سأتزوج عن قريب ولا أجيد فن المعاملة

[دعاء الجنات]

راني قررت اليوم باه نفرغ قلبي ونشكيلكوم ان شاء الله تنصحوني كيما اختكم
عندي عام ونص وانا مخطوبة، بعد الخطبة اخت خطيبي اخذت رقم هاتفي واصبحت تعيطلي صلاح وعشيا ولازالت لحد اليوم
كنت نية نحكي برك ونهدر برك،
كانت تقول لي :ديريني كصديقة ،وهي كانت تاستس فيا وانا ماعلاباليش
راحت قالت لخطيبي انو أنا خفيفة بزاف ونحكي ونفسر وحدي ونخلط في الهدرة.......
خطيبي تهاوش معايا وقالي :اعرفي واش تهدري.........لكنها تعيطلي كل يوم وانا نحشم منها لازم نهدر معاها...
مع العلم انها ماشي متزوجة ومتعلقة بزاف بخوها اي خطيبي، وكل مرة تبينلي انها تحبو بزاف وتحب تخرج معاه وتفضلو على باقي الاخوة.......
انا انسانة طيبة وعمري نأذي نملة وربي شاهد ولكن راني خايفة نتقلق منها،،،،،،،،او نخسر خطيبس
انصحوني كيفاه نتعامل معاها......وكيما تتصل كيفاه نهدر معاها،،،،،،ولما نتزوج كسفاه نتعامل معاها
باه مانخسرش زوجي لي نحبو بزاف.....،وبدون مشاكل
وهل فات الأوان لأنها داصرتني بزاف
هل هناك حل؟
عاونوني على وجه ربي خاصة النساء المتزوجات وعندهوم خبرة
شكرا

 

[بنقابي افتخر]

رد: سأتزوج عن قريب ولا أجيد فن المعاملة

السلام عليكم
اختي حيرتني مشكلتك
انا ننصحك ما تعطيهاش وجه
باغسكو راهي باينة بلي تحب الفتنة
سوغتو كي قلتي بلي تحب خوها
انا سايسيها غير بيلوما تزوجتي وما تبقايش تهدري وتخلي
يعني الو ****ي وبس والا ما راكيش قادرة تسيطري على روحك
ديري بحالي
نعد للعشرة باه نرد على وحدة
والله يهنيك ويجيبلك ايام حلوه يا ربي
باينا نتي على نياتك
ننصحك خلي مسافة بينك وبينها

 

[عاشقةالورود]

رد: سأتزوج عن قريب ولا أجيد فن المعاملة

السلام عليكم
اولا نقولك مبروك عليك وربي يتمم لك بالخير والهناء وعمارة الدار وربي يرزقكم الذرية الصالحة
اختي انا نشوف انه لايوجد مشكل اصلا حاولي تعرفي كيفاش تمشي برك
ثانيا انصحك
اخت زوجك حاولي تتعاملي معها بشكل عادي وطبيعي وضعي نقاط وحدود لك وحاولي ماتتخطايش تلك الحدود
انت من كلامك واضح عليك انك فتاة عادية وتلقائية بصح هذه المميزات لي فيك تحاول اخت زوجك استغلالها لصالحها لانها باين عليها لاتريد لكي الخير وتغير منك ( اسفة لا اريد خرق نزاع بينك وبينها لاتفهميني غلط)
حاولي عندما تتصل بيك ماتتكلميش انتي بزاف خليها هي لي تتكلم اسمعي لها فقط وعندما تردي عليها فكري مليح ورديلها بتحفظ وقبل ماتهدري شاوري عقلك قبل وماطوليش معها في الكلام قولها عندي خدمة وشغل راهو يستنى فيا واذا راكي تخدمي احسن ليك تحجي لها انك تعبتي من العمل وماكيش قادرة تحكي بزاف
لازم تعرفي واش تهدري معها باش تحافظي على زوجك كوني ذكية معها في التعامل وكيما يقولو ( ماتشبعيهاش كلام كوني ثقيلة وكيما يقولو قد السؤال قد الاجابة ماتهدريش بزاف لانك راح تدخلي في تفاصيل بزاف وحوايج ممكن هي تستغلهم ضدك انت تقولي غير كلام عادي وبنيتك تهدري لكن هيا راح تحاول تكبر الكلام وممكن تزيد فيه )
ومنا لي تروحي عروسة لعندهم اذا راح تسكني معها تاني اتبعي نفس الطريقة السابقة الذكر واذا راح تسكني وحدك ماكيش راح تتلقايها وتشوفيها بزاف وتتهناي من المشاكل
وان شاء الله اخت زوجك تتخطب وتزوج وتتهناي من هذا المشكل ماتعودش تكلم معاك تكلم خطيبها ههههههههه
اختي العزيزة هذه الكلمة اردت ان اعلق عليها
لاتقولي على نفسك لا اجيد فن المعاملة يا اختي من بين سطور كلماتك توجد اشياء راقية عندك لايمتلكها جميع البشر ... نيتك مليحة وتلقائية وعفوية وصادقة المشاعر (تاكدي صاحب النية الفائز بالاخير) اكيد راح تتغلبي على اي انسان يحاول العبث بمشاعرك او الايقاع بك لازم تثقي بنفسك باش تقدري تعيشي مع اسرتك الثانية راح تعيشي معهم بقية حياتك
ربي يهنيك ويفرحك
واتمنى لك حياة زوجية مليئة بالهناء
​

