- إنضم
- 9 أفريل 2010
- المشاركات
- 9,422
- نقاط التفاعل
- 5,231
- النقاط
- 351
السّلآمُ عَليْكُمْ وَ رَحمَةُ اللهِ وَ بَرَكَآتِهِ ^^
بسم اللهِ الرحمَآن الرَّحيمْ ~
°°°°
كل مآ يجي الربيع أول مآ يجي في بآلنآ هو البرآج
البرآج هي حلوى تقليدية جزآئرية مئة بالمئة من عآدآتنآ و تقآليدنآ
و الحمد لله مآزآلنآ محآفظين عليهآ لأنو التقليدي عمرو لآ يزول باذن الله يبقى محفوظ ،،
و بآه نحآفظو عليه لآزم نوصلوه و نطبقوه
و هنآ عندنآ اللمة نوصلو بيهآ مختلف أطبآقنآ
مآلآ اليوم الموضوع رآح يكون :
الرّبيع مآ يكمل إلا بِ - البرَآج ْ - [ من مطبخي ]
بِسمِ الله ~
المقآدير :
- ملح
- مآء
- قرفة ، قرنفل ، جلجلآنية محمصة ، شوية زيت [ للغرس ]
- 3 كيلآت دقيق [ متوسط مآهو خشين مآهو رقيق ]
- كيلة سمن ذآئب ولآ زبدة [ مآلآزمش نديرو الزيت لأنو يجيك يآبس ]
( بالنسبة للسمن الأفضل هو سمن المدينة لأنو مآ فيهش الريحة و تجي الاكلة تآعنآ مبسسة مليح )
- مآء زهر [ نكهة و رآئحة هآيلة من الاحسن يكون أصلي ]
- الغرس [ نفضل تآع البطآنة أحن من الغرس لي تتبآع محفوظة]
و الآن نجيو للطريقة :
بعد مآ تجيبي المقآدير تآعك ، و مآتنسآيش بسم الله ،
حطي الدقيق تآعك و بليه بالسمن لآزم يكون دآفئ و بالمآء زهر،
حتى تتلم العجينة مليح و خليهآ في جهة
روحي حضري الغرس تآعك ، نقيهآ و لميهآ بشوي زيت و مآء و دآويهآ بالقرفة و القرنفل
و زيدي معآهآ الجلجلآنية ، حتى تطري مليح هكآ تكون وآجد ،
نرجعو للعجينة نقسموهآ على اثنين ،
النص الأول نطرحوه على شكل دآئرة و نحطو فوقو طبقة الغرس
و مبعد نزيدو النص الثآني تآع العجينة ،
نقطعوه على هذآ الشكل :
نكونو في هذآ الوقت حطينآ الطآجين المسرح يسخن ،
و نطيبو عليه البرآج تآعنآ
و هنآ تطبيقي في الصورة النهآئية :
ملآحظآت :
- كآين لي يفور الغرس قبل مآ يستعملهآ و هآذي تعطيك نتيجة جيدة
- تآني تقدري بعد مآ تطرحي طبقة الغرس تنثري فوقهآ كوكآو و لآ أي مكسرآت محمصة و مرحية رقيقة
- تقدري تديري أشكآل منوعة للبرآج و تنقشي فوقهآ - أنآ احتفظت بالشكل التقليدي -
-تعمدت نستعمل ألوآن الربيع :yahoo01:
و الآن نقلكم أبقآو على خير
و ان شآء الله يكون عجبكم الموضوع و سآهمت بآه نحآفظ على التقليدي
،
و ان شآء الله يكون عجبكم الموضوع و سآهمت بآه نحآفظ على التقليدي
صَفْصَفْ
آخر تعديل:
