- إنضم
- 13 أفريل 2013
- المشاركات
- 14,604
- نقاط التفاعل
- 55,014
- نقاط الجوائز
- 2,455
- العمر
- 32
- محل الإقامة
- قسنطينة
- الجنس
- أنثى
- آخر نشاط
السّلام عليكُم يا ناس اللمة الغاليين
إن شاء الله الجميع بخير
المهم مانطولش عليكم وندخل في الموضوع مباشرة ،
رانا سمعنا قبل ومازلنا نسمعو للآن حكايات خطف ملائكة الرحمن ،
تلقى هاد الناس لي مانسميهمش بشر
ولي الحيوانات حاشاكم ولاو يحشمو لما تربط اسمهم بإسم هادو الناس،
تلقاهم يخطفو طفل صغير ويحرقو كبدة والديه عليه ،
ومن بعد يا إما يولي الطفل هاذا وهو معذب ،
وإما مذبوح وإما مشنوق ، وإما مايزيدش يبان خبرو خلاص ،
وكل واحد والهدف تاعو من الخطف هادا ، كاين لي عندو أسباب شخصية كالانتقام ،
وواحد خلاف يتاجر بالأعضاء تاعو ، وكل واحد وكيفاه ،
المهم هاد الموضوع نعرفوه وسمعنا بيه بزاف ،وماش رايحة نضيف عليه كتر من لي سمعناه،
لي رايحة نحكي عليه درك أنو هاد الناس لي قسات قلوبهم ومادارو حساب لا لربي ولا للعبد ، ماكفاهمش يخطفو الولاد من قدام باب دارهم ومن الأحياء تاعهم ، ولاو يخطفوهم من المساجد لما يروحو يصليو التراويح ؟؟
سبحان الله ، في المسجد لي بيت ربي لي مزيّن بالقرآن ويرتفع فيه كلام ربي ،
و في رمضان هاد الشهر العظيم لي فيه التوبة والرحمة والتسامح ،
تروح تستغل نواياك الشيطانية في هاد الشهر الكريم ، وتخطف ملايكة؟؟ ،
وين رانا رايحين ؟؟ ، هادا الشياطين راهي مرفوعة في هاد الشهر ورانا نشوفو هكا؟؟
يسما العباد لي ولاو شياطين يا لطيف ، هادا بيت ربي وولينا نخافو فيه على ولادنا،
نقول للناس هادو لي راحت الرحمة من قلوبهم خافو ربي في هاد الملايكة ،
ربي يُمهل ولا يُهمل ويجي نهار لي تتكواو بنفس النار وكتر ،
ووين رايح تهرب من عقاب ربي ؟ خافو من ربي يا ناس وخافو من حر جهنم لي
تكوي الجلود و ماكانش منها مفر .
ونقول للوالدين عسو وولادكم وبركاوكم ما تنقلوهم معاكم وين ماتروحو،
خليوهم في الدار يلقاو الأمان ، لأنو المسجد وماولاش فيه الأمان للاسف
اسمحولي إذا طولت عليكم وربي يهدينا ويعافينا ويحفظلنا ولادنا
تحياتي ليكم وصح فطورك
