آه سرّاقة وكذّابة تاني !

[السلطانة]

وفجأة تفّكرت الطفولة وحنيت للطفولة




تفكّرت داك النهار لي كنت فيه نجري ونلعب
مع صحاباتي البرّا
حتى جات هاديك الطفلة لي شعرها كحل
وسرقتلي دميتي


آه تفكرت كان اسمها:غادة

وجابتلي باباها وقالي علاه تسرقي لبنتي بوبيتها

ورجعني انا السّراقة وبنتو المظلومة

غاضتني روحي وبكيت وبكيت
وبوبيتي راحت مني
كي جا بابا من الخدمة لعشية قتلو
راح سقسى ماما على البوبية
قاتلو راني شريتهالها صح

يعني تأكد بلي البوبية تاعي

وانا غاضتني الاهانة تاع هادا الراجل
وبنتو لي رجعتني كذابة :down::down::down::down:

راح بابا لبابات غادة
وفهمو في الحكاية
وراح الراجل لبنتو سقساها قاتلو البوبية تاعي
سقسى مرتو قاتلو ماش تاعها ومشريتلهاش :smile02:
وفهمو بلي بنتهم تكذب
ورجعتلي انا بوبيتي

المغزى من الموضوع
أنو لازم على الأولياء يتحراو على ولادهم
وميجريوش يصدقوهم من باب الأمومة والأبوة

ويظلموا الناس
هادي الطفلة باباها صدقها
بمجرد ماقاتلو البوبية تاعي وجا ليا بهدلني
مالغري بنتو لي سرقتني ماش انا

أنت أب وانتي أمّ
راقبو ولادكم
وألعابهم
وكان دخل ولدك لعبة خاطياتو للدار لازم تفهم منين جابها وكيفاه تحصل عليها

قادر من لعبة يولي سرّاق وكذّاب

أكبر سرّاقين العالم كون نبحثو نلقاوهم بداو بحاجة صغيرة وغفلو عليهم حتى اتطورو

وفي الأخير دمتم بألف خير

​

​

 

[Skor m@k]

رد: آه سرّاقة وكذّابة تاني !

السلام عليكم
والله غير عندك الحق ختي ساندي
كاين بزاف أمهات يخلو ولادهم يسرقو الحلوى والالعاب لأطفال آخرين
كي تقوللهم علاه مظربتيهش
تقولك مزال صغير
الله المستعان
تقولك يغيضني تشهاها داها
بصح هذا ماشي سبب لي تخليه يسرك
لازم يفهموهم بلي السرقة حرام
والرسول مكانش يسرق
لازم يحكولهم شوا على الدين والاحكام ملي يكونو صغار
باش تترسخ في ذهنو بلي السرقة حجا ماشي مليحة
بارك الله لك أختي ساندي على هذه النصيحة
ان شاء الله الوالدين ياخذو بيها
سلام​

 

[آمِيْرَتُه]

رد: آه سرّاقة وكذّابة تاني !

السلام عليك
كاين لي يفرحوا كي ولادهم يسرقو و كاين هما لي يطلبوا منهم
موضوع هادف بارك الله فيك

 

[روز]

رد: آه سرّاقة وكذّابة تاني !

اما الدلال المفرط او هاذيك تاع مايحبوش يكسرو راسهم
او استهانة بلي صرا هي لي توصل للامور لي نشوفو فيها
هذ الحوادث نتاع القتيلة والطعن بالسكين والكذب والسرقة
لي في شبابنا الحالي يعمل فيها كلها مخلفات كما لي قلتي لامور حدثت في الصغر ومالقاتش التوجيه
بارك الله فيك ساندي ان شاءالله فكرتك تلقى التطبيق
من طرف الاولياء سواء كان أم او أب او أخ او أخت

 

[Oussama.GF]

رد: آه سرّاقة وكذّابة تاني !

سلام عليكم
اختي شحال من هاذي قصة تصرى
انا صراتلي كنة صغير كانت عندي سيارة وكان صحبي يلعب معيا قتلوا انا ندخل لدار ونجيك وخليتلوا سيارة تاعي مبعد جيت قتلوا وينها قلي منيش عارف وغدوة هاديك رحت لدراهم لقيتوا يلعب بيها قلت لابوه قلوا هاذي تاعي انا انا روحة لدار وراني نبكي مبعد قلي بابا وش بيك قتلوا جرنا دالي لعبة تاعي وهو يكذب قال للابوا هاذي تاعي مبعد بابا راح عند اب تاع جرنا قلوا وش ولدك يسرق ويكذب علينا اب تاع جرنا عيط لي وليدوا قالوا هاذ تاعك قلو ولد ايه وانا كنة كاتب عليها اسمي مبعد قلت للأب تاع جرنا قتلوا راني كاتب عليها اسمي وشفها اب تاع جرنا وردهالي وقالي ابوه متزيدش تهدر معا ولدي كي عاد يكذب
ابوه كان بش يضربوا قالوا ابي لالا متضربوش راهو صغير ومبعد تسمحنا انا وجرنا
مهم انا باغي نقول للاولاد واباء متخلوش ولادكم يكذبوا
وعقبوهم على كذبة وسرقة تاعهم

 

[أم لينة]

رد: آه سرّاقة وكذّابة تاني !

يعطيك الصحة اختي ساندي تطرقتي الى نقطة حساسة تبدو عند الكثير من الاولياء تافهة خصوصا فيالمراحل الاولى للطفولة ، يقولو بلي كي يكبر تزول هذه العادة السيئة لكن علاش ميخموش في السلبيات ربما بطريقة او اخرى راح تنمو عند ابنك سلوك الكذب و سوكيات اخرى لي كنت تدعم فيه و انت مش عارف من خلال الكثير من المظاهر من بينها كيما قلتي اختي السكوت عن المنكر لي قام بيه ابنك و انت عارف ، و كاين حتى لي يشجعو هذا السلوك .
لازم علينا نربو رواحنا قبل ان نربي ابنائنا لانو ابنائنا صورة مصغرة علينا هم صفحة بيضاء و احنا نكتب فيها ما نشاء فلتكن تربيتنا لهم وفق النهج الاسلامي الصحيح .
بارك الله فيك اختي على الموضوع الحساس .​

 

[السلطانة]

رد: آه سرّاقة وكذّابة تاني !

السلام عليكم
والله غير عندك الحق ختي ساندي
كاين بزاف أمهات يخلو ولادهم يسرقو الحلوى والالعاب لأطفال آخرين
كي تقوللهم علاه مظربتيهش
تقولك مزال صغير
الله المستعان
تقولك يغيضني تشهاها داها
بصح هذا ماشي سبب لي تخليه يسرك
لازم يفهموهم بلي السرقة حرام
والرسول مكانش يسرق
لازم يحكولهم شوا على الدين والاحكام ملي يكونو صغار
باش تترسخ في ذهنو بلي السرقة حجا ماشي مليحة
بارك الله لك أختي ساندي على هذه النصيحة
ان شاء الله الوالدين ياخذو بيها
سلام​

اهلا وسهلا بك اخي

شحال نكره كلمة خليه او مازال صغير :very_mad::very_mad::very_mad::very_mad:
كي ميترباش صغير معرف وقتاه يتربى كي يكبر !!

نحكيلك حكاية واقعية :

هادي طفلة وخوها من صغرهم وهوما يسرقو
والوالدين تاعهم غافلين بسبب انو امهم دارت حادث ومريضة
المهم الجدة تاعهم كانو يسرقولها الدراهم
وتسكت
وسرقو للافامي تاعهم تاني مخلاو مادارو
في الصغر كانو يسرقو بال العشر الاف والعشرين
وفي نهار حبت خالتهم تخبّر امهم لان الامر صار لايطاق
امهم متقبلتش الوضع وكذّبت خالتهم
وكي سقسات امها لي هيا جداهم قاتلها ماشفتش
وهي كانو دارو فيها حالة بالسرقة
ضربت السكتة لاعلينا
كبرو درك
الطفلة قريب في 20 والطفل في 16
ومازالو يسرقو وعادو يسرقو بالمليون وكثر

للجدة هادي بعد لي بربرت عليهم
:bravo01:
كون سقمتهم في صغرهم وقالت لوالديهم كانو ترباو مي هي بربرت
وماش عارفة بلي هي السبة تاعهم انهم رجعو محترفين في السرقة والكذب
ربي يستر

شكرا اخي

 

[السلطانة]

رد: آه سرّاقة وكذّابة تاني !

السلام عليك
كاين لي يفرحوا كي ولادهم يسرقو و كاين هما لي يطلبوا منهم
موضوع هادف بارك الله فيك

كاين صح لأنهم هوما في ذاتهم يشوفو في السرقة حلال !!

شكرا

 

[السلطانة]

رد: آه سرّاقة وكذّابة تاني !

اما الدلال المفرط او هاذيك تاع مايحبوش يكسرو راسهم
او استهانة بلي صرا هي لي توصل للامور لي نشوفو فيها
هذ الحوادث نتاع القتيلة والطعن بالسكين والكذب والسرقة
لي في شبابنا الحالي يعمل فيها كلها مخلفات كما لي قلتي لامور حدثت في الصغر ومالقاتش التوجيه
بارك الله فيك ساندي ان شاءالله فكرتك تلقى التطبيق
من طرف الاولياء سواء كان أم او أب او أخ او أخت

حتى هو ماش من والى يجيب ولاد ويربيهم
كاين ناس تتزوج وماش عارفين الهدف من الزواج وانجاب الاولاد واش هو للأسف
شكرا اختي

 

[السلطانة]

رد: آه سرّاقة وكذّابة تاني !

سلام عليكم
اختي شحال من هاذي قصة تصرى
انا صراتلي كنة صغير كانت عندي سيارة وكان صحبي يلعب معيا قتلوا انا ندخل لدار ونجيك وخليتلوا سيارة تاعي مبعد جيت قتلوا وينها قلي منيش عارف وغدوة هاديك رحت لدراهم لقيتوا يلعب بيها قلت لابوه قلوا هاذي تاعي انا انا روحة لدار وراني نبكي مبعد قلي بابا وش بيك قتلوا جرنا دالي لعبة تاعي وهو يكذب قال للابوا هاذي تاعي مبعد بابا راح عند اب تاع جرنا قلوا وش ولدك يسرق ويكذب علينا اب تاع جرنا عيط لي وليدوا قالوا هاذ تاعك قلو ولد ايه وانا كنة كاتب عليها اسمي مبعد قلت للأب تاع جرنا قتلوا راني كاتب عليها اسمي وشفها اب تاع جرنا وردهالي وقالي ابوه متزيدش تهدر معا ولدي كي عاد يكذب
ابوه كان بش يضربوا قالوا ابي لالا متضربوش راهو صغير ومبعد تسمحنا انا وجرنا
مهم انا باغي نقول للاولاد واباء متخلوش ولادكم يكذبوا
وعقبوهم على كذبة وسرقة تاعهم

الكذب والسرقة حرام وكثيرا ماكانا عونا لبعضهما البعض
مزية لي جبت سيارتك

شكرا نورت

 

[السلطانة]

رد: آه سرّاقة وكذّابة تاني !

يعطيك الصحة اختي ساندي تطرقتي الى نقطة حساسة تبدو عند الكثير من الاولياء تافهة خصوصا فيالمراحل الاولى للطفولة ، يقولو بلي كي يكبر تزول هذه العادة السيئة لكن علاش ميخموش في السلبيات ربما بطريقة او اخرى راح تنمو عند ابنك سلوك الكذب و سوكيات اخرى لي كنت تدعم فيه و انت مش عارف من خلال الكثير من المظاهر من بينها كيما قلتي اختي السكوت عن المنكر لي قام بيه ابنك و انت عارف ، و كاين حتى لي يشجعو هذا السلوك .
لازم علينا نربو رواحنا قبل ان نربي ابنائنا لانو ابنائنا صورة مصغرة علينا هم صفحة بيضاء و احنا نكتب فيها ما نشاء فلتكن تربيتنا لهم وفق النهج الاسلامي الصحيح .
بارك الله فيك اختي على الموضوع الحساس .​

اهلا اختي صدقت كاين لي راح ينمي قدرات ولدو في الكذب والسرقة
بكلمة او مازال صغير
بارك الله فيك

 

[أمــ وليــد الجزائرية]

رد: آه سرّاقة وكذّابة تاني !

كل هذا يرجع لتربية يا ختي ساندي
خاصة الطفل في الصغر يجب على والديه ميخلوش يحتاج و لو بأبسط الامور

و يعلم الطفل كيفاه يقتنع بلي عندو و يحاول يغطيلو كل مايحتاج بابسط الامور
والي لازم يكون ثانيك انو الام و الاب قبل كل شيء يجب يصادق ولادو باه يقدر يعرفهم ملح و يعرف عقليتهم واش يخصهم ؟ واش يعجبهم ؟ واش ميعجبهمش؟ مش يتهربو ف كل المواقف من بعد يلجأ وليدو لسرقة و بحث واش خصو من جيهة اخرى

هي التربية صعيبة لاكن يجب تحمل المسؤولية و كل وقت في وقتو والي يروحلو الصغر يروحلو الساس و الركيزة في التربية السليمة

الله يعين كل الولدين في تربية هذو الاجيال الي كل يوم نشوفو منهم لعجب

ان شاء الله ميغفلو على هذي الامور الخطيرة و خاصة السرقة هاهي عواقبها كبيرة بعيد الشر
​

 

[Amine7N]

رد: آه سرّاقة وكذّابة تاني !

الســلام عليكم
صــح فطوركم
راك رجعتيني لأيام الطفولة يا ساندريلا
منين كنت ندفع دراهم مع الأصحاب ونشرو بالون
ونلعبو بيها ومنين طيح بعيدة في الجهة المقابلة للحي يسرقوها
أولاد تلك الجهة وتنوض حرب الحجارة والعصي

أصل هذه المشكلة يتمثل في التربية
وغياب دور الأب
فالأب يمثل الأمان والرهبة وبغيابه يجد
الطفل المساحة للقيام بالأفعال المحرمة في المجتمع
إضـافة إلى سلبية المجتمع المتمثلة في الرفع من قدر اللص والترهيب منه
( فلان خاين , واعر , ديرو بالكم منه )
مما يولد فكرة لدى الطفل بأن اللص أو المجرم بشكل عام مرهوب ومحترم
فيحاول التقليد
إضافة إلى إهمال جانب التربية من الوالدين والإهتمام
بتوفير متطلبات الحياة وكمالياتها

بــارك الله فيك أختي على هذا الطرح
​

 

[حكاية قمر]

رد: آه سرّاقة وكذّابة تاني !

السلام عليكم
قصة وعبرة
هدا هو المشكل تصديق الاطفال ديفوا يصراو مشاكل بين لكبار لامور تافهة
لازم عقلية ولدي مازالو صغير ولدي مايكدبش,,,,,,الخ تتنحى
بارك الله فيك اختي

 

[جليلوس]

رد: آه سرّاقة وكذّابة تاني !

السلام عليكم
شكرا على الموضوع الهام والحساس اختي ساندي بارك الله فيك
لكن لا حياة لمن تنادي احيانا احد الوالدين من يطلب منها ذلك ... وكي تنهيه يقولك خليهم يلعبوا مازالوا صغااار
ايه وكي يكبر يولي يسرق والناس قاع تكرهو على كذبو ماخمموش فيها هادي ... الله يهديهم ويهدينا معاهم ان شاء الله
يعطيك الصحة خيتي ... خيّك جليلوو
​