بروبلام تاع أعضاء ادخلوا اللمة راهي مقلقة منكم

[السلطانة]

رد: بروبلام تاع أعضاء ادخلوا اللمة راهي مقلقة منكم

صح عندك الحق مي هدي فترة تاع اختبارت راكي عارفة
و مع لقراية و كامل ماتقدريش تدخلي مام نص ساعة على بعضاها
اي جايةالصيف و ان شاء الله تولي الامور لمجراها الطبيعي
سلام

ربي يوفقك ان شاء الله اميرة وكامل لي راهم يجوزو في الاختبارات

 

[السلطانة]

رد: بروبلام تاع أعضاء ادخلوا اللمة راهي مقلقة منكم

بصح كاين مواضيع مخصصة لدردشة حوسي تلقاي
وهكا ولاو يصمطو لحالة مثلا موضوع اكتب ما قله قلبك باختصار يخرج على سياق تاعو خلاص ويصماط
شخصيا كما راني عضوة ولا كما كنت مشرفة نكره هاد لعفايس كل حاجة عندها بلاصتها هكا يكون تنظيم وتحس روحك في جلسة أدبية بحتة
هدا غي مثال برك ​

صح كاين مواضيع تخرج عن مسارها
مثلا موضوع بالفصحى يرجع دردشة تاع واش راك لاباس وواش كليت اليوم وواش شريت ووو
وهادي خاطية خلاص
المشرف ينظم والاعضاء يفسدو واش معناها هادي
كل حاجة وبلاصتها
شكرا اختي كلامك صواب

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليكم.

ع مااعتقد انو المنتديات كامل هكدا يعني كنا ف العطل نحضرو بزاف بصح ف أوقات القرايا والخدمة تقل فترة دخولنا اللمة تعتبر أهم شمبرا ف داري ومانخلوهاش

نتمنى لكل الأعضاء عودة قريبة ^^​

اهلا ذكرى ايه كاين فترات كيما العطلة ورمضان يكثرو الاعضاء ومرات العكس

ان شاء الله يرجع النشاط كيما زمان

صحيتي اختي

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليكم ختيتو ساندريلا

بون انا تاني راني نشوف فلمنتدى نقصت فعاليتو بالنسبة ليا انا و الله راني في فترة امتحانات و فروض بصح توجوغ نطل على اللمة و لو لدقيقة نحط رد ولا زوج و نروح هكذا نpروفيتي

حتى وليت كي ماندخلش يوم واحد نحس حاجة ناقصتني و الله

المهم انا راني هنا كل يوم باذن الله فان غبت فاعلمو انني لست بخير

و سلام الله عليكم​

اهلا اختي برانساس اللمة :love01:
صح لقراية تأثر لكن ماش الاعضاء كامل يقراو

نورتي وربي يوفقك ان شاء الله

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليك
إن شاء الله يعطونا الحل
أنا عن نفسي كيما قلتي راني نسرق من وقتي باه ندخل نطل مع ان عندي ظروف بصح هذا ما يمنعنيش باه ندخل كون غير طلة زائرة و منطلقش ههه
إن شاء الله يرجعوا كيما زمان

ههههه ان شاءالله ماش غير الحل يطبقو فورا :p

نورتي وربي يوفقك

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليكم
اللمة صح راهي في ركود وكل واحد وظروفو
كيما أنا والله نجي من الجامعة ميتة وهكذاك وندخل وأحيانا ندير مواضيع ونقرى وغيرها
إذا لحقت القرايا لازم نقراو برك ومانريحوش وإذا لحقت العطلة لازم نحوسو ومانكونيكتيوش؟
وقتاه أمالا تنشط اللمة؟
صراحة والله المسابقات دايرة حالة والهدايا جد مغرية
نتمنى من اﻷعضاء يتفاعلو ونشطو اللمة
عندي أمر حبيت انبه فيه من رأيي الشخصي
لوكان يكثرو الدردشة رايحة تقل المواضيع والنشاطات وكل التوجهات تولي للدردشة فقط
نجو نكحلوها نعموها
نتمنى تنتهي مرحلة الركود هاذي
ونرى إقبال الأعضاء بمواضيعهم المميزة
تحداو الظروف شوي
والسلام عليكم
حاجة نتمناها تتطبق هي منع اقتباس مواضيع أعضائنا ﻷنه يقتل روح الإبداع
ونحن بدورنا في المسابقات يكون مجهودنا الخاص باه يكون طعم التفوق له نكهة خاصة​

والله قلتي الصواب وقتاه تنشط اللمة هههه
ان شاء الله تنشط

نورتي اختي

 

[السلطانة]

رد: بروبلام تاع أعضاء ادخلوا اللمة راهي مقلقة منكم

مي أنا تبالي عادي .... كل واحد و كيفاه

أنا الصراحة ندخل نقرا ونشوف برك هههههه قليل ما ندير حاجة

هههههههه ربي يخلي الأعضاء الناشطين

بلاك في الايام الجايا ندير مواضيع

التفنيين ههه

ان شاءالله شكرا نورت

 

[السلطانة]

رد: بروبلام تاع أعضاء ادخلوا اللمة راهي مقلقة منكم

مرحبا اختي شوشو
للاسف عندك الحق مي زوج كلمات بالنسبة ليا
سماطت اللمة ماشي زي بكري
تقبلي مروري
​

بلاك حالة العبد وظروفو لي يشوف اللمة صماطت

نورتي اختي

 

[السلطانة]

رد: بروبلام تاع أعضاء ادخلوا اللمة راهي مقلقة منكم

صح
حوايج بزاف تبدلو فيها

ياخا ياعبير

:p:p:p كيما واش مثلا

 

[السلطانة]

رد: بروبلام تاع أعضاء ادخلوا اللمة راهي مقلقة منكم

بروبلام تاع لاجودان شاف ومكانش ​

بروبلام تاع الوالكمان تاع سفيان داك العام :tongue02:

 

[السلطانة]

رد: بروبلام تاع أعضاء ادخلوا اللمة راهي مقلقة منكم

يعطيـــــكـ الصحة أختي ســــآندريلآ
موضوع يمس الصميم
يااارب ونفطنوا من هاد الركود
ان شاااء الله بعد هاد الطرح تمشي الامور للأحسن
سلآمي
​

ان شاء الله يارب تعيشي زهور

 

[السلطانة]

رد: بروبلام تاع أعضاء ادخلوا اللمة راهي مقلقة منكم

بارك الله فيكم جميعا

سيتم اخذ ملاحظاتكم بعين الاعتبار

يغلق الموضوع

ونتمنى التطبيق