حارس مؤسسة يعشق استاذة ثرية

[مشكلتي]

السلام عليكم اخوتي
نشكركم على تفاعلكم مع مشكلتي الي طرحتها هنا في المنتدى
ونشكر اللي تعاطفوا مع قصتي ونشكر بالخصوص اللي قالولي خليك منها راك انت من طينة وهي من طينة
لانه صح انا اللي حلمت بحاجة مش ليا
درت كيما نصحوني الاغلبية و صارحتها
بعثت وحدة تقرّي معاها كبيرة شويا في العمر و رزينة
وصلتلها بلي ناوي الحلال مانيش تاع لعب
بصح للاسف رفضتني وقالت بلي كاين في حياتها واحد اخر بالرغم ماهيش مخطوبة وماهيش تاع صحوبيات بصح داراته كعذر
خسرتها وخسرت كرامتي ندمت كي صارحتها كون غير خليت حبي في قلبي
ضرك ماعدتش قادر نشوف فيها و هي كيف كيف خسرت ابتسامتها كل صباح وكل عشية
عادت تحشم مني grave وصباح الخير تاعها عادت باردة مش كيما بكري

حبيت برك نوصل ميساج للزواولية : يا خويا احلم على قدك و ماتشوفش الفوق لانه يجي وقت وين تطيح ، والطيحة تجي قااااوية


سلام

 

[راضية حامدة]

رد: حارس مؤسسة يعشق استاذة ثرية

تم الاعتماد
مش قاعدة يا اخي ابدا
المكتوب ماكانش و خلاص و الا كاين حالات وين الزوالي تزوج بمن تفوقه مالا و جمالا و مستوى و الحمد لله بدون اي مشاكل
نعرف نماذج رائعة و الحمد لله و انا وحدة منهم
عمرو ماكان المستوى معيار لنجاح الزواج
اكيد في حياتها شخص ما
و الا تتخيل انت فتاة بجمالها و ادبها وووو كيما قلت ماعندهاش واحد في راسها اكيد كاين
الحمد لله المهم الان عرفت طريقك باش تشوف اخرى و لي فات فات
و اكيد فيها خير ان شاء الله

 

[السلطانة]

رد: حارس مؤسسة يعشق استاذة ثرية

وعليكم السلام الحمد لله اخي بانلك الطريق باش متبقاش متعلق بحلم عابر

ربي يرزقك الزوجة لي راح تكون مكتوبك وتسعدك وتسعدها

ربي يوفقك ان شاء الله

 

[بيّاع الورد]

رد: حارس مؤسسة يعشق استاذة ثرية

ربّي يقدم لْك مَ هوَ خيرْ لَكْ
الله كريمْ و إنتَ تستآآهلْ !
و مُش نهآآيَة العآآلمْ
عمُرهآ الحيآة مَ وقفتْ عند شخصْ

مكتُوبك فِ جهَة أخرَى و إلاَ مَ يوصلْ
موفّقْ و نسألُ لكَ الرّضآ بمآ كتَبَه الله لَكْ ​

 

[نجيب]

رد: حارس مؤسسة يعشق استاذة ثرية

هدي مشي حاجة تحشم خويا

هدا اسمو نصيب انت كنت ناوي لحلال و ربي مكتبش

بالنسبة لبنت الاصل متفكرش فهدا و لد غني و هدا فقير

اما على البنت لي كنت حاب تتزوجها هي استادة موضفة و انت ايضا موضف

ليس هناك فرق و خدام الرجال سيدهم و نزدك حاجة خويا الرزاق ربي

اليوم انت راك موضف بلاك ربي يرزقك و ترجع حاجة اخرى و بلاك ربي يزيد ينجحك

و متنساش بلي كاين شباب متخرج من اكبر الجامعت و راه قاعد فالمقاهي بلا خدمة .

ممكن البنت يكون عندها واحد في حياتها و هدا سر نتاعها و محافظة على العلاقة نتاعها باش حتى واحد ما يسمع بيها

و حتى انت راك تشهد بلي مشي من الناس لي تصاحب هناك بنات لا تستطيع ان تعرف سرهن .

و ممكن كما قلت استخدمت هدا الكلام كعدر

المهم خلاصة الكلام هدا اسمو مكتوب ربي .

خويا ربي يسهلك في حياتك و يرزقك ببنت الاصل .

 

[الخليـل]

رد: حارس مؤسسة يعشق استاذة ثرية

السلام عليكم اخوتي
نشكركم على تفاعلكم مع مشكلتي الي طرحتها هنا في المنتدى
ونشكر اللي تعاطفوا مع قصتي ونشكر بالخصوص اللي قالولي خليك منها راك انت من طينة وهي من طينة
لانه صح انا اللي حلمت بحاجة مش ليا
درت كيما نصحوني الاغلبية و صارحتها
بعثت وحدة تقرّي معاها كبيرة شويا في العمر و رزينة
وصلتلها بلي ناوي الحلال مانيش تاع لعب
بصح للاسف رفضتني وقالت بلي كاين في حياتها واحد اخر بالرغم ماهيش مخطوبة وماهيش تاع صحوبيات بصح داراته كعذر
خسرتها وخسرت كرامتي ندمت كي صارحتها كون غير خليت حبي في قلبي
ضرك ماعدتش قادر نشوف فيها و هي كيف كيف خسرت ابتسامتها كل صباح وكل عشية
عادت تحشم مني grave وصباح الخير تاعها عادت باردة مش كيما بكري

حبيت برك نوصل ميساج للزواولية : يا خويا احلم على قدك و ماتشوفش الفوق لانه يجي وقت وين تطيح ، والطيحة تجي قااااوية

لا لا لا .... الفوق يوجد عظماء وفي الأسفل يوجد الحقراء والأعشى من يرى غير ذلك
سلام

لا تلمها إذا كان قلبها ملكاً لشخص آخر
وإذا عاملتك بأنك رجل بسيط لا يستحق الإهتمام به ، فقد ربحت كرامتك وخسرتْ هي رجلا محترماً ..... واصل الإحتفاظ بأخلاقك ، وعاملها وغيرها بأخلاقك لا بأخلاقها .
لا أريد أن أحكم على هذه الآنسة من خلال كلامك خاصة أنها لم تشارك في الموضوع ولم نعرف رأيها بالضبط أو حججها وأعذارها ،وإنما نحن نتكهن ولا نريد أن نحكم عليها من خلال التعاطف معك !!!!!

 

[عاشقةالورود]

رد: حارس مؤسسة يعشق استاذة ثرية

اخي هذا مكتوب ونصيب مقدر من عند الله سبحانه وتعالى
رفض الاستاذة طلبك لاينقص من قيمتك كرجل لاتشعر بهذا الاحساس ولاتحس بان دخلك محدود وعملك بسيط بل بالعكس افتخر بنفسك امام جميع الناس طلب الرزق الحلال والعمل الصالح له معنى عظيم امام الله انت احسن وافضل من بعض الشباب قاعدين بلا عمل ومتشردين في الشوارع افتخر بنفسك اخي المحترم انت الله يبارك ناوي الحلال وباغي تزوجها وهي رفضتك ليس لشخصك اكيد عندها سبب يخصها ممكن شخص تقدم لخطبتها قبلك ام تنتظر شخص آخر ,,,,,, لاتلوم على هذه الاستاذة لاتعرف ظروفها .
ليست نهاية العالم اذا رفضتك هذه الاستاذة لاتفقد الامل ولاتكن تعيس بل بالعكس حب الحياة وعش فيها بما قدره الله لك اكيد مكتوبك في جهة اخرى ( واحد مايدي مكتوب واحد )
تاكد اخى المحترم الفتاة لي مكتبهالك ربي تكون زوجتك تزوجها ان شاء الله
ربي يسهلك في زوجة صالحة تكون (تحترمك وتقدرك وتقبل روحك البسيطة كما تريد ان تبقى دائما)

اللهم ارزق هذا الشاب عما قريب الزوجة الصالحة والمثالية ان شاء الله

 

[ديسق]

رد: حارس مؤسسة يعشق استاذة ثرية

السلام عليكم ورحمة الله وبركاته


تحية طيبة ..


أخي الكريم الكلام الي راك تهدر عليه عن المستوى وو عمرو ماكان مقياس ومثل ما قالو الاعضاء انه كاين حالات الي تزوجت سواء رجل او امراة بشخص اقل منه او منها مستوى .. ممكن انت لما خبرتها عن ما تكنه لها من الحب كان احسن بالنسبة ليك، لانو راك تقول انها ولات ما تبتاسمش وولات ما تتصرفش كما قبل، وهذا احسن بالنسبة ليك باش تعاود تراجع نفسك وهنا ممكن تقل درجة الحب عندك بشوي بشوي وبسبب تصرفاتها راح تولي تشوف فيها انسانة عادي.


حاول أخي انك تثق بالله عز وجل ممكن هاذي الانسانة مش راح تكون معها سعيد، ممكن قدر الله لك نصيب في مكان آخر تعيش معها معيشة الكرامة والسعادة،.. ومن يدري، احنا راهو عندنا واحد تخمام كما ما يكونش عندنا نصيب في شيء ما، نتقلقلوا ونحزنو وكأنه نهاية العالم وانتهى الامر !! الحياة مش تتوقف عند هذيك المرأة وتحبس، راهو كاين ملايين من النساء أفضل منها بكثير، والعالم راهو فيه وفرة أخي الكريم وسع مجالك، خليك مبتسم وما تقولش أنك خسرت كرامتك وخسرتها، لعله خير، هكذا احسن ما تبقى كاتم حبك لها في قلبك وتبقى معذب روحك، هكذا راك خرجت واش كاين في قلبك وهي عرفت وخلاص.


اذا تقدر تدير تحويل من هذيك المؤسسة الي تخدم فيها الى مؤسسة أخرى، حوّل باش تنساها


تأكد أنه اذا ما كتبلكش ربي هاذي الحاجة، حتى وان راك درت وش درت مش راح تكون من نصيبك
وتأكد بما انها رفضاتك يعني من المستحيل انها تناسبك وماكلاه تزيد تحوس عليها، نصيبك في مكان آخر.


وان شاء الله تلقى زوجة تناسبك وتقر عينك بيها وربي يهنيك ويعينك


والسلام عليكم​

 

[homework]

رد: حارس مؤسسة يعشق استاذة ثرية

اخي الكريم ليس الرجولة في المستوى او المال او الجمال
فالرجولة كي تكسب مال حلال و تكون ذو اخلاق و تربية و دين و مصلي
قل مكتوب ربي مكانش بينتكم لانوا نعرف اشخاص مستوى و تزوجوا باشخاص عادين و عاشوا حياة رائعة و انجبوا اطباء و اساتذة و و
نعرف قاضية في محكمة متزوجة من حارس بالمحكمة و عاشوا حياة قمة
مديرة مؤسسة تربوية تزوجة حارس بالمؤسسة و عادي و عندهم ابناء ( طبيب اسنان , استاذ , مهندس )
المهم في المفاهمة و النسب
ربي يعوضك و يرزقك من حلاله و جامي تحشم بخدمتك خدام الرجال سيدهم .

 

[4algeria Network]

رد: حارس مؤسسة يعشق استاذة ثرية

السلام عليكم ورحمة الله وبركاته

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}

تأكد أن كل إخفاق في الوصول إلى شيء تحبه ما هو إلا قدر من الله لم ير لك فيه خير .

سيأتي يوم أين تكون فيه مع زوجتك (بإذن الله) وتتذكر هذه الأستاذة وتقول (فرق شاسع) وممكن تضحك على روحك .

بالتوفيق لك أخي .

 

[Perle Blanche]

رد: حارس مؤسسة يعشق استاذة ثرية

لا خيرة الا فيما اختاره الله
الزواج مقدر ومكتوب
​

 

[ماكانش]

رد: حارس مؤسسة يعشق استاذة ثرية

ماتمسحش امورك فالفقر والزواوالة
هاذي فيها كل راجل وكيفاه
كاين زواولة وفلفل بنت مها تتمناه وكاين الي راخف وذنيه ويبعثلها صاحبتها ........

 

[آلاء هبة]

رد: حارس مؤسسة يعشق استاذة ثرية

يقولك خدام الرجال سيدهم
بالعكس هكا خير من تبقى في قلبك وتقول لو ...ولو..
دوك راك عرفت رايها خلاص يا اخي هادا الشيئ قسمة نصيب ماتبقاش تقلق في روحك غير هكا
وماتعاودش كلام هذا نتاع خسرت كرامتي و ...على الزوالي بالعكس
الراجل راه باخلاقو وهيبتو ماشي بدراهمو
ربي يعوضك ببنت الحلال ان شاء الله يا اخي
ويريح قلب كل واحد قلبو محروق على شيئ اسمو نصيب
( وعسى ان تكرهوا شيئا وهو خير لكم)

 

[rycerz]

رد: حارس مؤسسة يعشق استاذة ثرية

السلام عليكم

اخي اولا دعك تماما من المثاليات و اعتبر بالواقع ... ثم هاك رأيي :

لماذا لم تقبل ؟ ... لا يوجد عيب في العمل ...لكن هناك سببان :

الاول هو ربما احساسها باحتمالية حدوث مشاكل في المستقبل بسبب قربكما في نفس مكان العمل ، مما يخلق جو الاحساس بالرقابة المبالغ فيها و ربما حتى الغيرة .. الى آخره من الامور التي يتسبب فيها التواجد عن قرب في نفس المحيط ... حتى ان هناك من هم اشرار مختصون في الفتنة و التفريق.

ثانيا عليك ان تعرف ان الميكانيزمية و التركيبة الذهنية و النفسية للمرأة تعمل بشكل مغاير تماما لما هي عليه عند الرجل ... فالمرأة تولي إهتماما عظيما للمكانة الإجتماعية في محيطها الإجتماعي الخاص بها (بالدرجة الاولى المحيط المهني)... افهم الفكرة كما شئت ، فهذا هو الواقع و هو اقوى منها و اقوى منك و من الجميع ... فالمرأة العاملة تختلف تماما عن الماكثة في البيت ... العاملة لها عوالم اجتماعية متعددة و اكثر اتساعا، و بالنسبة لها المظاهر و المراتب المهنية في محيطها الاجتماعي و المهني الخاص بها ذات اهمية اساسية و مفصلية ، عكس الماكثة في البيت فمحيطها الاجتماعي يقتصر على زوجها و اولادها و بعض العائلة التي بالطبع لا تنتقدها على الحالة الاجتماعية و المهنية لزوجها ... (هل فهمت الآن أن المشاكل القبيحة هي وليدة الافكار البائسة التي يبتدعها المجتمع المريض).

لو غيرت مكان العمل من قبل ثم بعد مدة تقدمت لخطبتها كان من الممكن جدا ان تقبل ... لماذا ؟ ... لأنك حينئذ خارج محيطها المهني ... (لاتسرع في الإنتقاد) ، فالواقع ان المراة اضعف من ان تتمرد علنا على اعراف المجتمع حتى التقاليد القبيحة و البالية منها ... فهي رفضت تحت ظغط الافكار الوهمية الباطلة السائدة في هذا المجتمع المريض و ليس لانها لا تريدك ، ففي قرارة نفسها قد يكون شيئ آخر تماما ...

في كل الاحوال لا تحقد عليها فهي قد ردتك بلطف ... و انما ان كنت مازلت تريدها عليك ان تغير الوضع العام ... و ما ادراك ما يخبأه لك الغد ... لكن من يريد التغيير ، عليه بانتفاضة في حياته.

اما عن حادثة الطلب و الرفض فيمكن ان تهونها تماما باعتماد الابتسامة الجميلة في كل مرة ... لا تظهر ابدا انك جرحت كي لا تبدو ضعيفا ... و الزمن يمحو كل شيء.

 

[@@iLYaSso Madrid@@]

رد: حارس مؤسسة يعشق استاذة ثرية

اخي عن اي كرامة تتحدث
نتا كنت راجل قلت لي في قلبك ونتا ناوي لحلال ومادخل الكرامة

يعني كل راجل يحب طفلة مايصارحهاش (وي انا صراتلي مي الحمدلله لقيت لي خير منها) للأسف كل الفتيات الجزائريات هكذا عقلياتهم يازح تموتو بايرين

ربي يعطيك ماغير منها خويا +خسرت راجل (انتظرها تجيك تحلل)
هاد لقصة صراتلي

 

[Silent Hill]

رد: حارس مؤسسة يعشق استاذة ثرية

صبحك طيب ، و رمضان كريم
لا عليك اخي الكريم
الطيبون للطيبات ، ففوض امرك لله
و الله يرزقك ببنت الحلال لي خير منها
ان شاء الله ... ​

 

[CHAMEKH]

رد: حارس مؤسسة يعشق استاذة ثرية

السيدة خديجة رضي الله عنها ..صاحبة المال ... تزوجت الرسول الكريم ... الامي الفقير ومنحته تجارتها فكيف لمثل من تتحدث عنها ترفع راسها في الاعلى وتنظر الى من هم اكبر منك جاها ومالا ..... انسيت ان الرجولة ليست في المال والجاه ... بل الرجولة في الكرامة والنيف .... اما المال فالله الرازق
​

 

[mà_dikrà]

رد: حارس مؤسسة يعشق استاذة ثرية

ربي يقدر لي فيه الخير
..
​