هآد النوع من البنآت هل تصلح امآ { للاسف هن الامهآت و .... المآكثآت }

[ضآحكة مستبشرة]

السلام عليكم و رحمة الله تعالى و بركاته
وشراكم ناس اللمة صافا :regards02:

العنوان غريب عبيكم شوي
مي اليوم رح نحكي على لبنات
كاين بنات الفاميليا الله يحفظهم
و بنات السفيليزي

في هاد الوقت و لينا نوشوفوا بنات الفيزو و و الشعر يبان
الماكياج و لي برافان في التريق هوما لي راهم يتزوجوا

و بنات الفاميليا الله يحفظهم راهم مساكن قليل لي يشوف فيهم

في بالكم علاش هاد النوع من البنات يتزوجوا و بنات الفانمليا قليل لي يشوف فيهم ؟

اسكو هاديك بنت الزنق هي لي تصلح ام
كي متعرف تطيب خبزة ولا تقلي بيضة
تعرف التزنطيدق و امشي القدام
هادي ولات ظاهرة متنشرة بزاف
و متقولوليش مكاش منها
انا راني نقرا و نشوف

كاين بعض البنات مشاء الله عليهمن
مزالهم في ديور باباهم قادين

و بعض البنات اقسم بالله غير فالدار بالحجاب و برا متتعرفش
هادي راهي بولادها


علاش بنات الفاميليا ميصلحوش امهآت
ولآ كي ميخرجوش للزنق بزاف و ماهم معروفين و يحكوا عليهم فلقهاوي ميدومهش الغاشي
ولي الطفلة في وقتنا هادا ادا مدارتش صاحب متتزوجش

سبحان الله واش راه يصرآفي بلآدنآآآآآآآآآآآ


هل البنت بلباس فاضح وسفور وسيرة مشكوك فيها وبهاتف غلاكسي وايفون وبجهل بالدين وبالجلوس امام الانترنت ساعات
هل تصلح ان تكون زوجة


و السلام عليكم​

​

 

[السلطانة]

رد: هآد النوع من البنآت هل تصلح امآ { للاسف هن الامهآت و .... المآكثآت }

وعليكم السلام

مايغلطك حتى واحد اختي في انو النوع هادا تاع البنات يعيش مرتاح !!!
تبقى سيرتها الوسخة تتبع فيها مدى الحياة

بلاك يهفوك يبانولك عايشين لابال vي ظاهريا اما الباطن

.....

زعم لي تطير هك ربي راح يباركلها في حياتها غير لاتابت هاديك حاجة خلاف الله غفور رحيم

لكن لي تتخوبث وتتزوج زعم باه تهنى متشوفش الهنا انا هك نشوف فيها


ولي جون والرجال عمرهم مايحترمو طفلة هك


غير لي دعاوه والديه يتزوج بيها

اصلا تلقايه كيفها بعد

 

[hadil21]

رد: هآد النوع من البنآت هل تصلح امآ { للاسف هن الامهآت و .... المآكثآت }

شكراا

 

[fugi]

رد: هآد النوع من البنآت هل تصلح امآ { للاسف هن الامهآت و .... المآكثآت }

وعليكم السلام ورحمة الله وبركاته

مانكثرش عليك اختي هاد لبنات لي راكي تحكي عليهم و قلتي بلي هوما برك لي راهم يتزوجوا ووو غالبا راهم يتزوجوا باشباه الرجال معناها غالبا هي تتزوج بواحد كيفها ...

بويسك صعيب باش وحدة هكاك تعجب راجل

​

 

[آمِيْرَتُه]

رد: هآد النوع من البنآت هل تصلح امآ { للاسف هن الامهآت و .... المآكثآت }

السلام عليك
الطيبون للطيبات
ميغلطوكش حبيبتي

 

[بنت الـ25]

رد: هآد النوع من البنآت هل تصلح امآ { للاسف هن الامهآت و .... المآكثآت }

في بالكم علاش هاد النوع من البنات يتزوجوا و بنات الفانمليا قليل لي يشوف فيهم ؟​

​

​

​

أهلا أسما
موضوع شائك صح سيرتو دوكا رانا نشوفو فيه قدام عينينا كل يوم وكل دقيقة
نجاوبك
قالك كي يشوفو بنت الزنقة تهوم يقولو " ربي يستر عليها"
وكي يشوفو بنت الفاميلية يقولو " ربي يخليها لاماليها"
خخخخخخخخخخخخخخخخخخ نضحك برك:p

