شكون تفيدني البنات

[امونة الشاوية]

السلام عليكم ورحمة الله تعالى وبركاته



البنات تعيشو شكون تفيدني وتنعتلي طريقة عمل الغسالة نصف اتوماتكية
مثل هاذي
شكرو فيها الناس بزاف شريرناها 2100.000
ونقصلنا المياة الف

يعني
2000.000

إضغط هنا لرؤية الصورة بحجمها الطبيعي.

شريتها ودرنالها لا نستالاسيون تاع الماء الساخن والبارد

بصح مزال ما مشيتهاش لانى موالفة بالماشينة تاع النيلون

وعمري استعملت هاذو

تعشيو البنات شكون اللي عندها مثلها تقولي على الطريقة كلها

وواش هو احسن امو نشريهولها

والماء نحل البارد والساخن مع بعضهم ولا كيفاه

وواش نشريلها لي برودوي لاني موالفة نسمع يقولو تاع الكالكار وتاع الريحة

وربي يبارك فيكم كامل وفي اولادكم

 

[السلطانة]

رد: شكون تفيدني البنات

وعليكم السلام



معنديش فكرة عليها ان شاء الله يفيدوك بقية البنات

 

[امونة الشاوية]

رد: شكون تفيدني البنات

شكرا ساندي ان شاء الله تكون وحدة من البنات عندها مثلها
​

 

[hadda0425]

رد: شكون تفيدني البنات

ايمان زي تاعي بعد نفسها
شوفي عندها مستويات تع الما
حطي القش والصابون كاين قجر صغير تحطي فيه الصابون بصح انا نحط درياكت عيني ميزاني حسب القش مبعد ديري on القفل لكحلة
تشعل المستوى تع الما وحدو ونت تضغطي على كاين متوسط وضعيف وضعيف جدا وعالي
حسب كيمة القش تاعك
منبعد تضغطي على القفلة الحمرا تجبد هي الما وحدها حتى يوصل لمستوى لي درتيه وتبدا تغسل وحدها
كي تخلص لغسيل تشلل زوج مرات وكي تخلص تصوني
حاجة الثانية التيو تاعها لي يطيش الجر لازم يكون عالي مترا باه ما يسيحش الما
كشما استفسار اني هنا

 

[امونة الشاوية]

رد: شكون تفيدني البنات

شكرا صديقتي الشاوية
رانا خفافيش مثل بعظانا نسهرو في الليل

اوكي حنونة مبدءيا فهمت شوي
بصسح قوليلي تعيشي القفل الاخرين مانقيس والو
يعني تريقل روحها بروحها

واذا حابة نغسل بصابون الطرف نرابيه عادي ونحطو في القش
وكذالك الجافيل

بارك الله فيد حدة لاكن طولي بالك معايا لاني عمري استعملت هاذ النوع من الالات موالفة بتاع النيلون فقط
​

 

[امونة الشاوية]

رد: شكون تفيدني البنات

super clean

programme

ندير غير ديجيتال فقط
redemarrage auto

départ différé

تعيشي اختي حدة فهميني على الازرار هاذو تاع ماه راني خايفة منها وخاصة انو الكاتالوج رماه ابني مع الكارتون يعني ما فهمت والو
وعلى الخاصية prelavage

لازم نستعملها ولا غير اذا كان القش متسخ كثيرا

والوقت انا اللي لازم نريقلو ولا لا

 

[omarwa]

رد: شكون تفيدني البنات

ان شاء تفيدك حدودة أنا معنديش كما هي وبصحتك الغسالة

 

[hadda0425]

رد: شكون تفيدني البنات

ايمان شوفي انا نشعلها ودير زر تع ما بارد ولا سخون
ومبعد ريقلي مستوى الما حسب كمية القش وديري ديبار الحمرا
زنيعد اي تغسل وحدها وتعصر وحدها وتشلل وحدها
départ différé هذا الحق جامي قستو معلباليش وش يخدم

 

[امونة الشاوية]

رد: شكون تفيدني البنات

ان شاء تفيدك حدودة أنا معنديش كما هي وبصحتك الغسالة

تعيشي ام مروى العقوبة ليك الشيء اللي متمنيتيه

 

[امونة الشاوية]

رد: شكون تفيدني البنات

ايمان شوفي انا نشعلها ودير زر تع ما بارد ولا سخون
ومبعد ريقلي مستوى الما حسب كمية القش وديري ديبار الحمرا
زنيعد اي تغسل وحدها وتعصر وحدها وتشلل وحدها
départ différé هذا الحق جامي قستو معلباليش وش يخدم

راني تبعت حدودة وغسلت بيها
روعة حقا هاذ النوع من الغسالات يرتحو المراة

:regards01::regards01::regards01::regards01::regards01::regards01::regards01::regards01::regards01:
حدودة ربي يسهلك ويعطيك واش حبيتي ومتمنية على المساعدة

 

[red rose]

رد: شكون تفيدني البنات

شوفي في الكاتالوغ تلقاي كلشي فيه

 

[RoseBonbon]

رد: شكون تفيدني البنات

لي عندي تشبهلها بصح ماركة كوندور

نستعمللها جال LE CHAT

يتباع وقيلا 730 دج لــ 3 لترات

وريحتو روعـة