عرس ليلة تدبرتوا عام

[♫الباحثة عن الحظ♫]

مرحباااااا:d كيراكم لاباس

بون الزواج واش هو الزواج نص الدين حلم شباب كل واحد يتمنى يلحق ليه

بكري كانو يتزوجو بدون ما يعرف مرته
يروحو يمشو عليها يطيحو الكلمة يتزوجو لا تلفون ولا انترنت لا والو يدي خاتم سلسلة و يروح

مع الوقت يرجعو التقاليد يزيدو يصعابو ايا رجعت
الصوف و دراهم و الذهب

وووو ايا مي كانت شوي معقولة النسبة والمطلوب و قيمة المالية كانت مقدور عليها

زيدنا طلعنا شوي و رجع التطور و كل ما نمشو التطور يكبر و لحياة تسهال و الامكنيات تتوفر
و الدراهم ينقصو و قيمة الزواج تطلع

رجعت الملايين تخبط ... و رجعت كلمة 30 40 50 مليون نورمال

مثل اعطيني الماء نشرب

وزادت تبدلت الحالة و رجعت اللبسة و العروسة لازمها تستيكي و الحطة لزمها واش من جبة و وووو الخ
عرض ازياء

و مش ننساو لصال تاع العرس لان دوركا لوكان دير عرس في الدار راك ديمودي

و لا مش عندك الدراهم و مسكين والناس تهدر يموتو على الهدرة

و الاب تروح ليه تطلب يد بنته

تقول يماها بنتي لازمها هدا وهدا ايه بنتي
غالية لازم 100 مليون شرط

ومتنساش اللبسة و الثقيل و غير الحطة كانو الدراهم هم ليعطو قيمة الطفلة مع ان مكانش انسان يتقيم بالمال

و لجون تاع دورك من وين يجيبو
يا حليلهم مساكن ما يخمموا في الخدمة ولا دار و لا زيماه يديرو العرس

صح حكاية عرس ليلة تدبرتوا عام

والمشكل وين كل ما تفوت فترة من الزمن
وناس توالف بتغيرات سوق الزواجية

تزيد تخرج حاجة تعجيزية اكثر واكثر

رجعو دورك الى جانب الدراهم و الذهب و الخدمة والخ من مشتقاته

لازم الطنوبيل و الدار و منعرف واش و لازم تكون على اخر مودة و حاجة ماركة

ايه ربي يجيب الخير ويعين هاد لجون لان صح الدنيا واعرة وناس تزيد عليها

و العادات والتقاليد هلكو الدعوة و رجع باه تتزوج لازمك بنك دولي تحت مخدتك

من دورك حتى للزمن الي جاي و الجيل الطالع
و مع تاثر بالفنانين والممثلين و الخ من مشاهير

في مختلفة في مجالات الحياتية كلها

ترجع تروح تخطب لبنت يقولك بوها بنتي تحب جاستن بيبر

دونك نتفاهمو :

جيبلي اختوجراف تاع جستن بيبر .... و صور سيلفي مع تامر حسني....

وفيديو اهداء من
عند ميسي....

...........
و الا قدرت و قدرتها اكثر

مدابيك تزيدلنا توقيع تاع وردة الجزائرية
ربي يرحمها

و تجيبلنا القروابي يغني في العرس

ايه واش نقول غير بلعقل يا لبنات و ربي يعينكم يا لولاد

بقملي حصري للمة

​

 

[السلطانة]

رد: عرس ليلة تدبرتوا عام..............

وعليكم السلام

والله يااختي جبتيها قدقد
زواج ليلة تدبيرتو عام
شحال من واحد راحو دراهمو هاكاك باه يرضي الناس
كاين ناس تسلف باه تبان فور
وكاين تاني بنات الله يهديهم مع يتخطبو يبداو في عملية النهب والسلب :p
مع اللول نعجة ومع تحكم بيد الملى تبدى
(هادي في خاطر خونا حكيم ستوري يزيد يقولنا كرهتوني في النسا خخخ )

بنت خالتي تخطبت مالا باباها شرط 10 ملايين
شرط وحدو +قضية العطية (عرس لعروسة ) كاملة على الراجل
ومعاها القضيان زوج نعجات والصوف +المقياس تاع 50 مليون
وقالك ماش عاجبني الحال :down:
ماهذا ياهذا اوموان جات تستاهل هاد الطفلة
دارت رايها قبل ماتتخطب
كيما يقولو خربت السما ...لاعلينا

