رد: واش تديري كي يزعف منك زوجك ولا خطيبك
السلام عليكم
الصراحة استفدت من تجارب الأخوات المتزوجات لهنا مي كيما يقولو كل وحدة وعقليتها وكل راجل وعقليتو يعني اللي صلحت مع هادي ممكن متصلحش مع لوخرا او زوجها وزوج لوخرا مش كيف كيف ...الخ
وانا يا ويلي طيحني ربي في راجل مقلاق وعصبي
مي الحق يقال : حنين لأبعد الحدود
بون : أنا كي نكون انا الظالمة وهذا في حالات نادرة ولا نحسب روحي عندي حق ومبعد نكتشف بلي راني غالطة منترددش ونطلب السماح:-h
مي بصراحة كلمة سامحني تجيني ثقيلة شوية باش نهدرها وهو يبدا يتكسل عليا ألوغ نكتبها في ميساج :d
والجواب تاعو ديما يقولي راكي مسامحة دنيا وآخرة ، جامي زنفط عليا ولا هز شنافتو
اما كي يكون هو الغالط ما يقرا ما يفهم يبقى غير يهدر :very_mad:
ايا انا نخليه يهدر يهدر يهدر يهدر حتى يتعب ممبعد نسكت عليه ونخليه وما نجي نرجع نحكي معاه كي بكري حتى يكره حياتو
(أصلا حكاياتنا غير في التلفون جامي نتلاقاو إلا نادرا كي تكون سبة)
مي بصح كي نسكت يبدا يغلي ويقولي حاطتني فالتقيل وووووو وتزيد تكبر لحكاية
هادي فالألول ما خرجتش عليا
مي دوكا كي عرفت عقليتو مليح نخليه يهدر يبرد قلبو وممبعد كي يخلص نسكت شوية نخليه يفرز الأفكار في مخو
ومبعد نقولو خلي كي تتكالما نحكيو حب يكوبي يكوبي وحب يكمل يحكي يحكي
اما كي يكمل يحكي نحكي معاه منسكتش كي بكري وما نتشنفش مي تبان النبرة تاعي بلي مش نورمال وزعفانة
شوية شوية يتكالما تما نجبدلو على المشكلة ونبينلو الغلطات تعو وين
هو بطبعو ما يطلبش السماح صراحة مي نحسها في طريقة هدرتو والتغير المفاجئ بلي حس بغلطتو وحشم يقول سامحيني ألوغ نرجع نورمال :thumb_up02:
المهم عندي مش نتشنف عليه ونعيشو في حالة نفسية وشعور بالذنب ونخليه يندم ويحاولني باش نسامحو
الهدف تاعي انو يعرف غلطتو ويعترف بيها ولو ضمنيا وما يزيدش يعاودهالي برك هدا مكان :love01:
