سيطلقني دون سبب

[مشكلتي]

السلام عليكم
قرأت ردودكم واستفدت منها اخوتي واخواتي
هنالك اسئلة كثيرة جالت ببالكم
جوابي هو
حماتي حسبي الله ونعم الوكيل كانت دائمة الكلام بالمعاني كيما نقولو واخر مرة كي جات معايا قاتلي على مرت لوسي لوكان ماعندهاش اولاد والله ماتزيد نهار عند ولد
هكذا بالحرف الواحد
انا قلتلها ربي يهديك مش مليح واحد يفرق بين الرجل ومرتو وسكتت وهي ماردت حتى كلمة
وضرك فهمت المعنى من كلامها كانت تلمح عن الطلاق
راجلي ماراحش للطبيب للعلاج من اجل الانجاب وانا الحمد لله الطبيب قالي حتى والمشكل تاع صدري نقدر نحمل لانو الرحم تاعي لاباس
وكنت دايما نقول ان السبب مني باه ما ينحرجش قدام اهلو
الحمد لله مشيت بنيتي لابعد حد والحاجة الوحيدة الي ندمت عليها اني حسبتو رجل وطلع والو
حسبي الله ونعم الوكيل
الجلسة يوم1 جويلية يعني يوم عيد ميلادي
ادعولي تكون بداية جديدة ويعوضني ربي خير
سلام

 

[راضية حامدة]

رد: سيطلقني دون سبب

تم الاعتماد
ما لقيت ما نقول
اكيد فيه خير ان شاء الله

 

[Hakan]

رد: سيطلقني دون سبب

ربي يعوضك بالخير يااختي
والمظلوم حقو ما يروح بارك الله فيك..​

 

[حياتي ابداع]

رد: سيطلقني دون سبب

ربي يكون معاك.
ارقي نفسك اذا كان زوجك تبدل عليك بدون اسباب واضحة خصوصا انو داركم فيها بزاف الداخل و الخارج.
كذلك ديري صلاة الاستخارة اذا كان هذا الراجل يستاهلك ربي يهديه و يرجعولك و اذا كان ماهوش راجل ربي يبعدو عليك و يعوضك بخير منو.

 

[الباندي]

رد: سيطلقني دون سبب

ربي يخلص في اللي كان سبب هذا مانقولك اختي

 

[" ام بلقيس "]

رد: سيطلقني دون سبب

والله يا أختي بكتيني معاك لان ببساطة الظلم حرام و الظلم ظلما ت يوم القيامة
و أنا هنا لن أبرر لزوجك لأنه ببساطة رجل تنقص المروءة إبن أمه في الوقت الذي كنت فيه تدافعين عن رجولته أمام اهله جزاك هو أن وضعك كبش فداء لغطرسة امه
لكن كنت أنت أفضل منه أما م الله و الملائكة و النااس أجمعين و لهذا فلا تندمي و لاتتحصري على ما فات و إنتهى لأن أناس مثل هؤلأء مازالوا يفكرون بهذه الطريق لا يستحقون حتى أن نشفق عليهم فما بالك أن نعيش معهم
و حياتك معه سوف تكون تجربة تتعلمين منها في ما هو قادم
___إستخيري ربك و إستشيريه فهو علام الغيوب _______
___حضري نفسك للأسوء فالغدر من شيم هؤلاء _______
___وإحرصي أن تكوني في قمت إشراقك وتألقك يوم الجلسة ______
___يجب أن لايري الحسرة على وجهك و الإنكسار في عينيك_______
___تكلمي بثقة و دافع عن حقوقك و لاتسمحي له ان يستغلك ثانية____
___حافظ على شعرةمعاوية بينكا فلا تقطعيهافقد يكون في غير حاله ___
___إذا أراد يوما الصلح يجب أن يكون بشروطك فأنت المغلوط فيها____

أسأل الله لكي الفرج و التيسير في أمورك أختاه..........

 

[سجل أنا جزائري]

رد: سيطلقني دون سبب

شيء محير

كيف رجل عندو مشكل انجاب و عندو مرأة تقبل بوضعو و يطلقها

أكيد أمو اللي ألحت عليه بالطلاق تحسب المشكل منك أنتي لأكن كان عليه عليه أن يتمسك بك و ما يخلوهمش يدخلو بيناتكم

و لازم يعرفو المشكل فيك و لا فيه لأان حاجة تخصكم

 

[بنقابي افتخر]

رد: سيطلقني دون سبب

حسبك حبيبتي عند ربي وربك
كيما سبقت وقتلك اذا انت متأكد وخلاص مابقات عيشه مع هداك الشخص كيما دارلك عفسه نتاع خرجتي من بيت الزوجيه من دون اذنه. يعنى تحايل
وانك مش قادره تجيبي ولاد . وراه حاب يكسب القضيه لصالحه يعني يخرجك كيتي
انت ماتسمحيش في حقك ووكلي محامي واعطيه كل التقارير اللي تثبت انك قاده تحملي ودليل امو هي لي جابتك للاهلك الا حبت تشهد ربي يهديها
و ماعندي مانقول كل الشئم للشخص الذي دمر. حياتك. تأكدي انو رني مايضيعكش والا مكتوب تتطلقي يعني ربي يبغيك وماراهش حاب تكملي حياتك مع شخص متحايل
القانون. لا يظلم المرأه الحمد لله
وربي مع المظلوم
طمنيني عنك لاني بجد احترت عليك
تقبلي مروري
ولا تنسي الاستغفار والاستخارة

 

[خديجة ph]

رد: سيطلقني دون سبب

لا حول ولا قوة الا بالله
أختي إذا الوضع مثل ما وصفتيه فما عندي ما نزيد فوق كلام الاخوة .أختي شهر رمضان جاء كان الصحابة يدعون فيه و قبل ما يجي رمضان الجاي يكون ربي استجاب لجميع دعواتهم و حقق جميع أمانيهم.
لو حبيتي تفضحيه كيما ما رحمكش و تبلى عليك فهذا حقك . ولو قلتي حسبي الله و نعم الوكيل و خليه يروح و يهرب من الناس و أعينهم وعين الله ترقبه فسوف ترين بأم عينك غرائب قدرة الله في خلقه لحد أنتي تشفقي عليه و تعرفي كم العبد المؤمن غالي عند ربي سبحانه.
هذا رأيي والله أعلم

 

[Silent Hill]

رد: سيطلقني دون سبب

رمضان كريم ، اخيه
واش نقلك ، ... و بشر الصابرين
الذين اذا اصابتهم مصيبة قالوا
ان لله وان اليه راجعون ... ​

 

[حياتي ابنتي]

رد: سيطلقني دون سبب

والله غير بكيتيني حسبنا.الله.ونعم الوكيل

 

[land_surveyor]

رد: سيطلقني دون سبب

عيد ميلاد سعيد مسبقا اولا ليس كل العلاقات الزوجيه ناجحه وليس كل علاقات غير ناجحه زواج ي وقتنا هذا ولا لي حبه البيض لا تعرف ماذا ستجد داخلها عليك بالصبر
وربي حنين كريم ومتقلقيش روحك لي جات مرحبا بيها

 

[ليليا مرام]

رد: سيطلقني دون سبب

السلام عليكم اختي
اولا عوضك ربي بالخير ان شاء الله وثاني شي حماتك وكلي عليها ربي وخليها الامهات هذو والله ربي يهديهم ما يخافوش ربي يعني لما تكون سبب طلاق بنت ما دارتلها والو على جال حاجة نتاع ربي الناس هذو جاهلين اييه الجهل اللي يخلي الناس تلوم المرا والمشكل عند الراجل ولو المشكل فيها هي هذا امر الله
يا اختي الراجل اللي يتخلى عليك لسبب تافه احمدي ربي هذا مش مثال يكون اب لاولادك ولا راجل يحميك ويصونك المرا تدي راجل زوالي ما عندوش مي راجل ما يسمحش فيها لو مرضت او واش صار الله غالب رانا فوقت قلة فيه الرجولة للاسف
ربي يعوضك وراح يجي نهار تدي احسن منو وتكون مجرد تجربة في حياتك ما تخميش ربي ما يردش دعوة المظلوم وكلي ربي وخليهم

 

[سندريلا]

رد: سيطلقني دون سبب

ربي يهدي ما خلق
انا تاني راهم يقلولو طلقها لنفس سببك ولكن هو كي عارف السبب هو ماهوش حاب يطلقني و لكن الضغط يولد الانفجار و راني خايفة احيانا كي يكترو عليه الهدرة يتبدل من جيهتي

 

[Smile Queen]

رد: سيطلقني دون سبب

السلام عليكم
بعد مرور عام من طلاقي جيت باش نبشركم ونقولكم ان الله يمهل ولا يهمل
وكل حاجة ظاهرها شر اكيد وراها خير كبير
صح بكيت بزاف وغاضتني بزاف لاني انظلمت لكن
بعد الطلاق ربي عوضني كل خير
بعد سنة الحمد لله حطيت ملف ماستر 2 وقبلوني وفرحت بزاف على قد الحزن لي حزنتو ربي عوضني كل خير
شكرا لكم وصح كيما قال الرسول عليه الصلاة والسلام تفاءلوا خيرا تجدوه
وعن قريب عرسي لكن مازلت حايرة وكاين موضوع في قسم فرغ وش كاين في قلبك ان شا الله تعاونوني برايكم
وادعولي
محبتكم واختكم في الله س

 

[البحر الهادي]

رد: سيطلقني دون سبب

السلام عليكم
بعد مرور عام من طلاقي جيت باش نبشركم ونقولكم ان الله يمهل ولا يهمل
وكل حاجة ظاهرها شر اكيد وراها خير كبير
صح بكيت بزاف وغاضتني بزاف لاني انظلمت لكن
بعد الطلاق ربي عوضني كل خير
بعد سنة الحمد لله حطيت ملف ماستر 2 وقبلوني وفرحت بزاف على قد الحزن لي حزنتو ربي عوضني كل خير
شكرا لكم وصح كيما قال الرسول عليه الصلاة والسلام تفاءلوا خيرا تجدوه
وعن قريب عرسي لكن مازلت حايرة وكاين موضوع في قسم فرغ وش كاين في قلبك ان شا الله تعاونوني برايكم
وادعولي
محبتكم واختكم في الله س

ربي باركلك في زواجك الثاني
لكن لاتلومي الرجل فأمه هي السبب وماذا يفعل أمام أم لاتحب الخير لولدها وإننا نسمع أخبارا عن أمهات يقمن بسحر زوجات أولادهن وحتى أولادهن وحسبنا الله ونعم الوكيل
هناك أمهات تسببن في موت أبنائهن
ماعسانا نقول

 

[Soumia hadj mohammed]

رد: سيطلقني دون سبب

السلام عليكم
بعد مرور عام من طلاقي جيت باش نبشركم ونقولكم ان الله يمهل ولا يهمل
وكل حاجة ظاهرها شر اكيد وراها خير كبير
صح بكيت بزاف وغاضتني بزاف لاني انظلمت لكن
بعد الطلاق ربي عوضني كل خير
بعد سنة الحمد لله حطيت ملف ماستر 2 وقبلوني وفرحت بزاف على قد الحزن لي حزنتو ربي عوضني كل خير
شكرا لكم وصح كيما قال الرسول عليه الصلاة والسلام تفاءلوا خيرا تجدوه
وعن قريب عرسي لكن مازلت حايرة وكاين موضوع في قسم فرغ وش كاين في قلبك ان شا الله تعاونوني برايكم
وادعولي
محبتكم واختكم في الله س

ما شاء الله والحمد لله
اتذكر عندما كنت بمنزل اهلي ققرات قصتك وحزنت لما واجهته مم ظلم
وا فرحتاه اليوم لك لمتابعة الدراسة و الزواج
ما شاء الله
مبارك عليك اختي اسال الله لك التوفيق
الحمد لله

 

[zyd87]

رد: سيطلقني دون سبب

نقولك حاجه ,لوكان هذو الحماوات يخليو لعرايس في حالهم ماشي خير,يالاطيف والطف.والله اسفت لك انا مانديرهاش الواحد يموت ويدي شبر,وافعاله فقط.

 

[Smile Queen]

رد: سيطلقني دون سبب

الحمد لله الدراسة فقط لكن الزواج مازال شوية لاني اسأت الاختيار مرة ثانية الحمد لله لم يتم الزواج والا لندمت ندما شديدا
ربي يرزق الكل كل خير يارب
شكرا اخواتي
ربي يسعدكم

 

[خديجة ph]

رد: سيطلقني دون سبب

الحمد لله الدراسة فقط لكن الزواج مازال شوية لاني اسأت الاختيار مرة ثانية الحمد لله لم يتم الزواج والا لندمت ندما شديدا
ربي يرزق الكل كل خير يارب
شكرا اخواتي
ربي يسعدكم

ربي يقدملك ما فيه الخير
و مبروك الحرية من جديد واثقة انك رح تعرفي كيف تتصرفين في المستقبل ربي يهنيك