شدّ بنتك ياراجل !

[السلطانة]

واش راكم ان شا ءالله راكم بخير

هيا ندخل في الموضوع ديراكت


البارح وأنا البرى
كانو قدامي زوج بنات مراهقات
لابسين الفيزيو والشعر مطلوق
هيه ماشيين ويتمايلو ويضحكو
وياكلو في الكوجاك
:down::down::down::down::down::down:

لاعلينا هك شوي
ويفوتو عليهم مجموعة تاع لي جون
زادو في الvوليم تاع الضحك ولي جاست زعم شوفوني

ويدخل فيهم الطفل
بواحد الخبطة

وناضو فيهم الدراري لي تم التربية الخامجة
والديكم لي مرباوكمش
ناضو هوما طيحولو القدر
والهدرة وكفرو على ربي !!!

أنا مرى وقلقوني
فرحانة بالفيزو لي شراهولها باباها
وتدير في ديجاست تاع حثالة
في بالها يشوفو ليها مثلا !
اويخطبوها في الطريق
تبا حبيت ندخل فيها بطريحة
نكشردها من ذاك الشّعر

يالوالدين انتوما لي وصلتو المجتمع تاعنا لهاذ المستوى
طالقين بناتكم
باسم حرية المرأة

وكي تصرى كيما هك يقولو كيفاه !!

لاحظوا الصورة

تطلق بنتك
وتقول كيفاه !
شكون ضامنلك بنتك
كي تروح في رحلة مدرسية ؟؟؟؟
بنتك وحدها تلقاها طايرة ماخص ياتلقى رايها في رحلة مدرسية
وزيد شكون مازال يضمن درك في مدير مدرسة او معلم

شدّو بناتكم يارجال
بهدلتونا يامحاينك
الطفل وعدنا نخافو عليه ماخص يالطفلة
أيها اللماوي أيتها اللماوية
تقبل أو تقبلي بنتك تلبس فيزو وتخرج وتدير الحركات هاذو ؟؟؟
وتقبل بنتك ا و تقبلي بنتك تروح لرحلة مدرسية ؟؟؟

​

 

[la_safa]

رد: شدّ بنتك ياراجل !

السلآم عليكم و رحمة الله و بركآته
صبآح الخيير شوشو ^^

صحيتي والله غير هدرتي و فرغتي ،،
علآبآلك انآ شخصيآ وليت نحشم نخرج برآ مع خويآ و لآ بآبآ في سبتهم !
تصوري ولينآ حنآ نحشمو نخرجوو مش هومآ !
والله غير عيب كبير وهآذي أكيد من التربية لي مآكآنش
و أولهآ الوآلدين بآسكو وآحد يشوف بنتو تخرج بالفيزو من الدآر
و هو فرحآن بنتي بنتي هذآ مآ هو رآجل و مآ هو أب
ربي يبعد علينآ ان شاء الله هآذو الشكيلآت

و آخرتهآ زآدو كملو بحرية المرآة -_- لي زآدت الطين بلة

على كل ربي يهدي ان شاء الله

صحيتي عالموضوع :regards02:
​

 

[أم لينة]

رد: شدّ بنتك ياراجل !

السلام عليكم

والله يا اختي العزيزة يعجز اللسان عن التعبير كي نشوفو مثل هذه الشريحة من البنات يتغندرن في الشوارع و يلبسن الفاضح ظنا منهن انه الحل لكسب اعجاب الرجال ؟؟؟ لا بل سيكسبن اعجاب الذئاب من الرجال ...
انعدام رقابة الاهل تخليهم مطلوقين على سراحهم تروح وين حبت و تمشي معمن حبت و تلبس واش حبت ، وهاي العواقب نشوفو فيها و نسمعو بيها من سيئ الى اسوء احوالنا يا أختي ..
ربي يستر بناتنا العفيفات و يهدي من زلت قدمها الى الحرام يا رب..
شكرا على الموضوع المميز اختي ساندي.

 

[Oum Loukmane]

رد: شدّ بنتك ياراجل !

السلام عليكم ورحمة الله هدا واش رانا نشوف في الزنق ايه اختي والمذنب هم الوالدين ولله ياأختي لو كل واحد حكم في بنت وما لبسهاش هذي اللبسه ما راهو يحدث ما حدث الله يهديكم يا اباء وامهات البنات سوف تسئلون يوم لا ينفعكم الندم

 

[بيّاع الورد]

رد: شدّ بنتك ياراجل !

مَ شيْ جديدْ يَ سَآندرينْ
و لا حيآآة لِمَن تنآآدِي

و الكآآرثه الأكبَر لمآ يكون الخمآر بالفيزُو و حركآآت السآقطآت

آسف ع الكلمَه

موفقِين و الله المستعانْ​

 

[Mr Brahim]

رد: شدّ بنتك ياراجل !

قالك الرجال قال . . . الله يرحم الرجولة و الله يرحم الحراير الي كانت ما تقلش غيرة و حرمة على الرجال
قانون العسرة الجديدة بدات خيباته تبان تلميذ في المتوسط 14 سنة راح للشرطة يشتكي على باباه كي دارولوا استدعاء و خاف يضربوا ضابط الشرطة قريب جاته سكتة قلبية ما فهم فيها والووو مسكين
​

 

[AmiR@RoRo]

رد: شدّ بنتك ياراجل !

السلام عليكم
اختي ساندي ماتستغربيش ادا شفتي خبر كما هداك
باسكو درك هوما لي راهم يجيبو البلا لرواحهم بهاديك اللبسة والحركات ووو
كي نشوفوهم برا ديما نتساءلوا هادو ماعندهمش والديهم ؟؟
وطلعو والديهم هوما لي يشجعوهم ويشرلوهم
ربي يهدي الوالدين بالدرجة الاولى لانهم هوما لي يسمحو في بناتهم يخرجو بهاديك الحالة
ولي تكون تحشم تع صح ومتربية هي وحدها تحشم تخرج على هديك الهيئة مش حتى يقولولها والديها
ربي يهدي ماخلق برك
يعطيك الصحة ساندي على الطرح ​

 

[حلم ساندريلآ]

رد: شدّ بنتك ياراجل !

حالياً الأعضاء النشيطين الذين يشاهدون هذا الموضوع : 44 (5 عضو و 39 ضيف)‏حلم ساندريلآ, ‏Żăβäńã đż, ‏بيّاع الورد, ‏la_safa, ‏روز+



السلآم عليكم أختي والله معك حق أختي
الإغتصآب في وقتنآ مآرآهوش إغتصآب .. هو شي مرغوب فيه
البنآت السآقطآت اللي يلبسوا اللبآس الغير محتشم ويمشوا في الشوآرع ويتمآيلوا اللي يحدث معآهم مآهوش إغتصآب
وتاني اللي يروحو في رحلآت مدرسية غير البنآت اللي أهلهم عاطينهم الحرية التآمة .. يعني ديروا واش حابين اديروا انتو احرار
شكرا لك على الموضوع الجميل

 

[ilina loulou]

رد: شدّ بنتك ياراجل !

اليوم ولينا نشوفو غير لعجب .. الرجولة ما بقاتش كاينة وتاني الحشمة تاع بكري راحت و زعما يقولك تطور .. امادا تطور يحكو عليه ؟؟ زعما الفيزو و اللبس الي تشوفو تهبط راسك و تمشي ؟؟و الله انا طفلة و وليت نحشم كي نمشي ف الطريق ... vraiment بهدلتونا وين راه الاسلام الي راكم تحكو عليه ؟؟راه يتبرى منكم
و المشكل الوالدين يشوفو بناتهم واش راهم لابسين و ما يهدروش بالعكس انا نعرف وحدة جارتنا تلبس كيما هاكدا باباها ما يحبش عليها مي ماما الي ديما تتهاوش معاه و تقولو هادي بنتي و تلبس واش تحب و نتا ما دخلكش فيها ’’ و هو بكل بساطة يسكت و يقعد ’’ و ين رايحين بيها زعما ؟؟ كل واحد يتهرب من مسؤولياتو '' استغفر الله العلي العظيم ''

نقولو ربي يهديهم و يهدينا و يلصح احوالنا ان شاء الله
مرسي بزاف اختي ''ســــانـــــــدي '' على هدا االموضوع الحساس الي راه ياخد مساحة كبيـــــــــرة هاد ليامات
​

 

[josefcom]

رد: شدّ بنتك ياراجل !

ايه موضوع في الصميم
واش نقلك
الحشمة راحت يا من عاش والرجال ما بقاتش الا من رحم ربي
أما لباقي يسوقو فيهم نساهم من وذنيهم
ضرك الطفلة كي تلى باباها طرطور و أمها عاطيتها الراي ...
هادو جينيراسيو واي واي باي باي ​

 

[touta04]

رد: شدّ بنتك ياراجل !

صدقتي اختي هذي هي حالة شارعنا اليوم

نهار ولات الام و الب بيدهم يشريو لبناتهم هذو فيزوات مع من راح تحكي :s:s:s:s

الا من رحم ربي

شكراااااااااااااااا على الموضوع :regards01::regards01::regards01:

 

[omarwa]

رد: شدّ بنتك ياراجل !

سبحان الله ربي يهديهم الحالة ولات صعيبة وقلة التربية زادت وعدم مراقبة الأبناء

 

[آمِيْرَتُه]

رد: شدّ بنتك ياراجل !

السلام عليك
عندي لي تلبس هاك غير المخلوعة و الشبعة جديدة لي عمرها ملبست في دارهم
و حنا عندنا لي بغات تروح رحلة تروح مع الدار مكان لا مدرسة و لا جامعة
والله كشفونا و بهدلو بينا دقول علينا رانا في عالم نتاع كفر
رجع العبد يحشم باه يخرج برا مع العايلة

 

[الابتسامة تحتاج الى تضحية]

رد: شدّ بنتك ياراجل !

شفتو وين وصلنا يا محاينك ،،
طفلة تلبس فيزو و تخرج تضحك برا ما خص غير تشطح
انا جامي رحت لرحلات مدرسية لي يديوروهم اصلا الوالد و الوالدة ما يخلونيش نروح عندهم حق باغسوكو كثروت القتيلة و الخ.....
ربي يهدينا و يسترنا و انا بعد في المستقبل ان شاء الله ايمبوسيبل نخلي بنتي تلبس هكداك و تخرج
ربي يهديننااااااا قبل ما يديناااااااااا

 

[Mr Brahim]

رد: شدّ بنتك ياراجل !

 

[Ľă Mîšš HîBă]

رد: شدّ بنتك ياراجل !

فغيمون دوماج واش قاعد يصر في بلادنا
يقلك ادا كان رب البيت ع الدف ضارب؟؟؟؟؟؟؟؟؟؟؟؟؟؟؟؟؟ادا كان مولا شي قابل واش تحبي يجو لولاد
راهي كل من الساس كلش يجي من ساس ادا كان ساس رايب راح يريب كلش وربي يقدر الخير هدا مكان
يعطيك الصحيتو ع لميضضوع عيشوش

 

[zahya]

رد: شدّ بنتك ياراجل !

السلام عليكم
يا اختي الكريمة الوالدين راهم مشغولين بهم الدنيا وتجميع المال وناسين ولادهم وبناتهم
وزيد كاين بنات الله يهيدهم غلبو والديهم حتى انه الوالدين استسلمو للامر والبنت تاني لازم تحشم على روحها شوية ادا والديك عطاولك حرية انت ماحترمي نفسن كيما ايقولو ادا قلت لك سيدي ماتبعنيش في السوق .
الله يسترنا فوق الارض وتحت الارض ويوم العرض

 

[بنت الـ25]

رد: شدّ بنتك ياراجل !

اهلا شوشو
موضوع حساس ووقتو صح
وخاضو فيه بزاف من قبل مي الله غالب ما وصلناش لحل
من يومين كنت مروحة من الخدمة كي قربت نوصل لدارنا لقيت زوج بنات يمشيو قبلي
مكانش واحد فاتو عليه (كبير ، صغير ، شايب، مزوج، ...) إلا وسبهم
لابسين هداك الفيزو لي كي تلبسيه كي شغل مراكيش لابسة (حشاك)
ويتعوجو ويتمايلو (مائلات مميلات كاسيات عاريات)
أقسم بالله جامي وجعني قلبي كيما هاد المرة ، قريب سبيتهم
ومبعد قلت يعني الغاشي لي شبع فيهم وما سمعولوش رح يسمعولي ليا
هدا لا ما حكمونيش كركروني وسيقو بيا الكرتي

جماعة تع ليجان كانو يمشيو مورايا يحكيو
قالو واحد: هادو ما يشوفوهمش والديهم كي يخرجو الصباح؟
انا كون جات ختي اقسم بالله نقتلها قبل ما تخرجلي هك

أنا والله ما فهمت وش الغرض تعهم من هاد اللبسة
لكان يستعرضو في مفاتنهم يعني بيناتنا الشعب راه شابع
ورح يبقى لحمهم سلعة رخيصة ينظر لها كل من هب ودب

ولكان يفتشو على عريس فلأسف الراجل الجزايري ما يشريش سلعة مسها وشبع منها خمسين قبلو

الغلطة تع الوالدين ، مكانش راجل فالدار؟
وحدة تخرج من الدار شبه عارية وباباها وخوها وين راحو؟؟
انا بابا كان يهددني يقولي كون ما تلبسيش الحجاب تع الصح مش تع التمسخير
غير انساي تخرجي من الدار ولا تقراي ولا تخدمي

صدقت يا أبي العزيز عندك حق
من نهار طبقت الحجاب نقصت الديرونجمو والمعاكسات ، نمشي آلاز خلاص
حتى خطيبي قالي مرة: من مدة وانا حاب نتزوج مي ملقيتش بنت الفاميلية تالمو لبنات الكل ولاو يلبسو كيف كيف
ولبستك جذبتني ، مستورة ومحتارمة، وهدا الشي اللي يفتش عليه الراجل ، السترة والعفاف والكفاف
فالعمل تاني مرتاحة ، مام رب العمل تعي قالي الطفلة لي كانت قبلك صح ماكانتش تعرف تخدم
مي مش هدا السبب لي خلاني نحبسها، قالي مكنتش متهني من جيهتها والمادام قلبها مش مريحها
ملي ندخل للبيرو وهي تعيط فالتلفون (المادام) حتى نخرج
وحد نهار جات لعندي هدي الطفلة كي شفت الهيئة تعها تما فهمت كلش

أما بالنسبة للرحلات المدرسية أنا سبق ورحت رحلة مع تع الجامعة
كانت اللولة واللخرة
انا والحمدلله والديا دايرين فيا ثقة وما خيبتلهمش ظنهم
مي الشي لي يصرا فالرحلات يخليني ما نسمحش لبنتي ولا أي بنت تخصني ويهمني أمرها انها تروح وتختلط في هداك الميليو
عالم فاسد ، ولبنات كي يلقاو الحرية يكسرو كل الحدود
والبنت ضعيفة الشخصية حتى لو كانت مربية رح تروح مع التيار وتصرا الكوارث وما تنفعش ندامة

لهذا نقول ديما : الوقاية خير من العلاج

ربي حابلنا الستر وبناتنا يفضحو في رواحهم في بالهم فخر
ربي يسترنا فوق الأرض وتحت الأرض ويوم العرض
آمين يا رب العالمين


​

 

["Màrià"]

رد: شدّ بنتك ياراجل !

سلام ..

راكي تشوفي وين وصلنا .. و صح الغلطة تاع الوالدين ..
انا وحدة من الناس ما نخليش بنتي دير هاذ لعفايس .. كيما رباوني والديا

نعقل واحد المرة .. كانت عدنا رحلة ..(في الصح كي شغل رحلة خخ)
بابا ما خلانيش نروح .. نايفتو نهار كامل .. مي ضرك فهمتو و عندو الحق ..
​

 

[بنت الصحراء08]

رد: شدّ بنتك ياراجل !

عندك الحق اختي هاد ليام رحت لوهران مع العايلة فالقطار وريحنا فالكراسى وانت ارواح اتشوف ديك اللبسة وزيد ماشين جايين على الكافيتيريا لخطرش تما كاين لجون والعسكر ويضحكو و شادين بورتابلاتهم ودايرن لموسيقى
وحدة زادت كملتلهم القعدة مزوجة وعندها طفل وبالحمل مادايراش الحجاب قلتلنا تغميت قلعت جلابتها وقعدة بالفيزو وتريكو مزيرين
وين راه القدر والحشمة
​