انا شرطي كامل 9 ملايين وبراسلي ذهب هههه
وراني عايشة الحمد لله
:-r

يقولك ماحلاه لي يزين نيتو
البراكة في القليل

كاين لي يدير عرس كبير كبير ويعيش بعدو همّ كبير كبير

ربي يستر عبادو القانعين :sport02:

صحيتي حبيبتي على الموضوع ال :up:
​

 

[بنت الـ25]

رد: عرس ليلة تدبرتوا عام

اهلا بادشونص
سمحيلي العنوان غالط
زواج ليلة تدبارتو 3 سنين ولا 4 عادي
موضوع هااااااااايل بكل ما للكلمة من معنى
دوكا الطفلة نهار تتخطب مع اللول تفرح ومبعد ديرلها الغمة ، منين رح تجيب دراهم لجهاز؟
ل باباها عندو واللي تخدم راهي تفرج على عمرها ، مي لي متخدمش يا حليل
هداك نهار تلاقيت وحدة جارتنا قاتلي رايحة نهبل لبنات في زوج مخطوبات مي باباهم مخلاهمش يخدمو
هو على قد حالو وانا ما لقيتش مين نشورهم ونجهزهم
الدنيا يا الدنيا ... تفووووووووووووو برك
اما الراجل مسكين!!! وش يلحق ووش يخلي
مي نحير من الوالدين لي يشرطو على العريس.. نورمالمو تشرط الصلاة ما يبطلهاش، تشرط لهناء
مي تع دوكا : بنتي شرطها 30 مليون ، وتحني على حاجة دهب تقيلة (فردة، محزمة ...)، والجرية عليها الكلام، وتسكن وحدها، و وما تبطلش الخدمة مورا الزواج...الخ من الشروط التعجيزية
لبارح كنت نحكي مع خطيبي على هاد الموضوع قتلو وش كون شرط عليك بابا هاد الشي هههه
قالي : يامن عاش هههههههههه الطفلة لي يبداو والديها يشرطو عليا ما عندي ما ندير بيها
وممبعد الزواج كيفاش توليلي؟
شوكااااااااااني صراحتا:-o ههههههههههههههههه ، مي عندو الحق :up:
والله ديفوا تلقاي الأب ينيقوصي كي شغل قاعد يبيع في بقرة ومش هك

اما حكاية التوقيع والسيلفي ووووو شفتها لبارح في خليها علينا مت بالضحك ههههههههه
وحدة شرطت على راجلها يجيبلها كارط موقعة من تيم حسن
عالم غريب فعلا ، وحدة بهاذ التفاهة كيفاش تفتح بيت
وراجل بهاذ التخنث كيفاش رح يربي أجيال
عجيييييييييييييييييب
​

 

[أم لينة]

رد: عرس ليلة تدبرتوا عام

السلام عليكم

يعطيك الصحة على الموضوع جبتيها في الصواب قستي الوتر الحساس للشباب ضرك
يدخلو الرجال للموضوع و يفشو قلوبهم ههههه .
صح كيما راكي تقولي قد ما سهالت الدنيا قد ما صعاب الزواج لانهم بعدو بزاف على الدين و
شرع ربي في هذي الامور و ربي ميباركش لهذا البذخ و الاسراف في يوم يخسرو ميزانية
دولةلو كان يدير العريس بدراهم هاذاك اليوم بروجي آخر يربح اكثر ههههه ، و ما تقولوش
تستاهل و ليلة في العمر رانا تزوجنا و شفنا و ياما سمعنا اليوم دارو العرس في لاصال غدوا
راهم عند البو gاطو يدابزو على الطلاق.
ربي يهدي الوالدين لي صعبو على الشباب باه يكمل نصف دينو عاد يبانلهم حلم صعب
المنال مساكن .
حطو من رواحكم يا لبنات ما تقوليش انا غالية شرطي غالي ماهوش يشري فيك يا لحبيبة .
واختم بقول خير الانام محمد صلى الله عليه وسلم:

