- إنضم
- 26 ماي 2011
- المشاركات
- 6,092
- نقاط التفاعل
- 9,547
- النقاط
- 356
- محل الإقامة
- سُورِيَا رُوحًا وَ نَبْضًا
- الجنس
- أنثى
السلام عليكم خاوتي وخواتاتي
اني جيت نهدر ليوم من حاجات مقلقيني
مانحملهمش في خاطري وحدي الكتمان مضر بالصحة :p
وراح نبدالكم بحكاية صراتلي
ديك المرة وانا مريحة فالدار لاباس عليا
بدات السوسة في ضرستي الحفلة ديالها 
يا مامي فطنت بعدما دات سبات 20يوم وين نروح السمانة شارجي بالقراية وليتاست
و طبيب الاسنان لمليح مايحكمش غير بالرونديفو وانا مش قادرة نتحمل وااااااااع 
جاتني الشطارة ودرت بماما وبابا وقنعتهم نروح عند الديسبونسار
وأخيرا قالولي ديري وش تحبي بس احنا مش مقتنعين بالفكرة 
ايا جوزت الليلة نزغرت لضرستي وي طبل :tongue02: ماعليناش جا الصباح وتوكلت على ربي
دخلت الطبيبات يسركيليو قاع مشنفات وااااااع وشنو هادا :-o ومانكدبش عليكم اول مرة ندخلو وبداتني الخلعة نولي للدار ولا نبقى
وليت نقول واشبيك يا طفلة غير ضرسة نحوها ويخلاص كلش :sport01:
جات نوبتي وجيت داخلة رجل لقدام رجل للور
ايا بسم الله دخلت قابلتي واحد الطبيبة تقول راهي حاطتني فوق راسها ولا باقية تصرف عليا وكوليتها قالتلي اطلعي :down:
وانا في قلبي واش هادا يا ماما وين راكي
قالتي آش بيك قولتها هلكتني قالتلي توجعك كي تشربي الما قلتلها نو قالتلي سور قلتلها وي ماعادتش توجعني بيسك كي نشرب البارد مايجوزش عليها وكي نمضمض للوضوء ماعادش توجعني قالتلي ماكاش منها هادي وبدا يزيد عكيسها لاحول ولاقوة الا بالله بسيف حبت الما يوجعني ولا كي يكون بارد نضربلو تورنة في فمي باش نبلعو
مالا تنارفات وقالت لديك لي تعاونها هاتي الدوزان قالتلها ياك مغسولين ؟ قالتها ديك الفرملية وي غسلتهم بالجافال قالتلها الطبيبة ياك قتلك اغسليهم بالمعقم مي معليش هاتيهم اتاتهملها ضربت طلة والله ياناس ادوات بدا ياكلها الصديد قلبي ولا يرعش خفت
شدت داك اللي ينحو بيه شدتلي فكي بقوة حلي فمك
اييييييييييييو يا ناس وشنو هادا ؟؟؟ 
وبدات تروحلي الابتسامة صراحة مالغري تشنافها كنت مقادرتها ونبتسم مهما يكن اي كبيرة عليا وطبيبة تعرف شغلها مي جيست ما مستني هكاك ماقدرتش نزيد نخزر فيها باحترام داخيا :down:...ماعليناش
مستها بداك الكُلاب وجعتني جابت لاناستيزي نص لكبير شوية منو بلعتو وشوية لاخر تاحلي من فمي واللي بقى يرحم ربي داك اللي دخل فاللثة جيست ماكملت قالتلي ماكي تحسي والو؟ قلتها نو مادام اني نحس كلش
قالتلي كيفاه هادي نتي ماشي نورمال
وااااااااااااع شكون اللي ماشي نورمال انا ولا نتي
مالا حنت علينا سيداتي الطبيبة وقالتلي اني نزيدلك شوية رحمة فيك
يااااا حبيبي ...رحمتك علياّ؟؟
دا نتي يا ختي ترحمي ع حالك مع فائق الاحترام
زادت فتيتة تقول اي تجبد فيها من دمها
وعاودت نفس سؤال قلتها يا والله غير راني نحس نورمال قالتلي مالا ماعندي مانديرلك وشدت الكُلاب ويا الله قاعدة تجبد وانا نعيييييط ماقدرتش لداك سطر
قالتلي دا اللي قلتيلي الما مايوجعنيش استغفر الله واش قصتها مع الما شحنت عليه مافهمتش وهي تغلي وتغلي بالهدرة وانا غير ساكتة وحبت تغلبني الدمعة وقاعدة نسكت في روحي
