- إنضم
- 7 مارس 2008
- المشاركات
- 5,039
- نقاط التفاعل
- 5,297
- النقاط
- 351
- الجنس
- ذكر
السلام عليكم
مرحبا بأمهتنا وأخوتنا الطيبين نتمنى تكونوا بخير وبصحة جيدة يارب
نبدأ على باركة الله
يمكن تطبيق هذا ما راح يعجبكم بس حبيت أني انزلوا يمكن يستفيد منوا الاخوة
هو عبارة عن تطبيق الهريسة وكما تعلمون نحن مقبلون على الصيف وسيدنا رمضان
يعني راح يكثر الطلب على الهريسة
حبيت نعطيكم وصفة جربتها ونتمنى تتعلموها ويمكن انها تعرفوها المهم المشاركة
وهذا التطبيق راه مهدى للأخت أميرة :p الطيبة نتمنى تتعلمها وطبقها ..
نبدأ على باركة الله
أولا المكونااات
كيلوا هريسة علب + اربعة رؤوس ثوم + حبة طماطم + 3 ملاعق طماطم علب + زيت + ملح + ماء
أولا نحطوا إناء كبير لي راح نطيبوا فيه الهريسة ونضع فيه الهريسة
وبعدها نظيفولها الثوم مبشورة أو مقطعة حسب الرغبة وثم الملح كمية معتبرة ملعقة إذا حبيتوا انا وأعوذ بالله من كلمة انا استعملت ملعقة ملح صغيرة وبعدها نقطعوا الطماطم إلى قطع إربعة قطع لأنو طماطم هنا راح تعطينا نكهة خاصة للهريسة وبعدها اربعة معالق كبيرة طماطم علب .
وبعدها نظيفوا المكون الاخير الزيت
ونخلطوا الخلطة مليح ونحطوها تتقلى على نااار هادية
وبعد ما تشوفها تقلات مليح تظيفوا كمية معتبرة من الماء كأس كبير ونخلوها طيب في عقلها وكل مرة لازم نطلوا عليها ونشوفوا إذا نشف الماء نظيفولها بشوي فقط حتى تشوفها خثارت مليح لأنو النكهة راهي عندما تخثار الهريسة راح يتغير لونها طبعا لي يحبها خاثرة يعمل واش قتلوا ولي يحبها شوي شوي يظيف الماء مي راهي نكهة تنقص شوي .
على العموم راح تتحصلوا على هريسة حارة بنكهة خاصة وبنينة ولون مغاير
لما استعملتها قليت فريت وميلات ما نكذبش عليكم كليت لهريسة اكثر من الفريت لأنو عجبتني الهريسة احسن من الفريت ههه
وتقدموها في اي وقت وخاصة مع حرارة الصيف وحرارة الهريسة ههه
هذا ذوقي الله غالب
ونتمنى أن التطبيق يعجبكم وتجربوها ولي يعرفها يزيد يعلمني فيها أكثر واكثر .
وربي يحفظكم ويعطيكم ما تتمنوا يارب
وإن شاء الله الاخت أميرة طبقها
اعتذر عن عدم ظهور الصورة الرسمية للنطبيق
الانو نات تقيل ما حبت تتحمل
ان شا الله يصلح النات ونورلكم كيفاه خرجتلي طبخة الهريسة
اعتذر
وهذه تطبيقنا خفيف ظريف مع خوكم معتز
آخر تعديل:
