يا رمضان واش درت فالناس

[Skor m@k]

بسم الله الرحمن الرحيم

السلام عليكم

اليوم حبيت نفكركم شويا على رمضان :yahoo01::yahoo01:

حنا les algeria كي يقرب رمضان كاين لي يخافو تقول شهر العذاب و الكسل عندهم

مايمنوش بلي رمضان شهر التوبة والرحمة والغفران :thumb_up02:

شهر مقبل رمضان تلقاهم يخدمو ويفورسيو فلخدمة ويلايمو الدراهم :sport02::sport01:

كي تقولو علاه :s

يقولك علاه معلبلكش راهو جاي رمضان فالصيف :-h :-h

كي شغل النمل يليمو الماكلا تاعهم فالضيف باش يكلوها فالشتاء

كاين ليحسابلو رمضان تاع ماكلا ورقاد

أو فالليل يقولك نصلو زوج ركعات تراويح تاع السنة ونروح ندومن شويا مع صحابي
:thumb_up02:
أو هو يضربها حتى لفجر سهران :yahoo01:

فلماشي تقاهم قبل رمضان النسا كثرمن السلعة لي فلمارشي :-r

يشرو ماعن جدد يقولك باش طيح البراكا

فلبلدان تاع العالم كامل كي يلحق رمضان ولا كاش موسم مشهور عندهم ينقسو

الثمن تاع السلعة غير فالجزائر يزيدولها تولي النار تغلي :down:

أو خلي ........

منطولش عليكم

اللهم بلغنا رمضان بالأجر والثواب​

 

[السلطانة]

رد: يا رمضان واش درت فالناس

وعليكم السلام صح خويا كاين لي يستفاد من شهر رمضان من الناحية الدينية لأنو يروح وميوليش وكاين لي راه يفوتو لعب وتمسخير وهو الخاسر الاكبر اكيد

اللهم بلغنا رمضان

 

[الامين محمد]

رد: يا رمضان واش درت فالناس

عادات جديد دخلت على مجتمعنا قبل رمضان
يشروا الأواني جدد و كدسوا الثلاجات و كاين اللي يركب كليماتيزار

لكن كان يلزم نشروا مصاحف و كتب و سجادات و بخور للمساجد
و نوجد روحي شحال من ختمة لازم نختم و نسجل قائمة للفقراء
اللي لازمني نتفكر نشري ليهم أكل و ملابس
و نشوف السنن اللي راني مفرط فيها
و نتفكر الناس اللي راني مقاطعهم
يا حسرااااه وين رانا خويا لعزيز​

 

[مابقاش بزاف.Dz]

رد: يا رمضان واش درت فالناس

كلش يمشي بالعوج عندنا شهر تاع رمضان كي يقرب كانو راح يجي ضيف تقيل علينا... ربي يهدينا ان شاء الله
ان شاء الله نلحقولو و نصوموه بالصحة و الهناء و نكسب فيه الاجر و الثواب و الحسنات

 

[Skor m@k]

رد: يا رمضان واش درت فالناس

وعليكم السلام صح خويا كاين لي يستفاد من شهر رمضان من الناحية الدينية لأنو يروح وميوليش وكاين لي راه يفوتو لعب وتمسخير وهو الخاسر الاكبر اكيد

اللهم بلغنا رمضان

شكرا لك أختي
كاين لي ميهموش خاص رمضان من حيث الصلاة ولا العبادة
كاين ليهم غير الشوربة والبوراك والسهرة حتى الفجر
ضرك كي ولا يجي رمضان فالصيف ولاو النساء يروحو للبحر فالليل
هذيك هي الموصيبة لكبيرة
سمحيلي كي مرديتش البارح كنت مشغول :regards01:​

 

[Skor m@k]

رد: يا رمضان واش درت فالناس

عادات جديد دخلت على مجتمعنا قبل رمضان
يشروا الأواني جدد و كدسوا الثلاجات و كاين اللي يركب كليماتيزار

لكن كان يلزم نشروا مصاحف و كتب و سجادات و بخور للمساجد
و نوجد روحي شحال من ختمة لازم نختم و نسجل قائمة للفقراء
اللي لازمني نتفكر نشري ليهم أكل و ملابس
و نشوف السنن اللي راني مفرط فيها
و نتفكر الناس اللي راني مقاطعهم
يا حسرااااه وين رانا خويا لعزيز​

والله غير صح يا أخي
بكري وقت الصحابة كانو يدعيو ربي يبلغهم رمضان ستة شهور مقبل
ويدعوه ستة شهور مور رمضان باش يتقبل منهم
وين راهم هوما وين حنا
شكرا أخي أمين على هذا المرور الطيب​

 

[Skor m@k]

رد: يا رمضان واش درت فالناس

كلش يمشي بالعوج عندنا شهر تاع رمضان كي يقرب كانو راح يجي ضيف تقيل علينا... ربي يهدينا ان شاء الله
ان شاء الله نلحقولو و نصوموه بالصحة و الهناء و نكسب فيه الاجر و الثواب و الحسنات

ان شاء الله أختي
ندعو ربي يمدنا القناعا في كلش وان شاء الله يتقبل منا بدون رياء
ونزيدو ستة من شوال

 

[حمزةusma]

رد: يا رمضان واش درت فالناس

اللهم بلغنا رمضان

 

[Skor m@k]

رد: يا رمضان واش درت فالناس

اللهم بلغنا رمضان

آآآآمين
ان شاء الله يثبتنا على طاعتو
صحيت خويا حمزة

 

[أم منيــــــر]

رد: يا رمضان واش درت فالناس

السلام عليكم
رجعت عندنا عقلية
كي تقول رمضان= ماكلة
رمضان=رقاد في النهار وسهرات فالليل
عند التجار
رمضان= الربح السريع
لا حول ولا قوة الا بالله
رمضان شهر العبادة والتوبة والغفران رجعناه حاجة واحدوخلرا
تلق الناس من درك تجري تروح عند محلات الماعن ما تلقاش بلاصتك
عند بائع التوابل كيف كيف
المواد الغدائية كيف كيف
ولي يخلعوني الناس لي يسطوكيو السلع نتع 3 اشهر تقول كل شي رايح ينقطع
يا ودي دير ربي في خاطرك واطلب من الله عزوجل يبلغك كاين ناس بزاف ماتو ولحقوش يصوموا
اللهم بلغنا رمضان احنا واحبابنا كاملين
سيدنا رمضان فرصة ربي اعطاها لنا باش نغسلو دنوبنا ونتوبو لازم نستغلوها مليح لانو ممكن هاد العام تصومو والعام الجاي لالا
تلق الناس يقعدو على مائدة الافطار ياكل حتى ما يقدرش يتنفس ومن بعد تقولو روح تصلي يقولك ما نقدرش
وكاين النسا يدخلو للكوزينة نهار كامل..... والصلاة تقولك والله راني عيانة ما قدرتش نصلي
انا واعود بالله من كلمة اشتري الضروري فقط ولي يكون لازمني دون اسراف او تبدير وكل يوم وبراكتو
زوجي يفطر حاجة قليلة يقول لي باش نقدر نصلي من بعد الصلاة يرجع للدار يتعشى
هدا هو لي لازم يتعمل شحال من سنة والناس تجري في كل شهر وتغافص واش ربحوا ؟
اما التجار فحدث ولا حرج تلقاهم في الصفوف الاولى في المساجد وهما يكويو عباد الله بالغلاء الفاحش
علاش؟؟؟والله ما زال مافهمتش هاد التناقض
خويا عايش في فرنسا قالنا والله فاتحيلنا مساحات تجارية كبيرة لاجل المسلمين باثمان جد جد معقولة وفي متناول
الجميع !!!!!!!!!!!!!!!
بارك الله فيك مالك فتحت لنا هاد الموضوع حتى انا قلبي كان معمر
سمحولي طولت عليكم

​

 

[Skor m@k]

