كعك الشوكولاته من مطبخي

[آمِيْرَتُه]

السلام عليكم ورحمة الله تعالى و بركاته

مرحبا بحراير اللمة :love01:

داك نهار درت : http://4algeria.com/forum/threads/423144/

و عجبهم في الدار عاودته و لكن بطريقة أخرى ضفتله الشوكولاته و نخليكم مع الطريقة

المقادير

2 حبات بيض + 1 خمارة القاطو + غرفية سكر + غرفية زيت + 2 غرفيات حليب + مغرف صغيرة خميرة الخبز + عصير الليمون أو مبشور الليمون + حبة حلاوة + السانوج + مغرف كبيرة ماء زهر + الفرينة + شوكولاتة

التحضير


نخلطو السكر و البيض مع بعض ثم نبقوا نضيفوا في اللوازم تدريجيا نضيفوا الزيت ثم الحليب لي نذوبوا فيه الخمارة + عصير أو مبشور الليمون + ماء الزهر حتى نتحصل على خليط

بعدها نضيفوا الفرينة عينك هي ميزانك مع الخمارة نتاع الخبز و نبقوا نخلطوا بلا منعجنوا و في الأخير نتحصلوا على عجينة طرية

بعد مترتاح نبقوا ندو بشوية نفتحوا العجينة و نحطوا كعبة - حبة _ الشكولاتة و نشكلوا الشكل لي نبغوا

أنا درت الأشكال التالية

بعد ما نكملوا تجيبي صفار بيضة تحطي فيه ملعقة قهوة و تخلطي حتى يرجع اللون يميل للبني و تدهني بيه حبات الكعك و بعدها حكمي السانوج و لا حبة الحلاوة و بقي ترشي مع حبات سكر و هذي صورته النهائية بعد الطياب

​

​

 

[روز]

رد: كعك الشوكولاته من مطبخي

يبان هايل وخفيف يعطيك الصحة منيني
بصحتكم جميعا

 

[مابقاش بزاف.Dz]

رد: كعك الشوكولاته من مطبخي

jèèk toop
ya3tiik sa7a mais rani nadi 9asmti

 

[مطبخ الأحلام]

رد: كعك الشوكولاته من مطبخي

باقات من الورد الجوري لرواحك النقية
بارك الله فيك وأرضاك
واصلي واتحافينا بكل جديد ومفيد
وألأمثل لمنتدانا الغاليٌ​

 

[rose09000]

رد: كعك الشوكولاته من مطبخي

يعطيك الصحة حبيبتي يبان هشوش بصحتكم
يعطيك الصحة ننتظر منك الجديد

 

[ندى الورود]

رد: كعك الشوكولاته من مطبخي

وصفة جميلة وبالشوكولا اكيد بنينة
يعطيك الصحة
​

 

[بنقابي افتخر]

رد: كعك الشوكولاته من مطبخي

امممممم نموت على الكعك

 

[*فاطمة الزهرة*]

رد: كعك الشوكولاته من مطبخي

ﺍﻟﻠﻪ ﻳـﻊ’ ـــﻄــﻴﻚ ﺍﻟﻊ’ ــﺎﺃﺇﺃﻓــﻴﻪ ..
.. ﺑﻨﺘﻈـﺄﺇﺃﺇﺃﺭ ﺝ’ ـــﺪﻳــــﺪﻙ ﺍﻟﻤﻤـــﻴﺰ
..
.. ﺗﻘــﺒﻞ ــﻲ ﻡ’ ـــﺮﻭﺭﻱ ..
ﻛﻞ ﺃﺇﺃﻟــــ ﻭﺩ ﻭﺑﺎﺃﺇﺃﺇﻗــﺔ ﻭﺭﺩ