راني حابة نهبللللللللل

[بنت الصحراء08]

السلام عليكم اخوتي
واش راكم مع هاد السخانة اللي راهي شاويتنا سيغتو حنا ناس الجنوب
المهم هاد العام ان شاء الله راني رايحة نفوت البيام ادعولي انجيبو بمعدل ممتاز:thumb_up02:بصح المشكل راهو في قرار وزارة التربية راهم قرروا باه يكون في 14 جوان والباك في 7 جوان معناه اليوم اللي نكملو فيه يبقى نهار على رمضان
اخوتي هاد التاريخ راه بعيد بزاف ومهوش في مصلحة تلاميذ الجنوب كيما راهم يقولوا لازمهم يجيو يشوفو الجو كيفاش راه داير. المكيفات رانا مشعلينهم من افريل ومع العلم انه ولاية بشار مهيش حامية مقارنة مع ادراد وتيندوف وتمنراست وغيرها من ولايات الجنوب وبزاف من التلاميذ مراكز الامتحان بعيدة عليهم معناه لازمهم يمشيو في ديك الشمس لخطرش النقل ماكانش بعد الظهر الكل قاعد في دارو وحاكم لالجي
ربي يغفرلهم وخلاص
حرام عليهم يعذبو فينا هاكا
​

 

[Skor m@k]

رد: راني حابة نهبللللللللل

السلام عليكم
ان شاء الله ربي ينجحك
هذا هو الصبر ان الله لا يضيع أجر الصابرين
هذي هي الدولة ولادها يقراو في باريس ولا لندن وو ....
مطفرة غير فولاد الشعب​

 

[بنت الصحراء08]

رد: راني حابة نهبللللللللل

عندك الحق

 

[السلطانة]

رد: راني حابة نهبللللللللل

واش راح تديري اختي

وتلاميذ الابتدائي لي شدوهم ل 21 جوان ماش حرام عليها هاد الوزيرة تهلك في دراري صغار في الشمس

والسخانة

اصبري وخلاص المصيبة اذا عمت خفت ربي يوفقكم ان شاء الله

 

[Oussama.GF]

رد: راني حابة نهبللللللللل

سلام عليكم
اختي الاغالب هادي هي امور
وزارة مابغاتش تبدل قرار على اقل يديروا في 2 جوان هير ماتعذبوا رواخكم في السخانة خاصة جماعة جنوب

 

[أم منيــــــر]

رد: راني حابة نهبللللللللل

زمان كانو يديرو امتحان الجنوب وحدو قبل امتحان الشمال بمدة كبيرة لاخاطر الجنوب سخانة بزاف ودرك ما راهم يعبروا حتى واحد
كما قال مالك هم ولادهم يقراو فالخارج علاش يحوسو في الشعب
بصح ربي يخلصهم كامل
ما عليك غير الصبر و ربي يوفقك ويوفق الجميع

 

[بنت الصحراء08]

رد: راني حابة نهبللللللللل

عندكم الحق
اليوم كان عندنا البيام سبورت رحنا على السبعة ونص الشمس حامية حتى الماء اللي جبناه كامل حما ملقينا واش نشربو