحمة الله تعالى و بركاته


مرحبا بحباب اللمة كي العادة :love01:


gاع راكم تقولو هذي شراهي تهدر :s
البارح رحت نشوف أختي تلاقيت ببناتها جاتني الوسطانية بحديا رفدت pوشات و منبعد ضحكة قالتلي فكرتيني بحكاية كونا نقروا ايا خرج الأستاذ ناضو في القسم يغنو بلاك بلاك و يرقصو و هو دخل بدا يصفق و يغني معهم :bravo01: و صحبتها رفدت pوشات و قالتلهم تخيلو راني نكاميري فيكم :-o قالتلي نص ساعة و هما دايرين عرس في القسم بحضور معالي الأستاذ :-r
قلتلها يا حسراه على وقتنا ووقتكم كنا كي ندخلوا القسم ذبانة متتحرك و كي نشوفوا الأستاذ جاي نموتوا بالخوف و ضرك رجعتوا تغنوا و زيد بلاك بلاك مليحة هذي :surrender01:
منبعد يجي ليك و يدير اضراب و يقولك زيدو لينا في الخلصة ستف روحك و قدم رسالتك منبعد تجي عليك لا درت اضراب
كل يوم رانا نشوفو الجديد و كل مانشوفو هاك نقولو باي باي لالجيري :cray01:







​

 

[Ma$Ter]

رد: على أنغام بلاك بلاك بحضور الأستاذ

السلام عليكم ورحمة الله
بدا انقرض هذاك النوع تاع الاساتذة لى يبان صعيب ويخوف
وتغيرت عقلية الاساتذة كثيرا
انا نعرف اساتذة من صحابي عقليتهم تاع مراهقين
ربي يجيب الخير
بارك الله فيك اختى
​

 

[السلطانة]

رد: على أنغام بلاك بلاك بحضور الأستاذ

وعليكم السلام

باندثار الأساتذة الآيلين للزوال

راح من وهكا نشوفو مثل هذه المخلوقات بزاف

يرجع القطاع كامل دراري

من المدير للمراقب للأساتذة

 

[hadil21]

رد: على أنغام بلاك بلاك بحضور الأستاذ

اساتذة اخر زمن يا حبيبي ههههههه

 

[Hakan]

رد: على أنغام بلاك بلاك بحضور الأستاذ

شكرااا على الموضوع​

 

[~Rita Queen ~]

رد: على أنغام بلاك بلاك بحضور الأستاذ

بلآآآآآآآآآآآآك بلآآآآآآآآآآآآآآآآآآآآآآك هههههههههه
لا تعليق
​

 

[Ra Off]

رد: على أنغام بلاك بلاك بحضور الأستاذ

منّآ ورايح .. نتوقّع نشوفو الغميّضة في قاعة الأساتذة

والله شي مؤسف
ومش غير التصرفات الصبيانية ، لأنو نقدرو نتغاضاو عليها اذا كان الأستاذ
يؤدي في واجبو بأتم معنى الكلمة
لكن المشكل الثاني في مستوى هاذوك المعلّمين

عندي خويا في الإبتدائي ، كل يوم نحضر معاه دروس
والمسائل اللي راهو يجيب فيها ، وكأنو حطهم واحد خابط
يقريو فيهم بالغالط وفوق هدا كامل
بلاك بلاك

شكرا منينو على الطرح والموضوع الأليم
​

 

[اسماعيل22]

رد: على أنغام بلاك بلاك بحضور الأستاذ

الأساتذة تاع زمان راهم بداو يخرجوا على التقاعد خاطرش كرهوا من التعليم وما يدور من حوله خصوصا في السنوات الأخيرة هاذي
لنجد هؤلاء المتخرجين اللأواخر منقولوش كامل لكن معظمهم ليسو مكونين مثل أساتذة زمان حتى طريقة تعليمهم لا محل لها من الإعراب
وبالنسبة للأستاذ يغني مع التلاميذ أنا نشوفه أرحم من الشيء اللي شفته (أستاذة متخرجة جديدة صغيرة في السن تشطح قدام التلاميذ)
أنعم اااسي tu vois comment ça se passe dans l espace
شكرا على الموضوع الجميل
الله يهدينا​

 

[Amine7N]

