- إنضم
- 18 سبتمبر 2012
- المشاركات
- 2,192
- نقاط التفاعل
- 5,223
- النقاط
- 111
- العمر
- 40
لقيت هذي الوصفة للفواكه بعجينة اللوز في الانترنت عجبتني حبيت نشاركم بيها ان شاء الله تستفادو و شكرا لصاحبة الوصفة.
اول الحاجة من الافضل نديرها ليلة من قبل و نضعها في المجمد و هو قلب الفاكهة و المتكون من الجنواز و كريمة الزبدة و كل واحدة واش تحب دير في القلب انا نعطيكم الفكرة و لكم الاختيار
*---طريقة صنع الجينواز
نخلط 5 حبات بيض+100 غ سكر +ملعقة كبيرة فانيلا جيدا الى ان يصبح الخليط ابيض اللون بعدها بواسطة اليد ندخل 250غ فرينة+1/2 كيس خميرة كيميائية من تحت الى فوق دون كسر قوام البيض بعدها نضعها في صينية مدهونة و نطهيه
*--طريقة صنع كريمة الزبدة
--اولا نضرب 2 حبات بيض و في نفس الوقت نعمل سيرو متكون من 250غ سكر +6 ملاعق اكل ماء نضعهم فوق النار الى غاية الغليان و لكن من دون تغيير اللون بعدها نصب السيرو و هو سخون على البيض بخيط رفيع مع الاستمرار في الخلط الى ان يبرد محتوى البيض بعدها نضيف 250غ زبدة ماني طرية+ملعقة كبيرة فانيلا و نستمر في الخلط الى غاية ان نتحصل على قوام كريمي
--بعدها نفتت الجواز و نلايمها بكريمة الزبدة و نعمل كريات متوسطة الحجم و نضعهم في علبة و الى المجمد لتسهيل العملية في تشكيل الحبة
*--طريقة صنع عجينة اللوز
--اول حاجة نطحن اللوز رقيق غبرة و نصيرو هذاك الخشين اللي يبقى نحمصوه و نزيدوه في قلب الفاكهة
--بعدها نكيل اللوز و السكر الناعم كلية ممسوحة لوز غبرة مع كيلة معمرة مليح سكر ناعم مثل ما هو موضح في الصورة
*--اما في ما يخص كيفية صنع العجينة نحتاج الى قطعة صغيرة من الزبدة +ملعقة صغيرة فانيلا و نلايم الكل بالسيرو اللي نضيفلو الملون حسب الرغبة الى غاية الحصول على عجينة سهلة التشكيل
*--في ما يخص السيرو و هو عبارة عن 1كاس سكر+2 كيسان ماء نضعهم فوق النار كي يبداو يغلو نحسب 10دقائق و نطفي النار و نتركه يبرد
بعدها نشكل كريات من عجينة اللوز و نحشيها بالقلب اللي نكونوا خرجناه من المجمد و لكن من الافضل يكون جامد بعدها نشكل الفاكهة المراد تشكيلها .