رد: يا رمضان واش درت فالناس

السلام عليكم
رجعت عندنا عقلية
كي تقول رمضان= ماكلة
رمضان=رقاد في النهار وسهرات فالليل
عند التجار
رمضان= الربح السريع
لا حول ولا قوة الا بالله
رمضان شهر العبادة والتوبة والغفران رجعناه حاجة واحدوخلرا
تلق الناس من درك تجري تروح عند محلات الماعن ما تلقاش بلاصتك
عند بائع التوابل كيف كيف
المواد الغدائية كيف كيف
ولي يخلعوني الناس لي يسطوكيو السلع نتع 3 اشهر تقول كل شي رايح ينقطع
يا ودي دير ربي في خاطرك واطلب من الله عزوجل يبلغك كاين ناس بزاف ماتو ولحقوش يصوموا
اللهم بلغنا رمضان احنا واحبابنا كاملين
سيدنا رمضان فرصة ربي اعطاها لنا باش نغسلو دنوبنا ونتوبو لازم نستغلوها مليح لانو ممكن هاد العام تصومو والعام الجاي لالا
تلق الناس يقعدو على مائدة الافطار ياكل حتى ما يقدرش يتنفس ومن بعد تقولو روح تصلي يقولك ما نقدرش
وكاين النسا يدخلو للكوزينة نهار كامل..... والصلاة تقولك والله راني عيانة ما قدرتش نصلي
انا واعود بالله من كلمة اشتري الضروري فقط ولي يكون لازمني دون اسراف او تبدير وكل يوم وبراكتو
زوجي يفطر حاجة قليلة يقول لي باش نقدر نصلي من بعد الصلاة يرجع للدار يتعشى
هدا هو لي لازم يتعمل شحال من سنة والناس تجري في كل شهر وتغافص واش ربحوا ؟
اما التجار فحدث ولا حرج تلقاهم في الصفوف الاولى في المساجد وهما يكويو عباد الله بالغلاء الفاحش
علاش؟؟؟والله ما زال مافهمتش هاد التناقض
خويا عايش في فرنسا قالنا والله فاتحيلنا مساحات تجارية كبيرة لاجل المسلمين باثمان جد جد معقولة وفي متناول
الجميع !!!!!!!!!!!!!!!
بارك الله فيك مالك فتحت لنا هاد الموضوع حتى انا قلبي كان معمر
سمحولي طولت عليكم

​

شكرال لكي يا أم منير كل ما تتكلمي كلامك صواب
ان شاله ربي يباركلك فيك وفراجلك وولادك آمين يا رب

ياما في رمضان كل يوم تشقلل مع بابا
يشري وحد لعفايس متسحقهمش كامل فالكوزينا
السمانا لي فاتت شرا الكيسان كي قالتلو علاه كاين
قاللها باش نشوف بزاف الكيسان فوق الطابلا في رمضان هههه
واش ضحكنا عليه وهذي أبسط حاجا خلي أو خلي ....​

 

[أم منيــــــر]

رد: يا رمضان واش درت فالناس

شكرال لكي يا أم منير كل ما تتكلمي كلامك صواب
ان شاله ربي يباركلك فيك وفراجلك وولادك آمين يا رب

ياما في رمضان كل يوم تشقلل مع بابا
يشري وحد لعفايس متسحقهمش كامل فالكوزينا
السمانا لي فاتت شرا الكيسان كي قالتلو علاه كاين
قاللها باش نشوف بزاف الكيسان فوق الطابلا في رمضان هههه
واش ضحكنا عليه وهذي أبسط حاجا خلي أو خلي ....​

آمين يا رب العالمين
ربي يخليلك باباك ويماك
صح يقولو رمضان الراجل يتوحم بزاااف اكثر من لمرا ويشتهى كل شي
بصح نتع الكيسان شابة هههه
بصحتكم و ربي يبلغنا ويبلغكم رمضان
​

 

[houssiiine]

رد: يا رمضان واش درت فالناس

اللهم بلغنا رمضان

 

[ثَسْكُورْثْ نَثْدُوكْلِي]

رد: يا رمضان واش درت فالناس

سلام عليكم والله غير عندك الحق للاسف كاين ليفكروو هكا
ونساو كيما قلت بلي شهر رمضان شهر التوبة وشهر العبادة
ربي يهدينا ويهدي ماخلق ويثبتنا يارب
اللهم بلغنا رمضان يارب
بالصحة والهناء عليكم كاامل
شكراا على الموضوع
تحياتي

 

[اميرة في مملكة العلم]

رد: يا رمضان واش درت فالناس

رمضان ..شهر نورمامو يكون شهر التسامح ..عندنا شهر الخصام ..شهر الانتقام أو لا أدري كيف أسميه ..شهدت زوج دبزات في تلمسان ..الاولى بالحديد و الزاوجا بالخداما ..لا أدري بما ستكون هذا العام