لمة لحبابات قبل رمضان ... تفضلو

[رنيم الصمت]

باسم اللــــــــــــــــــــــــــــــه الرحمــــــــــــــــــــــــن الرحيــــــــــــــــــــــــــــــــــــم


السلام عليكميا لحبابات
ان شالله تكونو بخير

حبيت نفتح هاد القعدة باش نحكو شوي على رمضان و التوجاد بما انو بقاولنا يامات برك


♥♥♥


اللهم بلغنا رمضان لا فاقدين و لا مفقودين
ربي يلحقنا لرمضان و نصوموه بالصحة و الهنا


♥♥♥


احكيلنا كيفاش راكي توجديلو و الاهم كيفاش رايحه تفوتيه واشنهو برنامجك لهادا رمضان من كلش من الجانب الديني للأكل للخرجات .. كيفاش رايحه تقسمي وقتك و واش استفدتي من برامجك لرمضانات لي فاتو
بالاك كاين لي راح يستفادو من افكاركم و برامجكم وانا اولهم ​

 

[السلطانة]

رد: لمة لحبابات قبل رمضان ... تفضلو

وعليكم السلام ورحمة الله وبركاته

اللهم بلّغنا رمضان

واعنا على قيامه وصيامه

رمضان هذا راح يكون اول رمضان لي في بيت زوجي
أكيد سيكون هناك تغيير

بالنسبة للأعمال المنزلية
أسكن في بيت العائلة سنتقاسم الأعمال أكيد مع بعض
(خايفة غير من الماعن برك هههههههههههههه جيش كبير)

البرنامج الديني ان شا ءالله
ختم القرآن الكريم
مراجعة لبعض الصور
قيام الليل مع الأذكار والدّعاء

بارك الله فيكِ أختي
ان شاء الله يفيدونا الأخوات ببرنامجهم


​

 

[آمِيْرَتُه]

رد: لمة لحبابات قبل رمضان ... تفضلو

السلام عليك
مشكورة على الفضاء الرائع
عن نفسي مزلت في دارنا و الكارثة أن راني البنت الوحيدة لي بقات يعني راح نغسل و نطيب و الماعن واع ههه
كنت مع الميناج كملت الكوزينة و غسلت شوية فراش و الحيطان بقالي نص برك توقفت عن الميناج بسبب الدراسة كانت عندي
في رمضان ناوية بإذن الله نختم القرأن على الأقل 3 مرات و حابة فيه نحفظ سورة الكهف راني حافظة نصها حابة نكملها و يا ربي بالاضافة إلى قيام الليل
نسأل الله أن يبلغنا رمضان و يبارك لنا شعبان

 

[رنيم الصمت]

رد: لمة لحبابات قبل رمضان ... تفضلو

اهلين ساندي
ايه هدا اول رمضان ليك معاهم ولله ديما نتفكرك تجي في بالي مش عارفه علاه هههه
ان شالله تفوتيه بالصحه و الهنا مع بيت شيخك
وانا كيما انت رايحه نفوتو مع شيخي و الدار بابها مفتوح يعني الداخل و الخارج و الأسئلة تاع وش راكي دايرة اليوم و ومزال مابديتيش لضرك ...الخ بففففففف وكاين زوج عفايس ميتلاقاوش مع دار الشيخ و في الوسط العايلة النوم **التصباح تاع ال 11 و ال 12 انسايه و الماعن يا لاااطيييف ان شالله يفوت الشهر على خير بدون تبهدايل هههه
هاد رمضان خممت اني ندير برنامج لكلش للجانب الديني للفطور ...الخ بالصح مش عارفة ادا نقدر نمشي عليه وللا لا على بيها قلت نشوف لبنات الخبرة وش موالفين يديرو و اش لي مخرجتهم بالاك نلقى وش راني نحوس و البنات يستفادو ​

 

[رنيم الصمت]

رد: لمة لحبابات قبل رمضان ... تفضلو

السلام عليك
مشكورة على الفضاء الرائع
عن نفسي مزلت في دارنا و الكارثة أن راني البنت الوحيدة لي بقات يعني راح نغسل و نطيب و الماعن واع ههه
كنت مع الميناج كملت الكوزينة و غسلت شوية فراش و الحيطان بقالي نص برك توقفت عن الميناج بسبب الدراسة كانت عندي
في رمضان ناوية بإذن الله نختم القرأن على الأقل 3 مرات و حابة فيه نحفظ سورة الكهف راني حافظة نصها حابة نكملها و يا ربي بالاضافة إلى قيام الليل
نسأل الله أن يبلغنا رمضان و يبارك لنا شعبان

و عليكم السلام
الله يبارك عليك برافو
ياودي اغتنمي نهارات لي راكي فيهم في داركم او موان تخدمي الاز و براحتك هههه

ربي يوفقك في دراستك و في ختم و حفظ القران ويتقبل منك​

 

[السلطانة]

رد: لمة لحبابات قبل رمضان ... تفضلو

اهلين ساندي
ايه هدا اول رمضان ليك معاهم ولله ديما نتفكرك تجي في بالي مش عارفه علاه هههه

اهلا اهاي
ههه بلاك كي عدتي تسكني قريبة مني :p
وانا كي نروح للجلفة تجي في بالي
ان شالله تفوتيه بالصحه و الهنا مع بيت شيخك
ان شاءالله ياربي
وانا كيما انت رايحه نفوتو مع شيخي و الدار بابها مفتوح يعني الداخل و الخارج و الأسئلة تاع وش راكي دايرة اليوم و ومزال مابديتيش لضرك ...الخ بففففففف وكاين زوج عفايس ميتلاقاوش مع دار الشيخ و في الوسط العايلة النوم **التصباح تاع ال 11 و ال 12 انسايه و الماعن يا لاااطيييف ان شالله يفوت الشهر على خير بدون تبهدايل هههه
هههه ربي يعاونك
مليحة غير القيلولة خخخ
برك كي تنوضي بكري
بصح لماعن اكبر عدو ههه
هاد رمضان خممت اني ندير برنامج لكلش للجانب الديني للفطور ...الخ بالصح مش عارفة ادا نقدر نمشي عليه وللا لا على بيها قلت نشوف لبنات الخبرة وش موالفين يديرو و اش لي مخرجتهم بالاك نلقى وش راني نحوس و البنات يستفادو ​

ان شاء الله ربي يقدرك
وعندك هاذ الرمضان بيبي صغيرة :love01:ربي يقدرك ان شاء الله

 

[خديجة 24]

رد: لمة لحبابات قبل رمضان ... تفضلو

انا عن نفسي هاد رمضان كلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مانعرف كيفاه راح يفوت
هذا اول رمضان ليا بعد الزواج
ماشي هذا هو سبب الابهام وانما بسبب الغربة
راني في بلد غير الجزائر
راح نحاول ندير اوجه التشابه داخل البيت فالطياب والماكولات اكيد بمساعداتكم يا حراير اللمة
اما كي نخرج برا ماكاش ريحة رمضان
من جهة اخرى ما قدرت نحضر حتى حاجة ماكاين حتى بنة
من الناحية الدينية نظن راح يكون تحسن لانو الان راني غير انا وراجلي را ح نطيب غير لزوج عباد عكس كي كنت في دار اهلي كان كلش عليا بحكم اني كنت الاخت الكبرى يعني كنت نطيب ونغسل ماعن +الميناج وغيرو
نتمنى يجوز عليا وعليكم بالخير واليمن والبركات الكثير من الحسنات

 

[ضآحكة مستبشرة]

رد: لمة لحبابات قبل رمضان ... تفضلو

لي عودة خاطرش الدعوة كبيرة بزاف هههههههههههه​

 

[رنيم الصمت]

رد: لمة لحبابات قبل رمضان ... تفضلو

ان شاء الله ربي يقدرك
وعندك هاذ الرمضان بيبي صغيرة :love01:ربي يقدرك ان شاء الله

آآ البيبي حكايتو حكاية و مع رمضان يبدا يمرد ان شالله علاه فكرتيني هههههههه
ان شالله ربي يرزقك بطزينة أطفال و يفرحك بيهم ​

 

[السلطانة]

رد: لمة لحبابات قبل رمضان ... تفضلو

آآ البيبي حكايتو حكاية و مع رمضان يبدا يمرد ان شالله علاه فكرتيني هههههههه
ان شالله ربي يرزقك بطزينة أطفال و يفرحك بيهم ​

هههههههههه يبدى يمرد ويخرب في الطابلة تاع الفطور :p

ربي يحفظو ان شاء الله

امين يارب يعيشك اختي

 

[رنيم الصمت]

رد: لمة لحبابات قبل رمضان ... تفضلو

انا عن نفسي هاد رمضان كلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مانعرف كيفاه راح يفوت
هذا اول رمضان ليا بعد الزواج
ماشي هذا هو سبب الابهام وانما بسبب الغربة
راني في بلد غير الجزائر
راح نحاول ندير اوجه التشابه داخل البيت فالطياب والماكولات اكيد بمساعداتكم يا حراير اللمة
اما كي نخرج برا ماكاش ريحة رمضان
من جهة اخرى ما قدرت نحضر حتى حاجة ماكاين حتى بنة
من الناحية الدينية نظن راح يكون تحسن لانو الان راني غير انا وراجلي را ح نطيب غير لزوج عباد عكس كي كنت في دار اهلي كان كلش عليا بحكم اني كنت الاخت الكبرى يعني كنت نطيب ونغسل ماعن +الميناج وغيرو
نتمنى يجوز عليا وعليكم بالخير واليمن والبركات الكثير من الحسنات

اهلين خديجة كيفاش تحسي بالسماطو واحنا هنا خسارة عليك ختيتو
حاولي ديري جو في دارك ديري القنوات الجزائرية و قنوات القران و قناة السنة النبوية
و ديري منبه للصلوات بالاذان في كل وقت صلاة يأذن
و طبعا الطياب ديري طيابنا مية بالمية اذا كان راجلك دزيري
و ان شالله راها يفوت رمضان هايل المهم عيشي اللحذة راها تبقى الذكريات برك و ان شالله تكون ذكريات مليحه
و كاش ما تسحقي رانا هنا و سهراتك معانا ان شالله ادخلي معانا بعد الفطور تكون حالية في اللمة :thumb_up02:

​

 

[رنيم الصمت]

رد: لمة لحبابات قبل رمضان ... تفضلو

لي عودة خاطرش الدعوة كبيرة بزاف هههههههههههه​

ههههه مطوليش متخليهالناش حجرة في السباط انا ختك هههههههه​

 

[خديجة 24]

رد: لمة لحبابات قبل رمضان ... تفضلو

اهلين خديجة كيفاش تحسي بالسماطو واحنا هنا خسارة عليك ختيتو

حاولي ديري جو في دارك ديري القنوات الجزائرية و قنوات القران و قناة السنة النبوية
و ديري منبه للصلوات بالاذان في كل وقت صلاة يأذن
و طبعا الطياب ديري طيابنا مية بالمية اذا كان راجلك دزيري
و ان شالله راها يفوت رمضان هايل المهم عيشي اللحذة راها تبقى الذكريات برك و ان شالله تكون ذكريات مليحه
و كاش ما تسحقي رانا هنا و سهراتك معانا ان شالله ادخلي معانا بعد الفطور تكون حالية في اللمة :thumb_up02:​

يعطيك الصحة ختيتي والله غير فرحتيني بكلامك
راح نحاول نكون معاكم بعد الفطور فدزاير خاطر عندي نكون مازال ما صليت العصر وكي نفطر تكونو تصلو فالفجر
المهم راجلي دزيري مية مية:thumb_up02:
والاذان راني دايراتو من نهار جيت