المشكل اللي حيرني بزاف ليجان كي يحب يخلط يلقاهم بالعرام
ومين يحب يتزوج ويسبيت يقولك ما لقيتش بنت الفاميلية؟
وين راهم بنات الفامليبة؟
قالي واحد مرة: تالمو بنات الفاميلية ولاو يسلبسو كي بنات الـ.... ولينا ما نفرقوش بينهم؟
​

تعرف التزنطيدق و امشي القدام​

​

​

شنهي الكلام هذا هههههههههههههههههههههههه

هل البنت بلباس فاضح وسفور وسيرة مشكوك فيها وبهاتف غلاكسي وايفون وبجهل بالدين وبالجلوس امام الانترنت ساعات
هل تصلح ان تكون زوجة ​

أكيد لا
الزواج مسؤولية وصبر على النوائب
وفتاة بهاد المواصفات ممكن انها تتزوج لكن مش ممكن تنجح في المهمة
شكرا على الموضوع القيم
​

 

[samsouma*]

رد: هآد النوع من البنآت هل تصلح امآ { للاسف هن الامهآت و .... المآكثآت }

العدالة الإلاهية (الطيبون للطيبات والطيبات للطيبين)
ميغركش حتى واحد مستحيل تلقاي واحد غاضب ربي في حاجة حياته نورمال
حتى وإن ظهرلك العكس..الزواج مسؤولية لازمله الطفلة الرزينة الثقيلة
والبنات الي راكي تهدري عليهم كيتزوجو يندمو خاطريكتشفو بلي الزهو ألي كانو عايشينه من قبل طفى لامباته :scared01: وبقاو في ظلمات يعمهون..

 

[knadja]

رد: هآد النوع من البنآت هل تصلح امآ { للاسف هن الامهآت و .... المآكثآت }

شفتي يا ختي كاين رجال حاكمهم العم

 

[red rose]

رد: هآد النوع من البنآت هل تصلح امآ { للاسف هن الامهآت و .... المآكثآت }

باختصار
الطيبون للطيبات و العكس صحيح
شكرا اسوووومة

 

[هآجر]

رد: هآد النوع من البنآت هل تصلح امآ { للاسف هن الامهآت و .... المآكثآت }

سلام عليكم

ميغلطوكش خلاص
مدامك

تبعي في شرع ربي
راح يكون ايمانك بالله كبير
وبلي الزواج مكتوب و رزق قبل ما يكون برستيج
متديكش خلاص ، ممكن الي داها راهو يجي نهار ويعايرها بلي وش كانت

الطيبون للطيبات يا حبيبتي حطيها مليح في بالك

سلامي​

​

 

[asouma 31]

رد: هآد النوع من البنآت هل تصلح امآ { للاسف هن الامهآت و .... المآكثآت }

سلام عليكم

الطيبون للطيبات والخبيثون للخبيثات

 

[josefcom]

رد: هآد النوع من البنآت هل تصلح امآ { للاسف هن الامهآت و .... المآكثآت }

ايه عندهم الحق الأعضاء وصاحبة الموضوع
واحد لكاليتي راها دور لا علاقة بالزواج وراهم يتزوجو وبنات لفاميلا لحراير ربي يجيب
​

 

[السلطانة]

رد: هآد النوع من البنآت هل تصلح امآ { للاسف هن الامهآت و .... المآكثآت }

وعليكم السلام ورحمة الله وبركاته

مانكثرش عليك اختي هاد لبنات لي راكي تحكي عليهم و قلتي بلي هوما برك لي راهم يتزوجوا ووو غالبا راهم يتزوجوا باشباه الرجال معناها غالبا هي تتزوج بواحد كيفها ...

بويسك صعيب باش وحدة هكاك تعجب راجل

​

عجبني ردك أخي

لأنو منقدروش نقولو على اي واحد راجل واي ودة مرى

اشباه الرجال يتزوجو بأشباه النساء

:regards01:

 

[بنت الصحراء08]

رد: هآد النوع من البنآت هل تصلح امآ { للاسف هن الامهآت و .... المآكثآت }

الله يهدينا
الدين والحياء هوما كلش فالبنت المال والزين غير حوايج فانيين

 

[ضآحكة مستبشرة]

رد: هآد النوع من البنآت هل تصلح امآ { للاسف هن الامهآت و .... المآكثآت }

شكرآآآآآآ للمرور
بارك الله فيكم​

 

[الحياة كلمة]

رد: هآد النوع من البنآت هل تصلح امآ { للاسف هن الامهآت و .... المآكثآت }

مع الاسف كل كلمة كتبتها واقع في مجتمعنا ولكن هناك امر آخر انو ربي كل واحد يمدلو مكتوبو على حسابو
سلامي