- إنضم
- 6 مارس 2009
- المشاركات
- 4,443
- نقاط التفاعل
- 7,890
- النقاط
- 191
اهلا حبيبــــــــاتي ان شـــــــــاء الله تكونـــو بخيـــــــــر
ليوم و بـــأذن الله رح تشــــاركوني كاملين في عرس حبوبتي و غاليتي
الي من زمان و انا نستنى عرسها
و نستنى مكتاه نشوفها عروس
و نستنى مكتاه نشوفها عروس
زينب هي حبيتي من يمـــــات طفولتي
من الرغم انو المسافة بعدتنا الا انو القلوب ديما مع بعض
اخبارها كل يوم عندي و هي بالمثل
ديما في التواصل
بعد فتــــــــرة من تحضيرات الخطبــــــــة الي مقدرتش نـــروح نحضرلها
مي وعدتها نروح في عرسها
و هي عرضتني سمـــــانة من قبل
وهنا لقيت روحي شويـــــــــا حــــــــاصلة حرت كيفاه انضم روحــــــــي
ومدام المسافة بعيـــــــــدة لازم عليا ما ننسى حتى حاجة :s
و قعدت يومين انا نشوف في خزانتي
واش نلبس واش ندي معايا
تعمر راسي و لقيت روحي حاصلة
ايا لحمد الله كي بعثلي ربي جاوني صحاباتي اللمويات لدار
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 800×521.و درنا فيها قعدة حلوة
و قدرو يساعدوني في كلشيء
و مخلاوني ننسى حتى حاجة
ثماك حكمت الورقة و ستيلو :d
و كل مايقولو حاجة نكتبها
انا راسي شويا برك خفت نعاود نزيد ننسى
احكمت الورقة و لسقتها داخل خزانتي
قبل يوم من رحلتي الي مجات تلحق
كان لازم عليا نستيكي روحي
علبالكم انا وجهي منكثرش فيه لي برودوي:smile02:
بشرتي نحافظ عليها طبيعيا
حاجة وحدة برك نستعملها
الطفل:
بعد ما نقيت وجعي و ستيكيتو
درت تدويشة سلسلت كامل عضامي:d
و حكمت كابتي
و بديت نلم حوايجي
بداية مع :حجاباتي
خيرت 3 حجابات صيفية
الي مخدومين بتيسو بارد تلبسيهم و تخرجي وين حبيتي
خفاف عليا و نحس بالراحة كي نلبسهمخيماراتي:
عبايتي:
قلت لازم تكون
هي الي تسلك في كلشيء
خاصة في العرس هاكو تعرفو
جلابات تاع الدار ببلايغهم:
خيرت حاجة الي تكون خفيفة
و نقدر نبوجي بيها في العرس
لاروبــــ سواري ديالي مع الطايور مع القفطان بسبابط الطالو ديالهم:
تفاهمت مع حبوبتي زينب نتصدر معاها و محبيتش انا نكثر
بزاف حوايج و خليت الاولوية للعروس بيانسور:regards02:
الصيكان:
خيرت زوج تاع كي نخرج و واحد للعرس كي نروح مع لعروسة :-r
لماكياج ديالي:
لميت الي عندي
ساكوشة الماكياج :
و منقدرش نستغنى عنها
شحال نحبها
صغيرة و ترفدلي كلش
لي بـــــــارفا :
و اخيرا اكسيسواراتي و الذهب الديالي:
ماكفاتنيش لافاليز
حتى زدت كابة معاها:-h
هكـ نكون لميت قشي كما يلزم
و مابقالي غير الكادو ديالي:-r و بيانسور كي ندخل لدارغاليتي لازم في يدي حاجة حلوة
حباباتي اللمويات
هك نكون كملتلكم حكايتي
مع التوجاد لعرس صديقتي
نتمنى نكون خفيفة عليكم
مجموعة الياسمينات تحيـــــكم كاملين
و تتمنى يكون الموضوع قد نال اعجابكم
دمتم بخير
وان شاء الله نربحو في المنافسة:p
