يكبرني ب 14 سنة أنصحوني من فضلكم

[مشكلتي]

السلام عليكم ورحمة الله وبركاته
اخوتي في الله هناك شاب يريد التقدم لي عمره 33 سنة وأنا مازلت فال19 وولايتو بعيدة علينا شوي
سمعت بلي ذو أخلاق طيبة ومحترم وخدام والحمد لله ربي رزقو بمسكنو
الخاص يعني وأنا مازالي 03 سنوات على تخرجي
خفت بزاف كي نتزوجو يكون في عمرو 37 سنة قد بنتو نولي
خفت قلت هاذ العمر كاملوعلاه ماتزوجش؟وأنا مش شايفاتو أبدا
انصحوني من فضلكم
رغم أني كنت نقول ندي واحد على الأقل كبير عليا ب 08 سنين مش 14 سنة كاملو
واش تقولو ياخاوتي
شكرا لكم نصحوني بمنتداكم وها أنا أطرح حسرتي عليكم
جزاكم الله كل الخير على مساعداتكم

 

[ابوندى]

رد: يكبرني ب 14 سنة أنصحوني من فضلكم

في الجزائر سن الزواج الان اصبح 33 الى 40 عند الرجال يعني هدا هو وقتوا قليل من يتزوج في عمرو 20 اديك كانت زمان اختي
ادا كان الانسان مول اخلاق ودين ومتربي فلا تضيعيه اختي لان الراجل يحوس ديما عى المرا الشباب الصغيرة وهدا عادي الرسول عليه الصلاة والسلام تزوج بعائشة وعمرها 9 سنوات

ربي يهنيك اختي
تم الاعتماد

 

[السلطانة]

رد: يكبرني ب 14 سنة أنصحوني من فضلكم

وعليكم السلام لي صديقة تزوجت برجل اكبر منها ب 14 سنة وعايشين لاباس بيهم
استخيري وتوكلي على الله وزيدي شوفي العقلية تاعو قبل

وبعدها قرري

ربي يوفقك

 

[لؤلؤة قسنطينة]

رد: يكبرني ب 14 سنة أنصحوني من فضلكم

وعليكم السلام ورحمة الله وبركاته أختي
ماش رايحة نزيد على الكلام لي قالوه الإخوة لأني أتفق معاهم
المهم الدين والأخلاق وتكوني راضية بيه، العمر ما عندوش دخل
كاين لي داوهم صغار وما عاشوش حياة مليحة
كيما قالتلك الأخت ساندريلا استخيري ربي ورانا في عواشر
ان شاء الله ربي ينعتلك الطريق الصحيح
وبالتوفيق ​

 

[mà_dikrà]

رد: يكبرني ب 14 سنة أنصحوني من فضلكم

هـوَ صـح كـبير عـليـك بـزآآف
مي شوفـي نتي دوكـــــآآ !!
تتزوجيه ع اخلاقو ووو ... عندي خالي عمرو 44 ومرتو 31 وعــــآآيـشين cvb1
يـعني مـتحكميش عـ الـعمر
كـيـمآآ قآلـولـك لي قبلي إسـتخيري عليـهآآ
وَ ربي يـقدر الـخير أخـتي
سـلآآمـيْ ​

 

[maryama louma]

رد: يكبرني ب 14 سنة أنصحوني من فضلكم

عادي حبيبتي انا تاني مخطوبة لواحد عمرو 31 سنة و انا 19 و عايشين مليح

كي يكون كبير عليك يفهمك و ينصحك و يتهلى فيك و اكثر من هدا يشوفك ديما صغيرة في عينيه

اذا حبيتيه توكلي على ربي و ما تخافيش

و استخيري لله

اختك مريم

 

[بقايا إنسان]

رد: يكبرني ب 14 سنة أنصحوني من فضلكم

سلام الله عليكم ورحمة الله وبعد: اسمعي مني اختنا فأنا هذه المرة سأساعدكي بالتفكير وانتي ستجدي الحل بنفسك
1لو بحثنا عن مزاياه سنجده:متدين+خلوق+بمسكنه الخاص +عمل مستقر ,وهذا بشهادتكي أنتي
2ميزتكي انتي صغر السن لا غير
1عيوبه:في سن 33
1عيبكي انتي :التردد
بالله عليك كل يوم يمر من عمرك ينقص من ميزيتك وأنتي لا تشعرين ,,
أما هو فبكل بساطة يبحث عن غيرك بنت 19 التي لا تضيع فرصة ولا يوم من عمرها
أما انتظاره لكي حتى تكملين دراستك فهي ميزة حسنة منه إليك بعدم أضاعته لكي من فرصة اكمال دراستكي برأيي لا نقابل الحسنة إلا بمثلها
وفي الأخير هذا الامر بيدكي أنتي فما فعلته أنا معكي إلا إبداءرأي وإسداء نصح أو اضاح لبعض الافكار
دمتي في رعاية الله وحظه

 

[NASRO DZ]

رد: يكبرني ب 14 سنة أنصحوني من فضلكم

وعليكم السلام
اختي بالنسبة لسن عادي
ماشي مشكل
بالعكس ربما هذا الانسان فاهم الدنيا مليح
وعارف واش يدير راه 33 سنة
ماشي كما واحد صغير
وزيد نقلك تاكدي من الاخلاق تعو وصلاتو
وان شاء الله خير
​

 

[برنسسdz]

رد: يكبرني ب 14 سنة أنصحوني من فضلكم

يا اختي انا رايي كما قالوا الاخوة
صلي صلاة الاستخارة و لي فيها الخير ربي يكتبهالك
و العمر ماشي مشكل المهم الاخلاق و التربية

 

[Hakan]

رد: يكبرني ب 14 سنة أنصحوني من فضلكم

واش نقلك يااختي عندي عم الوالدة نتاعي
كان متزوج بخالت الوالدة نتاعي وتوفات الله يرحمها
هو في عمرو 55 وجاب طفلة في عمرها 29
وعادي نورماال
كيما قال الاخ بقايا انساان انت تقولي متدين وانسان مستقر ماديا يااختي السقي قبل لا يفوتك القطاار باسكو اللي في مثل سنك كاين بزااف
مي الرجال اللي كيفو قلال مالا استخيري الله اولا وان شااءالله اللي فيها الخير يقدمهاالك ربي​

 

[نجيب]

رد: يكبرني ب 14 سنة أنصحوني من فضلكم

لا يوجد أي فرق أختي

كل شيء بمكتوب ربي

ان شاء الله دوام العشرة و زواج مبارك بادنه تعالى

​

 

[BLEU PEARL]

رد: يكبرني ب 14 سنة أنصحوني من فضلكم

السلام عليكم
بارك الله في أصدقائي اللماوين
اقرأي كل رد بتمعن أختي
واستخيري الله بعد الولابة والسن مش مشكل يقدر كما دار دار يدير سيارة وبجيبك لداركم
صلي وادعي

 

[همس الوُرود]

رد: يكبرني ب 14 سنة أنصحوني من فضلكم

السلآم عليكم

أنصحك صلآة إستخآرة أختي وربي الي يعآونك~​

 

[الزهرة الحمراء]

رد: يكبرني ب 14 سنة أنصحوني من فضلكم

السلام عليكم اختي
كي يكون اختي ربي يبارك علييه متأدب ومتخلق واش يهمك فالعمر
رانا شفناهم داوهم صغار ولا قدهم وواش دارو اختي الصح هو الخلق ماشي لعمر ولا المال ولا حتى حاجة
وزيدي استخيري ربي
اختي ربي يعطيك ماتتمناي ويسهلك ربي امورك​

 

[fanan4pc]

رد: يكبرني ب 14 سنة أنصحوني من فضلكم

أضن أنو عادي أختي الكريـــمة
أمي وأبي بيناتهم 12 سنة
الحمد لله الآن عندي 2 إخوة و 4 إخوات بنات
الصغيــر فيهم عندها عام ونصف
وكلش راه مكتوب ربي

 

[ضآحكة مستبشرة]

رد: يكبرني ب 14 سنة أنصحوني من فضلكم

اختي العمر ليس عائقا مادام انه انسان خلوق و متحرت
السن عمروا مكان عائق
بالعكس كلما كان اكبر كلما كان افضل
لانه يكون ناضج و متفتح ماشي بز

و شكرا اختيتي
ربي يهنيك​

 

[CHAMEKH]

رد: يكبرني ب 14 سنة أنصحوني من فضلكم

توكلي على الله خاصة وانك انه ذو اخلاق ... خدام لباس عليه المهم تكوني له انت نعم الزوجة وتاكدي انه سيكون لك نعم الرجل ..... والسن الذين تتحدثين عنه ليس بفارق يجعل عدم توازن في العلاقة الزوجية بل سنه يجعله انسان ذو تجربة في الحياة توكلي على الله اختي
​

 

[samah06]

رد: يكبرني ب 14 سنة أنصحوني من فضلكم

انت خايفا
راح تديه والا راح اطيبيه ههههههههههههههههه
المهم اخلاقو وخدمتو وبيتو اذا كنتي مقتنعة بيه
فارق السن مش عذر باه ترفضي

 

[touta04]

رد: يكبرني ب 14 سنة أنصحوني من فضلكم

الاخوة وفاو و كفاو

اختي من ترضون دينه و خلقه هذه هي الشروط اكا العمر فبالعكس في صالحك انوا كبير و

عقلو في راسو هذا هو الاهم اختي

و لا تنسي الاستخارة فان ارتحتي للامر فمبارك لكي و ان رايت امور لا تعجبك فمن حقك الرفض

و العمر لا زال امامك

 

[الرومنسي الجاد]

رد: يكبرني ب 14 سنة أنصحوني من فضلكم

جدي عندو فوق 95 سنة منعرفوش اكزاكت شحال تزوج بوحدة 35 اقل من اصغر بناتو لي هي مآآ و أقل من 4 من حفادو
درنالو عرس و معازيم و دنيا تقلبت ب البارود ووو
عآدي في بلادي والله يهنيك​