(( إنّ مِنْ يُمْنِ المَرْأَةِ تَيْسِيرَ خِطْبَتِها وتَيْسِيرَ صَدَاقِها وتَيْسِيرَ رَحِمها ))
يمن المرأة : بركتها
تيسير رحمها : ولادتها وكثرة النسل
حديث حسن عن عائشة رضي الله عنها
صحيح الجامع ٢٢٣٥
​

​

 

[أم منيــــــر]

رد: عرس ليلة تدبرتوا عام

السلام عليكم
صح والله صعابت الحالة بزاف تلقاي رجال قاربو 40 سنة وما زال ما تزوجوش على خاطر غلاء المهور
احنا عايلتنا الحمد لله ما عندناش هادي كامل بناتنا لي تزوجو شرطهم معقول جدا وفي المتناول
بابا الله يرحمو خلانا هادي
احنا كي يخطب الواحد نشرطولو الهنا ويتهلا فيها وما يغبنهاش ويكون مصلي ويخاف ربي
لي يجي يخطب نقولولو انت والاستطاعة نتاعك لي تقدر عليه هداك هو
وهو تاني تكبر فيه كي ما نغبنوهش ويتهلا فيها و يديرها صويلحات ملاح على حسابو
واحنا تاني نجهزو بناتنا بلي نقدروا عليه ونديرو اعراس معقولين والله يسخر
راهم كامل هانيين لاباس بيهم الحمد لله
ولعقوبة للجميع
والله نبق حايرة علاش يغبنو الرجال ويخلو بناتهم قدامهم ومن بعد تبدا تشكي بنتي ما تزوجتش
الله يهدي ما خلق و الله يفرج على كل واحد صعابت الحالة بزاف
​

 

[نجيب]

رد: عرس ليلة تدبرتوا عام

موضوع جد مميز

اختي الشباب كامل راهم يعانوا من هد العادات

بدل ما الوالدين يتمناو الهناء و السعادة لبناتهم نجدهم يشترطون مبالغ مالية و كانك تشتري العروس بدراهمك

الطمع تغلب على ما جاء به اسلامنا في قلوبهم

و نجد هده الظاهرة منتشرة كثيرا في ولاية تلمسان اكثر من اي ولاية في الجزائر


احنا مزال يديرو 50 مليون دهب و تشريلها الملابس نتاعها و تزيد تكاليف الحنة نتاعها و تعطيها دراهم حتى 10 ملاين

و تحط قيمة المهر في العقد 50 مليون و تكاليف العرس منحكيلكش

هد المرة تزوج صاحبي اتفقوا على المهر ب 40 مليون

و تكاليف قاعة الحفلات 20 مليون و الدهب و الفراش و المكلا و زيد و زيد الخ

مانا فاهمين والو واش راهم يعطونا بناتهم على سنة الله و رسوله و لا راهم يبعوهم لينا ؟؟؟؟؟

انا شخصيا اقسم لك بالله العلي العظيم عندي اخت وحيدة عند زواجها اشترطنا على العريس على حساب ما يقدر

و نهار الحنة نتاعها جابلي الدراهم و الله العظيم لم احكم عليه دينار واحد و الله شاهد على ما اقول و حتى والدي

لم يتدخل في الامر و قلت له شرطي الوحيد ان تعيش اختي في هناء

هدا لا يعني انني اعطيته اختي بدون شروط لاكن الحمد لله انني لم احس انني بعتها له و هي في هناء و الحمد لله

اختي انا شخصيا لا يهمني شيء غير انني اعيش في سعادة و هناء

اعرف بعض الشباب خسروا شقاء عمرهم من اجل ان يكملوا نصف دينهم و بعد اسبوع يعلنون الطلاق؟؟؟؟

اتمنى ان تزول هده العادات في مجتمعنا لان نسبة العنوسة في ارتفاع و الشباب اليوم محتار بين العمل او الزواج او الشقة


شكرا اختي على الموضوع​

 

[خديجة 24]