مالا الطبيبة الكريمة تفضلت علينا وقالتلي مالا نديرلك هاد لقطن يالدوا والا وجعاتك والله ماراحلي فيك ياك نتي اللي قلتي الما ماوجعنيش * يامرا مازلتي حاصلة فالما اففف*
وادا حكمك السطر لمي فمك وماتوليش ليا ونوضي دوك وانا لتم دربت لعقلي مالقيتوش والتم والله ماقدرت مانعكسش فيها صح ماهدرت حتى كلمة مي عكست ربي يسامحني
وقالتي واسمك ياك ....هاكي هاد الدوا ولي ابري سمانة وبالاكي تجيبيلي حكاية جديدة
انعم حكاية جديدة؟؟
بقيت نهدر مع روحي تسالي حسيفة هادي ولا شبهتني لضرتها يالطييييييف
واللي يخدمو تم قاع حشمو مالتبدايل تاع لهدور اللي غسلتني بيهم
آجيني يا لبلا ولا نجيك :dunno01:
تمنيت لو كنت مانحشمش ونقطع ديك لورقة في وجهها
حكمتها وجيت خارجة جيست ما غلقت الباب زيرت يدي على الورقة والدموع بداو يطيحو
ياربي كيفاه ندير دوك نعيط لوالديا يقولولي نتي كلوفية قلنالك ماتروحيش واصبري سمانة لرونديفو تاعك عند طبيب ديالنا والا رحت حللت الطبيب ماحملتهاش مع روحي نترجى بنادم وانا بدراهمي :scared01:
و15 د مشية جازو قاع دموع طيح وحدها غاضتني عمري طبيبة في عوض ماتكون قدوة صالحة وتتعامل بالاخلاق الحسة جاية تربح العيب مع طفلة قد بنتها وعلى الحالة اللي راني فيها سطر قاتلني وين نروح والدم يسيل والحاجة اللي رعبتني لوكان نموت ياااايما مانيش واجدة نلاقي ربي وقاعدة نقول واش نلحق ندير الحسنات في نهار ودخلني الجنة وافكار كتيرة
هاه حتى وصلت لطبيب ورغما عني حللتو يدخلني قالي في خاطر باباك ابقاي تستناي والا كشما بان اني نعيطلك
لاحول ولاقوة الا بالله نت تان؟؟
استنيت استنيت حتى عيط بابا وحكيتلو وتقلق وجا يجري زاد حلل الطبيب وغاضتني كتر كي الطبيب خلى بابا يحلل فيه يدخلني على الحالة اللي كنت فيها وهو يقولو حتى يخمم سي خونا
وبعد مارضى وقالو في خاطرك يا عمي احمد ندخلها مي دارتها بيدها وماستناتش رونديفو تاعها كانت دبر راسها ودار ليا قالي نهار كان الراي مش رايك كنتي تجي لهنا مي وين ماكبرتي ودخلتي الجامعة وليت دبري وحدك وشوفي تبدارك وين وصلك وجوزني وقالي سترك ربي والله كنتي نهار ليوم ماتكمليهش لقاها هردتني ودرب معايا ساعة كاااملة غير باش نقاها برك
والله لوكان ماخفتش بابا يزعف كنت نقولو تندب بنت بخدمتك نموت وما نجوز عندك واقيل حسباتلك كي تنحرست اني عندك ذليلة بنادم بدراهمو ويزيد يحلل ربححححححت
وتامنوني هادا طبيب تسويفي عندو كل العايلة وصدقوني بعد ماكان يبانلي قمة طاح من عيني وبقات تفاصيل اخرى مي الصح اني حكيتو
حابة نفهم علاااااااش اغلب الاطباء اللي يخدمو فالسبيطارات معاملة كاااارثية تاع يروحو يقسرو مع احبابهم ويدو دراهمهم ونت عوم بحرك :very_mad:
ولبريفي ليزم رونديفو منا على سمانة ولا سمانتين وارواح نت وسكت سوستك وهي بلاصة الحفلة دير عرس ونهار الرونديفو تكون دارت تعمير بولادها واحفادها وتولي سنة زرقا مي خيرمن كحلة على كل حال
تبااااااااا
ربي يهدي هاد الصنف وطبعا كيما كاين اطباء مايستاهلوش حتى يكونو فراملة كاين اطباء قدوة وعليهم لكلام
