هل ستبقى في الجزائر ام سترحل

[صلوا على النبي]

السلام عليكم ناس اللمة
عندي 50 سنة مدرتش موضوع ههههه
ولكن اليوم راني جيت وجبتلكم سؤال معايا والموضوع باين من عنونو
رانا نسمعوا ونقراوا بزاف هذا اليامات على الحرgة والناس ليحابة تروح من البلاد
حبيت انا نسقسيكم

هل سترحل من الجزائر
ولماذا
هل ستعود
في لمان ومع السلامة متحشمونيش راه عندي 50 سنة كيما قلتلكم

 

[ماكانش]

رد: هل ستبقى في الجزائر ام سترحل

النبي صلى الله عليه وسلم بعث الصحابة رضي الله عنهم لبلاد الحبشة وهي دولة كفر بعلة " لايظلم عنده احد ..."

 

[نجيب نعمي]

رد: هل ستبقى في الجزائر ام سترحل

اذا كان رحيلي عن هذه البلاد ثم العودة اليها مفيدا لي ولوطني فهاذا محبذ وجيد لكن ان كان العكس فالوطن اعز الي من الغربة فالرسول صلى الله عليه وسلم هجر من دياره وذهب الى المدينة ولكنه عاد عليه الصلاة والسلام فاتحا معززا مكرما وبنى اعظم أمة في تاريخ البشرية

 

[Iman89]

رد: هل ستبقى في الجزائر ام سترحل

السلام عليكم ناس اللمة
عندي 50 سنة مدرتش موضوع ههههه

وعليكم السلام مالا قداه عندي ههههههههههه
موضوع مليح يعطيك الصحة ، بالنسبة ليا انا نحب بلادي ونموت عليها خاصة خنشلة اللي فيها اهلي وحبابي ، مع انو عندي الجنسية الفرنسية وقادرة نروح في اي وقت بصح نفضل بلادي اللي ربي يحميها وينصر فيها الاسلام والمسلمين​

 

[Hakan]

رد: هل ستبقى في الجزائر ام سترحل

يااختي نجيو للحب والاشتيااق مكانش اللي ما يحبش بلادو وترابها ولوكان يفاضلوني بين مكة ودزاير اكيد نخاير بلادي

لكن يااختي الناس اللي فوقي كامل يهدرو على اروبا يعني كي شغل العرب ما عندهومش دبي ما عندهمش قطر ياناس والله غير كاين مناصب عمل
لكن تحتاج شوياا لغة انجليزية وفقط
واكيد الشهادة وربي يهني الجميع
واللي رايح يخرج برا اكيد لازم يكون باوراقو ومادا بيه ياك رايح رايح يزيد كاشما يستوردنا اروبيات من تم هكاك باش ناسبوه
ويتبدلو الالوان نتاع الدزاير باسكو اللي راني نشوف فيه ما يعجبش الوان مرعبة
ربي يحفظنا
المهم من الاخير وبدون فلسفة
اللي داتو الخدمة نتاعو ربي يعانو
واللي حاب يستكشف ربي يعانو واكيد طول ولا تقصر لازم الواحد يرجع لبلادو..​

 

[صلوا على النبي]

رد: هل ستبقى في الجزائر ام سترحل

النبي صلى الله عليه وسلم بعث الصحابة رضي الله عنهم لبلاد الحبشة وهي دولة كفر بعلة " لايظلم عنده احد ..."

عليه الصلاة والسلام
وخير ماقلت
المهم تحيا بلادنا

 

[صلوا على النبي]

رد: هل ستبقى في الجزائر ام سترحل

اذا كان رحيلي عن هذه البلاد ثم العودة اليها مفيدا لي ولوطني فهاذا محبذ وجيد لكن ان كان العكس فالوطن اعز الي من الغربة فالرسول صلى الله عليه وسلم هجر من دياره وذهب الى المدينة ولكنه عاد عليه الصلاة والسلام فاتحا معززا مكرما وبنى اعظم أمة في تاريخ البشرية

بارك الله فيك وانت قلتها كي كون عندنا حاجة نرفعوا بيها بلادنا لازم
بصح لحاجة وحدو اخرا مكلاه
شكرا على الرد وربي يسهلها علينا

 

[صلوا على النبي]

رد: هل ستبقى في الجزائر ام سترحل

وعليكم السلام مالا قداه عندي ههههههههههه
موضوع مليح يعطيك الصحة ، بالنسبة ليا انا نحب بلادي ونموت عليها خاصة خنشلة اللي فيها اهلي وحبابي ، مع انو عندي الجنسية الفرنسية وقادرة نروح في اي وقت بصح نفضل بلادي اللي ربي يحميها وينصر فيها الاسلام والمسلمين​

ربي يخليك ايمان وربي يخلي الدزاير ويحفظ ناس خنشلة
عجبني الرد التاعك ونتمنا تبقاي فيدال لبلادك حتى ياخذ ربي امانتو

 

[Oussama.GF]

رد: هل ستبقى في الجزائر ام سترحل

انا اصلي جزايري ومنتخلاش علا بلادي
وانا مانيش خائن بش نرحل لدولة واحد اخر
انا نبقى طول حياتي في جزائر ونموت فيها
خاطرش هي ارض اجدادي ومانطيقش نبدلاه بي بلاد واح اخر