رد: على أنغام بلاك بلاك بحضور الأستاذ

كاين أساتذة غير ناضجين عقليا
وبسببهم إنتشرت مثل هذه الظواهر وهذا التسيب
أنا مازلت نشفى على روحي في الإبتدائية منين نشوف الأستاذ برا يمشي في الطريق
نهرب أنا وصحابي
ونتخباو حتى نشوفه راح

 

[بنت الـ25]

رد: على أنغام بلاك بلاك بحضور الأستاذ

انا كنت نحسب فيها غنية تع لهيه
اسع ظهرت بالاك بالاك تع الراي لا مكذبنش ربي هههههههههه
ماينة والله
ولد ختي صغير يقرا فالتحضيري (مزال يهدر بالثاء والذال:d) قالي :
ثيدي يونث ما يقوليش أثامة يقولي حوثامة:-o
وبنت عمي ثاجدة يقلها راكعة:d
ولعشية نديو معانا الجوي ونروحو نلعبو بيهم:bravo01:

قتلو وش تقراو
قالي الثباح برك نقراو الف باء ،، لعشية غير لعب:yahoo01:
ههههههههههههههههههههههه

علاه؟ خاطر بقالو عام ويتقاعد
هدا زعما من الجيل تع بكري
اما الجيل تع درك فحدث ولا حرج
هداك نهار مروحة فالبيس نسمع في 3 بنات يحكيو ويضحكو
ممبعد فهمت قاعدين يحكيو على الطوايش اللي يديروهم الولاد فالقسم
وعاجبهم الحال ويضحكو كي شغل حاجة تفرح:thumb_up02:
بيان سير مدام تضحك مع لتلميذ رح يدخص وما يوليش البروف عندو قدر:down:

فالمتوسط ومام فالليسي كنا صح مداخصين الأستاذة
مي كي يتغشو ويخزرو فينا ندوبو:$
وكيما قال Mig Algeria كنا مين نشوفو الاستاذ فايت نتخباو:$

انا مرة فالعطلة كنت نسوق فالفيلو :d،، ايا ونتلاقى بالاستاذ تع العربية:-o
مالخلعة راحتلي السوقة :tongue02:وكان السور فالجنب :sport01:
طومبيت فيه وبقيت نحرث فيه
حتى تجرحت من يدي ولعظم ولى يبان تلمو السور خشن الحيط تعو اييييييي
ههههههههههههههههههه يخي حالا

شكرا منمن على الموضوع الكيوووت :graduation:
​

 

[نجيب]

رد: على أنغام بلاك بلاك بحضور الأستاذ

و الله يا اختي كنا نشوفوا الاستاد نهربوا خاصتا في الابتدائية


و صلت نخمم كي نجي نرقد غدوا واش رايح يكون المعلم في الميزاج نتاعوا

اليوم راني نشوف الاستاد يعشق فالتلميدة نورمال و يحكي معاها بالهاتف نورمال

و زيد ميفهمش حتى الدروس لي يحطهم و كيما قالوا الاعضاء غير ناضج تماما

شيء مؤسف لاكن العار على المسؤولين لي راهم طلقين رواحهم و نساو خدمتهم و الاجيال الصاعدة

ميعرفوا والوا غي الاضراب و زيدوا الدراهم مراهمش يقدونا و حنا لي منديو والوا من الدولة

أنا نعرف استاد متزوج استادة و ابنته أستادة و يزيد يخدم كلونديستا و زيد تلقايه فالمقهي يشكي

الدولة معطتناش و مدروناش واش يديرولكم يا وجوه الشر احنا منا نديو والوا و مهدرناش

مزال المعوق يخلص 3000دج متقدهش حتى في ليكوش

و الله التعليم في بلدنا راح و مبقى غير الدكريات .


شكرا اختي على الموضوع الهادف ​

 

[آمِيْرَتُه]

رد: على أنغام بلاك بلاك بحضور الأستاذ

السلام عليكم ورحمة الله
بدا انقرض هذاك النوع تاع الاساتذة لى يبان صعيب ويخوف
وتغيرت عقلية الاساتذة كثيرا
انا نعرف اساتذة من صحابي عقليتهم تاع مراهقين
ربي يجيب الخير
بارك الله فيك اختى
​

آهلا آخي
كي عاد الأستاذ يتلاقى بتلميذه في القهوة مبقات قراية هنا بلاد راحت
ربي يجيب الخير
شكرا

 

[آمِيْرَتُه]

رد: على أنغام بلاك بلاك بحضور الأستاذ

وعليكم السلام

باندثار الأساتذة الآيلين للزوال

راح من وهكا نشوفو مثل هذه المخلوقات بزاف

يرجع القطاع كامل دراري

من المدير للمراقب للأساتذة

آهلا شوشو وين راه وقتنا دوماج و الله
ربي يجيب الخير المهازل راهي بالقناطر
شكرا على المرور

 

[آمِيْرَتُه]

رد: على أنغام بلاك بلاك بحضور الأستاذ

منّآ ورايح .. نتوقّع نشوفو الغميّضة في قاعة الأساتذة

والله شي مؤسف
ومش غير التصرفات الصبيانية ، لأنو نقدرو نتغاضاو عليها اذا كان الأستاذ
يؤدي في واجبو بأتم معنى الكلمة
لكن المشكل الثاني في مستوى هاذوك المعلّمين

عندي خويا في الإبتدائي ، كل يوم نحضر معاه دروس
والمسائل اللي راهو يجيب فيها ، وكأنو حطهم واحد خابط
يقريو فيهم بالغالط وفوق هدا كامل
بلاك بلاك

شكرا منينو على الطرح والموضوع الأليم
​

آهلا روفو ياو عيش تشوف
تخدم معايا وحدة تحط بورطابل في خمارها و تبدا تحكي و تقول للتلاميذ جبدو كتاب و اكتبوا كامل النصوص عيات المفتشة وراها مي كتافها صحاح التلميذ ديما هو الضحية عجب عجب عجب
شكرا على المرور

 

[آمِيْرَتُه]

رد: على أنغام بلاك بلاك بحضور الأستاذ

الأساتذة تاع زمان راهم بداو يخرجوا على التقاعد خاطرش كرهوا من التعليم وما يدور من حوله خصوصا في السنوات الأخيرة هاذي
لنجد هؤلاء المتخرجين اللأواخر منقولوش كامل لكن معظمهم ليسو مكونين مثل أساتذة زمان حتى طريقة تعليمهم لا محل لها من الإعراب
وبالنسبة للأستاذ يغني مع التلاميذ أنا نشوفه أرحم من الشيء اللي شفته (أستاذة متخرجة جديدة صغيرة في السن تشطح قدام التلاميذ)
أنعم اااسي tu vois comment ça se passe dans l espace
شكرا على الموضوع الجميل
الله يهدينا​

آهلا خويا
نتاع تشطح كاين منها و gالولي عليها
و الله كل يوم يخرجوا بخرجة و يقولك زيدونا في الدراهم
شكرا على المرور

 

[آمِيْرَتُه]

رد: على أنغام بلاك بلاك بحضور الأستاذ

كاين أساتذة غير ناضجين عقليا
وبسببهم إنتشرت مثل هذه الظواهر وهذا التسيب
أنا مازلت نشفى على روحي في الإبتدائية منين نشوف الأستاذ برا يمشي في الطريق
نهرب أنا وصحابي
ونتخباو حتى نشوفه راح

آهلا أنا قريت مع معلمتي ليومنا هذا نحشم منها و كي كانت تجي عندي للقسم كنت نحط راسي و نقولها ديما نعم معلمة نعم معلمة و نموت بالحشمة
وقتنا وقت ووقتهم رجع رهج
شكرا على المرور

 

[آمِيْرَتُه]

رد: على أنغام بلاك بلاك بحضور الأستاذ

انا كنت نحسب فيها غنية تع لهيه
اسع ظهرت بالاك بالاك تع الراي لا مكذبنش ربي هههههههههه
ماينة والله
ولد ختي صغير يقرا فالتحضيري (مزال يهدر بالثاء والذال:d) قالي :
ثيدي يونث ما يقوليش أثامة يقولي حوثامة:-o
وبنت عمي ثاجدة يقلها راكعة:d
ولعشية نديو معانا الجوي ونروحو نلعبو بيهم:bravo01:

قتلو وش تقراو
قالي الثباح برك نقراو الف باء ،، لعشية غير لعب:yahoo01:
ههههههههههههههههههههههه

