جمعيات خيرية في المنتديات { 3a9lia dz }

[ضآحكة مستبشرة]

السلام عليكم احبتي وشراكم لباس
كيف حوالكم

اليوم في بالي فكرة حبيت تعطوني رايكم فيها
اسكو هي ناجحة ولا لالا

وليت نشوف بزاف منتديات فاتحين فيهم اقسام للتجمعات الخيرية و التكافل الاجتماعي

مي علاش جامي شفنا منتديات فيهم جمعيات خيرية
مثل جمعية اللمة تكافل في القمة على سبيل المثال فقط

علاش منديروش جمعيات في المنتديات
كي نسموعوا بعضو مريض و محتاج نعملوا يوم مخصص و نلموا مقدورنا و رنوحوا نشوفوا هاد لمريض نعاونوه باللي قدرنا عليه مبلغ مالي او افرشو او ملابس ...... الخ

علاش كي نسمعوا بواحد رح يتزوج و مخصوصمنعاونوهش بشوي دراهم ولا لي عندوا و يقدر يشرلوا شومبرة .......... الخ

علاش كي نسمعوا بواحد رح يدير اوبراسيون منمدولوش دراهم باش يدير عملية ............ الخ

علاش منكونوش يد واحدة باش نديروا الير

المنتديات فيها ناس بزاف تحب تدير الخير و قادرة ماديا ومعونيا على هاد الشيء

علاش منخلوش احلامنا تبدا من منتدى علاش مكونوش جمعيات في المنتديات باش نديروا حاجة تاع خير

ياك نقدروا

في بالي كامل قادرين على هاد الشيء

- انتوما واش رايكم

الفايس بوك و الوير ماشي خير منا
واش رايكم نكونوا جمعية في اللمة لمساعد الاخرين

ان اء الله الفكرة تعجبكم و ان شاء الله نسمع ارائكم


مع السلامة اخوي
اتهلا في رواحكم

تحت شعار : (3A9LIA DZ )​

​

 

[السلطانة]

رد: جمعيات خيرية في المنتديات { 3a9lia dz }

وعليكم السلام فكرة هايلة يعطيك الصحة اختي

من المفروض كاين منتدى التكافل الإجتماعي والأعمال الخيرية
يخدم هاذ الفكرة

لكن نقولك على حاجة

كاين ناس يطلبو المساعدة وهوما ماش محتاجين

بعيني شفت حالة هك هنا وانسانة نعرفها مليح مليح
يعني بينها وبين مولاها لكن شوكاتني
تطلب وهي ماش محتاجة !!!

ناس اللمة ميبخلوش

لكن اختي باه يجيو ناس كيما العبدة هادي لي شفتها ويلعبو بمشاعر الناس ودراههم ماش افار

مثلا حالات كيما عدلان والحالات لي وراهم التيليفيزون

فيهم مصداقية لكن عبر النت كيفاه راح نتأكدو بلي ماش يكذبو علينا

ونقدرو تاني نتصلو بالجمعيات
الجمعيات حاجة رسمية

ونحطو الحساب لي يحب يتبرع يتبرع

كانت الاخت عفاف حابة تخدم هاد الفكرة لكن ماوصلتش

بالتوفيق اختي

 

[ARCHICAD2016]

رد: جمعيات خيرية في المنتديات { 3a9lia dz }

جزاك الله الجنة الله يكثر من امثالك ... حقيقة هناك جمعيات ما شاء الله عندنا جمعية اسمها ناس الخير عندهم حلاق خاص يوم الجمعة يزور المستشفيات يحلقو رؤوس المرضى تلقيتهم صدفة لما كنت في عيادة مريض من الاقارب
حاجة كيما هاك تفرح عفايس كيما روعة .. اختي بادري الى انشاء ها ونحن نساهم ان شاء الله واش تطلبوا راني هنا في الخدمة

 

[Skor m@k]

رد: جمعيات خيرية في المنتديات { 3a9lia dz }

السلام عليكم

صح أختي مليح هذي المبادرة لعمل جمعية خيرية
أولا لازم الصبر وبذل مجهود للتعريف بالجمعية لأخذ مصداقية مع الأعضاء
ثانيا لازم تتكون من أعضاء معروفي بالسيرة ديالهم فالمنتدى ولو أنهم وراء الاسم والشخصية المستعار
ثالثا لازم الاخلاص لله في عمل جمعية باش ربي يوفقكم
.......

صح كاين ناس بزاف خداعة كيما قالت أختي سندريلا زماني
هذا هو الحال لازم تكافحي باش تكوني جمعية
ان شاء الله ربي يوفقكنا باش نكونوها
تاع الفايسبوك ماشي خير منا ههه

بارك الله لك أختي​

 

[آمِيْرَتُه]

رد: جمعيات خيرية في المنتديات { 3a9lia dz }

السلام عليك
هي فكرة مليحة لكن كاين لي رايح يتكل عليها و رايح لأتفه الأمور يقول راني محتاج يا جمعية اللمة
و الله أعلم

 

[NASRO DZ]

رد: جمعيات خيرية في المنتديات { 3a9lia dz }

والله فكرة اختي عاشقة الجنة ولقد طرحتها لكي سابقا
والليوم ارها امام عيني
صرحتا منتدى معروف مثل اللمة يجب ان تكون له هذه الميزة

وانا معكم في هذا المشروع الخيري

لكن هناك امور يجب ان تعرفوها

قبل بدا المشروع
وهو التاكد من ان اللذي محتاج هل هو صحيح محتاج ام لا
فقط
وان شاء الله تنجح الفكرة
بتعاون الاعضاء

 

[lilia.lili]

رد: جمعيات خيرية في المنتديات { 3a9lia dz }

عفسة مليحة بزاف رايحة تساعد بزاف ناس محتاجين و لازم كيما قالو اعضاء تتاكدو اسكو هذاك لي يقوللكم محتاج الا راهو محتاج صح و انا وحدة من اعضاء مستعدة نعاونكم بواش قدرة

 

[ضآحكة مستبشرة]

رد: جمعيات خيرية في المنتديات { 3a9lia dz }

حآبة نزيد نشوف ارآء الاعضآء الباقيين​

 

[sami44]

رد: جمعيات خيرية في المنتديات { 3a9lia dz }

جزيل الشكر على الفكرة
مبادرة طيبة انار الله طريقك
هي فكرة طيبة تتطلب تضافر الجهود والاخلاص
يجب اختيار عدد من الاعضاء الموثوقين والطيبي السيرة يمكن الاعتماد عليهم
كل واحد يكلف بمهمة معينة مثل الجمعيات الاخرى تماما وان امكن الاشهار للجمعية عبر جريدة ما وعبر النت
وفقنا الله لما يحبه ويرضاه

​

 

[ضآحكة مستبشرة]

رد: جمعيات خيرية في المنتديات { 3a9lia dz }

شكرا اخي سامي على الرد الطيب الذي يحمل في طياته مشاعر طيبة
بوركت اخي الكريم على حسن الكلام
ان شاء الله فيها خير
و مدام مزال ناس كيف اللمة راهي بخير​

 

[نور الامان]

رد: جمعيات خيرية في المنتديات { 3a9lia dz }

بارك الله فيك

 

[ضآحكة مستبشرة]

رد: جمعيات خيرية في المنتديات { 3a9lia dz }

و فيكي بارك الله اختي

 

[GI Joe]

رد: جمعيات خيرية في المنتديات { 3a9lia dz }

kima kayen nass mleh, kayen nass hypocrite

ydir kolech bach yssad9o 3lih alr que mahouch mridh

rana kamel mehtajin hwayej mais essemhili wahed rah yezewej y3awnouh pr la chambre grave hadi, kayen chi ness makla ma3andhomch,

idée mliha bssahj pense l khadma li fiha kthar men le bien, tji raha tssed9i tweli diri enquete 9abl sinn ystfad wahed mayesthalch

 

[Mr Brahim]

رد: جمعيات خيرية في المنتديات { 3a9lia dz }