مسآء الأنـــــــــــوآر ~
سبق ووعدتكم في موضوعي نحطلكم الوصفة الناجحة للجينواز بالتفصيل،
اتبعوا فقط معي الخطوآآآت :thumb_up02:
نبدوا على بركة الله:
الجينواز كيكة حساسة شوي، تجي هشيشة، مكوناتها بسيطة لكن طريقة تحضيرها خآصة، :sport01:
اذا نويتي تعملي جينواز لازم البيض تخرجيه من الثلاجة حتى تصير درجة حرارته من حرارة المطبخ،
عندي وصفة واحدة معتمدتها ديتها على الاخت ام ندى ربي يخليها ويحفظها لولادها يا رب:
لكل بيضة كاملة تقابلها 30غ سكر، 30 غ فرينة، 1/2 ملعقة كبيرة ماء دافي، قرصة ملح، 1 خميرة كيميائية.
طبعا مارايحاش نستعمل بيضة واحدة ! في المول الدائري نستعمل 6 وفي الطويل اذا حبيتها عادية نستعمل 7 او 8 اذا حبيتها باكثر من طبقتين وعالية بزاف نستعمل 10 يعني كل وحدة ونوع المول ديالها عينيك ميزانك، لكن اذا زدتي البيض ضاعفي كمية السكر والفرينة والماء وفق عدد البيض اما الخميرة توجوغ يبق العدد 1.
مثآل: في مول دائري: 6 بيض، 180غ سكر، 180غ فرينة، 3 م ك ماء دافي، 1 خميرة كيميائية.
طريقة التحضير:
موضحة في الصور
اشعلي الفرن ديالك حتى يسخن
حضري في اناء الفرينة ممزوجة مع الخميرة
نفصل البياض عن صفار البيض، نخفق البياض مع قرصة ملح حتى يصير ثلج، نضيفلو نصف كمية السكر ونواصل الخفق حتى يذوب، نخلو الخليط على جنب.
نخفق صفار البيض في وعاء آخر مع النصف الثاني من السكر لمدة اقلها 10د حتى يصير لونو ابيض مثل الكريمة ثم نضيف الماء ونواصلوا الخفق لمدة قليلة،
نتوقف عن الخلط، ونضيف بالتناوب للخليط الاصفر مرة بياض البيض على شكل ثلج ومرة اخرى خليط الخميرة والفرينة لكن نغربلوهم حتى يدخلهم الهواء وفي كل مرة نخلط من الاسفل الى الاعلى برفق حتى نكملوا الخليطين
( رايحة نمدلكم وحد السر: ممكن اضافة حوالي ملعقة كبيرة من المايزينة او النشاء الى خليط الفرينة والخميرة اذا كانت نوعية الفرينة غير جيدة برك حتى تحافظ على شكلها، واذا حبيتيها بالكاكاو ضيفيه مع خليط الفرينة والخميرة كذلك)
نفرش المول بورق الطبخ ونفرغ فيه الخليط النهائي،
ندخل المول للفوغ على نار هادئة مانفتحوش على الكيكة في النصف ساعة الاولى حتى نحسوا فيها طابت مرة على مرة نطلوا عليها ونتاكدوا من نضجها بادخال سكين فيها اذا خرج ناشف معناها نضجت،
بعد ما تنضج مباشرة نخرجوها من الفوغ وننزعوها من المول ديالها ونخلوها تبرد
السيرو: الجينواز لازم تتشرب حتى يجي طعمها بنين، كاس سكر مقابل 2 كيسان ماء، نحطوه يغلي في كاسرول ممكن اضافة قرفة، ليمون او ماء زهر بمجرد ما يغلي 5د ونطفوا عليه،
تحضير كريمة الشانتي: 200غ بودرة شانتيي، كاس حليب بارد او ماء بارد او عصير المهم يكون باااااااااارد الكاس فيه حوالي 250 سل اي ربع لتر،مرات نستعمل اقل منه، ونخفقها مليح بالباتوغ حتى تطلع ونتحصل على كريمة متماسكة.
نقطعوا الجينواز حسب الارادة، انا عندي اداة تقطيع خاصة تتباع في المحلات، الجزء الاسفل نسقوه بالسيرو، نضيفو كريمة الشانتي ممكن اضافة فواكه،
نغطيه بالجزء الاعلى ونسقوه ونغلفها بالكريمة،
رقائق اللوز او الكوكاو حمرتهم مع شوية زبدة حتى يجي طعمهم بنين وغطيت بيهم حواشي الكيكة،
زينتها من فوق بكريمة الليمون: 1 بيضة كاملة، كاس شاي سكر، 1/2 كاس شاي عصير ليمون، 1 م ص نشاء، حطيتهم فوق النار مع الخلط حتى تثقال الكريمة، صفيتها وخليتها بردت شوية وطليت بيها وجه الكيكة، وزينت بديكور ساامبل بالكريمة
ممكن بالشوكولا تبقى مسالة التزيين حاجة حرة، وطبعا الكيكة تدخل للثلاجة وتقدم بآردة، وهآك تكوني قدمت لاولادك او لضيوفك كيكة عادية، حلوة ومصنوعة في الدآر ما تخآفي من مكوناتها ولا من اضرارها، :yahoo01:
واللي حبت تشوف دي مودآل ديال الديكور تزورني في موضوعي السآبق :-r
محل الدكتووورة للتورتآآآآت ^^ ~ مرحبآآ بالجميع
محل الدكتووورة للتورتآآآآت ^^ ~ مرحبآآ بالجميع
ان شاء الله نكون وفقت في الشرح ايا استفسآر في الخدمة حبيبآتي
دعوآتكــــــم :graduation:
سلآمــــــــــي