علاه؟ خاطر بقالو عام ويتقاعد
هدا زعما من الجيل تع بكري
اما الجيل تع درك فحدث ولا حرج
هداك نهار مروحة فالبيس نسمع في 3 بنات يحكيو ويضحكو
ممبعد فهمت قاعدين يحكيو على الطوايش اللي يديروهم الولاد فالقسم
وعاجبهم الحال ويضحكو كي شغل حاجة تفرح:thumb_up02:
بيان سير مدام تضحك مع لتلميذ رح يدخص وما يوليش البروف عندو قدر:down:

فالمتوسط ومام فالليسي كنا صح مداخصين الأستاذة
مي كي يتغشو ويخزرو فينا ندوبو:$
وكيما قال Mig Algeria كنا مين نشوفو الاستاذ فايت نتخباو:$

انا مرة فالعطلة كنت نسوق فالفيلو :d،، ايا ونتلاقى بالاستاذ تع العربية:-o
مالخلعة راحتلي السوقة :tongue02:وكان السور فالجنب :sport01:
طومبيت فيه وبقيت نحرث فيه
حتى تجرحت من يدي ولعظم ولى يبان تلمو السور خشن الحيط تعو اييييييي
ههههههههههههههههههه يخي حالا

شكرا منمن على الموضوع الكيوووت :graduation:
​

أهلا

هذوك الكبار راهم مدو نقدرو نغمضو عين و نتفكروا واش دارو و اش قدموا
مي هذو راني مخلوعة فيهم وحدة ترقص لاخر يغني و يغني بلاك بلاك صح نتاع عبدو و الراي المعفن
مهزلة راه يعيش فيها قطاع التربية
ربي يستر ولادنا برك حنا قرينا وقت الغفلة
شكرا على المرور

 

[آمِيْرَتُه]

رد: على أنغام بلاك بلاك بحضور الأستاذ

و الله يا اختي كنا نشوفوا الاستاد نهربوا خاصتا في الابتدائية


و صلت نخمم كي نجي نرقد غدوا واش رايح يكون المعلم في الميزاج نتاعوا

اليوم راني نشوف الاستاد يعشق فالتلميدة نورمال و يحكي معاها بالهاتف نورمال

و زيد ميفهمش حتى الدروس لي يحطهم و كيما قالوا الاعضاء غير ناضج تماما

شيء مؤسف لاكن العار على المسؤولين لي راهم طلقين رواحهم و نساو خدمتهم و الاجيال الصاعدة

ميعرفوا والوا غي الاضراب و زيدوا الدراهم مراهمش يقدونا و حنا لي منديو والوا من الدولة

أنا نعرف استاد متزوج استادة و ابنته أستادة و يزيد يخدم كلونديستا و زيد تلقايه فالمقهي يشكي

الدولة معطتناش و مدروناش واش يديرولكم يا وجوه الشر احنا منا نديو والوا و مهدرناش

مزال المعوق يخلص 3000دج متقدهش حتى في ليكوش

و الله التعليم في بلدنا راح و مبقى غير الدكريات .


شكرا اختي على الموضوع الهادف ​

آهلا
يسلم فمك خويا راك اختصرت كل شي و الله التعليم في بلدنا راح و مبقى غير الدكريات .:regards01:

 

[حكاية قمر]

رد: على أنغام بلاك بلاك بحضور الأستاذ

ماشي gاع اساتدة هكا واضرابهم شرعي لا غبار عليه لانو مطالبهم مستحقة
بعيدا عن الاضراب وعن كلمة استاذ التي لا أراه البتة لا تنطبق على شخص مثله تصرفه غير مسؤول والانتقاد يا اختي يجب أن يكون للشخص لا للمن يمتهنون نفس العمل كون أنه لايمكن تعميم حالة على الكل
ولك مثال عن استاد مضرب الذي هو أبي
يؤدي عمله ويدرس التلاميد بدون التوقيع على ورقة الغيابات
اي انه لا يتلقى أجرا لقاء عمله هذا

​

 

[nina usma]

رد: على أنغام بلاك بلاك بحضور الأستاذ

و عليكم السلاام و رحمة الله

راكي شايفة يا ختي هيا ف الصح باي بااي لمستقبل ولادناا

النيفو راه غير يهبط يا سبحاان الله **

ربي يهديهم *-*

​