 

[دعاء الجنات]

رد: سأتزوج عن قريب ولا أجيد فن المعاملة

ليدي وعاشقة الورود
لكما جزيل الشكر

 

[etmeriem]

رد: سأتزوج عن قريب ولا أجيد فن المعاملة

fi rayi ya khti matkatrich lhadra m3a khwatatou bazaf maranich mazawja mais hadi nasiha sma3tha men 3and lmazawjat

 

[مهدي الثعالبي]

رد: سأتزوج عن قريب ولا أجيد فن المعاملة

اذا كان الكلام من فضة فالسكوت من الذهب ، اختاري لنفسك معدن تتعاملين به ولا اضن ان هناك افضل من الذهب ، وفقك الله وسهل لك في مرادك وزرع الرحمة بينكما امين يا رب العالمين

 

[لين ابراهيم]

رد: سأتزوج عن قريب ولا أجيد فن المعاملة

السلام عليكم اختي
بصراحة انا وانتي عندنا نفس المشكل تقريبا
انا مثلك اخت زوجي حبت تسيطر عليه وعليا معا وتتحكم فينا
ولهذا ننصحك تثقلي روحك وتحطيلها خطوط حمراء مالازمش تتخطاهم يعني مثلا اذا سقساتك ولاحكاتلك على خوها اسكتي عليهاماترديش ولا بدلي الموضوع ولا اهدري معا ماماك ولا اختك اللي بحداك المهم نسيها واش قالت وادا مافهمتش قوليلها عيني عينيك درك نتفاهم معاه يعني ما تخليلهاش الفرصة تدخل بيناتكم احكي معاها الى في امور سطحية جدا وحاولي تسمعي اكتر من انك تهدري اعرفي انتي كيفاه تخمم و ماتخليهاش تعرف افكارك
وحابة نقولك اذا كنت انتي الكنة الاولى فتوقعي الكثير
لانو الأنانية والغيرة الطبيعية عند الانسان خصوصا المرأة راح تخلي خواتاتو وأمو يحاولو بكل الوسائل يسلبو منك زوجك ويبينو انهم احسن منك في كل شيء خصوصا المودة والحنان و الطبخ طبعا لهدا انتي حاولي تكون احن منهم على زوجك وفي نفس الوقت مايهموكش هوما ركزي فقط على معاملتك لزوجك لا نو هو الاساس وكل محيطو مايدومش وراح ينهار امام حبك وحنانك وجمالك ودلالك على زوجك واهم حاجة ديريها في بالك هي الثقة في نفسك ولانو ربي اختارك انتي بالذات لهذا الشخص بالذات يعني انتي اجمل واحسن أمرأة بالنسبة ليه يعني خلي كل تركيزك على كيف يشوفك زوجك رائعة في المجالات في حبو والعناية بيه ومعاملت اهلو امامو (امااااامو)
انا مثلك صراتلي هاد الحكاية وعانيت منها بزاف وهي انو زوجي يعمل الصباح باكرا على6 صباحا ومانلقاش فرصة نحكي معاه في التليفون غير في الليل.في الوقت اللي يحب يحكي معايا تقولو اعطيني نحكي مع اختي بالقراطوي او تجلس معاه وتحكيلو على اي موضوع يهمو (كيما ااعرس مثلا) باش مايحكيش معايا وكي يجي يعيطلي بعد السهرة يلقا روحو تعبان وغدوة خدام بكري يعني يعيطلي باه يقولي b8 برك في الاول حرت ومن بعد خليتهولها وكي يجي يرقد مانخليهش يرقد بلا مانقولو كلام يدوخو(معسوووول ههههههه) ولا مل منها وحدو ويزرب يعيطلي باش يسمع هاد الكلام وهكا سرقتهولها بلا ماتفيق لانو الكلام اللي يسمعو الرجل من مرتو مابسمعو حتي من عند وحدة لا أمو ولا اختو ولا عمتو وهدا هو سلاحك اسلبيه بلا مايحس وبلامايحسو وربي روحك تكوني انتي الكل في الكل عندو وفدامو عاملي اهلو باحسن مايكون وعمرك تشكي منهم وقللي الهدرة معاهم ختي كي يكونو في جماعة اسمعي برك وكي تكون معاه وحدكم احكي بالدلال والكلام الحلو وماتحكيش عليهم انسايهم درك ينساهم و
ربي يهنيك ويرزقك الذرية الصالحة
باينة كرهتلك حياتك بهاد الجريدة
بصح والله من قلبي نصحتك وراني حاسة بيك
شكرا لانط قريتيها كامل