رد: عرس ليلة تدبرتوا عام

سلام موضوع في الصميم
فكرتيني في عرسي عندي شهرين زواج والحمد لله
انا الصداق ديالي لحق 30مليون بصح ما شرطنا والو هو عطا مقدورو
اشرالي الذهب 18 مليون و الفاليزا تاع الخطبة 3.5 و زادلي 8.5 تاع الجهاز
وهكذاك قاتلي عمتي اللي راحت بالرخا تقعد رخيصة
وخلي وخلي الهدرة تاع الناس
المهم انا راني قانعة و الحمد لله
يعني هذا الراجل كي يشرطو عليه هذه المبالغ ماراحش يزيد يصرف على هذه االمراة اللي راح يديها

 

[مابقاش بزاف.Dz]

رد: عرس ليلة تدبرتوا عام

عرس ليلـة تدبيرته أعـوام
صـح الحالـة تبدلت بزاف على بكري ...
البنات و الأســـــر يتشرطوا و الشباب يدفعوا و يخلصوا كل ما يلزم و قادرين يطولوافي فترة قبل الزواج و يرجعوا في مشاكل هم في غنى عنها ...
أقلهن مهرا أكثرهن بركـــــة
ربي يصلح أحوالنا
يعطيك الصحة على الموضوع

 

[~خفة روح~]

رد: عرس ليلة تدبرتوا عام

ههههههههههههههههههه
ومكانش أصلا عندهم طولوبيل ولا تعارف يخطبها ويديها فوق عود ولا حمار
مكاش الدلال
ايه ضرك تبدلت الحالة -_* شكرااااااااااااااااااا​

 

[knadja]

رد: عرس ليلة تدبرتوا عام

بكري كان الزواج ليلة وتدباغوا عام دوك العرس نص نهار تدباروا 10000000 سنيييييييييييييين مسكين حابين يتزوجواااااااااااااا

 

[مهدي الثعالبي]

رد: عرس ليلة تدبرتوا عام

ولي زاد كمل عليها القانون الجديد ، الشباب كانو يخافو من المهر اما الان يخافو من المرأة و المهر لو كان تخمو مليح تلقاوه كل هذا شي يصب ضد المرأة ( ديننا الحنيف أ عز المرأة وسماهن الرسول الكريم بالقوارير ، لكن جاء من يريد ان يدخل المرأة في دوامة المال )

 

[خديجة ph]

رد: عرس ليلة تدبرتوا عام

ﻻ اله الا الله صار العرس اصعب شئ مع انو من المفروض يكون يسهل على الشباب السترة . صدقت وزيرة الثقافة لما سقسوها عن اشغال عاصمة الثقافة العربية كيف لم تنتهي . اجابتهم انا مثل اللي في عرس االلي قدرت نوجدو وجدتو واللي مازال يرحمها ربي بعد العرس . حبسونا مخاخنا لا اله الا الله.

​

ربي يشغلهم باعراسهم وينقص تكاليف اعراسنا

 

[♫الباحثة عن الحظ♫]

رد: عرس ليلة تدبرتوا عام

السلام عليكم

اهلا و سهلا بيكم نورتو الموضوع

قريت ردودكم الكل و نشكركم صح على المشاركة فرحتوني

ايه واش راح تدير الدنيا واعرة و ناس تزيد عليها و هدرة الغاشي تزيد تخلي الحالة ترجع كارثة اكثر

بون مش ناس مل هكا كاين كيما قلت لهناء و السعادة ووليد الفاميليا هادي هي

وكاين الي ربي يهديهم يموتو على المظاهر و كان راح يتزوجها نهار و بعدها راح تولي تصرف على روحها مع ان مسكين راح يتعب عليها

ايه واش راح نقولو ربي يفرج عليكم كل صحيتو
​

 

[حكاية قمر]

رد: عرس ليلة تدبرتوا عام

السلام عليكم
موضع شباب بزاف وفي العمق
زواج ولى كأنو مشروع ومشكلة حتى الربح وفيه مش مضمون قادر يجيب لمرا وبعدها يلقى روحو في المشاكل معاها
المصاريف غلات بزاف وللأسف هاد شي راجع لجهل الأباء بمعنى مهر المرأة لي هو اكرام ليها والرسول صلى الله عليهو سلم قال
" أقلهن مهورا اكثرهن بركة
و الاب ولى كي زوج بنتو تبانلو مش واجب عليه يعاونها وهدا خطأ فاادح
زيلدها سبب اخر هو غلاء المعيشة والكارثة المظاهر لي كثرت من قاعات وغيرو
في اخير نقولو ربي يهديهم
وليك شكر كبير ع الموضوع​

 

[♫الباحثة عن الحظ♫]

رد: عرس ليلة تدبرتوا عام

السلام عليكم
موضع شباب بزاف وفي العمق
زواج ولى كأنو مشروع ومشكلة حتى الربح وفيه مش مضمون قادر يجيب لمرا وبعدها يلقى روحو في المشاكل معاها
المصاريف غلات بزاف وللأسف هاد شي راجع لجهل الأباء بمعنى مهر المرأة لي هو اكرام ليها والرسول صلى الله عليهو سلم قال
" أقلهن مهورا اكثرهن بركة
و الاب ولى كي زوج بنتو تبانلو مش واجب عليه يعاونها وهدا خطأ فاادح
زيلدها سبب اخر هو غلاء المعيشة والكارثة المظاهر لي كثرت من قاعات وغيرو
في اخير نقولو ربي يهديهم
وليك شكر كبير ع الموضوع​

اهلا وسهلا بيك اختي
يعطيك الصحة على تواجدك
نورت تحياتي
​

 

[M3TaZ eLLMa]

رد: عرس ليلة تدبرتوا عام

ا

السلام عليكم

اهلين بنت عمي نتمنا تكوني بخير

موضوع العصر ...

نشكروك علا المتعة ياطيبة

ما عندي مانقول زواج اليوم راه كي تجارة دجيب سلعة يا تربح يا تخسر هذا هو زواج المودة نتاعنا علاه كل هذا رنا مجتمع الاسلامي وقدوتنا نبينا الكريم محمد صلا الله عليه وسلم وكتابنا القران ونحن نسير العكس
واش راح يعمل الزوالي المسكين منين يجيب كل هذه الامور.

لاحول ولا قوة الا با لله.

وزيد علا ذلك القانون لجديد نتاع المراة كف بسة اشهر ولا الخلع.

وين رايحين .


علا نفسي راني براسي الحمد لله نستناو كشما يردوا زواج فيه بار فاسيلتي وقتها نخموا احسن



سامحونا راه دمار هو لي يهدر علينا .

ما عندي ما نزيد ربي يصلح الاحوال برك

وان شا الله تتحسن ابظروف وتروح علينا متل هذه الامور تعجزية

راهم بهذا الشروط كامل وتزيد تحب تردك مهند باه ترضا عليك.

ملا راني براسي مرتاح احسن اوجاع كل شي.


ربي يوفق الجميع


شكرا بنت عمي​

 

[ام اشراق]

رد: عرس ليلة تدبرتوا عام

السلام عليكم
عرس تدبروا اعوام وياربى اذا لحق مول الشى
قالك اللوز راه ايدير 180الف للكيلو غرام:s وين بيها اللوز كان رخيص 3حبات حلوى فى العلبة تاع 10دج والعرس فى البيت وعشاة الحلال وكل واحد ومقدورواويجوز كل شئ بيان وبعمارة الدار
اما اليوم اللوز 180الف للكيلو غرام من 7الى8انواع فى العلبة تساوى 40الف للواحدة
زيد القاطو تاع القهوة ولاتاي وزيد الديسير وصوالح التبناج وزيد العرس فى الصالة الفلانية مانيش عارف شحال من مليون وزيد المطرب الفلانى لازم زوج او اكثر ومش اقل من 20مليون وزيد حوايج التصديرة لازم من كل منطقة لبسة وفى الاخير اذا عجب الحال الحضور الكرام قنطار نجارة تحت طوابل:down:
وخواتنا لجون يخدمو الدهر باه يلموا المهر والعرس يمر بنفس الحالة واكثر وزيد شهر العسل فى تونس ولا تركيا وبعد الرجوع حطيلنا نفطروا مقلى بطاطا محروقة البنت ماكنش عندها الوقت باه تدخل الكوزينة او ماتحبش تدخل تخاف على طفرتيها ياويلى ويعشوا عند عمنا البوقاطو
والله مرة سمعنا خويا نحكوا على االتكاليف وين لحقت قالنا ذوك دراهم نشرى بيهم طوموبيل ولا نضرب بيها تحويسة للخارج الله يسمح من صداع الراس وتحيا العزوبية
وين بيها ياناس والشهار والزوالى مسكين واش يلحق واش يخلى انا قلت الكارطة الصفراء تحل المشكل :bravo01:
والناس تتهدن وتنقص نسبة العنوسة فى بلادنا جاء قانون الاسرة جديد واخذ الحالة ربي يكون فى عون الشبيبة
اسمحيلى طولت عليك بالهدرة يالزينة الموضوع يستحق :thumb_up02:
شكرا للميضوع الشباب ربي يخليك ويهنيك

 

[أم عبد الله]

رد: عرس ليلة تدبرتوا عام

ههههههههههههه ضحكني موضوعكـ باد شونص راكي جايبتها قد قد
مي بلعقل لهنا ف آلجي وصل لـ 25 بركـ وفـ تزايد مستمر والحمد لله ماتاثروش بزاف بناس الغرب من جيب وجيب
رانا نراعيو شوي السوق ههههههههه
ولا الزواج بيع وشرا البابات يبيع والمسيو الى طاح ع راسو يبيع
بابا قالي وليد عمو كيفاه زوجوه تموتي بالضحك قالك بكري كانو مايشاوروش الراجل الا تتزوج ولا الطفلة عجباتك ايا المخلوق راح يخدم كي جا مع العشية لقا باباه يستنى فيه قالو راهي مرتك تستنى فيك
يعني عشات الحلال ومالحقش بيها و الحمد لله عايشين وقانعين
وضرك ولينا نتشرطو بزاف نحبو يكون عندو ونحب ونحب
الله يعينهم صح لي جان ف وقتنا وهدا الشي هو لي زاد نسبة العنوسة ف بلادنا
ماشي قادر ع الدار و الخدمة يارب الا لقاها كيفاه يحققلها الشروط التعجيزية لي قلتي عليها
مممممممممم هدرنـآ بزاف جوبونس

مي بيناتنا توقيع وردة هههههههههههههههههه هبلتيني بالضحك مهبولة
ف انتظار جديدك
سلامي​

 

[Hakan]

رد: عرس ليلة تدبرتوا عام

انا نقلك يااختي وبكل صرااحة الطفلة اللي تشوف في روحها بالمقارنة مع سومتها نقلها حاجة مليحة
ما تكونيش رخيسة بالمقارنة مع سومتك
ونزيد حاجة للبنات اللواتي يغالين في مهورهن
البنات اللي يعرفو القيمة الحقيقية نتااعهم مازالو كاينين وما تحسبوش رواحتيكم غير نتوما اللي راكم في العالم
كاين بنات
واذا خلات كامل والبنات كاااامل تعمدو يديرو غلاء للمهور نتاوعهم نقلهم يابنات بلادي
والله غير اروبا فيها ما خير منكم وعشرة منكم هادي شارابوفا وهادي انجلينا جولي وراني نهدر سيريو
مالا غير حطو رجليكم في الارض وحنا مادا بينا نديو بنات بلادنا مي اذا خشنتو الراس والله غير طابور العنوسة راهو يستنا فيكم كااااااااملا
دونك غير ما تغلوش في السومة نتاعكم باش ما يصرالكمش كيما هادك الراجل الفحل
الي حب طفلة وكي راح يخطب فيها قالولو اعطينا 100 مليون باش نعطوهالك وهي تاني تحبو مالا هو عيا فيهم باش ينقصولو مسكين زوالي
المهم دار البوسيبل باش جمع الدراهم زوج بيها وتزوجت بيه
ومن بعد كي جاو الاهل نتاعها يزوروها قالهم الراجل اللي حاب يشوف بنتو ولا اختو عندو مليون للسااعة ربي يهدينا اجمعين وربي يرزق القانعات ازواج صالحين
مام الرجال اللي راهو يصابوطيو في الشباب الزوالي نقلكم والله غير الطيبون للطيبات احببتم ام كرهتم...​

 

[bilale-007]

رد: عرس ليلة تدبرتوا عام

ههههههههه موضوع جميل
وش نقول ربي خير من كل خير .....لي خلانا لحقنا لهاذي الميوعة و المادية في مجتمعنا راجعة للجهل وبعدنا عن ديننا والتقليد الاعمى للغرب هذا مكان .....
ربي يستر ويعدل احوالنا ان شاء الله