 

[صلوا على النبي]

رد: هل ستبقى في الجزائر ام سترحل

يااختي نجيو للحب والاشتيااق مكانش اللي ما يحبش بلادو وترابها ولوكان يفاضلوني بين مكة ودزاير اكيد نخاير بلادي

لكن يااختي الناس اللي فوقي كامل يهدرو على اروبا يعني كي شغل العرب ما عندهومش دبي ما عندهمش قطر ياناس والله غير كاين مناصب عمل
لكن تحتاج شوياا لغة انجليزية وفقط
واكيد الشهادة وربي يهني الجميع
واللي رايح يخرج برا اكيد لازم يكون باوراقو ومادا بيه ياك رايح رايح يزيد كاشما يستوردنا اروبيات من تم هكاك باش ناسبوه
ويتبدلو الالوان نتاع الدزاير باسكو اللي راني نشوف فيه ما يعجبش الوان مرعبة
ربي يحفظنا
المهم من الاخير وبدون فلسفة
اللي داتو الخدمة نتاعو ربي يعانو
واللي حاب يستكشف ربي يعانو واكيد طول ولا تقصر لازم الواحد يرجع لبلادو..​

الاوروبية معندها مادير بيك قولي وانا نقولك كاين واحد فاميلتي راهو فالنرويج
زعما حب يتزوج بدا يحكيلنا قالنا مقدرتش قاع ندخلها للاسلام وكي خطبها قعدوا 3شهر نفصلو على بعضاهم
اديها بنت بلادك ياك نسا مماتوش كاين الله يبارك واذا لقيت منصب في دبي ربي يسهل عليك
بصح دايمن نبقاو ولاد الدزاير

 

[مهدي الثعالبي]

رد: هل ستبقى في الجزائر ام سترحل

للسياحة ربما و للاستكشاف لما لا، لكن ان اترك ارضي ابدا ممها لاقيت ومهما القى ، انها ارضي و ارض اجدادي ، انها اغلى من اي ارض ، يكفي انها سقيت بدماء مليون ونصف المليون شهيد ، وهل هناك عزة اكثر من هذه

 

[houssiiine]

رد: هل ستبقى في الجزائر ام سترحل

هل سترحل من الجزائر
نعم
ولماذا
لاني عاشق لسوريا
هل ستعود
ابدا
ولكن علينا التفكير ماذا سيحدث لو فعل كل انسان ما سيفعل مغتربا ببلده

 

[HAMZA USMA]

رد: هل ستبقى في الجزائر ام سترحل

ايه نروووووح لوكان نصيبها
​

 

[صلوا على النبي]

رد: هل ستبقى في الجزائر ام سترحل

للسياحة ربما و للاستكشاف لما لا، لكن ان اترك ارضي ابدا ممها لاقيت ومهما القى ، انها ارضي و ارض اجدادي ، انها اغلى من اي ارض ، يكفي انها سقيت بدماء مليون ونصف المليون شهيد ، وهل هناك عزة اكثر من هذه

شكرا على الرد اخي نعم صحيح يكفينا فخرا ان نعيش في بلاد مات من اجلها الكثير
ربي يحفظك

 

[صلوا على النبي]

رد: هل ستبقى في الجزائر ام سترحل

هل سترحل من الجزائر
نعم
ولماذا
لاني عاشق لسوريا
هل ستعود
ابدا
ولكن علينا التفكير ماذا سيحدث لو فعل كل انسان ما سيفعل مغتربا ببلده

شكرا على الرد اخي ربي يفرج على كل الدولة العربية
وربي معاك

 

[صلوا على النبي]

رد: هل ستبقى في الجزائر ام سترحل

ايه نروووووح لوكان نصيبها
​

شكرا على الرد
ربي معاك خويا حمزة

 

[Silent Hill]

رد: هل ستبقى في الجزائر ام سترحل

نعطيها لرميت ​

و منشوفش خلاص ورايا
نروح نتعنكش في برج ايفل
نروح نعض كاش جوار في كاش ماتش
حسو بينا يرحم الوالدين ههه ...​

 

[بنقابي افتخر]

رد: هل ستبقى في الجزائر ام سترحل

ارحل بدووون عوده

 

[صلوا على النبي]

رد: هل ستبقى في الجزائر ام سترحل

نعطيها لرميت ​

و منشوفش خلاص ورايا
نروح نتعنكش في برج ايفل
نروح نعض كاش جوار في كاش ماتش
حسو بينا يرحم الوالدين ههه ...​

عجبك برك برج ايفل هذا مكان كاين بزاف بلدان عربية مليحة تقضي فيها رمضان بلا ماتكون كاينة عنصرية
رانا حاسين بيكم هههههههه
شكرا خويا

 

[صلوا على النبي]

رد: هل ستبقى في الجزائر ام سترحل

ارحل بدووون عوده

يااختي اسماء ان ترحلي فهذا قرارك لكن بدون عودة ياختي راكي غالية
هنا كاين حبابك والناس ليتعسك هههههه
صحتي نتلاقاو في ساعة الخير