ذكرتني ياعمي باختي الصغيرة
كي كانت في مثل عمر بنتك
كانت صاحبة نفسها
على طول تلقاها تهدر مع نفسها
و من غير هذي تلقاها مبدعة
في خمس سنوات كانت تموت على الخياطة تشد الابرة و تبدع
و الي يحيرك انها تبدع بحرافية تشوف التصاميم تتوهم
و تظل من بلاصة لبلاصة و تموت على النظام و النقاء
ارى انو هذا النوع من الاطفال كاين منو بزاف والله اعلم
ولي يخرجو هك يكونو اذكياء و ذو عقل كبير في الكبر و الله اعلم
الله يبارك ربي يخليهالك و يكبرها في طاعة مولاها ووالديها ، هاذو هوما الاطفال خصوصا في هذا السن راها عندها عالمها الخاص لي عايشة فيه و اصدقاء خياليين تلقاهم عايشين في هذا العالم الخاص بهم كانو واقع . و هذا دليل على خصوبة تفكيرهم و خيالهم و ذكائهم . لكن قلي الصراحة لوكان تشوفها قاعدة في بلاصة و ساكتة النهار بطول و هي عاقلة ميعجبكش الحال هههه لان نشاط الاطفال دليل اخر على صحتهم الجيدة .
راها بسلامتها كيف بنتي تقريبا و الكل يشهد على ذكائها الله يبارك فيها و يرزقني برها .
الله يبارك ربي يحفظها و يكبرها في طاعتو
معليش هادوهوما الصغار و خاصة جيل هاد الوقت يخرج منهم العجب
كاين ملاحظة قل لماماها متحضرهاش لقصرات النسا و متحكيش قدامها في التيليفون ملازمش تتعود على حكايات لكبار
السلام عليكم
الحاجة المميزة ان هذه الحالة تكون عند البنات اكثر من اولاد .......ربي يخليهالكم و يكبرها في طاعته و طاعتكم
عندى بنتي بلقيس عام ونص مي كى تبد تحكي تقول شينوي مقابلني و الكارثة انها ما تسكتش حتي تتفاعل معاها يعنى لازم تحكي معاها شينوى و لا راحت عليك
و المشكل ان باباها كى ما يفهم والو يقلي ترجميلي واش راهي تحوس .........ارواحى انت و حليها ...
بارك الله فيكم .
ذكية فوق اللزوم يعني احيانا لا نحتمل سرعة بديهتها وخفة كلامها في مواقف محرجة واخرى مضحكة معنا او مع الناس .
انا اخشى ان يطغى كثر كلامها على حسن تفكيرها مستقبلا .
ان شاء الله تخرج محامية هكذا تستنفع بيها البشرية في الخير .
ومثلما قالوا بعض الاخوة والاخوات هنا يحترس الانسان فقط من اسماعها امور او اجلاسها في مجالس معينة اما باقي الحالات كلها لاباس عليها .
استعمال الجزاء والعقاب مهم جدا . لا تمادي في المساوئ .
وتعليمها احترام الكبير دوما .
عدم احراجها وزجرها في مواقف غير ضرورية .
وعدم ارغامها على السكوت القصري في الحالات التي لا تستدعي ذلك اثناء وقت اللعب مثلا .
استغلال بعض هذه الخفة في التفكير والكلام في تعليمها دينها وتربيتها تربية دينية سليمة .
الله يبارك عليها ربي يخليهالكم لازم تنمو ذكائها و مواهبها وان شالله تكون من الذريه الصالحه لي تخدم الاسلام و تنفع الناس
ملاحضة بسيطة : خلوها تعيش طفولتها و برائتها ولله غايضيني بعض الاطفال نعرفهم اهاليهم حابين يكبروهم قبل وقتهم معاشوش كامل طفولتهم مولات 11 سنة تقول اكبر مني و مول 10 سنوات تقول شيخ ولله اروع مرحلة يمر بيها الانسان هي الطفولة
ربي يقدرنا على تربية اولادنا تربية اسلامية صحيحة