اسمحولي طولت http: اتهلاو لحبابب :d[/COLORhttp: اتهلاو لحبابب :d[/COLORhttp: اتهلاو لحبابب :d[/COLOR
http:
اتهلاو لحبابب :d[/COLORاني جيت نهدر ليوم من حاجات مقلقيني
مانحملهمش في خاطري وحدي الكتمان مضر بالصحة :pوراح نبدالكم بحكاية صراتلي
ديك المرة وانا مريحة فالدار لاباس عليا
بدات السوسة في ضرستي الحفلة ديالها يا مامي فطنت بعدما دات سبات 20يوم وين نروح السمانة شارجي بالقراية وليتاست
و طبيب الاسنان لمليح مايحكمش غير بالرونديفو وانا مش قادرة نتحمل وااااااااع جاتني الشطارة ودرت بماما وبابا وقنعتهم نروح عند الديسبونسار
وأخيرا قالولي ديري وش تحبي بس احنا مش مقتنعين بالفكرة ايا جوزت الليلة نزغرت لضرستي وي طبل :tongue02: ماعليناش جا الصباح وتوكلت على ربي
دخلت الطبيبات يسركيليو قاع مشنفات وااااااع وشنو هادا :-o ومانكدبش عليكم اول مرة ندخلو وبداتني الخلعة نولي للدار ولا نبقى
وليت نقول واشبيك يا طفلة غير ضرسة نحوها ويخلاص كلش :sport01:جات نوبتي وجيت داخلة رجل لقدام رجل للور
ايا بسم الله دخلت قابلتي واحد الطبيبة تقول راهي حاطتني فوق راسها ولا باقية تصرف عليا وكوليتها قالتلي اطلعي :down:
وانا في قلبي واش هادا يا ماما وين راكي
قالتي آش بيك قولتها هلكتني قالتلي توجعك كي تشربي الما قلتلها نو قالتلي سور قلتلها وي ماعادتش توجعني بيسك كي نشرب البارد مايجوزش عليها وكي نمضمض للوضوء ماعادش توجعني قالتلي ماكاش منها هادي وبدا يزيد عكيسها لاحول ولاقوة الا بالله بسيف حبت الما يوجعني ولا كي يكون بارد نضربلو تورنة في فمي باش نبلعو
مالا تنارفات وقالت لديك لي تعاونها هاتي الدوزان قالتلها ياك مغسولين ؟ قالتها ديك الفرملية وي غسلتهم بالجافال قالتلها الطبيبة ياك قتلك اغسليهم بالمعقم مي معليش هاتيهم اتاتهملها ضربت طلة والله ياناس ادوات بدا ياكلها الصديد قلبي ولا يرعش خفت
شدت داك اللي ينحو بيه شدتلي فكي بقوة حلي فمك
اييييييييييييو يا ناس وشنو هادا ؟؟؟ وبدات تروحلي الابتسامة صراحة مالغري تشنافها كنت مقادرتها ونبتسم مهما يكن اي كبيرة عليا وطبيبة تعرف شغلها مي جيست ما مستني هكاك ماقدرتش نزيد نخزر فيها باحترام داخيا :down:...ماعليناش
مستها بداك الكُلاب وجعتني جابت لاناستيزي نص لكبير شوية منو بلعتو وشوية لاخر تاحلي من فمي واللي بقى يرحم ربي داك اللي دخل فاللثة جيست ماكملت قالتلي ماكي تحسي والو؟ قلتها نو مادام اني نحس كلش
قالتلي كيفاه هادي نتي ماشي نورمال
وااااااااااااع شكون اللي ماشي نورمال انا ولا نتي
مالا حنت علينا سيداتي الطبيبة وقالتلي اني نزيدلك شوية رحمة فيك
يااااا حبيبي ...رحمتك علياّ؟؟
دا نتي يا ختي ترحمي ع حالك مع فائق الاحترام
زادت فتيتة تقول اي تجبد فيها من دمها
وعاودت نفس سؤال قلتها يا والله غير راني نحس نورمال قالتلي مالا ماعندي مانديرلك وشدت الكُلاب ويا الله قاعدة تجبد وانا نعيييييط ماقدرتش لداك سطر
قالتلي دا اللي قلتيلي الما مايوجعنيش استغفر الله واش قصتها مع الما شحنت عليه مافهمتش وهي تغلي وتغلي بالهدرة وانا غير ساكتة وحبت تغلبني الدمعة وقاعدة نسكت في روحي
مالا الطبيبة الكريمة تفضلت علينا وقالتلي مالا نديرلك هاد لقطن يالدوا والا وجعاتك والله ماراحلي فيك ياك نتي اللي قلتي الما ماوجعنيش * يامرا مازلتي حاصلة فالما اففف*
وادا حكمك السطر لمي فمك وماتوليش ليا ونوضي دوك وانا لتم دربت لعقلي مالقيتوش والتم والله ماقدرت مانعكسش فيها صح ماهدرت حتى كلمة مي عكست ربي يسامحني
وقالتي واسمك ياك ....هاكي هاد الدوا ولي ابري سمانة وبالاكي تجيبيلي حكاية جديدة
انعم حكاية جديدة؟؟
بقيت نهدر مع روحي تسالي حسيفة هادي ولا شبهتني لضرتها يالطييييييفواللي يخدمو تم قاع حشمو مالتبدايل تاع لهدور اللي غسلتني بيهم
آجيني يا لبلا ولا نجيك :dunno01:
تمنيت لو كنت مانحشمش ونقطع ديك لورقة في وجهها
حكمتها وجيت خارجة جيست ما غلقت الباب زيرت يدي على الورقة والدموع بداو يطيحو ياربي كيفاه ندير دوك نعيط لوالديا يقولولي نتي كلوفية قلنالك ماتروحيش واصبري سمانة لرونديفو تاعك عند طبيب ديالنا والا رحت حللت الطبيب ماحملتهاش مع روحي نترجى بنادم وانا بدراهمي :scared01:
و15 د مشية جازو قاع دموع طيح وحدها غاضتني عمري طبيبة في عوض ماتكون قدوة صالحة وتتعامل بالاخلاق الحسة جاية تربح العيب مع طفلة قد بنتها وعلى الحالة اللي راني فيها سطر قاتلني وين نروح والدم يسيل والحاجة اللي رعبتني لوكان نموت ياااايما مانيش واجدة نلاقي ربي وقاعدة نقول واش نلحق ندير الحسنات في نهار ودخلني الجنة وافكار كتيرة
هاه حتى وصلت لطبيب ورغما عني حللتو يدخلني قالي في خاطر باباك ابقاي تستناي والا كشما بان اني نعيطلك
لاحول ولاقوة الا بالله نت تان؟؟
استنيت استنيت حتى عيط بابا وحكيتلو وتقلق وجا يجري زاد حلل الطبيب وغاضتني كتر كي الطبيب خلى بابا يحلل فيه يدخلني على الحالة اللي كنت فيها وهو يقولو حتى يخمم سي خونا
وبعد مارضى وقالو في خاطرك يا عمي احمد ندخلها مي دارتها بيدها وماستناتش رونديفو تاعها كانت دبر راسها ودار ليا قالي نهار كان الراي مش رايك كنتي تجي لهنا مي وين ماكبرتي ودخلتي الجامعة وليت دبري وحدك وشوفي تبدارك وين وصلك وجوزني وقالي سترك ربي والله كنتي نهار ليوم ماتكمليهش لقاها هردتني ودرب معايا ساعة كاااملة غير باش نقاها برك
والله لوكان ماخفتش بابا يزعف كنت نقولو تندب بنت بخدمتك نموت وما نجوز عندك واقيل حسباتلك كي تنحرست اني عندك ذليلة بنادم بدراهمو ويزيد يحلل ربححححححت
وتامنوني هادا طبيب تسويفي عندو كل العايلة وصدقوني بعد ماكان يبانلي قمة طاح من عيني وبقات تفاصيل اخرى مي الصح اني حكيتو
حابة نفهم علاااااااش اغلب الاطباء اللي يخدمو فالسبيطارات معاملة كاااارثية تاع يروحو يقسرو مع احبابهم ويدو دراهمهم ونت عوم بحرك :very_mad:
ولبريفي ليزم رونديفو منا على سمانة ولا سمانتين وارواح نت وسكت سوستك وهي بلاصة الحفلة دير عرس ونهار الرونديفو تكون دارت تعمير بولادها واحفادها وتولي سنة زرقا مي خيرمن كحلة على كل حال
تبااااااااا
ربي يهدي هاد الصنف وطبعا كيما كاين اطباء مايستاهلوش حتى يكونو فراملة كاين اطباء قدوة وعليهم لكلام
اسمحولي طولت http: اتهلاو لحبابب :d[/COLORhttp: اتهلاو لحبابب :d[/COLORhttp: اتهلاو لحبابب :d[/COLOR
آخر تعديل بواسطة المشرف:
