{شاركينا =بافكارك = تجهيزاتك لرمضان }

[بنقابي افتخر]

​

​

كيف حالكن اخوات
اليوم احضرت لكن موضوع يهم كل سيدة منزل
تستعد لإستقبال رمضان بما أنه صار على الابواب
اللهم بلغنا رمضان بما تحب وترضى

كل واحدة تشاركنا بأفكارها وتجهيزاتها قبل رمضان
لنستفيد من أفكار بعضنا لهذا الشهر الكريم
​

​

 

[rose09000]

رد: {شاركينا =بافكارك = تجهيزاتك لرمضان }

شكرا أختي ليدي على هذا المبادرة إن شاء الله أخوات يحطونا تحضيرتهم

هذوا بعض ماعن شريتهم

لي عودة إن شاء الله مع التحضيرات:-r

 

[بنقابي افتخر]

رد: {شاركينا =بافكارك = تجهيزاتك لرمضان }

يا عمري مصحتاك
انشاء الله

 

[samah06]

رد: {شاركينا =بافكارك = تجهيزاتك لرمضان }

مساءالخيرات على احلى بنات
شكرا لك ليدي على المبادرة وان شاء الله يبلغنا رمضان و يقدرناربي ونكونو من الطائعين والعابدين
المهم انا درت غير لفريك راني مليت تاع الصح وغير يوصل يجي معاه خيرو ونصموه كيما كتب ربي
روز بصحتك ماشريتي حنونتي ومبارك عليكم الشهر لكل اعضاء وعضوات المنتدى ممكن ما نلقاش وقت باه ندخل ونهنيكم بالشهر الفضيل

 

[بنقابي افتخر]

رد: {شاركينا =بافكارك = تجهيزاتك لرمضان }

مساءالخيرات على احلى بنات
شكرا لك ليدي على المبادرة وان شاء الله يبلغنا رمضان و يقدرناربي ونكونو من الطائعين والعابدين
المهم انا درت غير لفريك راني مليت تاع الصح وغير يوصل يجي معاه خيرو ونصموه كيما كتب ربي
روز بصحتك ماشريتي حنونتي ومبارك عليكم الشهر لكل اعضاء وعضوات المنتدى ممكن ما نلقاش وقت باه ندخل ونهنيكم بالشهر الفضيل

بوركني اختي
الله يعطيك الصحة وغير يدخل يبان خيرو
رمضان مبارك عليك

 

[Oum Loukmane]

رد: {شاركينا =بافكارك = تجهيزاتك لرمضان }

السلام عليكم مازال مابديتش نوجد راه شاغلني الامتحان من بعد2جوان انشاء الله نبد اول شئ نبدء بالميناج من بعد نشري العقا قير (يعني التوابل)من بعد كامل نشري الماعن وكاين أشياء أخري كي نبداهم نقلكم

 

[أم منيــــــر]

رد: {شاركينا =بافكارك = تجهيزاتك لرمضان }

السلام عليكم مازال مابديتش نوجد راه شاغلني الامتحان من بعد2جوان انشاء الله نبد اول شئ نبدء بالميناج من بعد نشري العقا قير (يعني التوابل)من بعد كامل نشري الماعن وكاين أشياء أخري كي نبداهم نقلكم

و الله يا اختي ام لقمان كامل كيفكيف حتى انا ما زال ما حضرت والو كانو عندي ضياف
نصومو يامات في شعبان ومن بعد نبداو التحضير بادن الله تعالى
الله يبلغنا لا فاقدين ولا مفقودين و يعينا على صيامو كما ينبغي

 

[anissa 13]

رد: {شاركينا =بافكارك = تجهيزاتك لرمضان }

مشكورة حبيبتي على الموضوع
انا للاسف ماحضرت والو حبيت كاش مانحضر كاش خضرا قرنون ولا جلبان ... نديرهم فالكونجيلاتور بصح تاعي قد باطة زلاميت مايرفد والو غي شوية لحم يتعمر
غدوة نخرج ادا كاش ماشريت ماعن نصورلكم

​

 

[anissa 13]

رد: {شاركينا =بافكارك = تجهيزاتك لرمضان }

روز ماعن هايلين بصحتك حبيبتي تستعمليهم بالصحة
​

 

[بنقابي افتخر]

رد: {شاركينا =بافكارك = تجهيزاتك لرمضان }

.

.

هادو بعض المخللات لرمضان الكريم

 

[touta04]

رد: {شاركينا =بافكارك = تجهيزاتك لرمضان }

ممممممممممم دائما اسماء رائعة بافكارها :up::up::up:

انا والله مزلت محضرتش هذا الاسبوع نكمل آخر امتحان و نروح نوجد الثوم و سلاطة مقددة

و الفريك تع الشوربة و الفلافل

 

[samah06]

رد: {شاركينا =بافكارك = تجهيزاتك لرمضان }

يعطيكم الصحة لبنات وربي يقدركم
توتة ممكن تعلميني السلطة المقددة واش هي

 

[touta04]

رد: {شاركينا =بافكارك = تجهيزاتك لرمضان }

يعطيكم الصحة لبنات وربي يقدركم
توتة ممكن تعلميني السلطة المقددة واش هي

سلام اختي سماح نورتينا :regards01::regards01:

السلطة المقددة نقصد بيها المخللة يمكن الاسم برك جاك غريب :d:d:d

راح نروح هذا اسبوع من دراسة و ندير موضوع على جميع انواع السلطات المخللة كوني في الموعد

 

[safisung2010]

رد: {شاركينا =بافكارك = تجهيزاتك لرمضان }

انا مازال مصورتش تحضيراتي
بصح نعطيكم افكار نديرها في رمضان
لوبياء ماشطو

انا نقيها ونغسلها ونخليها خضراء بلا طياب ونكونجليها في اكياس قيس العايلة
___
اي ماكلة تزيد في فطور وتبانلي بلي كثرت منها نح منها ونديرها في بورت مونجي ونكونجليها
___
الخبز والاكلات اول يوم جربي شحال يكفيك ومبعدة تبعي باقي الايام يعني ما تلوحيش ابدا نعمة ربي
شوفي عايلتك وطيبي وماتسرفيش باه ربي يباركلنا في رمضان
___
من الافضل في الطهي نتاعك تعتمدي على الطريقة الصحية كيما اللحوم ماتتغسلش
نقصي من القليان ديري في الفرن افضل للتحمير
اعتمدي على اليخار بدل الطهي الكثير
____
نقصي من الملح دايما والمشروبات الغازية لانها تكون بزاف على المعدة والجسم وخافي على صحة عايلتك قدامهم
وكي نتفكر نرجعلكم

 

[ام سراج الدين وملك]

رد: {شاركينا =بافكارك = تجهيزاتك لرمضان }

السلام عليكم
انا درت ميناج كامل للدار الكوزينة ماخليت حتى بلاصة
التوجاد تاع الاكل مانوجدش كي يبقى نهار لرمضان نخرج نشري اللحم بانواعو سلايط زيتون
كل مانحتاجوه يعني
اما فيما يخص لفريك مالقيتوش هنا في اسبانيا ومالقيتش شكون يجيبلي من البلاد
عندي شوية مخبيتها نصومو عليها وصا يي
وان شاء الله نكترو من الصلاة والصدقة

 

[بنقابي افتخر]

رد: {شاركينا =بافكارك = تجهيزاتك لرمضان }

اليوم جابتلنا وحده لفامي من مغنية التفاوح
وحده التفاوح فيهم وحده الريحه هايله
باش بريبارتهم في قواطهم حتى كملت بالعطس هههههه
المهم ماباقيش بزاف
وراني ماشا عند ماما تانك نوجد معاها باغسكو وحدها وتفاهمت مع اختي المتزجه باه نروحو نديرولها ميناج وكاش مانوجدو
سلام نتلاقاو بعد ثلاث ايام

 

[samah06]

رد: {شاركينا =بافكارك = تجهيزاتك لرمضان }

الله يقدركم لبنات ويهلو علينا ربي بالخير والبركات
انا راتني خارجا هاذ لعشية
نشري شويا حوايج كي نروح نصورهم ونحطهم
ليدي ربي يخليلكم الوالدة الكريمة تاج على روسكم واتهلاو فيها
ويعطيكم الصحة ويقدركم باه تخدموها

 

[حياتي ابداع]

رد: {شاركينا =بافكارك = تجهيزاتك لرمضان }

السلام عليكم
مشكورة الأخت ليدي على هذا الموضوع المفيد و لكن للاسف مكانش تجاوب.
أواااااه يا البنات راكم عاطلين التحضيرات لشهر رمضان راهي مهمة جدا ماهيش غير الماعن
فمثلا لشراء المستلزمات من قبل افضل باش يكون عندك فكرة واش رايحة تديري و ماشي في اخر دقيقة تقولي للراجل روح جيب .
كاين ايضا تحضيرات اللي تسهلك العمل فالمطبخ او توفر المال و الوقت باش نستغلو الشهر في العبادة ماشي فالطياب.

اما بالنسبة ليا راني مع الميناج طولت فيه شوية علاجال وليدي عندو عامين مهبلني لي نجي نديرها يخربهالي.
بصح هذا مايمنعش اني حضرت شوية مستلزمات قولو ماشاء الله
اولا القارس خبيت العصير و الزست نتاعو من الشتا لخطر علابالكم يوصل حتان ل 50 الف
طيبت شوية عصير تاع البرتقال و الجزر و خبيتهم فالمجمد باش انشاء الله نشربو عصير طبيعي.
طيبت شوية فراولة طايبة فشوية سكر برك و ميكسيتهم و خبيتهم فالمجمد باش نستعملها فالعصير او الايسكريم
خبيت الجلبانة و القرنون في شهر افريل
طيبت شوية صلصة تاع البيتزا بش نلقاها واجدة

و راني ناوية انشاء الله نطيب شوية عصير تاع المشمش و نخدم عجينة بريزي حلوة من اجل لي تارتلات و مالحة من اجلل لي كيش و نخبيهم باش نلقاهم واجدين
الثوم راه و وقتو للي تحب تخبي انا مخدمتش لاني عندي من العام الماضي
و الفريك مديت لامي ربي يخليهالي تشريلي.

نتمنى تستفادو من هذا الاشياء
و اذا حبيتو نتشاركو بقائمة المشتريات بش نستفادو من بعضانا.

 

[samah06]

رد: {شاركينا =بافكارك = تجهيزاتك لرمضان }

حياتي ابيداع مرحبا بيك اختي
انا بالنسبة ليا منذ تزوجت منحضر والو
علبالك زوجي راهوضد اتموين من برا امالا يقولي درتو فوضى فالسوق
لحوايج نقصو والاسعار زادت
عبالك كي نمون انا يعني السوق يخلص هههههههههههه
والله من فوق لفريك منزيد والو الا بعض الاشياء وثاني من عندي كيما الثوم والقارص والجلبانة
والا كاشما نحضر مربى فقط لاغير
مليحتلو خلي في رمضان نقولو روح جيب

 

[حياتي ابداع]

رد: {شاركينا =بافكارك = تجهيزاتك لرمضان }

ربي يكون في عونك اختي
و زوجك مادام راه هكذا صح مليحتلو يشيط في رمضان دورة و يجيب حاجة ههههههه
رمضان كريم . و أسأل الله ان يجعلنا من عتقائه